Kantigou brezonek eskopti Sant-Brieg ha Landreger/a-bezh

Kantigou brezonek eskopti Sant-Brieg ha Landreger

A. Prud’homme, 1934
Skrid a-bezh

KANTIGOU BREZONEK

ESKOPTI SANT-BRIEG HA LANDREGER

Adreizet dre urz

An Aotrou ’n Eskob F.-J.-M. SERRAND

————

GANT AN TONIOU WAR GAN

————

SANT-BRIEG
MOULET E TI A. PRUD’HOMME
Mouler an Eskopti
1934

      Nihil Obstat :
Brioci, die 21^a Novembris 1933.
        Y.-M. BROCHEN.
          Censor ex officio.

Imprimatur :
Brioci, die 24^a Novembris 1933
Eug. LE BELLEC,
Vic. gen.
Archid. Trecorensis.

KANTIGOU BREZONEK

————

N° I. — Ar Veni, Sancte Spiritus.

Spered Santel, Spered a sklerijen
Plijet ganeoc’h ennomp breman diskenn :
A sklerijenn kargit hon sperejou
A garantez tommit hon c’halonou.


1. An Ebestel en eur sal unanet,
   A dari ho kras hoc’h eus gwechall nerzet ;
   Ho pet ’vidomp hevelep madelez
   Ne domp hepoc’h nemet sempladurez.
   
   
2. Gwerc’hez Vari, esperans ar pec’her,
   Pedit Jezuz ho Mab hag hon Salver ;
   Grit d’hon spered intent komzou Doue
   Ha d’hon c’halon o mirout goude se.

N° II. — An Oferenn.

(An ton-man pe an ton XVI)

1. Kinnigomp ar sakrifis man
   Da Zoue, hon Tad ar gwellan
   Sakrifis Jezuz war ar Groaz,
   War an aoter a dremen c’hoaz.
   
   
2. En oferenn, e gwirione(z),
   Korf ha gwad Jezuz, Mab Doue,
   E-lec’h ar bara hag ar gwin,
   Aman dirazoun a welin.
   
   
3. Gant ar beleg e fell d’in-me
   Kinnig ivez an Oan-Doue
   ’Vit adori ’vel m’eo dleet
   An tri Ferson eus an Drinded.
   
   
4. Da drugarekaat an Aotrou
   ’Vit kement a vadelezou,
   Warnoun ha war an holl skuilhet,
   Abaoe m’en deus krouet ar bed.
   
   
5. ’Vit goulenn pardon digantan
   Eus ar pez a zisplij d’ezan
   Ennoun hag en holl bec’herien :
   Ar pec’hejou, ar yenijenn.
   
   
6. ’Vit ma hado bemdez ennomp
   Grasou da grenvaat ac’hanomp
   Enep hon c’horf, an droukspered,
   Hag enep ar bed milliget.

7. Kinnig ’ran c’hoaz ar « Sakrifis »
   ’Vit hon Mamm santel an Iliz,
   Ma trec’ho dre-holl er brezel
   Graet a bep tu d’an Aviel.
   
   
8. Bremasouden, ô ma Salver,
   E tiskennot war an Aoter ;
   Kargit a feiz krenv ma ene,
   Ha ma c’halon a garante(z).
   
   
9. Ho pet sonj, c’houi Gwerc’hez Vari,
   Hoc’h eus e c’hanet ’vidomp-ni,
   Taolit ’ta warnan ha warno(u)n
   Eur sell a vamm, sell ar galon.
   

---

N° III. — An “ Adoro te ”.

Ton : Adoro te.

1. M’hoc’h ador gant doujans, o Doue kuzet,
   A chom aman gwir-mat en osti sakret ;
   Holl, d’anzav oc’h enni e pleg ma c’halon,
   Hep gortoz kompren eur mister ’zo ken do(u)n.
   
   
2. Lagad, dorn ha genou a fazi ama,
   Met ’dal m’hoc’h eus komzet, me gred hep krena(n) :
   Penaos ne gredfen ket lavar Mab Doue ?
   Gwiroc’h ’vit e gomz n’eus ket eur wirione(z).
   
   
3. Er groaz en em guzec’h ’vel Doue hepken ;
   Aman ez oc’h kuzet ’vel Doue ha den :
   C’houi, ma Salver Jezuz, C’houi eo koulskoude,
   Ha gant feiz al laer mat ho pedan ive(z).
   
   
4. Gouliou ho korf sakr Tomaz o gwele ;
   Hep gwelout me ho kalv ma Mestr, ma Doue,
   Grit ma kresko em ene ar feiz bemdez,
   Koulz, vel an esperans, hag ar garantez.
   
   
5. Osti a zegas sonj eus maro Jezuz,
   Bara leun a vuhez, d’am ene magus,
   Bezit c’houi ma bevans, ha grit d’am spered
   Kavout ennoc’h blaz mat, blaz Doue bepred.
   
   
6. Pellikan truezus, ma Zad, ma Aotrou,
   Am gwalc’hit en ho kwad diouz ma fec’hejou :
   Eur strink hepken a c’hall gwalc’hi holl ar bed,
   A gement pec’hed a zo hag a zo bet.

7. O Jezuz, d’am sellou breman goloet,
   Ar c’hoant ’m eus d’ho kwelout, grit ma vo torret ;
   Ho kwelout azezet e lein an Nenvou,
   Evel m’ho kwél eno ar Sent hon tadou. Amen.
   

---

N° IV. — D’ar Gorreou.

1. Me ho salud, Korf ma Salver,
   Zo diskennet war an Aoter ;
   Ennoc’h ar bara zo chenchet,
   Ha ganeoc’h c’houi e vin maget.
   
   
2. Me ho salud, Gwad ma Salver
   ’zo ’lec’h ar Gwin, war an Aoter ;
   C’houi evidoun ’zo bet skuilhet,
   Deut d’am gwalc’hi a bep pec’hed.
   

(Pe don CXVI)

---

N° V. — An “ O Salutaris ”

1. O Jezuz, o Osti santel,
   A zalc’h digor porziou an Nenv,
   Spontus ouzimp e sav brezel,
   Roit d’imp nerz hag e vimp krenv.
   
   
2. Setu c’houi deut war an Aoter,
   E-lec’h ar gwin hag ar bara
   Evit ’n em rei, o ma Salver,
   D’hon eneou ’vit o maga.
   
   
3. D’an tri Ferson ’zo e Doue,
   Gloar a-berz ar grouadurien :
   Gras d’imp d’o gwelout hepdale,
   En hon gwir vro da virviken.
   

Amen, Amen, Amen !

---

N° VI. — War an Aoter.

1.

War an Aoter
Piou a welan o tisken ?
Jezuz ma mestr, gwir Doue ha den,
War an Aoter ;
Hen gouzout a rañ,
C’houi, Jezuz, a zo amañ ;
War an Aoter.

2.

Dre garantez
Ouz ar Groaz c’houi voe staget ;
En eur vervel hoc’h eus hon prenet
Dre garantez :
Aman c’hoaz bemdez
D’in e tegasit buhez,
Dre garantez.

3.

Me hoc’h ador
JVel ar bastored gwechall
E Betleem, ’kreiz an noz tenval ;
Me hoc’h ador,
’Vel ar Vadalen
War ar C’halvar ’n ho kichen,
Me hoc’h ador.

4.

Me a garfe,
’Vel ar c’hreuzeul arc’hantet,
En hoc’h iliz chom ganeoc’h bepred,
Me a garfe
Santout ma c’halon
Mui ouz mui gwrezus enno(u)n.
Me a garfe.

5.

O ma Jezuz,
Ho pinoz a c’houlennan ;
Ar bed ’zo fall, ha me ’zo ken gwan,
O ma Jezuz,
Roit d’in hirie
Nerz da servija Doue,
O ma Jezuz.

---

N° VII. — Sakramant an Aoter.

1 O Sakramant ar c’haera ’lec’h teu Doue d’hon maga ; Jezuz a zo amañ c’hoaz Koulz ha gwechall war ar Groaz. 2 D’an ebestel ’lavare Ha d’ar veleien goude : « Hemañ eo ma c’horf, debrit, Hemañ eo ma gwad, evit. » 3 Ar beleg, er gorreou, ’Lavar hevelep komzou : Kerkent ha ken alies Jezuz a sent ouz e vouez. 4 Ha n’eus ken war an Aoter Nemet Korf sakr hon Salver : E Gorf, ’lec’h ar bara-kann, Elec’h ar gwin, Gwad an Oan. 5 Ar spesou o deus miret O liou, o blaz ’vel bepred ; Kuzet bremañ dindane Eman Korf ha Gwad Doue. 6 Diaes e vefe kompren… Kredi a dleomp hepken : Ha gant feiz krenv hon ene, E c’hallimp gwelout Doue.

7 Jezus en daou spes a zo Den ha Doue war eun dro : ’n e bez er spes a vara, Er spes a win memes tra. 8 Dont a ra d’hon ilizou Hep kuitaat lein an Nenvou ; Er burzud-se e welomp Pegeit e kar ac’hanomp ! 9 Neb en em gav e gwall stad Hag a gred velkent tostaat, A ra sur eun torfed bras Henvel ouz hini Judaz. 10 Neb a gemer e stad vat Korf hon Salver hag e Wad, Gantan a zo unanet A galon hag a spered. 11 Ra vo ganimp adoret Jezuz ouz e Groaz staget ; E adoromp en Nenvou Ha war e holl aoteriou. 12 E pep lec’h, e pep amzer, Meulomp Jezuz, hon Salver ; Dreist-holl karomp anezan Er Sakramant ar c’haera(n).

Amen

N° VIII. — Aktou kent ar Gomunion.

1. Me gred ec’h an da zegemer
   Jezuz ma mestr ha ma Salver,
   Jezuz gwir den ha gwir Doue,
   Er Sakramant a garantez.
   
   
2. Doue ar Barfetded wirion,
   Me ho kar a greiz ma c’halon
   Ma nesa a garan ive(z)
   Abalamour d’eoc’h, ma Doue.
   
   
3. Siouaz, siouaz, petra oun-me
   Da dostaat ouzoc’h, ma Doue,
   Ne doun nemet eur pec’her kaez,
   Met c’houi zo leun a vadelez !
   
   
4. Pegement ne fell ket d’in-me
   Degemer bara an ene !
   Dizec’ha ran gant ar sec’hed
   Ken na vezin ganeoc’h maget.
   
   
5. Gwerc’hez c’houi hoc’h eus e roet
   Er c’hraou gwechall d’ar bastored,
   Eus ho torn fell d’in degemer,
   Em c’halon hirie, ma Salver.
   
   
6. Eur sell c’hoaz, eur sell truezus
   Ouz ma ene, o ma Jezuz,
   A-raok diskenn, gwalc’hit ennon
   Kement a ra poan d’ho kalon !
   

N° IX. — Aktou goude ar Gomunion.

1. Doue eternel, leun a c’hloar,
   Krouer an Nenv hag an douar,
   M’hoc’h ador breman em c’halon
   Gant feiz ha gant doujans wirion.
   
   
2. Penaos ’c’hallin-me, pec’her kaez,
   Trugarekaat ho madelez ?
   Ne welan netra em ene
   Nemet pec’hed ha paourente(z).
   
   
3. A greiz ma c’halon, ma Doue,
   M’ho kar hag ho karo bemde(z).
   Abalamour m’eo d’eoc’h dleet
   Dreist pep tra holl beza karet.
   
   
4. Me ’ginnig d’eoc’h, o ma Doue,
   Ho Mab, ma Mestr ha ma Roue ;
   Me ’ginnig eus ma faourente(z),
   Ma c’halon, ma c’horf, ma ene.
   
   
5. O ma Jezuz, sellit ouzin
   Roit d’in ar pez a fell d’in ;
   Ar c’hras d’ho servija bepred,
   Hag ar c’hras da chom hep pec’hed.
   
   
6. Ma Jezuz, binniget ive(z)
   An Iliz gant he hugale,
   Ma bro, kristen, ma mignoned,
   Ha d’o heul ma enebourien.
   

---

N° X. — Deut holl ha deut gant feiz.

1 Deut holl ha deut gant feiz Deut d’ar pred ken talvoudus Galvet oc’h gant Doue Da zebri ouz taol Jezuz           Jezuz ! Baradoz an ene Eo chom ganeoc’h noz-deiz. 2 Ma c’hoantait madou, Aman eman an tenzor Tenzor hag o lako Pinvidikoc’h ’vit ar mor,           Jezuz ! Perc’henn an holl vadou Ha mestr an holl c’hrasou. 3 Aour hag arc’hant ’zo berr, Ne dint nemet paourente(z) E-kichen ar prof kaer A ginnig d’imp Mab Doue,           Jezuz ! A ro d’imp e holl vad ’vit hon pinvidikaat. 4 Korf ha gwad hag ene, Jezuz en osti kuzet, Gwir den ha gwir Doue, A vezo danvez ar pred           Jezuz ! Ha c’hoaz pec’her divat Ne brisez ket tostaat ! 5 M’ e wel war an Aoter, Devet gant ar garante(z), O c’hortoz ar pec’her. Evit tonama e ene,           Jezuz ! O c’houlehn hon c’halon Evit beza a dron.

6 Goude poaniou ken bras Gouzanvet war ar C’halvar, En deus teurvezet c’hoaz Chom ganimp war an douar           Jezuz ! Evit maga bemde(z) Hon c’horf hag hon ene. 5 Holl sent eus an Nenvou Prestit d’in ho karante(z), Roit d’in ho kalonou Evit karout ma Doue,           Jezuz ! A glask diskenn ennon Dre ar gomunion ! 8 Met siouaz ! pa sonjan Penaos em eus glac’haret Ar Mignon ar gwella(n) Hag ar feala pried,           Jezuz ! Gant gwir geuz em c’halon, E c’houlennan pardon ! 9 Nann, nann, ne dlean ket, M’hen anzav gant karantez, Goude beza pec’het, Debri bara an aelez,           Jezuz ! C’houi eo ar santelez Ha me eur pec’her kaez ! 10 Enor da virviken E Sakramant an Aoter D’an Doue a ziskenn Dindan spesou ken dister,           Jezuz ! Ra vo dre-holl meulet Ha gant an holl karet !

N° XI. — C’hoant ’m eus da Virviken.

1. C’hoant ’m eus da virviken d’ho karout o ma Jezuz
   Jezuz gwri vab Doue ma Salver madelezus
   
   Diskan : O ma Jezuz o ma c’harantez
                 Bezit em c’halon ha bemnoz ha bemdez.
   
   
2. Ma Jezuz, c’houi ’zo mat, c’houi a zo trugarezus,
   Ma Jezuz, c’houi ’zo dous, c’houi a zo karantezus.
   
   
3. Betek breman, siouaz ! Kalz amzer am eus kollet
   Gant traou dister ar bed ken e oan gante dallet.
   
   
4. Met breman, ma Jezuz, me a ro d’eoc’h ma ene,
   Ma c’horf ha ma c’halon ’keit ma chomin e buhe(z)
   
   
5. O pebez karantez hoc’h eus c’houi bet, ma Salver,
   Da veza bet skuilhet ho kwad evit ar pec’her !
   
   
6. Goude mervel ’vidomp er Groaz war lein ar C’halvar,
   E chomit c’hoaz ganimp d’hon maga war an douar !
   

7. Pegen euzus eta, pegen foll eo ar pec’hed,
   P’en deus lazet Jezuz, ma Dasprener binniget !
   
   
8. O pec’hed milliget ! birviken mui n’am zrec’hi,
   N’em bezo ken ouzit nemet euz ha kasoni.
   
   
9. Pegoulz e welin-me an holl oc’h ober brezel
   E pevar c’horn ar bed d’an holl bec’hejou marvel !
   
   
10. Setu mee koulskoude, ma Jezuz, paour ha dister,
    N’hallan ket pell mont eeun ma n’am renit, ma Salver.
    
    
11. ’Vit heulia ho lezenn ha plega ma gwall dechou,
    Em eus ezomm bemdez eus ho nerzusa grasou.
    
    
12. Grit eta, me ho ped, d’in ma-unan ma varvin
    Hag evidoc’h hepken em holl amzer ma vevin !
    
    
13. N’em eus ken, o Jezuz, c’hoant ebet war an douar
    Nemet mont davedoc’h gant an aelez en ho kloar.
    

---

N° XII. — O ! na hir eo an noz.

Diskan

O na hir eo an noz pegoulz e teuy an deiz
Ma ’z in da zegemer Jezuz ma c’harantez
O na hir eo an noz pegoulz e teuy an deiz.


1. Tommit ma c’halon baour d’ho kemer, ma Doue;
   Kreskit ennoun feiz, esperans ha karantez,
                 Tommit…
   

2. Dihun ha sav, ma c’horf, deomp betek Jezus,
   Me ’glev ouz ma gervel e vouez karantezus.
                 Dihun…
   
   
3. Pegoulz e vi erru, o hent, na hir out-te !
   War lein ho tiouaskell, Aelez, ma dougit-me.
                 Pegoulz…
   
   
4. Bez leun a levenez, em c’hreiz, o ma ene,
   Gwelout a ran ’velkent ti santel ma Doue.
                 Bez leun…
   
   
5. O iliz vinniget digor huan da zor
   Ma ’z in betek Jezuz : hen eo ma holl denzor.
                 O iliz…
   
   
6. Diwar dreuzou ho ti, Jezuz, ho saludan,
   Eur pec’her eveldoun a dlefe chom aman…
                 Diwar…
   
   
7. Me ho salud ivez, sent hag aelez eurus,
   A zo en iliz-man tro-war-dro da Jezuz.
                 Me ho…
   
   
8. Armel sakr alaouret te ’zo tron ma Roue,
   Setu ma taoulinan dirazan ’vel Doue.
                 Armel…
   
   
9. Jezuz, me hoc’h anav dre zaoulagad ar Feiz :
   An osti pa welan, me ho kwel en he c’hreiz.
                 Jezus…
   
   
10. Diskennit o Jezuz, eus an Aoter breman,
    Diskennit em c’halon, diskennit d’am maga(n)
                  Diskennit…
    
    
11. Jezuz a zo ganin ha me ’zo gant Jezuz,
    Nemet er Baradoz netra ken dudius.
                  Jezuz…
    
    
12. A-vreman, ma Jezuz, c’houi hepken a garin,
    Dalc’hmat em ezommou c’houi hepken a glaskin.
                  A-vreman…
    

---

N° XIII. — Aelez eus ar Baradoz.

1. Aelez eus ar Baradoz, sellit pebez enor
   A ra dimp er Sakramant Jezus hon Redemptor
   Eur wech evit hor prena ez eo bet inkarnet
   Ha bemdez ’vit hon maga ganimp e chom bepred.
   
   
2. Mari, gwir Vamm da Jezuz, Mari, ma Mamm dener,
   Ma sikourit da gemer ho Mab ha ma Salver :
   Me ne doun siouaz netra, netra nemet pec’hed,
   Met ennoc’h ec’h esperan, o ma Mamm vinniget !
   
   
3. Krouer an Nenv, an douar, war an Aoter Bemdez,
   Dre gomz nerzus ar beleg a ziskenn a-nevez :
   Eun Doue kalz uheloc’h eget bolz an nenvou,
   En em izela ’vit dont betek hon c’halonou.
   
   
4. Eun Doue bet a-viskoaz hag a vo da viken,
   Eun Doue n’eo ar bed holl ’vel netra ’n e gichen.
   En em lez gant ar beleg da veza diblaset,
   Evit diskenn e kalon ar paoura eus ar bed !
   
   
5. O burzud ar souezusa e-touez ar burzudou,
   O burzud n’hall ket kompren ar c’haera sperejou :
   Evit gounit kalonou ho pugale dic’hrad,
   O magit, o ma Jezuz, gant ho korf hag ho kwad !
   
   
6. Nann, ouz eur bugel karet, ar vamm an denera,
   Biskoaz na zeuas kement he c’halon da domma :
   Goude ken bras karantez, piou a c’hallfe chom yen
   E-kenver Jezuz ken mat ’vit e grouadurien !
   
   
7. Mar deo dister kalonou ar sent hag an aelez,
   Evit karout eun Doue ken din a garantez,
   Penaos ’teurvezit, Jezuz, dre ar gomunion,
   E kalonou ken sklaset dont da ober ho tron ?
   

8. Penaos kredi daoulina ouz taol sakr eun Doue,
   Goude beza e boaniet kement ’pad hon buhe(z) ?
   D’eoc’h, Jezuz, bet evidomp, ken mat, ken kalonek,
   E kinnigomp kalonou, siouaz, dianaoudek !
   
   
9. Koulskoude pa ’z omp galvet da gemer lod ’n ho pred
   Dre eur gomz a drugarez peurwalc’hit hon pec’hed :
   Teuzit skorn hon c’halonou gant tan ho karante(z),
   Leun a joa hag a fizians e tostaimp neuze.
   
   
10. Pebez eürusted breman pa santin em c’halon
    Jezuz o veva ganin evel eur gwir vignon :
    E ene gant ma ene muioc’h en em vesko,
    Gant ma gwad em izili e wad neuze ’redo.
    
    
11. Prestit d’in ho tiouaskell, ma Ael mat soursius,
    Ma nijin evel eur goulm etre divrec’h Jezuz ;
    Me roy d’ezan ma c’halon, hen roy d’in e hini.
    Ha gantan e tiskuizin e peuc’h ha dizoursi.
    

---

N° XIV. — Me Hoc’h ador, ma Jezuz.

Diskan : O pegen bras karantez 𝄌
(ad lib.)

1. Me hoc’h ador ma Jezuz eus a greiz ma c’halon
   C’houi eo Doue ma C’hrouer, c’houi zo den eveldoun
   O pegen bras karantez kemer hon sempladur
   Hag er Sakramant santel beza hon magadur.
   
   
2. Dister edoc’h en eur c’hraou e-touez al loened mut,
   Dinerz, ouz ar Groaz staget, ha nac’het gant an dud ;
   Aman pa sellan ouzoc’h, izeloc’h ho kwelan,
   Pa selaou ma diouskouarn, mouez ebet ne glevan !
   
   
3. A-dreuz d’ar spesou tromplus ma c’halon koulskoude,
   Ho klask, ho kav, hoc’h anav, ma zad ha ma Roue :
   C’houi eo bugel Betleem, micherour Nazared,
   Prenour ha perc’henn ar bed, eil berson an Drinded !
   
   
4. Pa sonjan ez oc’h Doue, e krenan dirazoc’h ;
   Er c’hraou ha war an Aoter n’em eus ket aon ouzoc’h ;
   Trugarez ’ta ma Jezuz, da veza diskennet
   En hon touez, en iliz-man, ’vit chom ganimp bepred.
   
   
5. Er park ’pad ma labouromp da c’hounit hon buhez,
   Ho lagad tener hon heuilh dreist reier ha menez ;
   Pa gemer hon izili diskuiz e-pad an noz,
   Eus an Aoter ho sellou a bar war ar barroz.
   
   
6. Kaer ’m eus, n’hallan ket tremen, nann, hep skuilha daerou,
   Pa sonjan ’n ho madelez, ma Jezuz, ma Aotrou,
   Pa welan ho karantez evit ar bec’herien
   En ho kenver koulskoude ken dizeblant ha yen !
   
   
7. D’eoc’h eo an erv hag ar greun, ar prad hag al loened,
   Ni ’zo mevelien ho ti, gant eneou sklaset,
   Sklaset dindan an avel a c’houez eus an ifern ;
   Eno, mar n’hon diwallit, e kouezimp bern-war-vern !
   
   
8. Mirit hon teod ’n hon genou evit na finvo ket
   Da gomz dirak an nesa komzou an droukspered :
   Renit hon daouarn, hon treid, ha dreist-holl hon ene,
   Ma vo hon erv eeun ha leun ha kaer an eost goude !
   
   
9. Ha goude beza poaniet dirazoc’h er bed-man,
   Goude beza pedet stank en hoc’h iliz aman,
   Dirak ho tron en Nenvou, d’eoc’h ni holl a gano
   Kan an anaoudegez vat, ’vel ma kaner eno.
   

N° XV. — Adoromp holl e Sakramant an Aoter.

1. Adoromp hol e Sakramant an Aoter
   Gwir Vab Doue Jezuz hon mestr hon Salver
   Sperejou eürus ni ho ped da zisken
   D’e adori ganimp d’e veuli da viken
              d’e veuli da viken.
   
   
2. En em c’hraet den evidomp dre drugarez,
   Hag en osti ’n em guzet dre garantez,
   Deut, ma Salver Jezus, diwar an Aoter-man
   Da rei d’imp breman, ho pennoz ar wella(n)
              Ho pennoz ar wella(n).
   
   
3. Enor ha gloar ha karantez hollbadus,
   D’an tri ferson eus an Drinded eürus :
   D’ezo gloar, meuleudi, ha bemnoz, ha hemde,
   E-pad an hôll amzer hag an eternite,
              Hag an eternite.
   

N° XVI. — A-vreman betek ar maro.

1. A-vreman betek ar maro
   meulomp Jezuz hag e ano
   Ra vo karet e peb amzer
   Hag adoret war an aoter
   
   
2. D’ar bobl ’zo aman, ma Salver,
   O kana dirak hoc’h Aoter,
   Teurvezit rei, gant ho pennoz,
   Nerz d’ho servija deiz ha noz.
   
   
3. Enor d’an Tad ha d’ar Spered
   Dre-holl, dalc’hmat, evel m’eo dleet :
   Ha da Jezuz-Krist, hon Salver,
   Er Sakramant eus an Aoter.
   

---

N° XVII. — Meulomp holl da viken

Diskan

Meulomp holl da viken
Jezuz gwir Doue ha den.

1

Aelez eu ar baradoz
Kanomp gloar d’hon Aotrou
Hag eus e holl c’hrasou
D’ezan mil ha mil bennoz.

2

Biskoaz tad ne voe gwelet
Ouz bugale ken mat,
Ken soursius dalc’hmat
D’o diwall korf ha spered.

3

Pastor karantek-meurbet
Na sell ket ouz e boan,
Klask a ra hep ehan
An danvad kaez dianket.

4

Lamet en deus an anken
A-ziwar ma spered,
Trec’h d’am c’horf ha d’ar bed.
Torret en deus ma chadenn.

5

Pareet ’n deus ma ene,
Hen an holl vadelez,
Iïa ma magadurez,
Mar karan. ’vo ma Doue.

6

Skuilha a ra hep skuiza(n)
E c’hras bemdez warnoun ;
Hag e-kreiz ma c’halon
Eman ma Salver breman.

7

Hen eo ma finvidigez,
Ma nerz ha ma skoazell :
Rak-se betek menrel
E kanin, e vadelez.

---

N° XVIII. — Meulomp e pep amzer.

Ton : XVII

Diskan

Meulomp e pep amzer
Kalon Jezuz hon Salver.

1

Me ho meul, o ma Jezuz,
C’houi hoc’h eus ma c’hrouet,
C’houi hoc’h eus ma frenet,
C’houi am mag, o ma Jezuz

2

Mil bennoz d’eoc’h, o Jezuz.
C’houi a zo ma fastor,
C’houi a zo ma zenzor
C’houi ’zo ma holl vad, Jezuz.

3

Pec’het em eus, o Jezuz,
Alies em buhez :
C’houi hoc’h eus bet truez
Ouz-ma stad, o ma Jezuz.

4

Ma ene paour, o Jezuz,
Ganeoc’h ’zo bet gwalc’het,
Breman eo kaer-meurbet
Dre ho kras, o ma Jezuz.

5

Ma skoazellit, o Jezuz,
Ar rest eus ma deiziou,
E-kreiz ma holl boaniou,
Bezit ganin, ma Jezuz.

6

Hastit, hastit, o Jezuz,
Terri ma chadennou :
Na pegoulz en Nenvou
Ho meulin, o ma Jezuz.

7

Meuleudi d’eoc’h, o Jezuz,
Dre-holl, e pep amzer ;
C’houi ken mat ’n hon c’henver,
Meuleudi d’eoc’h, ma Jezuz.

---

N° XIX. — Enor ha gloar.

Diskan

Enor ha gloar da virviken
Da Jezuz-Krist Doue ha den
Roue Tad e grouadurien.


1. Krouet en deus bet an aelez
   d’e servija gant levenez
   d’hon mirout dalc’hmat ha bemdez
   
   
2. Dre nerz e vrec’h hollc’halloudus,
   E hadas ar stered lintrus,
   Tro-war-dro d’e dron peurbadus.
   
   
3. Eur gomz hepken hag e teuas
   An dour da veza ar mor bras :
   Dizec’h an douar a chomas.
   

4. War ar parkou noaz hag hudur
   Kerkent e ledas a glazur,
   Bleuniou ’n e douez ha magadur.
   
   
5. An den ivez ’zo graet gantan,
   Kement hon eus a zo d’ezan,
   Koulz er bed all hag er bed-man.
   
   
6. E deiz ar Varn, hen a hejo
   Hag a zrailho ’vel ma karo
   Heol ha stered, bev ha maro.
   
   
7. O Pegen krenv dourn hon Roue !..
   Krenvoc’h e gavan koulskoude
   Pa sonjan en e garante(z).
   
   
8. Diskenn ’ra ’n eur c’hraou evidomp,
   Paour ha sempl e vev eveldomp,
   E vouez a gelenn ac’hanomp !
   
   
9. Mervel a ra war ar C’halvar
   Evit bugale ken digar
   Stag’ o c’halon ouz an douar !
   
   
10. Chom ’ra dalc’hmat war an Aoter
    Dindan spesou mut ha dister,
    Gant aon da sponta ar pec’her !
    
    
11. Ha goude eun nebeut poaniou,
    Skanvaet gant e holl c’hrasou,
    E tigor d’imp dor an Nenvou !
    
    
12. Mari e Vamm hag hon Mamm vat,
    Deut ganimp da drugarekaat
    Jezuz hon Roue hag hon Tad !
    

---

N° XX. — O Kalon Sakr

1. O Kalon sakr eus ma Jezuz
   Kalon meurbet karantezus
   Plijit selaou ar pedennou
   A sav eus kreiz hon c’halonou.
   
   
2. C’houi eo ar vammenn dalvoudus,
   Eus ar grasou krenv ha nerzus
   A c’hallan Kaout da bep mare
   ’vit derc’hel buhez em ene.
   
   
3. O kalon Sakr c’houi ’zo eun nor
   Hag a welan bepred digor,
   Da zegemer ar bec’herien,
   Pa ouzont ober pinijenn
   
   
4. Bet oun, siouaz, o ma Salver
   Dianaoudek en ho kenver :
   Sellit ous ma ene dic’hrad,
   Distrei a ran a galon vat.
   
   
5. Torret em eus lezenn Doue.
   Kant ha kant mil gwech em buhe(z) ;
   Muntrer euzus, bugel divat,
   Treuzet em eus kalon ma Zad !
   
   
6. Pastor mat c’houi hoc’h eus klasket
   An danvad a oa dianket,
   Setu hen o c’houlenn Pardon,
   Digorit d’ezan ho kalon.
   
   
7. Stouet holl betek an douar,
   Hon c’halon rannet gant glac’har,
   (Lavaromp d’ezan, truezus :)
   Pardon, Pardon, Kalon Jezus !
   
   
8. Pardonit d’imp-ni Kristenien
   An diegi, ar yenijenn
   Hon eus het ouzoc’h, keit amzer,
   Er Sakramant eus an Aoter.
   
   
9. Pardonit c’hoaz au torfejou,
   An dismegans, ar blasfemou,
   Graet enep d’eoc’h gant an dud rall,
   Ken gwaz hag er C’halvar gwechall !
   

10. Me a garfe em gwad gwalc’hi
    Eus ma c’halon ar falloni :
    Da vihana me a ouelo
    D’ezi betek eur ma maro.
    
    
11. Ouspenn se en hoc’h ilizou
    Gant doujans ’larin pedennou :
    Alies er gomunion
    E tigorin d’eoc’h ma c’halon.
    
    
12. An oferenn c’hoaz a glevin
    Ken alies ha ma c’hallin :
    Eno e kinnigin d’ho Tad
    Ho kalon bev ha leun a wad.
    
    
13. Ho pet sonj ivez, ni ho ped,
    Eus kalon ho mamm bet treuzet,
    E-harz ar Groaz gant seiz kleze
    Dre an nerz eus he c’harante(z).
    
    
14. Unanomp breman hon moueziou,
    Lavaromp dre hon c’hantigou :
    Gloar d’ho Kalon, Salver Jezuz,
    Gloar d’ho Kalon, Mamm druezus.
    

---

N° XXI. — Da galon Jezuz.

2. C’houi hoc’h eus dihahet an danve(z)
   A vev em izili breman ;
   C’houi hoc’h eus krouet d’in ma ene,
   ’vit m’hoc’h anavezin gantan ;
   Ha goude ken espar donezon,
   Hoc’h eus graet eur burzud nevez :
   Kuzet hoc’h eus ennoun eur galon,
   Ma c’hallin ho karout ivez. (2 w.)
   
   
3. Kemeret hoc’h eus bet en hon touez
   Daouarn da c’houren ouz Satan,
   Daoulagad da glask e-mesk an drez
   An denved touellet gantan ;
   Diouskouarn ’vit klevout hon c’hlemmou,
   Eur vouez da rei d’imp ali mat,
   Hag evit poueza hon ezommou,
   Eur galon domm ha leun a wad. (2 w.)
   
   
4. Lein ar C’halvar a zo bet ruziet,
   Gant gwad Jezuz a zistrilhe
   Dre bemp gouli truezus-meurbet
   Toullet a-hed ar vammen-se.
   O pegen kriz gwelout eun Doue
   Stag ouz eur groaz etre daou laer
   N’eo ket an tachou houarn ho talc’he,
   Met ho karantez ’n hon c’henver. (2 w).
   
   
5. Na pegeit so en hon ilizou,
   E-teuit seul gwech m’ho kalver ;
   Ha ’vel an aelez en Nenvou,
   En em blijit war an Aoter
   

Ho prasa plijadur koulskoude
Eo diskenn en hon c’halonou
Ha keja e gwad ho pugale
Ar gwad a red en ho memprou. (2 w.)


6. War-lerc’h madoberou ken souezus
   E-kenver eur paourkaez pec’her.
   Ne glaskit ken ennoun, ma Jezuz,
   Nemet ma c’halon degemer :
   D’eoc’h he gouestlan evit birviken,
   ’vit he mirout renit enni :
   Mervel a rin sioul ha dianken,
   Gant ho kalon bev em hini. (2 w.)
   

---

N° XXII. — Eur c’hantig all da Galon Jezuz.

Diskan

Enor war an douar evel e lein an Neñvou
Da galon hon Salver kel leun a garantez
A bevar c’horn ar bed savomp uhel hon moueziou
Kanomp holl meuleudi da galon hon Doue
Kanomp holl meuleudi da galon hon Doue

1

D’e Galon neb a rend enor
      Nag e ve pec’her
He c’hav bepred digor
      ’vit e zegemer.

2

Koulskoude neb a chom amzent
      Kaer en deus pedi,
Ne gerz ket war an hent
      A ya betek hi.

3

Mar poaniomp d’ober hon dever,
      Jezus hon miro
En e Galon dener
      Betek ar maro.

4

Kalon Sakr, ni fell d’imp breman
      Ha da virviken,
Ho selaou, ha beva
      Hervez ho lezenn !

---

N° XXIII. — Dirak skeuden ar Galon sakr.

Diskan

Ni holl hirie digant Doue
A c’hortoz gras ha pardon
Pebez tenzor a zo digor
O Jezuz en ho kalon

1

      Deut tud santel
      A vouez uhel
Kanomp holl kanomp joaüs
      Gloar trugarez
      Ha karantez
D’ar galon Sakr a Jezuz.

2

      Eus ar gouli
      A splann enni
E sav ar flamm ar c’haera ;
      Gwir sklerijenn
      ’vit ar c’hristen
Jezuz ro d’imp da heulia.

3

      Ar groaz savet
      Ar gwad skuilhet,
Ar spern a red tro-war-dro,
      A gomz ouzimp,
      A lavar d’imp :
Ho pet sonj eus e varo.

4

      Gant an Aele(z)
      Evel Doue
Jezuz, c’houi zo enoret :
      War an douar
      ’z eus tud klouar,
Ouzoc’h ivez tud skournet

5

      War an Aoter,
      E pep amzer,
Ganimp aman c’houi a chom
      D’hon parea
      Ha d’hon maga,
D’hon c’hlevout e peb ezomm

6

      Hag alies,
      Na pebez mez !
Kristen eno ne weler.
      Er Sakramant
      Piou ’ra seblant.
Ouz eur Galon ken tener ?

7

      Kalon Jezuz
      Trugarezus,
Sellit ouzimp gant truez :
      D’imp ho skoazell
      Ouz pep avel,
Breman ha ’pad hon buhez

8

      D’hon c’huzat do(u)n
      En ho kalon
Ni a zeu d’hoc’h aspedi :
      Bepred eno
      Neb a chomo
D’an Nenv ’yelo sur d’ho meuli.

N° XXIV. — Karantez ar Galon-Sakr.

1. Jezuz, a holl viskoaz ennon hoc’h eus sonjet,
   Jezuz, a holl viskoaz c’houi hoc’h eus ma c’haret.
   
   

Diskan

O Kalon Sakr Jezuz, Kalon Sakr ma Doue
Entanit ma c’halon gant tan ho karante.


2. Petra ho touge c’houi da rei d’in ar vuhez
   Petra ho touge c’houi nemet ho karantez ?
   
   
3. Perak eus lein an Nenv emoc’h c’houi diskennet
   E Kraouig Betleem ? Rak m’ hoc’h eus ma c’haret.
   
   
4. Jezus, war ar C’halvar, pe liamm ho talc’he,
   Astennet war ar groaz ? Liamm ho karante,
   
   
5. Petra a felle d’ac’h en eur sevel d’an Nenv ?
   Digori ’r Baradoz d’ho pobl a garante.
   
   
6. Ganimp war an aoter perak emoc’h chomet ?
   N’hallet ket dilezel ho pugale karet.
   
   
7. O Jezuz, pa-z-eo gwir n’houllet met karante
   Perak eta, Jezuz, perak n’ho karan me ?
   
   
8. Jezuz, beteg breman, mar n’em eus ho karet,
   Ho karout e fell d’in, hag ho karout bepred.
   

N° XXV. — An anjeluz.

1. Eun arc’hael deut eus an Nenvou
   Da Vari a berz an Aotrou
   A gemmenas ’oa dibabet
   Evit mamm da Salver ar bed.
   
   
2. Mari a lavaras neuze :
   « Servijerez oun da Zoue ;
   Em c’henver eta bezet graet
   Ar pez hoc’h eus d’in diskleriet. »
   
   
3. An eil Person eus an Drinded
   Kerkent den a zo en em c’hraet,
   Bevet en deus war an douar
   A-raok mervel war ar C’halvar.
   
   
4. Pedit, Gwerc’hez, Mamm Doue
   Evidomp holl ho pugale.
   Ma c’hounezimp kaout ar grasou
   ’ginnig d’imp Jezuz, hon Aotrou.
   

---

N° XXVI. — An Anjeluz : O pia !

Angelus Domini nuntiavit Mariae,
Et concepit de Spiritu Sancto.

1. Ni ho salud gant karantez
   Mari Rouanez an aelez
   C’houi a zo binniget, o pia !
   Hag a c’hrasou karget, Ave Maria !
   
   Ecce ancilia Domini,
   Fiat mihi secundnm verbum tuum.
   
   
2. Ra vezo meulet ho pugel
   E pep lec’h, o Gwerc’hez santel :
   Ranomp gant an aelez, o pia !
   E veuleudi bemdez, Ave Maria…
   
   Et Verbum caro factum est,
   Et habitavit in nobis.
   
   
3. Diganeoc’h ivez ni c’houlenn
   Ho sikour pa vimp o tremen,
   M’hon bo digant Jezuz, o pia !
   Eur maro mat, eürus, Ave Maria…
   
   Ora pro nobis Sancta Dei Genitrix,
   Ut digni efficiamur promissionibus Christi.
   Oremus, Gratiam…
   

---

N° XXVII. — Anjeluz sul fask.

Ton all

1. En em frealzit evit mat
   O Rouanez an Neñvou,
   Sec’hit breman ho taoulagad
   Ha stankit ouz ho taerou
   Bev eo ho Mab ennomp ’zeus stad
   Kanomp e veuleudiou.
   
   
2. Alleluia, o pebez joa,
   D’eoc’h-c’houi, Mamm a garantez !
   D’imp-ni ivez, Alleluia,
   Pebez laouenidigez !
   O welet hon salver karet
   A varo da vev savet.
   
   
3. Gwerc’hez santel, bezit joaus,
   Ho kalon ’zo dizammet :
   A varv da vev eo deut Jezuz,
   Evel m’en doa lavaret ;
   Ha breman, Mamm drugarezus,
   Ra vimp ganeoc’h difennet !
   

N° XXVIII. — Anjeluz amzer bask.

Ton : O Filii, o Filiæ.

1. Mari, Rouanez an Nenvou,
   Stankit breman ouz ho taerou,
   Ha selaouit hon c’hantigou. Alleluia !
   
   

Diskan
Alleluia, alleluia, alleluia.

2. Ar Mab hoc’h eus gwechall douget,
   War ar maro en deus trec’het,
   Evel m’en doa hel lavaret, alleluia !
   
   
3. Mamm Jezuz, leun a drugare(z),
   Ho pet sonj eus ho pugale,
   Hag evidomp pedit Doue, Alleluia !

Gaude et laetare, Virgo Maria, alleluia.
Quia surrexit Dominus vere, Alleluia.

---

N° XXIX. — An Ave Maris Stella.

1. Ni ho salud steredenn vor
   Mamm da Zoue leun a enor
   Gwerc’hez bepred dor an Neñvou
   Selaouit ouz hon pedennou.
   
   
2. O klevout ar salud santel
   A-berz an Arc’hael Gabriel,
   E peuc’h Doue grit d’imp beva
   O chench an ano a Eva.
   
   
3. Torrit chadenn ar bec’herien,
   D’ar re dall roit sklerijenn,
   Hon mirit ouz pep droug dalc’hmat
   Ha goulennit ’vidomp pep mad.
   
   
4. Diskouezit ez oc’h eur Vamm vat
   E-kenver an dud emzivad ;
   Grit m’hon selaouo an hini
   Hoc’h eus ganet evidomp-ni.
   
   
5. Gwerc’hez dispar e pep doare,
   Dous dreist an holl, glan a ene,
   Gwerc’h ha divlam a bep pec’hed,
   Grit ma vimp dous ha glan bepred.
   
   
6. Grit ma vo santel hon buhe(z),
   Ha sur hon hent ’trezek Doue,
   ’vit ma vimp, o welout Jezuz,
   En hon gwir vro ganeoc’h eürus.
   
   
7. Gloar atao d’an Tad eternel,
   D’ar Mab ha d’ar Spered-Santel ;
   D’an tri ferson eus an Drinded
   Hevelep enor ’zo dleet. Amen.
   

---

N° XXX. — An Ave Maris stella.

Pe ton : Ave Maris Stella

1

Salud d’eoc’h hag enor
Gwir steredenn ar mor
Mamm Jezuz hon Aotrou
C’houi ’zo dor an Neñvou

Diskan

Salud d’eoc’h hag enor
Gwir steredenn ar mor
Mamm Jezuz hon Aotrou
C’houi ’zo dor an Neñvou.

2

Gant an ael saludet
Hag a c’hrasou karget,
Hoc’h ano, Maria,
’Zo dreist hini Eva.

3

Dinaskit ar pec’her,
Roit d’ar re dall sklaerder ;
Grit d’hon poaniou pellaat
Grit m’hon bo pep seurt mad

4

Bezit d’imp eur Vamm vat,
Grit ma vo hon mennad
En Nenv degemeret
Gant ho Mab binniget.

5

Gwerc’hez ar gwerc’hezed,
Dous ha dinamm bepred,
Hor mirit gwerc’h ive(z)
A gorf hag a ene.

6

Grit ma heuilhimp dalc’hmat
Didamall an hent mat,
Ken na vimp gant Jezuz
Da virviken eürus.

7

O Trinded eternel,
Tad, Mab, Spered-Santel,
Ra vo graet d’eoc’h ho tri
Hevelep meuleudi.

(Levr bugale Mari)

---

N° XXXI. — Ar Salve Regina

1. Ni ho salud Rouanez an aelez
   C’houi ’zo hon mamm ar vamm a drugarez
   Hon holl douster buhez hag esperans
   Ni ho salud gant ar vrasa doujans.
   
   
2. D’eoc’h-c’houi, Gwerc’hez e kasomp hon pedenn,
   Ni divroet ha siouaz ! pec’herien :
   Ouzoc’h, Gwerc’hez, ne reomp met gouela,
   Ni hag a zo bugale da Eva.
   
   
3. Ouzoc’h bepred e tomm hon c’halonou,
   D’eoc’h e kasomp hon gouelvan, hon daerou ;
   Hon fizians-ni ’zo en ho madelez,
   En draonienn-man leun a distrigidez.
   
   
4. Rak-se pa ’z oc’h hon difennourez ker,
   En hon c’henver bepred dous ha tener,
   En an’ Doue, troit ho taoulagad
   Ouzimp-ni holl, tud paour hag emzivad.
   
   
5. Pa zeuy an deiz da guitaat ar bed-man,
   Raktal goude hon hirvoud diveza(n)
   Diskouezit d’imp, Mamm vat ha truezus,
   Er Baradoz, dremm sakr ha Mab Jezuz.
   
   
6. Gwerc’hez sakr meurbet karantezus,
   O Gwerc’hez dous, meurbet trugarezus,
   Ni hoc’h asped, da glevout hon pedenn,
   Hon diwallit breman ha da viken !
   

---

N° XXXII. — Ar pemp mister a joa.

1. Sonjomp d’ar genta dizenez
   Er joa he devoa ar Werc’hez
   Pa voe gant an ael saludet
   Evel Mamm da Salver ar bed.
   
   

Diskan

Ave, ave, ave Maria ;
Ave, ave, ave Maria.


2. En eil mister setu Mari
   O kuitaat he bro hag he zi,
   Evit gwelout Elizabed,
   A zouge Sant Yann binniget.
   
   
3. En trede mister, hon Salver
   ’zo ganet en eur c’hraou dister,
   Hag a lavar d’imp distaga(n)
   Hon c’halon diouz traou ar bed-man.
   
   
4. Er pevare mister, joaus
   Ar Werc’hez hag he mab Jezuz
   ’n em ginnig en templ evidomp :
   Ganto da Zoue ’n em ouestlomp.
   
   
5. Er pempet mister, ar Werc’hez
   A gavas goude tri devez
   He mab e-touez an doktored,
   Leun a furnez hag a spered.
   

---

N° XXXIII. — Ar pemp mister a C’hlac’har.

Ton : XX.

1. Ar c’henta mister truezus
   A Ziskouez d’imp glac’har Jezuz
   Beuzet en eur c’houezenn a wad
   Ha stouet o pedi e dad.

Diskan.

O Kalon Sakr eus ma Jezuz,
Kalon meurbet karantezus
Plijit selaou ar pedennou
A sav eus kreiz hon c’halonou.


2. D’an eil mister e voe freuzet
   E gorf santel a daoliou fouet :
   Evit hon pec’hejou mezus
   E c’houzanv eur boan ken euzus.
   
   
3. Eur gurunenn spern war e benn,
   Etre e zaouarn eur gorzenn,
   Eur goz vantell en-dro d’ezan,
   En trede mister a welan.
   
   
4. Jezuz, er pevare mister,
   A zoug e Groaz dre ruiou kêr,
   Hag a gouez teir gwech d’an douar
   O vont etrezek , ar c’halvar.
   
   
5. Er pempet mister, Mab Doue
   A ro evidomp e vuhe(z) :
   Piou a vezo c’hoaz ken dic’hrad
   Da c’hlac’hari Jezuz ken mat.
   

---

N° XXXIV. — Ar pemp mister a c’hloar.

Ton : XXIX.

1. Er c’henta mister glorius,
   Kanomp meuleudi da Jezuz :
   Rak eus ar bez eo bet savet,
   Goude tri deiz ’vel ’n doa lâret.
   
   

Diskan.

Ni ho salud, steredenn vor,
Mamm da Zoue, leun a enor,
Gwerc’hez bepred, dor an Nenvou,
Selaouit ouz hon pedennou.


2. Jezuz, en eil mister a c’hloar,
   A zeu da guitaat an douar,
   Sevel a ra d’ar Baradoz,
   Eno eman ouz hon gortoz.
   

3. En trede mister me a wel,
   Er sal war benn an ebestel,
   Ar Spered-Santel o tiskenn
   Da rei d’e nerz ha sklerijenn,
   
   
4. D’ar pevare mister, Mari,
   E-kreiz ar joa, ar veuleudi,
   A zo douget, korf hag ene
   D’ar Baradoz gant an Aele(z).
   
   
5. D’ar pempet e voe kurunet
   Mari hon Mamm gant an Drinded :
   En Nenv breman, dirak Doue,
   N’ankouna ket he bugale.
   

---

N° XXXV. — Ar Memorare.

1. O Gwerc’hez Vari leun a druez
   M’ho ped da zerc’hel sonj bepred
   Penaos biskoaz den en e vuhez
   N’en deus na gwelet na klevet
   Ho pije dilezet hep skoazell
   Hini a gement a zeue
   D’en em wouestla d’eoc’h betek mervel
   Daoust pegen bras pec’her vije
   
   
2. Nann, biken ne c’houllfec’h dilezel
   Neb a zeu gant fizians ennoc’h
   Da guzat dindan ho tiouaskell
   Ha d’en em erbedi ouzoc’h :
   Hirie em c’halon ar fizians-se,
   O Gwerc’hez, Mamm, ar Gwerc’hezed,
   E teredan davedoc’h ive(z),
   Gant ho madelez gounezet.
   
   
3. Oc’h hirvoudi dirazoc’h aman,
   Pa ’z eo glac’haret ma c’halon,
   Evit ar wech-man c’hoaz e kredan
   Ho pedi da gaout ma fardon :
   Pa ’z oc’h gwir Vamm ma Salver Jezuz,
   Na zisprizit ket ma fedenn,
   Grit c’hoaz ouzin eur sell truezus,
   M’ho ped, roit d’in ma goulenn.
   
   

Diskan.

O Gwerc’hez Vari leun a druez,
M’ho ped da zerc’hel sonj bepred
Penaos biskoaz den en e vuhez
Ganeoc’h ne deo bet dilezet.

N° XXXVI. — Gwerc’hez Vari Rouanez.

1. Gwerc’hez vari, Rouanez an Nenvou,
   Mamm d’hon Salver ha Mamm d’ar gristenien,
   Plijet ganeoc’h selaou holl bedennou
                      Ho servijerien.
   
   
2. O Mamm dener, o Mamm drugarezus,
   Hon diwallit diouz ar pec’hed marvel :
   Grit d’imp kaout pep a varo eürus,
                      Eur maro Santel.
   

---

N° XXXVII. — Gwerc’hez, diwar ho tron.

1. Gwerc’hez diwar ho tron skedus
   Grit ouzimp eur sell truezus
   Selaouit ouz ma fedenn bremañ
   O Mamm ar wellañ, o Mamm ar wellañ.
   
   
2. Goullit ’vidomp karout Jezuz,
   Ha war e lerc’h kerzout, nerzus,
   Grit ma vin d’ezan feal bepred
   O Mamm vinniget, o Mamm vinniget !
   
   
3. En eur ar maro, me ho ped,
   Ma mirit ouz an droukspered :
   Deut da serri d’in ma daoulagad,
   O Mamm dous ha mat, o Mamm dous ha mat.
   

---

N° XXXVIII. — Santez Mari, Mamm Doue.

1. Santez Mari Mamm Doue e pep amzer gwerc’hez
   Jezuz a zo ma Roue ha c’houi ma Rouanez
   Jezuz a vo ma barner bezit ma Fatronez
   Hag evidon dirazan bezit difennourez.
   
   
2. E-touez ho servijerien, d’am c’hemer me ho ped,
   Meurbet eo dous ho serviji, c’houero servij ar bed :
   Netra dre holl an douar, a bep tu pa sellan,
   Netra ken karantezus eveld’oc’h ne welan.
   
   
3. O Gwerc’hez, me lavar d’eoc’h, na rin, na lavarin
   Netra enep hoc’h enor e-keit ha ma vevin :
   En-dro d’in, den ne lezin, mar gallan d’ho poania,
   D’ ho poania, Mamm ma Jezuz, ar Vamm an denera.
   
   
4. Hed ma buhez em labour sonjit ennoun bepred,
   Dreist pep tra, war ma maro, deut d'am sikour, m’ho ped.
   En ho taouarn d’am Barner mar dougit ma ene,
   Sur ec’h in d’ar Baradoz d’ho meuli hep dale.
   
   
5. Evit gwelloc’h enori ano ma Rouanez,
   Ha beza bugel gwirion ar Vamm a vadelez,
   Me a glasko rei skoazell d’an dud kaez ankeniet,
   Breudeur omp holl, bet prenet gant he Mab binniget.
   

---

N° XXXIX. — Kantig sant Kazimir, roue.

1. O ma ene kanomp bemdez
   Da Vari meuleudiou
   Hec’h oberou hec’h holl buhez
   A zo leun a vurzudou
   
   

Diskan

Gloar da Vari ha meuleudi
Pebez burzud eürus
Mari gwerc’hez ha mamm ivez
Gwerc’hez ha Mamm da Jezuz.


2. Teod an den a zo gwall zister
   Evit komz eus a Vari ;
   Met he c’halon a zo tener
   Holl e c’hallomp he meuli.
   
   
3. Eus a Vari an holl boblou
   A denn gloar ha sklerijenn,
   He santelez he vertuziou,
   A zo skouer ar gristenien.
   
   
4. He mouez ’lavar, leun a druez :
   « Sentit, sentit ouz Jezuz,
   « Ha m’e garit ’hed ho puhez,
   « Jezuz ho lako eürus. »
   
   
5. Kalonou sec’h ha glac’haret.
   Deut da gavout ar Werc’hez ;
   Gant Mari ’vezer frealzet
   Er vrasa tristidigez.
   
   
6. C’houi pec’her paour a-greiz kalon
   Pedit, enorit Mari :
   Hag evit kaout gras ha pardon
   Ho pet holl fizians enni.
   

7. N’ankouait ket, c’houi den santel,
   Ez eo Mamm an holl c’hrasou ;
   ’n em zerc’hel dindan he mantell,
   Zo kemer hent an Nenvou.
   
   
8. O Mari, klevit ma fedenn,
   Pareit ma gouliou ;
   En ho krasou roit d’in lodenn
   Ha perz en ho vertuziou.
   
   
9. Evidomp hell dirak Jezuz,
   Pedit, Mamm a drugare(z) ;
   Pred ar maro a vo fromus,
   Deuit d’hon skoazella neuze.
   
   
10. Ar re a zeu e gwirionez
    War an douar d’ho pedi.
    Grit ma ’z aint gant an Aelez
    D’ar Baradoz, d’ho meuli.
    

---

N° XL. — Mari, hon Mamm.

Diskan.

Da viken o Mamm ger ni vo ho pugale
Gant sikour ho kalon devet a garantez


1. Ho pet sonj mat o Mamm dener
   A gomz diweza hon Salver
   Pa oe war ar groaz astennet
   Kent kinnig d’e Dad e spered
   
   
2. Jezuz da Yann a lavare :
   « Selaou, e man da Vamm aze. »
   D’eoc’h e lavare, o Gwerc’hez !
   « Ho Mab eveldoun Vo hennes. »
   
   
3. C’houi ’oar, ’n eun doare meurbet splann,
   N’oa ket hepken, eno, Sant Yann,
   Met ni holl Jezuz a roe
   D’eoc’h-c’houi, hon Mamm, da vugale.
   
   
4. Gwerc’hez ni ’oar pell ’zo, ivez,
   Ez oc’h ar Vamm a garantez ;
   Kalon eur vamm, d’he bugale,
   A vez digor da hep mare.
   
   
5. C’hoaz e fell d’imp d’eoc’h en em ouestla,
   Mari, hon Mamm, ar vamm wella.
   Pa ’z omp ken sempl, n’hon eus esper
   Nemet ’n ho kalon ken tener.
   

---

N° XLI. — An ano Santel a Vari.

1. Enor d’hoc’h ano binniget
   Ra vezo gant an holl meulet
                  Mari,
   Ra vezo gant an holl meulet.
   
   
2. O Mamm dener, piou ’lavaro
   An holl douster eus hoc’h ano,
                  Mari,
   An holl douster eus hoc’h ano.
   

3. Ano Jezuz eo ar c’haera,
   Ano Mari eo an dousa,
                  Mari,
   Ano Mari e an dousa.
   
   
4. Ar ger Mari zo Rouanez,
   Itron, Steredenn ha Mestrez,
                  Mari,
   Itron, Steredenn ha Mestrez.
   
   
5. Hag eun ano ken glorius
   A oa dleet da Vamm Jezuz,
                  Mari,
   A oa dleet da Vamm Jezuz.
   
   
6. Rak mar deo Jezuz hon Roue,
   C’houi ’zo hon Rouanez ive(z).
                  Mari,
   C’houi ’zo hon Rouanez ive(z).
   
   
7. Jezuz a zo gwir heol an den,
   Ha c’houi a zo e steredenn,
                  Mari,
   Ha c’houi a zo e steredenn.
   
   
8. Jezuz, ho Mab eo hon Aotrou,
   Ha c’houi, Itron hon c’halonou,
                  Mari,
   Ha c’houi, Itron hon c’halonou,
   
   
9. Itron ha n’he deus ket he far,
   Nag en Nenv na war an douar,
                  Mari,
   Nag en Nenv na war an douar.
   
   
10. Hoc’h ano ’zo dous d’hon genou,
    Dousoc’h eo c’hoaz d’hon c’halonou.
                   Mari,
    Dousoc’h eo c’hoaz d’hon c’halonou.
    
    
11. El levriou ne glaskan netra,
    Nemet hoc’h ano, da genta,
                   Mari,
    Nemet hoc’h ano da genta.
    
    
12. N’eus ket kaeroc’h ’vit ar c’hleved,
    Eget hoc’h ano binniget,
                   Mari,
    Eget hoc’h ano binniget.
    

13. Me e veulo diouz ar beure,
    Ha pa zeuy an noz adarre,
                   Mari,
    Ha pa zeuy an noz adarre.
    
    
14. Em poaniou me e veulo c’hoaz,
    Evit ma vo skanvoc’h ma c’hroaz,
                   Mari,
    Evit ma vo skanvoc’h ma c’hroaz.
    
    
15. D’am frealzi war ma maro,
    Ne c’houlennan ’met hoc’h ano,
                   Mari,
    Ne c’houlennan ’met hoc’h ano.
    
    
16. Pa vo klozet ma daoulagad,
    Me sonjo em Mamm dous ha mat,
                   Mari,
    Me ’sonjo em Mamm dous ha mat.
    
    
17. Pa vezo ma zeod sklaset.
    A galon ’lavarin bepred,
                   Mari,
    A galon ’lavarin bepred.
    
    
18. Eürus mar gallan mervel
    Gant hoc’h ano war ma muzell,
                   Mari,
    Gant hoc’h ano war ma muzell.
    

Levr Bugale Mari.

---

N° XLII. — O ma Jezuz, na pegen kaer !

Pe

1. O ma Jezuz na pegen kaer
   Bemdez bemnoz e pep amzer
   Na pegen kaer eo an ene
   A gar Mari mamm da Zoue.
   
   
2. Petra ray d’in an droukspered,
   Pa ’z oun gant Mari diwallet ?
   Raktal ma klevo ma fedenn,
   He zroad a vruzuno e benn.
   
   
3. Ar c’horf, ar bed, a fell d’ezo
   E stagfen ma c’halon outo :
   Ma c’halon-me ’zo da Vari,
   Pell ’zo ’m eus he roet d’ezi.
   
   
4. War ma maro ne grenin tamm,
   Rak neuze me ’welo ma Mamm
   E-touez hec’h aelez o tostaat
   Da gloza d’in ma daoulagad.
   
   
5. Karit, holl boblou, ma Itron,
   Hag e pouezot en ho kalon
   Pegen eürus eo an ene
   A gar Mari Mamm da Zoue.
   

N° XLIII. — M’ho kar, Gwerc’hez.

Diskan.

Mari, ma Itron ma c’harantez,
Renit em c’halon ha bemnoz ha bemdez
Renit em c’halon ha bemnoz ha bemdez.


1. M’ho kar Gwerc’hez hag ho karout ma Itron
   ’vel ma Salver fell d’in diouz ma gwella
   M’ho kar Gwerc’hez ha bepred ’kreiz ma c’halon
   Goude Jezuz c’houi a vo ar genta.
   
   
2. M’ho kar, Gwerc’hez, rak me ’glev war ar C’halvar :
   Ar Groaz hoc’h eus glebiet gant ho taerou
   O lavarout : Ar Werc’hez ivez da gar,
   Pa ro he Mab evit da bec’hejou.
   
   
3. M’ho kar, Gwerc’hez, ha ganeoc’h ez oun karet,
   Ho karantez, ganti ’vin bepred krenv ;
   Nag a c’hrasou dre ho taouarn binniget
   D’an neb ho kar a ziskenn eus an Nenv !
   
   
4. M’ho kar, Gwerc’hez, pet gwech dirak hoc’h aoter,
   N’em eus ket me kontet d’eoc’h ma foaniou ?
   C’houi ’roe d’in nerz ha fizians, Mamm dener !
   Mari, ma Mamm, c’houi sec’he ma daerou !
   
   
5. M’ho kar Gwerc’hez, hag evit ma vin karet
   En holl amzer, ganeoc’h c’houi muioc’h-mui,
   Me a viro ma ene ouz ar pec’hed
   Ha ne garin nemet Jezuz ha c’houi.
   

Miz Mari an Ao. Cabec.

---

N° XLIV. — Da Vari a-viskoaz.

1. Kentan komzou a zeskis war an oalet, er gêr,
   A voe ’n ano a Vari ha Jezus he Mab ker :
   Ouz ma c’herc’hen e tougen e pign he medalen.
   Ha Me ho salud Mari oa ma c’henta peden.
   
   

Diskan

A vihanig am eus karet hag enoret ar Werc’hez ;
Bepret em euz hec’h anzavet evit Mamm ha Rouanez.


2. Nag a wech he dourn tener, abaoe ma badeziant,
   ’bellaas diouz ma c’havell pechou an aerouant ;
   Nag a wech he daoulagad, evel diou steredenn,
   War eun dro gant re ma mamm, a baras war ma fenn !
   
   
3. ’lies em bugaleaj ma mamm d’in lavare :
   « Eur vamm all ec’h eus en Nenv gwelloc’h egedoun-me. »
   Ha p’am douge d’an iliz, biken n’ankounain,
   Dirak aoter ar Werc’hez am lake d’an daoulin.
   
   
4. Brassat ’rae ma fizians dre ma kresken en oad ;
   Gant aon da boania ma Mamm e talc’his en hent mat,
   Betek an deiz m’am renas ’trezek an daol santel,
   E-lec’h ma tiskenn Jezuz e kalon e vugel.
   
   
5. Breman pa vezan nec’het gant klenved pe glac’har,
   Pa welan an droukspered o c’hantaat ma diskar,
   Eus kreiz ma c’halon kerkent e sav eur griadenn :
   « O Mari, o Mamm garet, deut eta d’am difenn.
   
   
6. Eun deiz pa vin daoubleget dindan ar bloaveziou,
   Hag e ve stanket ma mouez ha mut ma muzellou,
   E sonjin bepred ennoc’h, ha da heul ma ene,
   Ez ay, ma Mamm, hoc’h ano ganin betek Doue.
   

---

N° XLV. — Maria, Mater gratiæ.

1.  Mari Gwerc’hez c’halloudus
    Mamm dous ha Mamm dener
   C’houi zo bepred truezus
    E kenver ar pec’her
    Pellait diouz hon ene
    E enebour,
    Dreist holl da fin hon buhez
    Deut d’hon sikour.
   
   
2.  Enor d’eoc’h, Salver ar bed,
    Gloar d’eoc’h ha meuleudi,
   C’houi hag a zo bet ganet
    Gant ar Werc’hez Vari :
    D’an Tad, ha d’eoc’h-c’houi ive(z),
    Spered-Santel,
    D’an tri Ferson e Doue,
    Gloar eternel !
   

---

N° XLVI. — Kalon dous a Vari.

1

Kalon dous a Vari,
Leun a garantez
Ni zeu d’ho saludi
Gant an holl aelez

Diskan

Ave, ave, ave Maria ;
Ave, ave, ave Maria.

2

Piou c’hallfe lavarout,
Kalon druezus,
Pegeit ’it ’vit karout
Bugale Jezuz ?

3

C’houi hoc’h eus e welet
Er c’hraou evidomp,
War ar plouz astennet,
Ha paour eveldomp,

4

Ganeoc’h e Nazared
Jezuz, ho pugel
En deus bet labouret
Da rei d’imp kentel.

5

War ar C’halvar goude
Pebez kalonad !
Dirazoc’h pa skuilhe
Evidomp e wad.

6

’N e gomzou diweza,
Sonj hoc’h eus, Gwerc’hez
’Lavare d’eoc’h beza
Mamm an holl dud kaez.

7

Eur Vamm a galon vat,
Dreist an holl mammou
En hon c’henver dalc’hmat
Ez oc’h en Nenvou.

8

Breman omp holl spontet
Mui eget biskoaz,
O welout disprizet
Jezuz hag e Groaz.

9

Ar bed en deus ezomm
’N eun amzer ken kri(z)
Eus eur galon ken tomm
Ha kalon Mari.

10

An Iliz hag ar Pab
’N ho trezeg a sell,
Digant Jezuz, ho Mab
Pa glaskont skoazell.

11

Selaouit ouz o mouez,
Komzit ouz Jezuz,
Ma vougo en hon touez
Ar brezel mezus.

12

Ar Brezel didruez
A reer a bep tu,
Enep ar Wirionez,
Enep ar vertu(z).

13

Roit nerz ha skoazell
D’imp ivez e Breiz,
Ha mirit divarvel
Ar Feiz en hon c’hreiz.

---

N° XLVII. — Da galon Mari.

Ton all

1. Eur c’hoant bras am euz da veuli
   Kalon ma Mamm, kalon Mari
   Hogen penaos e kredin me
   Meuli tron eürus Mab Doue
   
   

Diskan

Kalon dous a Vari
Pedit evidomp-ni.


2. Doue ’grouas ar bed kaera
   Evit palez d’an den kenta :
   Evit rei d’e Vab eur palez
   E krouas kalon ar Werc’hez.
   
   
3. Palez an den ’zo burzudus :
   Mil gwech kaeroc’h palez Jezuz ;
   Tenval eo heol, aour ha perlez
   E-kichen Kalon ar Werc’hez.
   
   
4. Kalon Mari a zo eun nor
   D’ar sant ha d’ar pec’her digor,
   Digoret gant ar seiz kleze
   A dreuzas gwechall hec’h ene.
   

5. Poblou diskenvel eus ar bed,
   Na c’houi hoc’h eus biskoaz klevet
   ’vefe bet kollet an hini
   En em guz e kalon Mari ?
   
   
6. Kousket war boull-Kalon Mari
   Jezuz en dens roet d’ezi
   Galloud, truez ha madelez,
   Pep tra, met e zoueelez.
   
   
7. Kalon Mari, kalon Jezuz,
   Diou galon ken karantezus,
   Ennoc’h pa sonjan, ma c’halon
   Leun a fizians a drid enno(u)n.
   

I.-W. Herri, beleg.

---

N° XLVIII. — Me a laka ma fizians.

1

Me a laka ma fizians
Gwerc’hez en ho sikour
Deut ’ta m’ho ped gant doujans
D’argas ma enebour
Pa vo ma eur diweza
Ra zeuy ho karantez
D’ober d’in mont d’azeza
E-kichen an Aelez.

2

O Mamm leun a drugarez,
O Gwerc’hez vinniget,
Ra bemnoz ha bemdez
Gant ho prec’h skoazellet :
Kinnigit d’ho Mab santel
Pedenn ho pugale,
Ha selaouet ’vint kent pell,
Sur omp a gement-se.

3

Gant c’hoant da greski ar gloar
’Zo dleet d’eoc’h, Gwerc’hez,
M’ho karo war an douar,
'Vel Mamm ha Rouanez ;
Ouspenn e fell d’in, Itron,
Dougen d’hoc’h enori
Kement den ’zo dindano(u)n
Ha ganto ho meuli.

4

Sellit ’ta ouz ma daerou,
O Mamm a vadelez :
Ma frealzit em poaniou
Hag em zristidigez ;
Torrit ma holl chadennou,
Kemerit ma c’halon,
Koulz ha war sent an Nenvou
Renit ivez warno(u)n !

---

N° XLIX. — Na pegen kaer eo Mamm Jezuz.

Ton : XIX.

Diskan.

Na pegen kaer eo Mamm Jezuz,
Pegen dous ha karantezus,
Pegen mat ha madelezus !

1. Lavar d’in-me, den an Arvor,
   Ha ken kaer eo da vag war vor.
   Gant he goueliou gwenn-kann digor ?
   
   
2. Lavar d’in-me, den an Argoad,
   Ha ken kaer deliou glas ar c’hoad,
   Pa zeu an heol splann d’o sklaeraat ?
   
   
3. Lavar d’in-me, den an Are,
   Ha ken kaer eo lein ar mene(z),
   Gwenn-kann gant an erc’h, d’ar beure ?
   
   
4. Lavar d’in-me, mesaer loened,
   Hag-hen z’ eus steredenn ebet
   Ken kaer en noz steredennet ?
   
   
5. Lavarit d’in, tud ar maeziou,
   Ha ken kaer eo ar glazennou
   O lintra gant ar glizennou ?

6. Lavarit d’in, bugaligou,
   Er pradou o kutuilh bleuniou,
   Ha bleunv ken kaer ’zo er pradou ?
   
   
7. Nag en Arvor, nag en Argoad,
   Er menez, en oabl, nag er prad,
   Netra ken kaer, netra ken mat.
   

An Ao. Kermarker.

---

N° L. — Mari hon Mamm garantezus.

Ton : V.

2. Ezomm en deus en e neizig
   Eus askell e vamm, an evnig :
   Dindan ho tiouaskell ive(z),
   Mari, kuzit ho pugale.
   
   
3. D’an hanv, pa verv an heol re domm,
   Ar roz a c’hlao en deus ezomm,
   Degasit warnomp gliz Doue,
   Sec’h-korn, allas ! eo hon ene.
   
   
4. Ezomm o deus an denved keiz
   Da veza miret ouz ar bleiz ;
   Ni hon eus ezomm, Gwerc’hez c’hlan,
   Da veza miret ouz Satan.
   
   
5. Eur c’hrouadurig ’n e glenved,
   Gant an derzienn pa vez devet,
   A c’halv e vamm evit kaout dour :
   Ni ’zo klanv-bras, deut d’hon sikour.
   
   
6. War vor, pa stourm ar gwall amzer,
   Hep dale bag ar peskataer
   Ouz ar rec’hel a vez drailhet
   Ma chom an Avel kounnaret.
   
   
7. Ar bed a zo eur mor euzus
   Tenval, meinek ha houlennus :
   Hon bag a zo skanv ha dister,
   Diwallit-hi, o Mamm dener !
   

(Troet diwar Brezoneg Gwened.)

N° LI. — Da Vari, Patronez Eur Barroz Pe Eur Chapel.

1. Rouanez vras an Nenvou a zo hon patronez
   En despet d’hon pec’hejou ha d’hon sempladurez.
   
   

Diskan.

C’houi zo bet Gwerc’hez Vari mamm vad hon tadou koz :
Warnomp ivez ni ho ped da skuilha ho pennoz.


2. Aman, pa vezomp dinec’h, d’he meuli e teuomp,
   Ha da ouela dirazi pa gouez anken warnomp.
   
   
3. Nag a glenved eneou, nag a boaniou spered
   A zo bet aman ganti ’n hec’h iliz pareet !
   
   
4. Pegen dous ar blijadur a garg hon daoulagad
   Dal ma welomp ti hon Mamm kuzet ’n eun tammig koad !
   
   
5. Hon c’halon a drid ennomp o klevout, dudius,
   Mouez he c’hloc’h teir gwech bemdez o son an Anjeluz.
   
   
6. Paour, pinvidik e teskomp abred d’hon bugale
   Anavezout, servija Rouanez an Aele(z).
   

7. Talvoudusoc’h ’vo d’ezo, yac’husoc’h d’oc’h ene,
   Kerzout eeun gant he lezenn eget dastum leve.
   
   
8. Ar bugel a gar Mari, en em blij gant e dud,
   O poanial er ger ganto pell diouz gwall-skouer ha brud.
   
   
9. An den yaouank he selaou, ’vez gwell gantan mervel
   Eget glac’hari Doue dre eur pec’hed marvel.
   
   
10. Mar ’n em gav bugel Mari e-touez an dud estren,
    N’en deus ket mez eus ar Groaz nag eus ar Feiz kristen
    
    
11. Heulia ’ra lezenn ar sul ha lezenn ar gwener.
    Evel pa oa en e vro gant e gerent er ger.
    
    
12. Eürus neb a dremeno e vuhez penn-da-benn,
    E skeud iliz hon Itron, dindan he c’hurunenn !
    
    
13. Eürusoc’h neb a varvo ’n eul lavarout : « Mari ! »
    Hag a vo beziet e gorf er vered ’tal he zi !
    
    
14. Eno betek deiz ar Varn, na brao e vo kousket,
    ’vel eur bugel gant e vamm ’n e gavell luskellet !
    

---

N° LII. — Rouanez an Iliz.

1. Rouanez an Iliz, Mari gwerc’hez santel
   Mari Mamm da Jezuz ha Mamm an ebestel
   Ni ’zo ho pugale betek eur hon maro
   ’vit an Iliz hon Mamm bemdez ni ho pedo. 2 w.
   
   
2. Ar bed hag an ifern unanet gant kounnar,
   ’ra brezel d’an Iliz, dre-holl war an douar ;
   Met hoc’h hano, Mari, ’spouron an droukspered ;
   ’vit difenn an Iliz, da sevel ni ho ped. 2 w.
   
   
3. M’ho kwel, Iliz, ma Mamm, ’vel gwechall lestr sant Per,
   O redek mor ar bed dastrewet a reier :
   Ar gwagenou a groz, dre-holl tenvalijenn ;
   O Steredenn ar mor, digasit sklerijenn ! 2 w.
   
   
4. An Iliz er bed-man, ’vel Jezus ’gerz, siouaz !
   Spern war he fenn santel, war he diouskouaz eur groaz :
   Mari, c’houi heuille Jezuz war hent ar C’halvar,
   Bezit gant an Iliz pa ’z eo leun a c’hlac’har. 2 w.
   
   
5. Bezit ivez, Gwerc’hez, gant ar Pab ’zo anvet
   Tad an holl gristenien, Pastor an holl zenved,
   Sturier bras an Iliz, vikel Jezuz, ho Mab ;
   Roit skoaz, o Mari, d’hon Tad Santel ar Pab ! 2 w.
   
   
6. Hon Tad Santel ar Pab, gant ar Spered-Santel,
   En deus bet diskleriet vel an Ael Gabriel,
   Oc’h bet karget a c’hras ha krouet holl hep pec’hed ;
   Pedit evit hon Pab, o Mari, ni ho ped. 2 w.
   
   
7. An Iliz hag ar Pab ’zo breman dilezet :
   D’an Iliz ha d’ar Pab, ni ’zalc’ho, Bretoned !
   Er-maez eus an Iliz n’euz ken ’met ar maro :
   Miret eta Mari, an Iliz en hon bro ! 2 w.
   
   

40 devez a « induljansou » a-berz an Ao
Bouche, Eskob Sant-Brieg ha Landreger
(Leur Bugale Mari).

N° LIII. — Mari Rouanez Breiz-Izel.

1

Kanomp a vouez uhel
Mari Mamm Doue
Rouanez Breiz-Izel
Hag hon Mamm ivez.

Diskan

Da Vari meuleudi
E pevar c’horn ar vro !
Hon Breiz-ni ’zo d’ezi
Ha bepred e vezo.

2

En oc’h holl bedennou,
Gwerc’hez vinniget,
’Vezit e kalonou
An holl Vretoned.

3

Bep beure ar poaniour,
D’an daoulin stouet,
A-raok mont d’e labour
Ouzoc’h ’n em erbed.

4

War gern ar meneziou,
Mesaer an denved,
A gan ho kantigou
E-touez e loened.

5

’Lies war an tornaod,
’Liesoc’h war vor.
E ped ar martolod
Steredenn Arvor.

6

Pa son teir gwech bemde(z)
Kloc’h an Anjeluz,
’Lavaromp eun Ave
D’eoc’h c’houi, Mamm Jezuz.

7

Ar c’hlanvour ’n e wele
’Gav skanv e c’hlac’har,
Gant ar Vamm a ouele
Ouz Kroaz ar C’halvar.

8

Evit plijout d’ezi,
Evit kaout grasou,
Heuliomp eeun evelti
Hent ar vertuziou.

9

An hent, mar deo diaes,
Neb a gerz drezan
Betek dor he Falez
’Vo renet gantan.

10

Neuze ni, dianken,
Tro-war-dro d’he zron,
A veulo da viken
Mari, hon ltron.

---

N° LIV. — Itron Varia Lourd.

Ton : XLVI.

1

Eun deiz a viz C’houevrer,
D’an eur a greiste(iz),
Pa sone ’us pep kêr
Kloc’h an teir Ave. Ave…

2

Eur plac’hig yaouank flamm
Merc’h eur micherour,
A glaske koad d’he mamm,
O vont ’hed an dour.

3

Kreiz eur sklerijenn
Dirak Bernadeta
Setu o tiskenn
Eun itron ar gaera.

4

He sae a zo gwennoc’h
Eget lilienn ;
Eget an oabl glasoc’h
Ez eo he seizenn.

5

War he zreid diou rozenn
En aour a weler,
Er Baradoz hepken
’Z eus bleuniou ken kaer.

6

’N he dourn eur chapeled,
Chadenn aour, greun gwenn
Uheloc’h ’vez gwelet
Eur ouel war he fenn.

7

’Kreiz ar roc’h, en he sav,
’Lies evel-se
An Itron dianav
A baras goude.

8

Meur a wech e komzas :
Selaouomp he mouez
Evel m’he selaouas
Bernadeta gaez.

9

« C’houi hag ar gristenien.
Ma merc’h, emezi,
Evit ar bec’herien
E tleit pedi. »

10

Aman ra vo gwelet
Kalz a dud o tont,
Hag eur chapel savet
War ar roc’h du-hont.

11

Eur wech ’lavare
Da Vernadeta :
Ouz dour ar vammenn-se
Tostait d’eva.

12

Dindan ar roc’h eno
Biskoaz ne oa bet
Nemet deliou maro
Ha geot dizec’het…

13

Kerkent e tarzas dour,
Ha diwar neuze
E kav meur a glanvour
Drezan ar pare.

14

Kalon Bernadeta
A dride bemdez
O klask gouzout piou ’oa
Itron ar menez.

15

« Pebez joa d’am c’halon,
D’in ma lavarit
Piou ez oc’h, ma Itron,
Pe ano ’zougit. »

16

Raktal en eur sevel
He sellou d’an nec’h :
« Me eo ar Vamm santel
A-viskoaz dibec’h. »

17

Rouanez an Nenvou
A davas goude :
Met he madelezou
Bemdez a greske.

18

Da Lourd, en eur gana
A-vern e tered
Tud da birc’hirina
A bep korn ar bed.

19

Trugarez d’hon Itron
’Vit an holl c’hrasou
A strink dre he c’halon
War hon eneou.

---

N° LV. — Ar Vamm vinniget.

Diskan

Meulomp hon Salver da veza roet
D’an dud evit Mamm e Vamm viniget
D’an dud evit Mamm e Vamm viniget

1

C’houi o Gwerc’hes leun a c’hras
A zo dibec’h a viskoaz
Ar re all holl ’vez ganet
’baoe Adam er pec’hed.

2

Abred d’an Templ voec’h kaset
Evit pellaat diouz ar bed :
Kuzet eno, hoc’h ene,
War gaeraat bemdez yae

3

Eus ar gwragez n’eus hini
A vefe bet koulz ha c’houi.
Setu perak ho Krouer
Evit e Vamm ho kemer.

4

E Nazared, dianav,
C’houi gant Jezuz en em gav :
War ar C’halvar ez oc’h c’hoaz
En e gichen, ’harz ar Groaz.

5

C’houi ’zo breman Rouanez
War ar bed holl ha mestrez :
Dre ho taouarn ar grasou
A ziskenn eus an Nenvou.

6

Mamm galloudus dreist an holl,
Mirit ouzimp d’en em goll :
Boazet oc’h da zont a-benn
Da flastra d’an diaoul e benn

7

’Hed hon beaj, o Mamm vat !
Roit d’imp ho tourn dalc’hmat
Ar bugelig hep e vamm
Da bep kammed en deus lamm

---

N° LVI. — Breiz-Izel da Vari.

Diskan.

Mari vo bepret Mamm ar Vretoned
Tud a galon vad ha pennou kalet
Mari war hon bro bepred a reno
’keit ha vo mor tro-war-dro.


1. ’Daleg an oad kenta ar bugel e Breiz
   A zoug ano Mari skrivet en e greiz.
   
   
2. Stank en e yaouankiz, stank en e gozni,
   pign sonj e galon betek tron Mari.
   
   
3. Nag a di da Vari e Breiz a ouestler !
   Nag a dud daoulinet dirak hec’h Aoter !
   
   
4. Nag a gan da Vari e Breiz a glever,
   E kêr ha war ar maez, ’dal ma selaouer.
   
   
5. He Mamm ’zo Patronez a hell ’zo warnomp,
   He fried Sant Jozeb, holl a servijomp.
   
   
6. Bep ma varv eur c’hristen war douar Arvor,
   E klever eus an Nenv digeri an nor.
   
   
7. ’tre Breiz hag an Nenvou ez eo berr an hent,
   Gant sikour ar Vamm vat a garomp kement.
   
   
8. Me ’wel en-dro d’ezi, ’leiz ar Baradoz,
   Breiziz Koz hon Tadou ’zo ouz hon gortoz.
   

---

N° LVII. — Diskan ar Vretoned.

Diskan.

Mamm Doue, Rouanez Breiz-Izel,
Selaouit eus an Neñv diskan ar Vretoned
Koulz hag hon tadou-koz ni vo betek mervel
Da Jezuz da Vari bepred
Koulz hag hon tadou-koz ni vo betek mervel
Da Jezuz da Vari bepred
Da Jezuz da Vari bepred.


1. Gant hon tud-koz ’dal ma oe savet
   Eun aoter d’hon Salver Jezuz
   En e c’hichen e veze kavet
   Aoter e Vamm drugarezus.
   
   
2. Pa gavent re bounner ar vuhez,
   Diganti e klaskent sikour,
   Diganti e c’houlennent truez
   En o foaniou, en o labour.
   
   
3. Pa sone drant kloc’h he fardoniou,
   Bras ha bihan, ’leiz an hentou,
   E teredent eus an holl gêriou,
   ’n eur gana he meuleudiou.
   

4. Pa sone trist o eur diweza(n),
   O daouarn stardet ouz ar Groaz,
   A galon kent kuitaat ar bed-man,
   E c’halvent Mari eur wech c’hoaz.
   
   
5. Breman ganti dirak tron Jezuz,
   Emaint bodet er Baradoz :
   Ganti d’hon tro ni a vo eürus
   Mar heuliomp roudou hon tud-koz.
   

---

N° LVIII. — Da Vari evit ar Vretoned divroet.

1. Mari pa’z oc’h Mamm Breiz-Izel
   Ni ho ped da deurel eur sell
   War meur a Vreton divroet
   Ha ganimp-ni n’ho pedont ket.
   
   
2. An delienn c’hlas, eur wech distag
   Diouz ar wezenn he doug, he mag,
   Kaer he deus nijal ha bale,
   Er poull a vreino hep dale.
   
   
3. Evel-se kalz a Vretoned.
   Pell diouz ar gêr pa ’z int tec’het
   A wenv a gorf hag a galon
   Hep Doue na relijion.
   
   
4. Kalz a zismantr ’hed an hentou
   Pinvidigez o eneou.
   War zigarez gounit arc’hant
   A freg sae wenn o badeziant.
   

5. Gounit arc’hant, koll ar wir Feiz,
   Eürusted ar vuhez, e Breiz,
   Dispriza ha bro ha kerent,
   Ankounaat an Anaon, ar Sent,
   
   
6. Darn en arme, darn all war vor
   A zifenn o bro gant enor,
   Hag a chom hep ober brezel
   D’an diaoul ha d’ar pec’hed marvel.
   
   
7. Kasit d’o gwelout, o Gwerc’hez,
   Unan bennak eus hoc’h Aelez,
   Unan eus ar re ’zo breman
   Ganimp o kana d’eoc’h aman.
   
   
8. Hoc’h Ael d’ezo a lavaro,
   Eus ho perz, eus perz tud o bro,
   Daoulina bep beure ha noz,
   ’vel ma raent en o farroz.
   
   
9. Hoc’h Ael d’ezo a lavaro,
   Sonjal en o c’herent, ’n o bro,
   Klevout bep sul an oferenn,
   Ha tostaat ouz ar Binijenn !
   
   
10. Faea an holl dud dizoue,
    Hag anzav Jezuz o Roue :
    Neb en deus mez eus e gredenn
    Ne deo na Breizad na kristen !
    
    
11. Dont ivez dalc’hmat ha bemdez
    D’en em domma ouzoc’h, Gwerc’hez,
    Ha distrei alies a spered
    Betek Santez Anna Wened.
    
    
12. Bep bloaz e teu ar wennili
    D’ober he neiz er nemes ti :
    Hag hec’h evned a vo savet
    E-lec’h ma ’z eo bet hi maget.
    
    
13. Degasit an holl Vretoned,
    Micherourien ha soudarded,
    Mari, o degasit d’ar gêr
    E-lec’h ma chome o zud ker.
    
    
14. Ma vint gant o zud eürus,
    Ha ma varvint e peuc’h Jezuz
    Ma vo c’hoaz o c’horf douaret
    E-tal bez o mamm, er vered.
    

N° LIX. — Mari, Mamm an Esperans.

Diskan.

Mari Mamm an Esperans ho pet truez ouz Breiz,
Ni hoc’h asped gant doujañs : dalc’hit enni ar Feiz
Mari Mamm an Esperans ho pet truez ouz Breiz,
Ni hoc’h asped gant doujañs : dalc’hit enni ar Feiz.

1

Mari n’ankounait ket,
O deus bet a-bell ’zo,
Hon eskibien d’eoc’h gouestlet,
Hag o fobl hag o bro.

2

Ar gouestl ’zo graet a-nevez
Gant hon Bro, Mamm dener,
Mamm oc’h d’imp e gwirionez,
D’eoc’h omp bugale ger.

3

A spont, a dristidigez,
Hon c’halon ’zo karget,
C’houi ’zegaso en hon touez
Fizians ha joausted.

4

Pa gomzit, mor hag avel
A sioula holl a-grenn ;
Eus an oabl e skarzit pell
Ar glao hag ar goabrenn.

5

Grit ma tavo. an avel
A c’houez er c’halonou,
Ha ma welimp o sevel
Sklaerder d’ar sperejou.

6

’Tre ho taouarn bepred sur
E lakaomp hon bag,
Dalc’hit hoc’h unan ar stur,
En Nenv ken na vo stag.

7

Pell-pell diouzimp Satan
Gant e holl vevelien,
A glask lakaat an tan
’Touez ho servijerien.

8

Dousoc’h get n’eo d’ar bleunioa
Ar c’hlizenn e miz Mae
’Vo d’imp ho madoberou,
O Mamm a garantez.

---

N° LX. — Itron Varia wir sikour (Gwengamp).

1. Salud d’eoc’h, o gwerc’hez vinniget,
   Pa zeu warnomp an abardaez
   E teuomp d’ho pedi Mamm garet
   Da ginnig d’eoc’h hon c’harantez.
   
   

Diskan

Selaouit hon peden a galon
Mamm c’houi ’zo bepred hon rekour ;
Bezit da viken hon Itron
Itron Varia wir sikour
Itron varia wir sikour.


2. Mamm ar grasou a zeu eus Doue,
   Hon diwallit ouz ar pec’hed,
   Goulennit ma chomo hon ene,
   Hep heza gantan mastaret.
   
   
3. Ho pugale deuit da zifenn,
   O Mamm dener ’kreiz ar brezel ;
   Roit dourn d’ezo e pep tachenn,
   Breman ha pa vo ret mervel.
   
   
4. Ha neuze, ’vel sikour diweza,
   ’vit kaout peuc’h Baradoz Doue,
   Grit er bed-man, ’lec’h tremen pep tra,
   Ma vo padus hon c’harante(z).
   

Y. M. G.

---

N° LXI. — Meuleudi d’ar Werc’hez e Miz Mari.

1

Ar miz-mañ leun a vuhez
Ken kaer d’an daoulagad
A zo bet anvet mat
Miz Rouanez an Aelez

Diskan

Kanomp holl meuleudi
Da Vamm Doue, da Vari.

2

Evel eun evnig joaus
A salud ar beure,
Me bo salud ive(z)
O Gwerc’hez karantezus.

3

E Miz Mae, o Mamm garet
Peu tra a ro kentel,
A lavar d’imp sevel
Betek ho tron, hon spered.

4

Pa c’hrougous an durzunel
Er c’hoad e-pad an deiz,
E galon ’drid ’n e greiz,
Ennoc’h e sonj ho pugel.

5

A-dreuz ar prad o redek,
Pa welan ar wazig,
Pell diouz ar bed, Mammig,
E fell d’in mont ’n ho trezeg,

6

Sioul-kaer an abardaez,
An eostig, brao, a gan :
'Vel-se me ma unan,
Da noz a gan d’eoc’h ivez

7

A-wechou garm ar sparfell
A daol spont tro-war-dro :
C’houi, Gwerc’hez, am miro
Breman ha betek mervel.

8

En ho Paradoz goude,
Hep aon, me ho meulo :
An nevez-hanv eno
A bado keit ha Doue !

---

N° LXII. — D’ar Werc’hez, diouz ar beure.

1. Tostaat a ra heol splan ar beure
   Ar c’houlz a zo d’in da sevel
   Da genta e fell d’in koulskoude
   Dihun ma c’halon a vugel
   Dihun ha digor ma c’halon
   Ha ma mouez ivez
   Da gana d’am Mamm, d’am Itron :
                Ave ! Ave !
   
   
2. Evnig skanv en amzer o nijal,
   Beure mat ’lavar e sonig,
   ’hed an deiz betek an noz tenval
   Morse ne davo e vouezig :
   Evel-se, Mari, hep paouez,
   E rankan bemdez,
   Ho saludi gant levenez.
                Ave ! Ave !
   
   
3. Eun deiz all evidoun a darzo,
   Na pebez spont ’vit ma spered !
   Sklaset em gwele, ma c’horf maro
   Da c’houlou deiz ne savo ket :
   Eus an Nenvou, d’am diarbenn,
   Diskennit neuze,
   Ha d’eoc’h e kanin da viken :
                Ave ! Ave !
   

---

N° LXIII. — D’ar Werc’hez, diouz an noz.

1. An noz war ar bed a ziskenn
   Setu koulz an deñvalijen
   Dirak hoc’h Aoter koulskoude
   Eo ken dous pedi Mamm Doue,
   Ma taoulinomp eno neuze.
   
   
2. Brezel hon eus gant an diaoulou,
   An dud fall hag hon gwall dechou :
   Dirak hoc’h Aoter koulskoude
   Eo ken dous pedi, Mamm Doue,
   Ma trec’h ar peuc’h en hon ene.
   
   
3. Ar boan hag an dristidigez
   A frailh hon c’halon alies :
   Dirak hoc’h Aoter koulskoude
   Eo ken dous pedi, Mamm Doue,
   Ma tizec’h hon daerou neuze.
   
   
4. Rust-kaer alies an amzer
   Hag al labour hir ha pounner :
   Dirak hoc’h Aoter koulskoude
   Eo ken dous pedi, Mamm Doue,
   Ma vez skanvoc’h hon bec’h goude.
   
   
5. Aman ganeoc’h ne skuizomp ket ;
   Kuitaat eur vamm a zo kalet :
   Dirak hoc’h Aoter koulskoude
   Eo ken dous pedi, Mamm Doue,
   M’hon gwelot o tont adarre.
   

---

N° LXIV. — Evit Kloza Miz Mari.

Ton : L.

1. Hirie ’lavaromp trugarez
   ’vit ar grasou hoc’h eus skuilhet
   Warnomp, Rouanez an Aelez
   E-pad ar miz-man binniget.
   
   

Diskan.

D’eoc’h e ouestlomp hon c’halonou ;
Renit enne ’vel en Nenvou,
Ho servija fell d’imp, Mari,
A-raok mont du-se d’ho meuli.

2. Bep beure ’baoe an deiz kenta
   Ho saludemp gant levenez,
   O Klevout dre-holl o kana
   Evnigou an amzer-nevez.
   
   
3. Da noz dirak hoc’h Aoteriou,
   C’houi a wele ho pugale,
   Kaeroc’h ’get eur parkad bleuniou,
   O tiskouez d’eoc’h o c’harante(z).
   
   
4. Ouz ar pec’hed e tiwallemp,
   Ma ne ouelje ho taoulagad :
   Hent ar vertuziou a heuliemp
   D’ober plijadur d’hon Mamm vat.
   
   
5. En deiz ma tarzo c’hoaz brezel
   Enep d’eoc’h ha d’ho pugale,
   Bezit dalc’hmat, o Mamm santel,
   Hon skoazell ’vel e-pad miz Mae.
   
   
6. D’an Illiz savet gant Jesuz,
   Dre e vuhez hag e varo,
   Plijit astenn Ko tourn nerzus,
   Ganeoc’h warnomp ’vit ma reno.
   
   
7. Da c’hortoz ma vimp unanet
   Er Baradoz en-dro d’ho tron :
   Eno Nevez-amzer bepred,
   Ha levenez ’leiz ar galon !
   

---

N° LXV. — Bemdez, Bemnoz.

Ton : O Filii…

Diskan.

Bemdez, bemnoz hag e pep ti,
          Meulomp Mari.


1. Tridal ’ra palez an Nenvou
   Hag hon sent koz en Ilizou
   Pa lavar an holl galonou :
             Meulomp Mari.
   
   
2. Kristenien, deut d’an ilizou,
   Heman eo miz ar c’hantigou
   Klevout reer en holl vroiou :
             Meulomp Mari.
   

3. Plijet ganeoc’h, sent hag aele(z)
   Unani ho mouez gant hon re :
   Hon c’han a vo kaeroc’h neuze.
             Meulomp Mari.
   
   
4. Ni zo da Vari ’n em ouestlet,
   Da Vari ni a vo bepred :
   Kanomp eta gant joausted :
             Meulomp Mari.
   
   
5. Kalz o deus doujans ’vit Mari,
   Ha kalz o deus fizians enni :
   Aman an holl a zo d’ezi.
             Meulomp Mari.
   
   
6. Hirie, Rouanez an Nenvou,
   Plijit degemer hon gouestlou ;
   Ni a ro d’eoc’h hon c’halonou.
             Meulomp Mari.
   
   
7. Mari, war an Aelez renit,
   An Anaon eus ar boan tennit,
   Holl nerz an droukspered torrit.
             Meulomp Mari.
   
   
8. Mari repu e pep mare,
   Mamm dous bepred d’ho pugale,
   C’houi hon c’haso betek Doue,
             Meulomp Mari.
   
   
9. Mari, ne vimp ket pardonet,
   Ne drec’himp war an droukspered,
   Nemet ganeoc’h-c’houi skoazellet.
             Meulomp Mari.
   
   
10. Hep Mari vezer ket salvet,
    Gant Mari ne vezer kollet ;
    Mari ni a vo d’eoc’h hepred.
              Meulomp Mari.
    
    
11. Selaouit ouz hon pedennou,
    Hon difennit ’hed hon deiziou,
    Hon sintrit war hon talarou,
              Meulomp Mari.
    
    
12. Mari, pa ’z oc’h ken galloudus,
    Bezit ivez trugarezus,
    Pedit ’vidomp ho Mab Jezuz.
              Meulomp Mari.
    

13. Grit ma vo bepred dourn Doue
    Dous e-kenver ho pugale,
    Ma ’z aimp d’an Nenv da gana ge :
              Meulomp Doue.
    

---

N° LXVI. — Al labourer d’ar Werc’hez.

Diskan 𝄌

1. Ar martolod en e vagig
   Ho salud gant eur galon laouen
   D’al labourer en e barkig
   Ez oc’h gwerc’hez ar Werelaouenn.
   
   

Diskan

C’houi a zo eur vamm garantezus
Bepred mat evit al labourer
Bezit outan trugarezus,
Pep degouez hag e pep amzer
E pep degouez hag e pep amzer.


2. Doue, e galon ken tener,
   Madelezus ’vit e vugale,
   Dre wir vurzud en o c’henver,
   O gwisk hag o mag da bep mare ;
   Met ar c’haera eus e vurzudou
   Drezi holl c’hrasou an Aotrou.
   A vez bemdez d’imp holl kinniget. (2 w).
   
   
3. Hada ’reomp ’n hon douarou
   Ar greun gant hon c’houezenn distrempet,
   Met alies hon trevadou
   A vez gant gwall timzer dispennet ;
   Pellait pep droug, pep gwalenn,
   Ni hoc’h asped, diouz hon tiegez,
   Hag e lavarimp d’eoc’h, laouen,
   Mil bennoz evit ho madelez. (2 w).
   
   
4. Gant bodekou hon parkeier,
   En o zouez bleun roz ha bleun lili,
   E unanimp hon moueziou gredus,
   O Mamm dener, evel n’eus hini.
   Ha pa ’z omp d’eoc’h gwir vugaligou,
   E unanimp hon moueziou gredus,
   Gant richan an evnedigou,
   Da gana d’eoc’h, Mamm drugarezus. (2 w).
   
   
5. Pa son ar c’hloc’h an Anjeluz,
   E seblant d’imp klevout an aelez,
   O kana en Nenvou skedus :
   « Ni ho salud, c’houi, Mamm ha Gwerc’hez ».
   Teurvezit selaou hon pedennou,
   Skuilhit war hon labour ho pennoz ;
   Hag e ve kalet hon planedenn,
   D’eoc’h, gloar meuleudi bemdez, bemnoz. (2 w).
   
   
6. Pa zeu miz Mae, miz ar bleuniou,
   E kan ar maeziou gant levenez :
   Pegen brao beza en Nenvou,
   E-kichen Rouanez an aelez.
   O Mari, e-kreiz hon trubuilhou,
   Grit ouzimp eur sell leun a druez,
   Hag e kanimp meuleudiou
   D’eoc’h, Mamm vat, betek fin hon buhez. (2 w).
   
   
7. An amzer buan a dremen,
   Pe vez yen-skourn, tomm-skaot pe glouar ;
   Ken buan hag eul luc’hedenn,
   ’tremen ar vuhez war an douar. !

O Mari, pa ’zeuy hon tremenvan,
Grit d’imp beza dinec’h, dibreder,
’vit mont, ho tor digor-ledan,
D’an Nenv, ganeoc’h ’vit an holl amzer. (2 w).

---

KANTIGOU DA SANT JOZEB

————

N° LXVII. — Sant Jozeb, Pried Mari.

1

Sant Jozeb pried Mari
Tad mager da Jezus
Ni fell d’imp hoc’h enori
Patron karantezus

Diskan.

Sant Jozeb pried Mari
Tad mager da Jezus
Ni fell d’imp hoc’h enori
Patron karantezus

2

Mirour roet gant Doue
D’e Vab ha d’ar Werc’hez,
Bet hoc’h eus en ho puhe(z)
Anken ha levenez.

3

Evit degemer Jezuz
N’hoc’h eus na tan na ti
Met-ho kalon ’zo eürus
O tont d’E adori.

4

Pa glask Herodez Jezuz
D’E lakaat d’ar maro,
Gant pebez feiz burzudus
E gasit da bell bro !

5

Pebez poan, ’pad tri devez !
Jezuz a zo kollet :
Goude, pebez levenez,
Jezuz hoc’h eus kavet !

6

Ho labour en deus maget
Ho Krouer, Mab Doue ;
En ho labour Mestr ar bed
Ouzoc’h-c’houi a sente !

7

War an douar trubuilhet,
En Nenvou, war ho tron,
C’houi ’za galloudus-meurbet
Ha tener a galon.

8

Jezuz a bleg d’ho pedenn
’Vel e Vamm ho pried :
Teurvezit ’ta d’in goulenn
Ar c’hras ma vin salvet.

9

Pa vin galvet gant Doue,
Patron ar Maro Mat,
Deut gant eun dourn a drue(z),
Serrit ma daoulagad.

10

Tost d’eoc’h ha tost da Vari,
E-kichen tron Jezuz,
Neuze ez in d’ho meuli,
O ma Fatron eürus.

T. B.

---

N° LXVIII. — Kanomp-holl meuleudi da Jozeb.

Ton : XVII

Diskan

Kanomp holl meuleudi
Da Jozeb, pried Mari.
Kanomp holl meuleudi
Da Jozeb, pried Mari.

1

Piou a c’hallo ho meuli,
O Sant Jozeb eürus
Tad mager da Jezuz
Pried d’ar Werc’hez Vari ?

2

An hini a voe spontet
Pa zeuas en he zi
Eun ael d’he saludi
Ho kemeras da bried.

3

War ho tivrec’h binniget
Hoc’h eus douget Jezuz,
War ho kalon joaüs
Pet gwech en deus-hen kousket ?

4

Roue an holl rouaned
Ouzoc’h-c’houi a sente ;
Ha gwir Vab ho Toue
Ganeoc’h a zo bet maget.

5

An Doue Hollc’halloudus,
Dindan ho ti kuzet,
En deus ho skoazellet
En ho labouriou poanius.

6

Bet hoc’h eus en ho puhe(z),
Siouaz, kalz a boaniou :
Met pa skuilhec’h daerou,
Dourn Jezuz o dizec’he.

7

Ha pa zeujoc’h da guitaat
Eur bed ken ankenius,
Gant Mari ha Jezuz
’Voe serret ho taoulagad.

8

Dreist ar sent hag an Aeled,
’N ho santelez skedus
War eun tron lugernus,
C’houi a zo breman savet.

9

Troit eta ho sellou
Ouzimp, ho pugale,
Ha betek tron Doue
Plijit kas hon pedennou.

10

O sant bras, evidoun-me
Eur c’hras a c’houlennan
Deut em eur diweza(n)
Da zegerner ma ene.

11

O ma zad karantezus,
Grit ma teuy ho pugel
Eveldoc’h da vervel
Etre Mari ha Jezuz.

12

Jozeb, Jezuz ha Mari,
Roit d’in ho skoazell,
Ha gras d’in da vervel
’N eur gana ho meuleudi !

13

Goude se en ho kichen,
En Nenvou azezet,
Gant ar sent, an Aeled
Me ho meulo da viken.

40 devez « induljans »
(Levr Bugale Mari)

---

N° LXIX. — Sant Jozeb ni ’zeu d’ho pedi.

1. Eveldoc’h mirout ni ’garfe,
   E-kreiz ar bed, Lezenn Doue,
   Trec’hi war hon holl fallblegou,
   Ha mont eeun gant hent an Nenvou.
   
   
2. Ho ti ’zo bet ti hon Salver,
   Ho heulia ’ rae war ho micher ;
   Hon c’halon a dridfe ’n hon c’hreiz,
   Gant Jesuz-Krist enni noz-deiz.
   
   
3. Met dre bec’hi ma tigouezfe
   D’imp e bellaat diouz hon ene,
   E gavout ni ’garfe raktal,
   ’vel p’ho poa e gollet gwechall.
   
   
4. Gant ho micher start ha poanius
   Hoc’h eus maget ho Mab Jezuz ;
   Dre hon oberou ni’garfe
   Maga e c’hras en hon ene.
   
   
5. Echu ganimp hon reuz aman,
   Pa vimp o kuitaat ar bed-man,
   Eveldoc’h ni varvfe eürus,
   En hon c’hichen Mari, Jezuz.
   
   
6. Ha neuze goude beza bet
   Aman war-eun-dro ho pedet,
   Er Baradoz c’hoaz, war-eun-dro,
   Da virviken ni ho meulo.
   

---

N° LXX. — Da sant Jozeb goude Kuz-heol.

Diskan

O sant Jozep er Baradoz soñjit ennomp epad an noz ;
D’ho pugale gant karante plijit rei ho pennoz.


1. An heol en deus kuzet ouzimp e sklerijenn
   War ar bed a bep tu e kouez teñvalijenn ;
   Dalc’hit en hon c’halon, plann bepred ha gwrezus
   Ar grasou d’imp prenet war ar groaz gant Jezuz.
   
   
2. Al loened gouez en noz a glever o yudal
   Enep d’imp noz ha deiz e yud hon techou fall ;
   Harzit na vez ganto hon eneou taget,
   N’ouzomp nemet huchal, met trec’hi n’ouzomp ket.
   
   
3. A-dal ma vo warc’hoaz distro heol ar beure,
   Ha deut koulz al labour hag ar boan adarre,
   Ra vo ano Jozeb an trede ’n hon genou,
   Gant Jezuz ha Mari en hon holl drubuilhou.
   

---

N° LXXI. — Dirak skeudenn sant Jozeb.

1

Ma ene a vez laouen
Tridal ’ra ma c’halon
Bep tro ma welan skeudenn
Sant Jozeb dirazon.

Diskan

Dre Vari ha dre Jezuz
Pa vo fin ma buhez
Sant Jozeb madelezus
Ho pet ouzin truez.

2

’N e zourn eur flourdilizenn,
War e vrec’h Mab Doue,
War e benn eur gurunenn
Kurunenn eur roue.

3

Eur roue e gwirionez,
Uhel dreist an Aeled ;
Eun Tad leun a garantez
En hon c’henver bepred.

4

Ken a gredan, me ive(z),
O sant Jozeb, goulenn
Diganeoc’h a-berz Doue,
Maro eur gwir gristen.

5

Pa ne glevin ken moueziou
Ma c’herent o ouela,
Pa vo marc’het em genou
Ma zeod a gan brema.

6

Tro-war-dro pa ne gavin
Nemet tenvalijenn,
Hag o sklasa pa santin
Ma c’halon ha ma fenn.

7

O pegen euzus neuze
E krenin gant ar spont,
O welout ’vo deut d’in-me
An eur da renta kont !

8

Satan ma skei a glasko
Gant liorz an dizesper :
Piou outan am dilenno
P’am galvo ma Barner ?

9

Na lezit ket ma ene
Da guitaat ar bed-man,
Nann, hep kaout digant Doue
Ar pardon evitan.

---

EN ENOR D’AN AELEZ

————

N° LXXII. — An Aelez hag an Dud.

1. Piou ’lavaro, kristenien, pegoulz eo bet krouet,
   Gant Doue hollc’halloudek an Aelez binniget ?
   Araok ar mor, an douar, ar stered lugernus,
   E kanent o meuleudi d’an Drinded Hollbadus.
   
   

Diskan

Aelez Doue, Aelez eürus
desket d’imp servija Jezuz ;
’veldoc’h ez omp e vugale,
An Neñv a zo hon bro ivez.


2. Gwelet o deus an douar o kemer e dachenn,
   An heol o skuilha warnan e genta sklerijenn ;
   Dirazo e tibabas Doue ar pri melen,
   Ma reas gantan ken brao e gorf d’ar c’henta den.
   
   
3. Skrijet o deus pa gouezas Adam en e bec’hed,
   Ha pa ruilhas gwad Abel gant dourn e vreur lazet,
   Pa glevjont o tidarza ar c’hurunou spontus,
   Hag an dour-beuz o tiruilh war benn an dud kablus.
   
   
4. Ouz Abraham e Membre ’lies o deus komzet,
   Gant Moizez er gouelec’h pell o deus baleet,
   Tridet o deus pa gane David ha Salomon,
   Pa c’harme Jeremiaz war lein menez Sion.
   
   
5. Eun Ael a zezrevelas d’ar profed Daniel
   Pegoulz e tlee Jezuz ha genel ha mervel,
   Eun Ael henchas Tobiaz eus Niniv da Rajez ;
   Izaiaz hag Eliaz a veve en o zouez.
   

6. Pa voe ganet hon Salver ’us d’e graou ’pad an noz,
   O moueziou flour a gane soniou ar Baradoz ;
   Pa rae e vurzudou e pep lec’h e heulient,
   Pa varvas war ar C’halvar, ’tal ar Groaz e klemment.
   
   
7. Int ’lamas ar maen pouner a stouve war e vez,
   A strafuilhas ar gwardou ’oa outan war evez ;
   E-pad ma pigne d’an Nenv betek e dron uhel,
   Daou Ael a zic’hlac’hare kalon an ebestel.
   
   
8. ’us d’an Iliz katolik e nijont a-vandenn,
   Er peuc’h evit he mirout, er brezel d’he difenn :
   Yudal forz a ra warni Satan hag ar re fall ;
   Harpet-mat eo a-bell ’zo, n’haller ket he finval.
   
   
9. An dud varo, deiz ar Varn, ganto a vo galvet,
   Hag e traonienn Jozafad a bep tu dastumet :
   Stlepel ’raint ’kreiz an ifern diaoulou ha re daonet,
   Ha dougen d’ar Baradoz ar gristenien salvet.
   
   
10. Neb a gar a zo karet ; neb a bed, skoazellet ;
    Hep eun Ael mat d’e virout n’eus ket eun den er bed :
    Heuliomp e ali bepred, hep ober poan d’ezan ;
    Hag er Baradoz ivez ’vimp eürus gantan.
    

---

N° LXXIII. — Pedenn d’an Ael-mat.

Diskan

Me oar e chomit deiz ha noz,
D’am heul ’vit rei d’in ho pennoz
Penaos ’teufen d’hoc’h ankounaat,
Ma gwella mignon, ma Ael-mat ?


1. Roit d’am divrec’h pa labouran
   Nerz d’ober ar pez a dlean,
   Ma c’hallin gounit ma buhe(z),
   Keit ha ma plijo gant Doue.
   
   
2. Ganin er park p’en em gavit,
   Pep pec’hed ouzin a harzit :
   Grit d’am zeod em genou tevel
   Enep d’ar Feiz, d’an Aviel.
   
   
3. Ni holl er gêr, tud hag Aeled
   Evel er Baradoz mesket,
   Grit ma vevimp er garante(z),
   Nesa, kerent ha bugale.
   
   
4. War ma daoulin, gant ma Fater
   Dirak Kroaz Jezuz, ma Salver,
   Pedit ganin, ’ us d’am spered
   Ganeoc’h hoc’h eskell astennet.
   
   
5. Hoc’h eskell warnoun astennet
   Da guzat ouzin traou ar bed :
   Mougit ennoun trouz an douar
   Ma vo ma sonj gant ma lavar,
   
   
6. Aet an heol diwar ar bale,
   Deut neuze ganin da vale,
   Rak an diaoul hag e vevelien
   ’zo gwasoc’h en denvalijenn.
   
   
7. Em gwele, pa vin o vervel,
   O, deut ’vel gwechall em c’havell,
   Rak ganeoc’h e fell d’in nijal
   Prim eus ar bed-man d’ar bed all.
   
   
8. Betek an Nenv c’houi am hencho,
   Betek Jezuz c’houi am reno,
   Hag e teskot d’in kana ge
   Ar soniou a blij da Zoue.
   

---

N° LXXIV. — Aelig Doue (War don XIX).

Ton : XIX.

Diskan.

Ma diwallit, aelig Doue
Mirit ma c’horf ha ma ene (bis).

1. Diskouezit d’in e peb amzer
   Bolonte santel ma Salver (bis).
   

2. Ma mirit diouz an, drouk-spered
   Ha dreist pep tra diouz pep pec’hed (bis).
   
   
3. Lakit evez na vin tromplet
   Dre fallagriezou ar bed (bis).
   
   
4. Hag em c’hichen chomit ato
   Dreist-holl pa zeuio ar maro (bis).
   
   
5. Reit d’in neuze kalz a zaerou
   Da ouela ma holl fec’hejou (bis).
   
   
6. Evit ma c’hallin da Zoue
   E stad vat renta ma ene (bis).
   

---

EN ENOR DA SANTEZ ANNA

————

N° LXXV. — Mamm an Itron Varia.

Diskan

Mamm an Itron Varia
Ha Mamm ar Vretoned,
O Itron Santez Anna,
Ni ho karo bepred.

1

A-viskoaz ’deus bet tridet
Ho karantez ’n hon c’hreiz ;
A-bell ’zo oc’h bet anvet
Da Batronez d’hon Breiz

2

’Vel hon tud-kpz Bretoned
Hon fizians ar vrasa
Ennoc’h ’lakaomp bepred,
Itron Santez Anna,

3

Sellit, e-tal ar c’havell,
Ar vamm-se daoulinet ;
Pedi ’ra ’vit he bugel
Santez Anna Wened.

4

Ar c’hlanvour gant an derzienn
Dalc’het war e wele,
D’eoc’h en deus graet eur bedenn,
Ha setu hen pare.

5

War ar maez e Breiz-Izel
Pa glasker diskuiza,
Ouz an Nenvou graet eur sell,
E kroger da gana :

6

Selaouit war ar menez
Ar mesaer o kana :
Ho meuli a ra ivez,
Itron Santez Anna.

7

Ar soudard kaez er brezel
A bed Santez Anna,
Ha pa vezo ret mervel
E teuy c’hoaz da gana :

8

Ar mor ’zo dichadennet,
He fedit, martolod,
Ha Santez Anna Wened
’Gaso ho lestr d’an aod.

9

War eur mor leun a reier
’Omp siouaz er bed-man
Diwallit hon bag dister,
Itron Santez Anna(n)

10

Bugale geiz da Eva
Ni a glask hon gwir vro ;
O Itron Sahtez Anna,
D’an Nenv c’houi hon reno.

40 devez « induljans »
(Levr Bugale Mari)

---

N° LXXVI. — Itron vat santez Anna.

Diskan

Itron vat santez Anna, c’houi ’zo nerz Breiz-Izel,
Hon skoazell e pep amzer, er peuc’h hag er brezel ;
An holl Vretoned, amañ, a gan a-greiz kalon,
Ha war douar, ha war vor, meuleudi d’eoc’h, Itron.


1. C’houi hepken ’touez ar mammou ’ch eus lakaet er bed
   Eur bugel gant he c’hrouer, a-raok genel, karet :
   C’houi ’zo Mamm da Vamm Doue, da Vamm ar gristenien,
   Ho merc’h a zo Rouanez an holl grouadurien.
   
   
2. Pa oa ganeoc’h en ho ti, Mari d’eoc’h a blege,
   Pa lavarec’h eur gerig, raktal hi selaoue ;
   N’eo na bouzar nag amzent, en Nenvou, war he zron
   Teneroc’h eget biskoaz eo breman he c’halon.
   
   
3. Evel Mari ha Jozeb, pa gomzit ouz Jezus,
   E anvit e gwirionez ho Mab karantezus :
   An dud a gar o mamm-goz, c’houi ’zo mamm-goz ive(z),
   Ha Mab ho Merc’h a zo gwir den ha gwir Doue.
   
   
4. Eürus dreist an holl boblou ar bobl a Vreiz-Izel,
   O kaout evit Patronez eur santez ken uhel !
   Keit ha ma talc’ho ar mor da c’houriza hon bro,
   E Breiz, dre skoazell Anna, ar Feiz start a chomo.
   
   
5. N’eo ket a-walc’h d’ar c’hristen anavout ar wir Feiz :
   Ne deo nemet eur barr sec’h, hep karantez ’n e greiz ;
   Anna, deskit d’imp karout Jezuz hag ar Werc’hez,
   Ha ganti da virviken bezit hon Rouanez.
   

(Tennet eus Levr an Ao. Gwillouzig.)

---

N° LXXVII. — Itron santez Anna.

Ton : LXXV.

Diskan

Itron Santez Anna,
Mamm-goz ar Vretoned,
Grit ma vimp dreist pep tra
Gwir gristenien bepred.

1

’Vidomp eun enor kaer,
Eur joa dispar, ive(z),
Anna deut d’hôn c’hemer
Evit he bugale.

2

’Vidomp he deus Anna
Ar garante vrasa,
Hag evidomp e ra
He burzudou kaera.

3

Anna ’vit ar re glanv
A zo eur gwir rekour. ;
O foaniou ’gavont skanv
Pa deurvez o sikour.

4

Pet gwech he deus rentet,
O, madelez dispar !
D’an den dall, ar gweled,
Ar c’hleved d’ar bouzar.

5

Pet gwech e-kreiz ar mor
’Deus roet a-greiz-holl
Avel vat ha goudor
D’an dud o vont da goll.

6

Rak-se ’ta pa savo
Ar mor e houlennou.
D’ezi, m’o diwallo,
Gouestlit ho kalonou.

7

Pa zeuio d’o samma
Poan gorf pe boan spered.
Pedit Santez Anna
Hag ho po ar yec’hed.

8

Tud yaouank, ma vennit
Mont e servij Doue
Diganti goulennit
Terri d’eoc’h pep fouge.

9

Pedit, c’houi, mammou ker,
Evit ho pugale ;
Warni kemerit skouer,
Hi ’zo bet mamm, ive(z).

10

Ar gwerc’hezed ganti,
Sur, a vo selaouet :
Mamm ar Werc’hez Vari
A gar ar Gwerc’hezed.

11

C’houi holl, tud a labour,
Dindan ar boan brevet,
Goulennit he sikour.
P’eo ganeoc’h ken troet.

12

P’eo bet ’n em ziskouezet.
’Voe d’eul labourer paour,
Ha nann d’eun den gwisket
E seiz, perlez hag aour.

13

Ha c’houi holl, tud a vor,
E-kreiz ar wall amzer.
Anna, da rei d’eoc’h gor
Ouz riskl, avel, reier.

14

O, pegoulz ho kwelimp,
Evel pirc’hirinded ?
Ha pegoulz e pokimp
D’ho skeudenn vinniget ?

15

Na chomit ket en hent,
C’houi erru war an oad ;
’Vit mervel evel sent,
Pedit Anna ervat.

16

Grit d’imp douja bepred,
D’hon bugale, ive(z),
Evel gwir vretoned,
Da holl lezenn Doue.

17

Itron Santez Anna,
Mil bennoz, trugarez !
Ni ’ray ’vit ar gwella
D’ho karout mui bemdez

(Ar re a yelo da Santez-Anna Wened, a gano :)

18

Betek Santez-Anna,
Eomp holl, Bretoned,
Rak di an neb a ya
’Vez selaouet bepred.

19

Sed an tour du-hont pell,
Daoulinomp, kristenien,
Ra viot, lec’h santel,
Meulet da virviken.

20

Klevout a ran breman
O seni ar c’hloc’h bras ;
Itron Santez Anna(n),
M’ho kwelo, eur wech c’hoaz.

(Hervez Kantigou Gwened)

N° LXXVIII. — Da santez Anna.

Ton : Kalon dous a Vari

Diskan

Enor, enor da Santez Anna,
Meulomp, meulomp ar vamm ar wella.

1

Aelez kaer an Nenvou,
Deut a-denn-askell,
D’unani ho moueziou,
Gant re Vreiz-Izel.

2

Meulomp a vouez uhel
Eur vamm a drue(z),
Ni holl e Breiz-Izel
’Zo he bugale.

3

Mamm ar Werc’hez Vari,
Mamm-goz da Jezuz,
D’an neb ’zeu d’he fedi
’Zo trugarezus.

4

Soudarded Breiz-Izel
Ken gwevn en emgann,
A c’houlenn he skoazell
A-raok mont d’an tan.

5

Bemdez ’klever kana
Gant tud ar mor doun :
« Itron Santez Anna,
Pedit evidoun ! »

6

Al labourer kristen,
D’eoc’h, Santez Anna,
A lavar e bedenn,
A zeu da gana :

7

Ar c’hlenvejou gwasa(n)
Hoc’h eus pareet ;
Nag a bedenn aman
Hoc’h eus selaouet.

8

C’houi ’zo Patronez Breiz,
Gwechall bro ar Sent ;
Dalc’hit enni ar Feiz
Evel diagent.

9

Spontus eo an arne,
Patronez santel,
Mirit ho pugale
Dindan ho mantell.

10

Eun deiz, en ho kichen,
Grit ma vimp eürus
O veuli da viken
Mari ha Jezuz.

---

---

EN ENOR DA SANT ERWAN

————

N° LXXIX. — Aotrou sant Erwan Binniget.

Diskan

Aotrou sant Erwan biniget,
Enor ha skoazell hon bro,
An neb ho ped en deus bepred
Eun difenour en Nenvou.


1. En hon touez eus a sant
   Erwan bras eo ar madoberou
   O soñjal enno peb unan
   A wir galon ’lavaro.
   
   
2. En Nenvou Vel war-an douar
   Sant Erwan ’zo galloudus,
   Hag e galon da neb e gar,
   ’zo mat ha trugarezus.
   

3. Kement hini da sant Erwan
   A vo bet en em ouestlet,
   E pep ezomm hag e pep poan,
   Gantan a vo skoazellet.
   
   
4. Pa vez glao bras, re a dommder,
   Gant an trevadou nec’het,
   Da sant Erwan e tereder,
   Sur da veza selaouet.
   
   
5. D’ar beleg, d’an den a lezenn,
   Beleg santel, advokad,
   Sant Erwan ’ro skouer, sklerijenn
   'Evit ren o c’harg ervat.
   
   
6. Ar vamm pa lavar eur bedenn
   Da sant Erwan beure-noz,
   Kalon he mab ’vel eur rozenn
   ’Dro war-du ar Baradoz.
   
   
7. An intanvez paour en he foan,
   He bugale hep sikour,
   En em erbed ouz sant Erwan,
   Ha sant Erwan he rekour.
   
   
8. Ar bugelig kaez, emzivad,
   Tad ha mamm gantan kollet
   E Sant Erwan a gav eun tad
   D’e vlenia ervat bepred.
   
   
9. Ar soudard galvet d’an arme,
   Kent kuitaat, da Sant-Erwan
   A ya da bedi, ha neuze,
   A-greiz e galon a gan !
   
   
10. Ar martolod war ar mor do(u)n.
    Gwall hejet e vag vihan,
    A zo fizians en e galon :
    E sturier eo sant Erwan.
    
    
11. Al labourer a gar ar sant
    A gav skanvoc’h an arar,
    Kalz blotoc’h ’vez ar park, pa blant
    Pa sko e bal en douar.
    
    
12. An devezour, an den a boan,
    Bemdez kent mont d’e zevez,
    Mar deu da bedi sant Erwan,
    A gano gant levenez :
    

13. Ni a zo holl devezourien
    Er bed-man ha tud a boan ;
    Ha c’houi ’zisprizfe hon pedenn,
    C’houi, Aotrou mat, sant Erwan.
    
    
14. Kalz ac’hanomp hep pell dale
    A vo echu o devez :
    Grit d’imp mont da gana, neuze,
    En Nenv gant anaoudegez !
    

---

N° LXXX. — Breiz-Izel da sant Erwan.

Diskan

Aotrou sant Erwan klevit hon pedenn,
Eus lein an Neñvou roit d’imp hon goulenn
Eus lein an Neñvou roit d’imp hon goulenn.


1. Ni ’ya da gana, hell bras ha bihan,
   Gloar hag enor d’eoc’h, Aotrou sant Erwan.
   
   
2. Sant Erwan e Breiz dre-holl ’zo brudet,
   E Treger, Leon, Kerne ha Gwened.
   
   
3. Gant tud a bep stad, uhel hag izel,
   E peder Erwan, a-dost hag a-bell.
   
   
4. ’vit an holl e oa leun a garante(z),
   Evel gwir vreudeur o degemere.
   
   
5. Eun deiz e teuas Jezuz e-unan
   Da glask aluzen digant sant Erwan.
   
   
6. Graet en deus ar vad ’hed e holl amzer,
   Breman ’toug en Nenv eur gurunenn gaer.
   
   
7. Bep hloaz sant Erwan a vez c’hoaz gwelet
   El lec’hiou santel ’lec’h ma oa ganet.
   
   
8. Rak deiz e bardon, penn an den santel
   A vez douget c’hoaz betek e chapel.
   

9. Na dous eo pedi pa vezer er boan,
   Er chapel e-lec’h ma pede Erwan.
   
   
10. N’en deus ket e Breiz eun iliz ken kaer
    Hag e iliz-veur, e kêr Landreger.
    
    
11. Evit sant Tual, ho tad binniget,
    Aotrou sant Erwan, c’houi ’n deus he savet.
    
    
12. Burzud war vurzud war ho Pez eno ;
    N’hoc’h eus ket bet graet mui neblec’h er vro.
    
    
13. Gant fizians, efa ho pedimp bemde(z),
    Hag eveldoc’h-c’houi ni ’garo Doue.
    
    
14. C’houi ’voe advokad pa oac’h er bed-man,
    Bezit advokad c’hoaz en Nenv breman.
    

F. G.

---

N° LXXXI. — Kantig sant Erwan.

Ton : LXXX

Diskan.

Nann, n’eus ket e Breiz, nann, n’eus ket unan,
Nann, n’eus ket eur sant evel sant Erwan. (2W)


1. N’eus ket en Argoad, na mui en Arvor,
   Koulz ha sant Erwan ’vit an dud a vor.
   
   
2. N’eus ket, nann, er vro ’vel ma lavarer,
   A vefe ken mat ’vit al labourer.
   
   
3. N’eus ket kaeroc’h skouer d’an dud a lezen,
   Evit sant Erwan, skouer ar veleien.
   
   
4. Ha d’ar beorien gaez, ha d’an dud a boan,
   Nann, n’eus ket gwelloc’h eget sant Erwan.
   
   
5. N’eus ket eur chapel, e beder enni
   Gant mui a galon ’vit er Vinihi.
   
   
6. Ma fell d’eoc’h an tu da gaout ho mennad,
   Pedit sant Erwan, ha pedit ervat.
   
   
7. Pegen mat pedi, pa vez poan-spered,
   E-lec’h ma pedas ar sant binniget !
   
   
8. Pegen brao pleustri an douar santel,
   Bet pleustret gwechall gant Sant Breiz-Izel !
   
   
9. Eus a Gervarzin, stok d’ar Vinihi,
   Ez oa genidik Erwan Helouri.
   

10. Eno e c’hanas eun devez hon Sant,
    Er bloaz daouzek kant tri hag hanter-kant.
    
    
11. E-pad e vuhez eur skouer ’vit an holl,
    Bevomp eveltan, n’aimp ket da goll.
    
    
12. D’e hanter-kant vloaz e varvas neuze,
    Hag a-denn-askell, d’an Nenv, e ene.
    
    
13. N’en deus ket e Breiz, eun iliz ken kaèr
    Hag e Iliz-Veur e kêr Landreger.
    
    
14. Evit sant Tual, hon tad binniget,
    Dre urz sant Erwan ez eo bet savet.
    
    
15. Goude e varo e gorf archedet,
    En e Iliz-Veur a voe douaret.
    
    
16. Eur bobl-tud, bemdez, adalek neuze,
    ’Zeuas war e vez da bedi Doue.
    
    
17. N’eus bez, evit gwir, en defe gwelet
    Burzud war vurzud ken kaer c’hoarvezet.
    
    
18. Yann V, dug a Vreiz, ’vit e enori
    ’gaeraas e vez d’Erwan Helouri.
    
    
19. Ar bez dismantret ’kerz an Dispac’h Vras,
    ’Zo bet adsavet kaeroc’h ’get biskoaz.
    
    
20. Sant Erwan e Breiz dre-holl zo brudet
    E Treger, Leon, Kerne ha Gwened.
    
    
21. Ha gant pep rannvro, ’barz ar bez nevez,
    Lakaet he maen, gant joa, levenez.
    
    
22. Ma n’eus ket eur sant evel sant Erwan,
    Kaeroc’h ’get e vez, nann, n’eus ket unan.
    
    
23. E miz Mae bep bloaz ’vez eur pardon Kaer,
    Pardon sant Erwan e kêr Landreger.
    
    
24. Neb a ya da Rom ar Ger-Veur gristen,
    War bez Per ha Paol lavar eur bedenn.
    
    
25. Plijout d’hon Sant bras neb a fell d’ezan,
    A dle war e vez mont da zaoulina(n).
    
    
26. Eomp, kristenien, betek Landreger,
    Ha ne gollimp ket, sur mat, hon amzer.
    
    
27. Hag eur wech m’hon bo gant kalon pedet,
    A-berz sant Erwan e vimp selaouet.
    

28. Bepred, da c’hortoz, pedomp sant Erwan,
    E pep lec’h, dalc’hmat ha kuit a ehan.
    
    
29. Evel hon Tadou, int, tud a gredenn,
    Lavaromp d’ezan ’n eur gaer a bedenn :
    
    
30. Aotrou sant Erwan patron Breiz-Izel,
    Beza treitour d’eoc’h !… nann, kentoc’h mervel !
    

---

---

EN ENOR DA JAN D’ARK

————

N° LXXXII. — Betek ho tron en Nenvou, Jan d’Ark.

Diskan

Betek ho tron en Neñvou Jan d’Ark en or Bro-C’hall
E kasomp hon pedennou gant fizians ha gant mall
An dud difeiz dizoue a sav uhel o fenn
Deut c’hoaz da rei d’imp skoazell hastit dont d’hon difenn.

1. Jan d’Ark, en ho yaouankiz ’vidoc’h pebez glac’har
   Gwelout ho pro ken karet, he stad eur gwir galvar,
   Beuzet eo ho taoulagad en eur mor a zaerou,
   Gwad ho preudeur o ruilha war ar maez, er c’hêriou.
   
   
2. Jan d’Ark, sec’hit ho taerou, grit eur sell ouz an Nenv,
   Ha kent pell an enebour ’ranko souza a-drenv ;
   Bro-C’hall ’vo dichadennet, dre zourn eur plac’h dister,
   C’houi ’eo, krogit ’n ho kleze, hag ar pal a dizfer.
   
   
3. Jan d’Ark, deut eo ar mare da guitaat evit mat,
   Ho tenved hag ho kerent, breudeur ha mamm ha tad ;
   Eman Santez Marc’harid, ganti Santez Katel,
   Ouz ho pedi, truezuz, da rei d’ho Pro skoazell.
   
   
4. Jan d’Ark, gant brec’h ho Toue e voec’h kement harpet,
   Mar hoc’h eus graet burzudou, ganto ho Pro salvet,
   War ho panniel skrivet ano Jezuz, Mari,
   An enebour ’rank tec’hout, kaer en deus argadi.
   
   
5. Jan d’Ark, tachenn ha tachenn, deut eo ganeoc’h an trec’h ;
   En eur yudal an treitour a rank kemer an tec’h.
   Entanet eo e galon a gounnar en e greiz,
   Met sakret eo da roue, dre ho perz, Jarlez seiz.
   
   
6. Jan d’Ark, al labour dispar ’c’h eus graet betek breman
   A dlefe d’eoc’h talvezout mil bennoz, a gredan.
   Siouaz !… ez it da blega d’eur blanedenn c’haro :
   Gwerzet, taolet er prizon ha barnet d’ar maro.
   
   
7. Jan d’Ark, gwenn eo hoc’h ene evel eul lilienn,
   Met kavet ez eus abeg en ho puhez kristen ;
   Eur barner kriz, digalon, ’n e gorf an droukspered,
   D’eur marv spontus ho parno : en tan viot devet.
   
   
8. Jan d’Ark, en tandad, warnan ho korf santel
   Gant ar flamm a vo gwisket, evel gant eur vantell ;
   Kent mervel, ano Jezuz tridal ’ray ’n ho kenou,
   Ha prim evel eur goulmig, hoc’h ene d’an Nenvou.
   
   
9. Jan d’Ark en Nenv galloudus, ni a zeu d’ho kervel :
   Harpit ar vro ’c’h eus karet, karet betek mervel
   Ha grit m’ho lezo Doue da sikour, c’hoaz eun dro,
   Ar re a labour bemdez da savetei o bro.
   
   
10. Jean d’Ark, pa ’z oc’h c’houi breman e renk ar sentezed,
    Ni ho ped hag hoc’h asped, d’imp da veza klevet :
    Ar bed-man ’zo eur stourmad, ennan poan ha lenvou,
    Grit d’imp gounit al lore hon c’haso d’an Nenvou.
    

EN ENOR DA SANTES TEREZA AR MABIG JEZUZ

————

N° LXXXIII. — Gant fizians vras ni ’zeu d’ho pedi.

Ton : LX

1. Gant fizians vras ni ’zeu d’ho pedi,
   Tereza ar Mabig Jezuz,
   Peogwir ’fell d’eoch hon darempredi
   Goude ho maro eurus.
   

Diskan.

2. Selaouit pedenn ho pugale,
   Ha lezit da goueza warne
   Ar gliz roz a raio hepdale
   Diwan bleunv kaer en o ene. (2 w).
   
   
3. C’houi c’hoarezig dinamm an Aele(z),
   Na stokas kammed fank ar bed
   Ouz ar sae ken gwenn ’wiske hoc’h ene.
   Mirit hon c’halon glan bepred !
   
   
4. Grit d’imp heulia hent ar vertuziou,
   Ha dreist-holl santelaat ar boan,
   Beza, pep-hini, ’pad e zeiziou,
   Kristen direbech ha dizoan !
   
   
5. « An Nenv a zo evit ar bugel »,
   Hervez komz hon Salver Jezuz,
   Er skol ganeoc’h lec’h klask ’n em sevel,
   Ni ’vo doujus, karantezus !
   
   
6. « Ar Baradoz, ’vidoc’h ’n em guze
   En Osti Sakr » pa oac’h aman ;
   Hon renit ’ta da gaout an hent-se
   Ha deskit d’imp komunia(n).
   
   
7. Grit ma welo sklaer-mat hon spered
   Talvoudegez an oferenn,
   Kaera tra c’hallfe beza klevet,
   Hag a c’hras ar wella mammenn.
   
   
8. Dreist-holl ra vo deiz santel ar sul
   Roet da Zoue penn-da-benn ;
   Eno peurvuia ’man ar muzul
   Eus talvoudegez ar c’hristen.
   

9. Lakait da sevel ’n hon parroz,
   Tereza, bleuniou kaer ha stank,
   Ma vo gyelet bemdez ha bemnoz
   Furnez e-touez an dud yaouank.
   
   
10. Lagad Doue ivez a baro
    War hevelep eneou kaer,
    Hag en o zouez sur e tibabo
    Ar re ’savo ouz an Aoter.
    
    
11. Hag ar Werc’hez, e Vamm vinniget,
    ’C’hallo gwelout gant levenez,
    Muioc’h a verc’hed yaouank douget,
    Da veva ’n he Breuriez.
    
    
12. Pedit ma vevimp er santelez,
    Dre ar garantez unanet,
    Ha m’erruimp er Rouantelez
    ’Lec’h m’oc’h gant Doue kurunet.
    

Y. M. G.
Imp. 18-1-29 H. Trehiou, v. v.

---

N° LXXXIV. — Santez Tereza ar Mabig Jezuz.

Diskan

Gwerc’hez yaouank Lizieu lilienn ar C’harmel
Dirak ho skeudenn goant Breiziz ’c’houlenn skoazell
Roit d’ho pugale sikour ha sklerijenn
          Da virout ar vuhez kristen.

1. Renet ’c’h eus er bed-man nebeut a vloaveziou,
   Pleustret betek ar penn hent bras ar vertuziou,
   C’houi ’eo skouer ar c’hlanded, burzud a garante(z)
             Etre Jezuz hag an ene.
   
   
2. Bugelig, ho kalon ’oa prederiet dalc’hmat,
   Dindan sellou santel ho mamm ger hag ho tad,
   Da bellaat diouz an droug ha da greski bemde(z)
             Ho santelez dirak Doue.
   
   
3. Eur vouez ho poa klevet abred ’n ho yaouankiz :
   Galv Doue, da guitaat madou ar bed iskis.
   War-lerc’h ho c’hoarezed e viot leanez
             Dindan skeud leandi Karmez.
   
   
4. Henvel ouz ar rozenn a zigor he deliou
   Pa ’zeu tommder an hanv, glizenn ar beureou,
   Bleuniou leun a c’houez vat a ziwan ’n ho kalon,
             Jezuz enni a ra e dron.
   
   
5. N’eus ket rozenn hep broud, gwir garantez hep poan,
   ’Kreiz he buhez kuzet kalz a zrein a ziwan,
   Gouzanv a rae hep klemm : ar garantez ’zo trec’h,
             Start ’man Jezuz war ho tivrec’h.
   
   
6. Doue ’n deus kutuilhet timat ar « Rozennig »,
   Klenket ’n e Varadoz ene glan ar Verc’hig ;
   Breman tost d’he Salver, eürus ’kreiz ar c’hloar,
             E skuilh bennoz war an douar.
   
   
7. Pedet oc’h, Tereza, e pevar c’horn ar bed :
   Dre-holl ho madelez ’zo burzudus-meurbet ;
   War hon parroz ivez strewit ar bokedou
             Dizeliet e-barz an Nenvou.
   
   
8. Jezuz en deus sec’het a garantez doujus ;
   Kalz eus e vugale a ren buhez mantrus.
   Tommit ar c’halonou ha kasit ar pec’her
             Betek Kalon Sakr hon Salver.
   

B. L.

————

KANTIGOU EVIT AR RETREJOU

————

N° LXXXV. — O, ma Jezuz, setu deut an amzer.

1. O ma Jezuz setu deut an amzer
   Da bardoni da c’hlac’har ar pec’her
             Nann biken mui bugel divat
             Ne dreuzin dre ar pec’hed
                   Kalon ma zad.(2 w)
   
   

Diskan.

Parce, Domine, parce populo tuo,
Ne in aeternum irascaris nobis.


2. D’eoc’h, ma Jezuz, pa ’m eus koustet ken ker,
   Dre ho maro pa ’z oc’h bet ma Salver,
             Na skoit ket ar wech-man c’hoaz
             Eun ene ganeoc’h prenet
                   Eus lein ar Groaz.(2 w)
   Parce…
   
   

3. Gwir vab foran, aman war ma doulin,
   O, ma Jezuz, ho pet truez ouzin ;
             Gant ma daerou ha gant ho kwad,
             Ra vin gwalc’het, adwalc’het,
                   Oan dous ha mat.(2 w)
   Parce…
   
   

---

N° LXXXVI. — Poent-bras eo d’eoc’h, pec’her, distrei ouz ho Salver.

Diskan.

Poent braz eo d’eoc’h, pec’her, distrei ouz ho Salver
Poent bras eo d’eoc’h, pec’her, distrei ouz ho Salver.


1. Penaos ’vit eur blijadur dister
   A gaver e-barz ar pec’hed
   E tilezfec’h Doue ho Krouer
   Hag e heuilhfec’h an droukspered !
   
   
2. Hen eo ho Mestr leun a vadelez,
   Hen a vo ho Farner, ivez :
   Hag hoc’h eus c’hoaz an hardisegez
   Da derri e lezenn bemdez.
   

3. Sellit ouz hoc’h ene, gant truez,
   Gouelit druz war ho pec’hejou.
   Hag eus holl dechou fall ho puhez,
   Torrit raktal ar chadennou.
   
   
4. Betek breman hoc’h eus baleet
   En hentou ledan ar pec’hed,
   E meur a riskl bras en em gavet,
   Ha koulskoude ne grenec’h ket !
   
   
5. En eur stad ken trist, ken ankenius.
   Taolit evez ouz hoc’h ene ;
   Dirak an dud oc’h beo ha joaüs,
   Ha c’houi maro dirak Doue !
   
   
6. O, ma teufe, hep mui hoc’h espern,
   Ar maro d’ho skei koulskoude,
   E kouezfe hoc’h ene en ifern,
   Ha c’hoaz ne sonjit ket e se !
   
   
7. Penaos kaout ken bras dizeblanted,
   Dirak eun ifern eternel,
   Ha da vont di e viot barnet,
   Ma chomit er pec’hed marvel !
   
   
8. O, pegen skanv, pegen dall ez oc’h,
   O chom da hunvreal ken pell !
   Deut eo ar gwella koulz evidoc’h,
   P’eman Doue ouz ho kervel.
   
   
9. Na skuisit ket e basianted,
   Nag e vadelez da Zoue ;
   Rak sur-mat e viot kastizet,
   Ma tisprizit e vouez hirie.
   
   
10. Gant eur gwir glac’har d’ho pec’hejou,
    Deut da gaout Doue, me ho ped ;
    E zourn a Dad zo leun a c’hrasou,
    Ha, bezit sur, n’ho skoo ket.
    

---

N° LXXXVII. — Tremen ra pep tra.

1

Selaou ma breur ker
Tec’hout ra an amzer
      Tremen ’ra pep tra
Nerz madou yec’hed
Yaouankiz ha kened
      Tremen ’ra pep tra. (2 w).

2

Skeudenn ar vuhez
Eo al lestr a welez.
      Tremen ’ra pep tra.
E roudou er mor
’N em gloz a-vec’h digor.
      Tremen ’ra pep tra. (2 w).

3

Deiziou prizius
Grasou gwella Jezuz,
      Tremen ’ra pep tra.
Eur wech tremenet
En-dro ne zeuont ket.
      Tremen ’ra pep tra. (2 w).

4

Tud skanv hag hep stur
A glask ar blijadur,
      Tremen ’ra pep tra.
Fenoz o tansal,
Arc’hoaz er bez tenval.
      Tremen ’ra pep tra. (2 w).

5

Tud a zo temptet,
Stourmit, stourmit bepred.
      Tremen ’ra pep tra.
Echu d’ar brezel,
Ho po ar peuc’h nenvel.
      Tremen ’ra pep tra. (2 w).

6

Berr eo pep devez ;
N’eo ket hir ar vuhez.
      Tremen ’ra pep tra.
Klaskomp hepdale
Savetei hon ene.
      Tremen ’ra pep tra. (2 w).

7

Kant mil bloaz amzer
A zo c’hoaz gwall zister :
      Tremen ’ra pep tra.
Nemet c’houi Doue,
Hon Mestr hag hon Roue,
      Tremen ’ra pep tra. (2 w).

---

N° LXXXVIII. — Evit beva gant levenez.

1. Evit beva gant levenez
   N’eus ket ezomm aour na perlez ;
   Nag eur c’hastell a ve savet
   E gern betek bro ar stered
   Dindan ar soul en eul lochenn,
   Ar paour a c’holl c’hoarzin laouen :
   Evit beva gant levenez,
   Karit Jezuz hag ar Werc’hez.
   
   
2. Evit beva gant levenez
   N’eus ket ezomm aour na perlez ;
   Hag ho pefe holl vel leve
   Leon ha Treger ha Kerne,
   Gant ho tanvez ne brenfet ket
   Eun hanter-devez eurusted :
   Evit beva gant levenez,
   Karit Jezuz hag ar Werc’hez.
   
   
3. Evit beva gant levenez
   N’eus ket ezomm aour na perlez ;
   Kalon an den, a zo c’hoantus,
   P’en deus bet gwenn, e c’houlen ruz,
   Pa ve sec’hour e c’houlen glao…
   Eun dra benag a vank atao :
   Evit beva gant levenez,
   Karit Jezuz hag ar Werc’hez.
   
   
4. Evit beva gant levenez
   Karit Jezuz hag ar Werc’hez.
   Eurus, Eurus eo an hini
   Zo da Jezuz ha da Vari ;
   Gant Jezuz hag e Vamm Santel
   Mad eo beva, dous eo mervel :
   Evit beva gant levenez,
   Karit Jezuz hag ar Werc’hez.
   

N° LXXXIX. — Diviz etre ar Sent hag an dud.

An Dud. 1. Porziou an Nenv digoret
                        ’Vit ma klevimp ervat
                        Gant ar sent ha sentezed
                        Penaoz eman o stad.
Ar Sent. — O eürusted hep he far !
                        Diaes eo diskleria
                        Dre gomzou tud an douar
                        Pegen mat omp aman.

An Dud. 2. Dreist-holl ni ’fell d’imp gouzout
                        Kelou eus hon c’hrouer
                        E vadelez, e c’halloud
                        E pel lec’h a weler.
Ar Sent. — Anaout reiz anezan
                        Biken ne rei hini
                        Nemet ar re ’zo gantan
                        En nenv eveldomp-ni.

An Dud. 3. C’houi, merzerien didrec’hus
                        Teurvezit disrevel
                        Pegement ez oc’h eürus
                        Abaoe fin ar brezel.
Ar Sent. — War hon penn ar gurunenn
                        En hon dorn al lore
                        Ruz-gwad ha splann hon seienn
                        Ni ’zo gwir Rouane(d).

An Dud. 4. Ha c’houi, doktored Santel
                        Zo ken lemm ho spered.
                        Hirie d’imp c’hoaz reit kentel
                        Eus an nenv d’imp komzet.
Ar Sent. — ’R pez a skrivemp a gaeran
                        ’Kenver ar wirione(z)
                        ’Zo evel eun elvenn dan
                        Etal an heol kreiste(iz).

An Dud. 5. C’houi, ermited ar c’hoajou
                        Pell diouz ar bed kuzet,
                        Goude ho pinijennou
                        Penaoz en em gavet ?
Ar Sent. — Hon c’halon a zo beuzet
                        En eur mor a zudi
                        Ha war-dro gant an Eled
                        E Kanomp meuleudi.

An Dud. 6. Gwerc’hezed leun a vertuz
                        Alies disprizet
                        Petra breman a ret-hu
                        E palez ho Pried ?
Ar Sent. — Kreiz ar roz hag al lili
                        Ni a heuilh Oan Doue :
                        Tostoc’h d’ezan n’eus hini
                        Dre-holl lec’h ma vale.

An Dud. 7. G’houi labourerien douar
                        Ken dister ho madou,
                        Petra hoc’h eus bet er gloar
                        O kuitât ho parkou ?
Ar Sent. — An nec’h a zo tremenet
                        Dreist-muzul eo an eost.
                        A zo ganimp dastumet
                        O senti ouz hon Mest !

An Dud. 8. C’houi, peorien gez, dilezet
                        Gant ar pinvik digar,
                        Hag-en eo ho naon torret
                        Evel hini Lazar ?
Ar Sent. — Ouz taol Doue azezet
                        Eus e voed e tebromp
                        Hag eur vantel alaouret
                        War hon c’hein a dougomp.

An Dud. 9. Pec’herien hoc’h eus gouelet
                        Ken c’houerv ho pec’hejou,
                        Hag-en ez eo dizec’het
                        Ar wech-man ho taerou ?

Ar Sent. — An daerou o deus gwalc’het
                        Hon ineou kablus ;
                        Splannoc’h evit ar stered
                        Ez omp e lez Jezuz.

An Dud. 10. Holl sent, diskuilhit d’imp c’hoaz
                        Pegeit e pad ho kloar ?
                        Moarvat keit ha ma padas
                        Ho puhez a c’hlac’nar ?
Ar Sent. — Hon gloar bepred a bado
                        Ken eürus ha ken splann
                        C’houi ganimp he zanvao
                        Ma karit chom gwenn kann.

An Dud. 11. Deskit d’imp eta breman
                        ’Touez kement a hentchou
                        An hent mat pelec’h eman ?
                        An hent ’gas d’ar joaiou.
Ar Sent. — Dre hent an dek gourc’hemenn
                        Mar heuilhet hon roudou
                        Eveldomp, c’houi da viken
                        Vo eürus en Nenvou.

---

N° XC. — Doue gwir Bried.

Diskan

Gwerc’hez viniget
       Mamm druezus
Me am eus lazet
Dre veur a bec’hed,
Me am eus lazet
       Ho mab Jezuz.

1

Doue gwir bried
       An eneou,
C’houi ’ch eus ma c’hrouet
C’houi ’c’h eus ma frenet
C’houi ’ch eus ma c’hrouet
       ’vit an Nenvou,

2

Ez eus pell amzer,
Pelec’h rei peuc’h !
       Ma’z oun, ma Salver,
Siouaz, eur pec’her,
Ma’z oun, ma Salver,
       Enebour d’eoc’h.

3

Eur bugel tec’het
       Diouz ti e dad,
Eun danvad kollet,
Pe bell dianket,
Eun danvad kollet,
       Spontus e stad !

4

Siouaz ! ez oun bet
       Betek breman,
Ya, ken aheurtet
E-barz ma fec’hed,
Ya, ken aheurtet ;
       Chench a rankan.

5

Pignomp, ma ene,
       War ar C’halvar,
— Sellomp ouz Doue,
Leun a garante(z),
Sellomp ouz Doue,
       En e c’hlac’har.

6

E reid zo treuzet
       Gant an tachou,
E gorf dispennet,
E benn kurunet,
E gorf dispennet
       Gant skourjezou.

7

Sed, hen diwisket,
       E gorf e noaz,
E zaouarn tachet,
E gostez toullet,
E zaouarn tachet
       Ouz koad ar groaz.

8

Ha me, ma Doue,
       Me ma-unan,
Am eus, hep truez,
Dre ma gwall vuhez,
Am eus, hep truez,
       Kresket ho poan.

9

Me wel pardonet
       Ar Mab Foran,
Kouezet er pec’hed,
Ar plac’h dirollet,
Kouezet er pec’hed,
       Al laer forban.

10

C’houi a zo bepred
       Eur gwir Salver ;
Ne c’houlennit ket
E ve den daonet,
Ne c’houlennit ket
       Koll ar pec’her.

11

D’ho treid e pokan
       Gant Madalen,
Re e talean,
E tigarezan,
Re e talean
       Ma finijenn.

12

Jezuz, ho kened
       Bepred nevez,
Ho karout, dleet,
Salver binniget,
Ho karout, dleet,
       E gwirionez.

13

Setu ar mare
       Deut da ouestla
D’eoc’h, o ma Doue,
Ma nerz, ma buhe(z),
D’eoc’h, o, ma Doue,
       D’ho servija.

N° XCI. — A-vihanik em eus pec’het.

1. A vihanik em euz pec’het,
   Ha gwallboaniet ma Doue
   Ma ene paour am euz lazet,
   Pebez gwalenn ’vidoun-me !
   
   

Diskan.

Gwerc’hez Vari, Mamm druezus,
O ouela war ar C’halvar,
Grit ma sello ho Mab Jezuz
Ouz ma anken, ma glac’har.


2. Piou a chencho ma daoulagad
   E diou feunteun a zaerou,
   Ha ma daerou e daerou gwad,
   Da ouela d’am pec’hejou.
   
   
3. Ya, evit eun netra, siouaz !
   Me am eus bet dispignet
   Madou evel n’eus bet biskoaz
   E tenzoriou bras ar bed.
   

4. Gwechall e oan eur palez aour
   Da dri Ferson an Drinded,
   Ha breman ne doun nemet paour,
   Ha da Satan c’hoaz gwerzet.
   
   
5. Perak n’eo ket deut, dizamant,
   Ar maro kriz d’am gervel,
   A-ziwar ma maen-badeziant,
   Pe vailhurenn ma c’havell ?
   
   
6. Neuze evelkent, ma Doue,
   N’em bije ket bet tennet
   Kounnar ma Mestr ha ma Roue,
   Siouaz evel ma ’m eus graet.
   
   
7. Pellait holl, fals vignoned,
   Rak c’houi gant ho skoueriou fall,
   Ma spered hoc’h eus peurdroet,
   D’hoc’h heul, dre an hentou dall.
   
   
8. Gant ho komzou lous ha mezus,
   Ma c’halon bet mastaret,
   He stad, na pegen truezus !
   Pegement eo glac’haret !
   
   
9. Ma Doue, gwalc’hit ma c’halon,
   Gant daerou a binijenn ;
   Roit d’in, ivez, ho pardon,
   M’ho karin da virviken.
   
   
10. En ho kalon em eus sanket
    Eur c’hleze, o Pastor Mat !
    Grit ma teuy an oan dianket,
    Adarre da gaout e Dad.
    

---

N° XCII. — Selaouit gant spont hag eston.

1. Selaouit gant spont hag eston
   Kentel ar roue Salomon :
   Skrivit-hi doun en ho spered
   Ma fell d’eoc’h beva hep pec’hed.
   
   
2. Holl, emezan, rankomp mervel,
   Pa blij gant Doue hon gervel,
   Evit mont raktal dirazan,
   Da glevout hon setans gantan.
   
   
3. Meur a zen a goll e ene,
   Ha ne rafe ket mar sonjfe
   Pegen berr eo ar vuhez-ma(n),
   Pegen tost an deiz diweza.
   
   
4. Ar c’horf ne glask dre e natur,
   Netra nemet e blijadur ;
   Ha koulskoude prestik, hep mar,
   Ec’h ay da vreina d’an douar.
   
   
5. Gant aon eta na grogfe re
   E siou fall war hoc’h ene,
   Grit d’ezan dre ar binijenn,
   Plega d’an holl lezenn gristen.
   
   
6. Ar c’horf n’eo ken met eur mevel
   D’ho servija betek mervel :
   E gastizit, kuit da espern,
   Ha biken n’eot d’an ifern.
   
   
7. Ar bed, ivez, a zo treitour,
   Evel eur planken war an dour,
   Fiziout ennan zo gwall risklus,
   Daoust d’e sellou flour ha c’hoarzus.
   
   
8. Gaou a lavar da bep hini.
   Mont a ra betek prometi
   Eürusted, yec’hed, hir vuhez,
   D’an dud erru ’kichen o bez.
   
   
9. Dastumit madou an ene
   N’hallit ket kaout kaeroc’h leve :
   Madou ar bed, holl en eur bern,
   Ne dint nemet moged ha spern.
   

10. Eur goz linsel, pevar flanken,
    Eun dorchenn blouz dindan ho penn,
    Setu hepken ’r pez a chomo
    Ganeoc’h-c’houi goude ho maro.
    
    
11. Ha pa vec’h yaouank pe vugel,
    N’it ket da gredi beva pell,
    Ar vered a zo leun a dud
    Skoet didruez ’kreiz o brud.
    
    
12. Eur wech maro ha sebeliet,
    Betek ho pez c’houi ’vo douget ;
    Ho kerent eno ho lezo,
    Hak a zeuy d’ar gêr, graet o zro.
    
    
13. Piou a sonjo neuze ennoc’h,
    Ha piou a bedo evidoc’h ?
    Poanit ’ta da veva ervat,
    Keit ha ma c’hellit labourat.
    
    
14. Hoc’h holl oberou mat ha fall,
    Ne day ken ganeoc’h d’ar bed all ;
    Da eur ho maro ’vint pouezet
    Gant ar Barner ’n deus o gwelet.
    

---

N° XCIII. — Ar Maro.

1. Selaouit, ma Jezuz, selaouet ouz ma fedenn,
   Mervel a zo spontus, em maro deut d’am difenn.
   
   

Diskan.

Gwerc’hez Vari, ma mamm leun a druez
Sikourit ma ene, pa vo echu ma buhez.


2. Pa zeuy spes ar maro da sponta ma daoulagad,
   Ho karantez, Jezuz, en c’haIon deut da lakaat.
   
   
3. Eun euz ’vit ma nesa, liou ar maro em c’herc’hen,
   Deut neuze, ma Jezuz, d’am frealzi, em c’hichen.
   
   
4. Pa n’hallin ken klevout komzou an dud, ma Salver,
   Komzit ouz ma c’halon, gant ho mouez dous ta tener.
   
   
5. ’vit ar wech diweza, pa lavarin : « Ma Jezuz ! »
   Selaouit, m’hoc’h asped, mouez ho pugel truezüs.
   
   
6. Pa gouezo an daerou eus ma lagad o vervel,
   O binnigit, Jezuz, ’vit ma vint daerou santel.
   
   
7. Pa welot ma c’halon hantervouget, o ranna,
   A garantez ’n ho kenver, deut, Jezuz, d’he zomma.
   
   
8. Pa vo ret d’in kuitaat ma zraou ha ma ziegez,
   Bezit c’houi, ma Jezuz, ma mad, ma finvidigez.
   
   
9. Ha pa zispartio ma c’horf paour diouz ma ene,
   Ma hirvoud diweza ’ginnigan d’eoc’h, ma Doue.
   
   
10. Ha dirak ho lez-varn p’en em gavin, ma Jezuz,
    Teurvezit em c’henver beza holldrugarezus.
    
    
11. Lakaat ran ma maro kenkouls hag ma holl vuhez,
    Etre daouarn Jezuz hag e Vamm leun a druez.
    

N° XCIV. — Ar varn gentan.

Ton : XCIII

1. Sonjomp, o kristenien, Ya, sonjomp, e gwirione(z),
   Deut ar maro, raktal e vimp barnet gant Doue.
   
   

Diskan.

Gwerc’hez Vari, ma Mamm leun a druez,
Grit d’in douja ar varn e-pad ma ’z oun e buhez.


2. Ne vo ket c’hoaz serret d’hon c’horf paour e zaoulagad,
   Ma klevimp ar Barner o c’hourc’henenn d’imp tostaat.
   
   
3. Ha neuze hon ene strafuilhet-holl gant ar spont,
   Hep gallout ’n em guzat a dleo renta e gont
   
   
4. Pa zigoro al levr a skrivomp ennan bemdez
   Kement tra mat ha fall a reomp, pebez enkrez !
   
   
5. Raktal ’kreiz hon ene ; e lennimp hon pec’hejou,
   Nemet ar re gwalc’het gant pinijenn ha daerou.
   
   
6. Pegen hir al listenn evit an dud na glaskont
   Nemet o flijadur er bed-man ’pad ma vevont.
   
   
7. Na sant, nag ael eno ne zeredo d’hon difenn ;
   Bouzar e vo an Nenv, didalvoudus ar bedenn.
   
   
8. Met an den fur ’welo, dirak e Varner ledet,
   An tenzoriou gantan en amzer an eost medet.
   
   
9. Fur setans a glevimp, a vuhez pe a varo ;
   Hag hon stad goude se da virviken a bado.
   
   
10. Pep hini ac’hanomp kerkent ’yelo d’e dachenn,
    Gant aelez pe ziaoulou a zeuo d’e ziarbenn.
    
    
11. Kalz war hent an Nenvou ’vo ret d’ezo dalea,
    D’ober er Purgator ar binijenn galeta.
    
    
12. Heuliomp hent ar furnez, sed aze ar pep gwella ;
    He mouez d’imp a lavar : « karit Doue, ho nesa. »
    
    
13. Skarzit diouz hoc’h ene, dre gofes, o den santel,
    Holl gailhar ar pec’hed, ha grit d’ho techou brezel.
    
    
14. Tremenit pep devez, evel ma rankfe beza.
    Ar fin eus ho peaj, hag ho tevez diweza.
    
    
15. N’eus forz pegoulz a zeuy Doue neuze d’ho kervel,
    Abred pe ziwezat, e viot prest da vervel.
    

N° XCV. — Ar varn diweza.

1. Barnet e vo kement den ’vo bet war an douar ;
   N’ouzer pe goulz pe amzer Doue hepken hen goar.
   Ar sent a yelo d’an Neñv, d’an ifern ar re fall.
   Bemdez, er wirionez-se, holl e tlefemp soñjal.
   
   
2. Kent eur ho parnedigez, kent degouez fin ar bed,
   O, bezit trugarezus, ma Jezuz, ni ho ped ;
   Gras d’imp da c’hallout beva, evel ma vev ar sent,
   Hag evit mont d’ho lez-varn, ’c’h aimp dinec’h en hent.
   
   
3. Pa dostao fin ar bed, ’vo dre-holl ken gwaz reuz,
   Ma tizec’ho diouz o sav, an holl dud gant an euz ;
   Pa savo an « Antekrist » en aer e vanniel,
   War an douar ’n em ledo ar spontusa brezel.
   
   
4. Gant ar c’hurun o strakal, e kreno an douar ;
   Ha pa gouezo ar stered, d’o heul, an heol, al loar,
   E krogo dre-holl er bed, war eun dro, an tangwall,
   Ma vo an holl dud gantan devet, koulz mat ha fall.
   

5. E tregerno an drompilh en draonienn, er menez,
   Evit degemenn ar varn, sonet gant an aelez ;
   Ha kerkent eus kreiz o bez, a bep tu e savo,
   Leun a nerz hag a vuhez, an holl gorfou maro.
   
   
6. Int ken buan ’n em vodet e traonienn Jozafad,
   Pa savint war-du an Nenv neuze o daoulagad,
   E welint karget a c’hloar, hag e holl zremm skedus,
   O tiskenn war an douar, ar Barner bras, Jezuz.
   
   
7. E Groaz douget dirazan gant eur rummad aelez,
   En eun doare kaer-dispar a lintro a-nevez ;
   Ha kerkent ’vo diskleriet du bep hini e stad.
   Na pegen eürus neuze e vo an holl dud vat !
   
   
8. Met en o c’hichen, siouaz, ma pegen truezus
   Ar setans a vo hini enebourien Jezuz !
   Ne welint ken dor digor nemet dor an ifern,
   D’o degemer da leski, kig ha mel hag eskern.
   
   
9. Diskuliet dirak an holl pec’hejou pep hini,
   Ma chomo, ouz o c’hlevout, nec’het meur a hini.
   O, na pebez ranngalon, pa ranko dizale,
   Pried kuitaat e bried, tad, mamm o bugale !
   
   
10. Kerkent, graet gant an aelez eus an dud diou lodenn :
    Ar re dle mont d’an ifern pe d’an Nenv, ’vit biken.
    O Gwerc’hez santel, m’ho ped, roit d’imp ho skoazell,
    Ma nijimp, goude ar varn, d’an Nenv a-denn-askell.
    

---

N° XCVI. — An ifern.

ad lib. 
Diskan, ton XCI

Diskan, ton XCI

1. Diskenomp holl, kristenien, diskenomp war-eun-dro,
   Betek e-kreiz an ifern d’ober eun tammig tro
   ’vit ma heuilhimp ar furnez, an onestiz kristen
   Hon miro ouz ar poaniou a bado da viken.
   
   
2. An ifern a zo eul lec’h leun a denvalijenn,
   Ne weler kammed ennan eur fulenn sklerijenn,
   An doriou ’zo bet serret ha prennet gant Doue,
   Ha n’ o digoro biken ; kollet eo an alc’houe(z).
   
   
3. An tangwall an euzusa ne deo nemet moged,
   E-kichen tan an ifern, pa grog er re daonet ;
   Hag aman e-kreiz an tan, ma tev korf, izilli,
   En ifern, korf hag ene chom bepred da virvi.
   
   
4. Eno, war ar re zaonet o redet ar c’houez,
   A-berz lealded Doue, dalc’hmat hag hep paouez.
   Na pegen kriz ne vo ket eno ’ta ar vuhez,
   E-kreiz eun tan peurbadus, hep gallout kaout truez.
   
   
5. Kaer devo eno yudal, klask distana o foan,
   Ne ray nemet o brouda war wasaat an tan.
   Siouaz kouezet en ifern, echu da bep pardon
   N’eus met dizesper eno o krignat ar galon.
   
   
6. N’eo ket eur vuhez hounnez, klevout eno dalc’hmat
   Ar malloziou o koueza barrad war-lerc’h barrad :
   Tad ha mamm ha bugale bepred en em damall,
   O skei an eil egile, didruez, en tangwall.
   
   
7. Pa vezer leun a yec’hed, yaouank ha dibreder,
   Da heul kement fals vignon, dinec’h-brao e reder ;
   Met e-kreiz tan an ifern, mignoned an douar,
   N’int ken met enebourien, ’vel chas klanv e kounnar.
   

8. Diwallit-mat, m’hoc’h asped, c’houi a vev hep kredenn ;
   N’eus Doue ’bet evidoc’h, na mui feiz na lezenn.
   An neb na glask er bed-man nemet mont en e roll,
   Deut ar maro, en ifern, da viken a ’n em goll.
   
   
9. Pegen kriz chom da viken da leski ’kreiz an tan !
   Mar deo eur Gwall boan hounnez, ez eus c’hoaz gwasoc’h poan :
   Beva pell diouz Doue ha biken pardon ebet,
   N’eus gwasoc’h merzerenti da galon, da spered.
   
   
10. Dalc’homp, evel kristenien, hon penn uhel d’an nec’h,
    Hag hon treid, hed hon buhez, digailhar war ar sec’h,
    Ha ne vo ket evidomp ifern ebet goude ;
    A-denn-askell e nijimp da Varadoz Doue.
    

---

N° XCVII. — Ar Baradoz.

Pe

Diskan

Jezuz pegen bras vez
Plijadur an ene
Pa vev e gras Doue
Hag en e garantez. (2 w)

1

Berr ’kavan an amzer,
Hag ar poaniou, dister,
O sonjal deiz ha noz
E gloar ar Baradoz.

2

Pa sellan en Nenvou,
Etresek ma gwir vro,
Nijal di a garfen
Evel eur goulmig wenn.

3

Gant joa e c’hortozan
An tremen diweza(n)
Hast am eus da welet
Jezuz, ma gwir bried.

4

Kerkent ha ma vezo
Torret ma chadenno(u),
Me a savo en aer
Evel eun alc’houeder.

5

Tremen a rin al loar
Evit monet d’ar c’hloar,
Dreist an heol, ar stered.
Me a vezo douget.

6

Pa vin us d’an douar,
Traonienn leun a c’hlac’har,
Neuze me ray eur sell
Ouz ma Bro Breiz-Izel.

7

D’ezi me lavaro :
Kenavo d’it, ma bro ;
Nag a zaerou skuilhet
Ennout, bro vinniget !

8

Kenavo, da viken,
Paourentez hag anken,
Kenavo, pec’hejou,
Trubuilh ha klenvejou.

9

Pelloc’h ne zoujin ket
Ardou an droukspered :
Netra ken n’am sponto
Goude taol ar maro.

10

Goude taol ar maro,
Joaüs me a gano :
Torret eo ma chadenn,
Dizalc’h oun da viken.

11

A bep tu pa sellin,
Kement tra a welin
A ray d’am daoulagad
Ha d’am c’halon mil vad

12

Doriou ar Baradoz
Digor ouz ma gortoz ;
Ar sent, ar sentezed
War o zron azezet.

13

Me vo degemeret
E palez an Drinded
E-kreiz an enoriou
Hag ar meuleudiou.

14

Me ’c’hallo, evit mat,
Gwelout Doue an Tad,
Gant e Vab eternel,
Hag ar Spered-Santel.

15

Me a welo Jezuz,
Gant eur c’hoarz dudius,
O lakaat war ma fenn,
Eur gaer a gurunenn.

16

Pegen brao vo klevout
Jezuz o lavarout :
« Deut, ma servijer mat,
Da gaout Doue ho Tad. »

17

Eus bered an iliz,
Ho korf, bev war e giz,
Aman, hep pell dale,
A vo douget ive(z).

18

C’houi zo em Baradoz
Evel bokedou roz,
A zivleugn d’ar mare,
Hag a vleugn adarre.

19

Gwenn evel al lili,
Gwennoc’h n’eus ket hini,
Setu c’houi em falez,
Eürus gant an aelez.

20

Evit poaniou dister,
Evit ankeniou berr,
Me a vo paeet-mat
Gant Doue ma gwir Dad.

21

Eno e vo gwelet
Ar Werc’hez vinniget,
Gant daouzek steredenn
A ra he c’hurunenn.

22

Gwelout a rin ivez
An aelez, arc’haelez,
Ma tregern an Nenvou,
Gant o meuleudiou.

23

Hag eno unanet,
An holl batriarked,
Ganto ar brofeted,
Holl, o fenn kurunet.

24

An ebestel eürus,
Gant diskibien Jezuz,
Hag an holl verzerien,
Enor ar gristenien.

25

Tud salvet, a bep bro,
A welin c’hoaz eno
’kichen ma zadou koz
Pell ’zo ouz ma gortoz.

26

Gwerc’hezed a bep oad,
Sentezed a bep stad,
Gwragez, intanvezed
Er bed-man disprizet.

27

Bugale diniver
Tro-war-dro d’o Salver,
Gant sae o badeziant,
O nijal skanv ha drant.

28

Eürusted hep he far
A-vreman me ho kar
Hag ennoc’h pa sonjan
Dinec’h en em gavan.

29

Em holl boaniou kalet
A gorf hag a spered,
Sonjal rin deiz ha noz,
E gloar ar Baradoz.

N° XCVIII. — Baradoz dudius.

Diskan

Baradoz dudius !
Bro ar sent eo ma bro.
A ! Pegen eürus
E vin me bepred eno !

1

O pegen glac’harus
Beva e stad a bec’hed.
Pegoulz O ma Jezuz
E vezin ’ta divec’hed ?

2

Noz ha deiz, ma Jezuz,
E lavaran ’n eur ouel :
Pegoulz, bed touellus,
E teuy ma eur diweza ?

3

Skuiz ha melkoniet,
En draonienn-man a zaerou,
Ma Jezuz, me ho ped
D’am degemer en Nenvou.

4

En Nenvou, ma Jezuz,
Neuze e vo lavaret :
An daerou hirvoudus
Ar boan a zo tremenet.

5

O peuc’h, O joaüsted !
O ma Jezuz, ma Salver,
Na pebez eürusted,
Eno ’pad an holl amzer.

6

Neuze, O ma Jezuz,
Me a gano deiz ha noz,
Gloar d’eoc’h, Tad truezus
Ha da Vari mil bennoz !

7

Aelez eus an Nenvou,
O ! me a zo eürus
O klevout ho moueziou
Hag ho kan meuleudius !

8

Peurstanket ma daerou,
Bezit, ma ene, joaüs !
Hepdale en Nenvou
Me a welo ma Jezuz !

---

N° XCIX. — Karomp Doue da genta.

Diskan.

Karomp Doue da genta,
                Ma ene
Karomp Doue da genta.
Er poaniou, er joa hed hon holl vuhez,
’vel ar sent klaskomp beva

2. Disprizomp madou ar bed
                   Milliget
   Disprizomp madou ar bed :
   N’int netra nemet ludu ha moged ;
   Pinvidik an neb a bed.
   
   
3. Lezomp ar plijaduriou
                   A dremen,
   Lezomp ar plijaduriou :
   Luziet e vefemp en o chadennou,
   Ha ganto dallet a-grenn.
   
   
4. Ni breman ’zo war ar mor
                   Houlennus,
   Ni breman ’zo war ar mor :
   Etrezek an Nenv, war-eeun ha joaüs,
   Deomp a-raok daoust d’e fulor.
   
   
5. Doue a roy d’imp sikour
                   E c’hrasou,
   Doue a roy d’imp sikour :
   Emberr e vo fin d’hon holl drubuilhou,
   Ha trec’het hon enebour.
   
   
6. Eürus e vimp eun deiz
                   ’N e balez,
   Eürus e vimp eun-deiz :
   Lod hon bo en e holl binvidigez,
   ’-pad an holl beurbadelez.
   

---

N° C. — Feiz hon Tud-koz.

1. Ar Vretoned ’n o enezenn
   A bell amzer a oa kristen
   Kent dont en Arvor hon tud-koz
   A gare Jezuz e Bro-Saoz.
   
   

Diskan.

Feiz hon tud-koz, o feiz santel,
C’houi ’vo bepred feiz Breiz-Izel
Nac’h hon Doue kentoc’h mervel,
Kentoc’h mervel, kentoc’h mervel.


2. D’hon sent gwechall e plije-kaer,
   Mont betek Rom da welout Per ;
   Karomp ar Pab, ivez, d’hon tro :
   Ra vezo doujet en hon bro.
   

3. Drezan ’teu d’imp a-berz Doue
   Gwir vagadurez d’hon ene :
   Ar wirionez, d’he heul an hent
   Hon reno sur da vro ar sent.
   
   
4. Hon sent-gwechall a-dreus ar mor
   A zouaras ’n hon Bro-Arvor,
   Evit prezeg an Aviel,
   Da gristena hon Breiz-Izel.
   
   
5. Abaoe, ’hed ar c’hantvejou,
   O deus tridet hon eneou,
   Dindan skeud an daou vanniel :
   Kroaz Jezuz hag e Aviel.
   
   
6. ’Vel hon tud-koz, chomomp bepred
   Disi a galon, a spered,
   Ha lavaromp : « D’hon feiz kristen,
   Treitour biken, treitour biken »
   
   
7. O Sent hon bro, bezit truez
   Ouzimp hed-ha-hed hon buhez ;
   Grit mac’h heuilhimp lezenn Doue,
   ’Vit mont ganeoc’h d’an Nenv, goude.
   

---

N° CI. — Me ’zo Kristen.

Diskan.

Me ’zo kristen ha gant enor
Dirak an holl m’hel lavaro :
Beza kristen, kaera teñzor
’-pad ar vuhez hag er maro


1. Me ’zo kristen, dour ar vadeiant
   Abred a ruilhas war ma zal :
   Setu dre c’halloud ar Sakramant
   Voe gwalc’het ma ene raktal.
   
   
2. Me ’zo kristen bugel da Zoue
   ’N deus ma c’hrouet, korf ha spered ;
   Ra vo eta bepred ma roue,
   Da c’hortoz an eürusted.
   
   
3. Me ’zo kristen, ha d’am dasprena
   Jezuz en deus skuilhet e wad ;
   Ouz e garout, p’eo ma breur hena,
   Evidoun-me, na pebez mad !
   
   
4. Me ’zo kristen ; e-kreiz ma ene,
   Ar Spered-Santel war e dron,
   Evidoun-me na pebez leve
   E gaout gant e seiz donezon !
   
   
5. Me ’zo kristen ; O Iliz Santel,
   Senti ’rin ouzoc’h gant doujans :
   Kuzet dindan tommder ho mantell,
   E c’hallin kaout dalc’hmat fizians.
   
   
6. Me ’zo kristen ; ’vel eur beajour,
   Dre hent ar vuhez e kerzan :
   Madou ar bed a zo re dreitour,
   Outo biken n’en em stagan.
   

7. Me ’zo kristen, ha ma banniel,
   Daoust da ardou an droukspered,
   A zo Kroaz Jezuz, e Aviel :
   A-du ganto chomin bepred.
   
   
8. Me ’zo kristen, ha d’ar Baradoz,
   P’eo ma gwir vro, mont a fell d’in :
   Eno ’man Doue ouz ma gortoz,
   Gantan ’vit mat eürus e vin.
   

---

N° CII. — Doue fell d’imp.

Diskan.

Klevit Mari, Mamm Doue
Pedenn ar bobl kristen
Doue fell d’imp Doue da Roue
Doue gant e gomz da lezenn. (2 w)


1. Bugale Juzevien ar c’halvar
   Hag o c’henseurted hirie c’hoaz
   A garfe mouga war an douar
   Ar soñj eus Jezuz hag e Groaz.
   
   
2. Met c’houi, Mari, Mamm garantezus,
   Hag a roas Doue d’ar bed,
   C’houi a viro d’imp ho Mab Jezuz,
   Da Zoue ha da Vestr bepred.
   
   
3. Doue fell d’imp e pep tiegez,
   Doue d’an tad, Doue d’ar vamm,
   Doue d’ar mab m’en devo furnez,
   Doue d’ar verc’h ma vo dinamm.
   
   
4. Doue er skol d’ar mestr, d’ar vestrez,
   Doue d’ar hugel o teski !
   Siouaz ! na trista deskadurez,
   Pa vez ar skol hep kreuseufi.
   
   
5. Doue fell d’imp en ospitaliou,
   D’ar c’hlanvour kaez en e anken ;
   Tud santel da zousaat e boaniou,
   D’e ene paour an absolvenn.
   
   
6. El lez-varn, Kroaz Jezuz Hon Salver,
   Lakaet er penn uhela,
   ’Vit ma heulio bepred pep barner
   Jezuz ar Barner diweza.
   
   
7. Doue en iliz d’an daou bried,
   D’unani o friedelez !
   Pa ne vez ket Jezuz en eured,
   Ne bad ket pell ar garantez.
   
   
8. Gant ar soudarded hag o mestrou,
   Doue dalc’hmat er penn-a-raok,
   Evit kennerza o c’halonou,
   En deiz, siouaz, ma savfe krog.
   

9. Ra gennerzo Hon Salver Jezuz
   Sentus holl ouz lezenn Doue :
   Eürusted eur vro, he gwir mammenn,
   Eo kemer Jezuz da Roue.
   
   
10. Ra gennerzo Hon Salver Jezuz
    An Iliz Santel e Bried,
    Ma beurdrec’ho er brezel spontus
    A vez graet d’ezi dre ar bed.
    
    
11. Doue, mestr d’ar rouantelezou,
    Hag e Aviel o lezenn ;
    Pegoulz ’ta, poblou, gant ho mestrou,
    E plegot dirazan ho penn ?
    
    
12. Bezomp kristen evel hon tadou.
    Lavaromp, Breiziz, a bouez penn,
    En eur gerzout holl war o roudou :
    Feal bepred ! Treitour, biken ! »
    

---

N° CIII. — Aman pell diouz an trouz.

1. Aman, pell diouz an trouz
   Hag holl safar ar bed
   Ar maeziou am c’helenn kenkoulz
   Hag an akwita doktored.
   
   
2. An douar a bourvez
   E vara d’ar poaniour ;
   N’e ro ket d’an den didalvez :
   N’eus ket a vara hep labour.
   

3. Me a wel ar gwenan
   Savet da c’houlou-deiz ;
   Me ivez a dle kemer poan
   Ma reno gras Doue em c’hreiz.
   
   
4. Hep ehan, ar wazig
   A dreuz ar saonennou,
   ’Trezek Doue eo mont braoik,
   Hep luzia er plijaduriou.
   
   
5. An oan kaez gant fizians
   A heuilh e bennrenour ;
   Heuliomp Jezuz evit kaout chans ;
   An droukspered a zo treitour.
   
   
6. Ar gwez gant an avel
   A bep tu vez hejet ;
   Koueza ’rin ma savan uhel :
   Well eo pleustra an izelded.
   
   
7. An delienn a chom ye,
   Pa vez stag ouz he barr ;
   Ma ’n em zistagan diouz Doue,
   E teuin da wenvi hep-mar.
   
   
8. Ar rozenn a zigor,
   Hag a sec’h ’n eur beure ;
   Hirie ma ’z oun serz, yac’h, didorr,
   Arc’hoaz e varvin marteze.
   
   
9. Al laboused a gan
   Meuleudi d’o C’hrouer ;
   Duoc’h oun-me eget eur vran,
   Ma n’e veulan e pep amzer,
   
   
10. Skourn hag erc’h a-wechou
    A droc’h ken a grenan ;
    Kals gwasoc’h dre ma fec’hejou,
    A-berz Doue kaout a dlean.
    
    
11. Faez oun gant an tommder,
    Dindan an heol, pa boaz ;
    Ma foaniou n’int mann e-kenver
    Poaniou Jezuz stag ouz e Groaz.
    
    
12. C’houi hepken, ma Doue,
    A glaskan e pep tra ;
    Renit warnoun c’houi, ma Roue,
    En em ouestla ’ran d’eoc’h gant joa.
    

N° CIV. — Eürus an hini a garo Doue.

Ton : LXXX

1. Eürus an hini a garo Doue
   Gant e holl galon hag e holl ene. (2 w)
   
   
2. An den a blijo da Zoue hon Tad
   A vo diwallet ha diwallet mat.
   
   
3. En ti hag er park, dre-holl, deiz ha noz,
   Doue a skuilho warnan e vennoz.
   
   
4. Gantan e bried hag e vugale
   O devo o lod e bennoz Doue.
   
   
5. Evel eur wezenn douret he gwriziou,
   Dougen a ray frouez, deliou ha bleuniou.
   
   
6. Mar deo pinvidik, e ray vad d’ar paour ;
   Stlabeza a ray e arc’hant, e aour.
   
   
7. M’eo paour a zanvez, en deus ’vit leve
   Karantez Doue ha peuc’h an ene.
   
   
8. Gant c’houezenn e dal en deus paeadra
   Da c’hallout dinec’h debri e vara.
   
   
9. Laouen er vuhez, laouen er maro,
   Etrezek an Nenv eürus e savo.
   
   
10. Ha te, pec’her paour, trenket da vuhez,
    Ma varvfes daonet, na pebez truez !
    
    
11. Pec’her paour, distro ha distro buan,
    Rak ganit dija eman c’houez an tan.
    
    
12. Kemer hepdale hent ar Baradoz,
    Pe, m’hel lavar d’it, e kavi malloz.
    

---

N° CV. — Meulomp Doue ! Meulomp Doue !

1. Kement a rit tad karantezus
   A gavan mat : Meulomp Doue !
   Ha dirazoc’h e vevan eürus,
   E gwir vugel : Meulomp Doue !
   M’hen goar ervad ho torn a grouer
   A ren pep tra, Meulomp Doue !
   Lavarout ’rin hed ma holl amzer :
   Meulomp Doue ! Meulomp Doue !
   
   
2. Diouz ar beure, dal ma tihunan
   E kanan ye : Meulomp Doue !
   E-pad an deiz dre ma labouran,
   Ma c’hanaouenn : Meulomp Doue !
   Pa led an noz tenval he mantell
   Us d’an douar : Meulomp Doue !
   Lavaran c’hoaz an diou gomz santel :
   Meulomp Doue ! Meulomp Doue !
   
   
3. Na glevit ket ’-kreiz al levenez,
   Ma mouez lavar : Meulomp Doue !
   Ha ma c’halon en dristidigez,
   A lavar c’hoaz, Meulomp Doue !
   

Pe vo brao, pe vo fall an amzer,
Sul-gouel-bemdez : Meulomp Doue !
Em zi, er maez, ma mouez a gan kaer :
Meulomp Doue ! Meulomp Doue !


4. E Breiz-Izel, gant ma mignoned,
   Ma diskan eo : Meulomp Doue !
   Pell diouz ma bro, mesk ar C’hallaoued,
   N’ankounaan ket : Meulomp Doue !
   ’Vel ma zud koz, er peuc’h, er brezel,
   Yac’h-mat pe glanv : Meulomp Doue !
   A-greiz beva ma rankan mervel,
   Meulomp Doue ! Meulomp Doue !
   
   
5. Gant ma madou, mar doun enoret,
   Dirak an holl, Meulomp Doue !
   Ha mar doun paour, mar doun disprizet,
   ’-lec’h damanti : Meulomp Doue !
   Er Baradoz e vin dic’haouet,
   Hag en tu-hont : Meulomp Doue !
   Hent ar furnez ganin bet heuliet,
   Meulomp Doue ! Meulomp Doue !
   
   
6. War ar C’halvar Jezuz o tremen,
   A hirvoude : Meulomp Doue !
   Daoust d’he glac’har e vamm ’n e gichen
   A responte : Meulomp Doue !
   Hag e rankfen evel ma Salver,
   Skuilha ma gwad, Meulomp Doue !
   Ma ger vefe ’vel e pep amzer :
   Meulomp Doue ! Meulomp Doue !
   

---

N° CVI. — Jezuz ’lavar d’imp Pedi.

Diskan.

Savit eta ma ene
Pignit betek tron Doue
Ar bedenn a roy d’eoc’h diouaskel krenv
D’ho tougen us d’an oabl, da lein an neñv.

1

Jezuz ’lavar d’imp pedi
Bepred, kuit a zihan
Outañ e fell d’in senti
Eürus oun pa bedan.

2
Ar bedenn noz-veure.

A-dal ma sav sklerijenn,
E pedan da veure :
Da noz, en denvalijenn
E pedan adarre.

3
Ar bedenn en iliz.

Pedi ran en ilizou,
Tost d’an Aoter stouet,
Ma Jezuz ha ma Aotrou
A chom eno kuzet.

4
Ar bedenn war bep tachenn.

N’eus forz pelec’h ’n em gavan,
E kêr pe war ar maez,
A-greiz kalon e pedan,
Dirak an holl, hep mez.

5
Ar bedenn e-pad al labour.

Pa vez kalet al labour,
Pec’hi zo didalvez,
Hag e pedan d’am sikour
Jezuz a oa kalvez.

6
Ar bedenn war-gan.

A-wechou, a-vouez izel,
Pedan diouz ma gwella,
’Vit kana a-vouez uhel,
Goude, diouz ar c’haera.

7
Ar bedenn ’-kreiz ar boan.

Pa gouez warnoun ar c’hlenved,
Pa semplan gant an nec’h,
Ar bedenn eo ma yec’hed,
Ar bedenn am divec’h.

8
Ar bedenn hag an oberou-mat.

Rei ra nerz d’in ar bedenn
Da garout ma nesa,
Hervez al lezenn gristen,
D’e sikour da veva.

9
Ar bedenn hag ar baourentez.

Lezel a ran gant ar bed
E arc’hant hag e aour :
Ar pinvidik ma ne bed,
E gwirionez zo paour.

10
Ar bedenn hag ar Werc’hez.

Ma fedenn dre zorn Mari
Da Zoue ’vez kaset,
Hag he mouez ’vel ma hini
Gant Doue ’vez klevet.

11
Ar bedenn ’hed ar vuhez.

Dalc’hmat, keit ha ma c’hallin
E pep lec’h, e pep bro,
Evel breman e pedin
Betek eur ma maro.

12
Ar bedenn hag ar varn.

Dirak ar Barner kerkent
E redin bep krena(n)
Rak goude pedi kement
Arru mat ’vin gantan.

AR BLOAVEZ KRISTEN

————

N° CVII. — Ar Salver ez omp o c’hortoz.

Diskan.

Rorate, cœli, desuper, et nubes pluant justum.


1. Ar Salver ez omp o c’hortoz,
   Pegoulz eus lein ar baradoz
   E tiskeno d’hon dizammañ
   Diouz ar bec’h a dougomp amañ ?
   
   
2. C’hoant-bras hon eus holl koulskoude
   E parfe ’-us d’imp ar beure :
   Tenval ha spontus eo an noz
   Abaoe pec’hed hon tud-koz.
   

3. O ! dont a ray hep pelldale
   ’Vel bugel ’-touez e vugale :
   Nerz a roy d’imp ha sklerijenn,
   Ma fell d’imp ober pinijenn.
   
   
4. D’eun arc’hael gant Doue kaset
   Betek he zi e Nazared,
   Ar Werc’hez Vari respontas :
   « Mat eo, Mamm ’vin d’ar Mesiaz. »
   
   
5. Eur steredenn en oabl glas-pers
   Etrezek ar Jude a gerz ;
   War he lerc’h prinsed a-bell bro,
   A weler o tont war-eun-dro.
   
   
6. War Vetleem, eus an Nenvou,
   An Aelez a daol o sellou :
   Eur veuleudi o deus desket
   Na oa ket bet biskoaz klevet.
   
   
7. Krouer ar bed, c’houi adarre
   Zo douget evit ho pugale ;
   D’eoc’h ha da Jezuz ’n e gavell
   Hon eus hast da gana Nouel.
   

---

N° CVIII. — Deut, Salver ar bed.

Ton : XXV

1. Deut, Salver ar bed, diskennit,
   Ha diouz Satan Hon dizammit ;
   Diskennit eus ar Baradoz,
   Ni ’zo pell ’zo ouz ho kortoz.
   
   
2. Graet e bec’hed, hon tad Adam
   A rankas kuitaat an Eden :
   Abaoe ’veltan pebez samm
   N’hon eus ket ni ranket dougen.
   
   
3. Raktal, eneb d’e vugale,
   An diaoul a stignas e lasou,
   Hag an dud dallet dizale,
   A ’n em golle a-vagadou.
   
   
4. War ar bed kablus, ma Doue,
   An dour-beuz hoc’h eus c’houi ledet ;
   Eiz den hepken en Arc’h Noe
   Ouz ar maro a voe miret.
   

5. Ha goude ken spontus kentel,
   Hon tadou koz a bec’he c’hoaz.
   Nag ho mouez, na kurun Babel
   N’hallas o derc’hel fur, siouaz !
   
   
6. En ho madelez koulskoude,
   Daoust d’hon pec’hejou e fiziomp,
   O kredi e teuy hepdale
   Ho tourn da sevel ac’hanomp.
   
   
7. Lavaret ho poa da Adam,
   Gant an diaoul pa oa bet trec’het,
   E teufe eur Mab hag e Vamm
   Da flastra e benn milliget.
   
   
8. Abaoe Abraham ez eus brud
   E tle eur bugel eus e rumm
   Sevel e dron e-touez an dud
   Hag en-dro d’ezan o dastum.
   
   
9. Moizes hag ar Brofeded
   Eus ar bugel-se ’deus komzet :
   E c’hloar, e vuhez hed-ha-hed
   A zo bet ganto diskuliet.
   
   
10. P’erruas an amzer merket,
    Eun arc’hael a-berz an Aotrou
    A zeuas betek Nazared,
    Ha gantan eur c’haer a gelou.
    
    
11. — « Gwerc’hez Vari, ’me an arc’hael,
    Kemenn ’ran d’eoc’h a-berz Doue :
    Genel a reot eur bugel,
    Salver ar bed hag e Roue. » —
    
    
12. Trugarez d’eoc’h, Aotrou Doue,
    D’hoc’h ano mil ha mil bennoz ;
    Roet hoc’h eus d’imp hon Roue,
    N’hon eus ken netra da c’hortoz.
    
    
13. Grit d’imp, ni ho ped, ma Doue,
    Douja ho Mab, bemdez, bemnoz,
    Ha kaout ar c’hras da vont goude
    Da eürusted ho Paradoz.
    

EVIT GOUEL AN NEDELEG

————

N° CIX. — Spered santel Doue.

ton CXIX

1. Spered santel Doue, m’ho ped roit d’in ar c’hras
   Da ziskleria ervat eur mister zo ken bras :
   An donedigez kaer eus Jezuz, Mab Doue
   Deut henoz er bed mañ e-kreiz ar baourentez.
   
   

Diskan.

Nouel, Nouel, Mabig-Jezuz,
Ken koant ha ken karantezus
Ni hoc’h ador en ho kavell,
Hon joa zo bras : Nouel, Nouel !


2. E oamp ouz e c’hortoz, oar den pegeit e oa,
   Da zont war an douar evit hon dasprena ;
   Degouezet eo an eur ma vezimp dinec’het,
   E kerig Betleem Jezuz a zo ganet.
   

3. An Nenv hag an douar o welout ar bugel
   A drid a levenez en eur gana Nouel ;
   Klevout reer en oabl moueziou ar Baradoz,
   Hag eur sklaerder dispar splanna ’-kreiz an noz.
   
   
4. E-kichen Betleem eun ael a ziskennas,
   Gantan eur c’helou kaer, ar c’haera bet biskoaz :
   « Dihunit, emezan, ha savit, pastored,
   It d’ar c’hraou da welout ho Salver zo ganet. »
   
   
5. Pa glev ar bastored eus e berz ar mister :
   Oa deut war an douar o Mestr hag o c’hrouer,
   E lezont o denved war ar roz da beuri,
   Evit mont ’-trezek kêr raktal d’e adori.
   
   
6. N’oa ket c’hoaz sklaer an deiz pa gavjont ar bugel
   En eur c’hraouig dister, eur prezeb, e gavell :
   Da c’holo e gorf paour, eun tammig lienenn,
   Hep eur bannac’hig tan, ha kriz ar yenijenn.
   
   
7. Hag int war o daoulin tro-war-dro d’ar Bugel ;
   D’ober eur bedenn gaer ha da gana Nouel ;
   Rei a rejont d’ezan diwar o faourentez,
   Pep hini e damm prof, eur merk a garantez.
   
   
8. Me ho ped holl, poblou, heuilhit ar bastored
   Adorit ho Krouer war ar plouz astennet ;
   Ha sonjit dirazan e ranko, pa vo bras,
   Astenn e izili evidoc’h war ar Groaz.
   
   
9. Diwar e baourentez ’teu hon pinvidigez ;
   Deut eo d’hon kennerza dre e sempladurez ;
   Dont da ren ’n hon c’halon Hon Salver ne glask ken
   Pegen bras e c’hlac’har ma vefe kollet den ?
   

---

N° CX. — Petra zo henoz a-nevez.

1. Petra zo henoz a-nevez
   Ma ’z eus dre-holl joa levenez ?
   Perak ez a a vandennou
   Ar bobl en noz d’an ilizou ?(2 w).
   
   

Diskan.

Kanomp Nouel da Vab Doue,
Ganet er c’hraou dre garante(z) ;
Da Jezuz ha d’e vamm santel,
Kanomp mil gwech Nouel, Nouel !


2. Perak d’an eur a hantez-noz
   ’Son ar c’hleier e pep parroz ?
   Perak e lavar pep beleg
   Teir oferenn d’an Nedeleg ?(2 w).
   
   
3. Pelec’h oc’h c’houi, Patriarked,
   Holl dud santel ha profeded ?
   Ez oac’h pell ’zo, oc’h hirvoudi,
   D’eoc’h eo breman ’n em frealzi. (2 w).
   
   
4. Gloar da Zoue, tadou santel,
   Kanit ganimp Nouel, Nouel !
   Ar Mesiaz a zo ganet
   Gant eur Werc’hez, Mari anvet.(2 w).
   
   
5. Mari a zo e gwirione(z)
   Gwerc’hez ha Mamm da Vab Doue.
   Mamm d’ar Salver voe prometet
   D’hon tad Adam ha d’e bried.(2 w).
   
   
6. Eun ael eus an Nenv, en noz-se,
   D’ar bastored a lavare :
   « N’ho pet ket aon na spont ebet,
   Rak ganet eo Salver ar bed.(2 w).
   
   

7. E Betleem, en eur c’hraouig,
   C’houi a gavo eur bugelig :
   En-dro d’ezan eur vailhurenn,
   Ha gant e vamm war he barlenn. »(2 w).
   
   
8. Neuze ’voe klevet an Aelez
   O kana, war eun ton nevez,
   Ar Gloria in excelsis,
   Gwel ’get na ganer en iliz.(2 w).
   
   
9. Gant pebez stad er bastored,
   P’o deus ar c’helou-mat klevet !
   A lavar an eil d’egile :
   « Deomp da welout Mab Doue. »(2 w).
   
   
10. Kichen ar c’hraou, ar bastored
    A lavar kerkent daoulinet :
    « Ni hoc’h ador, Salver ar bed,
    Pegen eürus n’omp-ni ket !(2 w).
    
    
11. Siouaz d’imp, o Mabig Jezuz,
    Ni ’zo holl peorien druezus ;
    Met a-ziwar hon paourentez,
    D’eoc’h hon c’halon, hon c’harantez.. » (2 w).
    
    
12. Neuze ar bastored joaüs,
    Graet o gweladenn da Jezuz,
    ’N eur zistrei daved o loened
    A gan : Doue ra vo meulet !(2 w).
    
    
13. Kenavo d’eoc’h, Mabig Jezuz,
    Ouzimp holl ken karantezus ;
    Gras d’imp da vont gant ho pennoz,
    Ganeoc’h, eun deiz, d’ho Paradoz.(2 w).
    
    

---

N° CXI. — O pebez burzud a welan.

1. O pebez burzud a welan
   Da Vetleem pa zeredan
   Eur bugel war ar plouz kousket,
   ’n e gichen e Vamm daoulinet
   
   

Diskan.

Kanit aelez ho Kloria
Ganet Jezuz alleluia.


2. E-tal ar Bugel, hon Salver,
   ’Man c’hoaz Joseb, e dad mager ;
   Ha pastored diwar ar maez ;
   Hag en oabl, o kana, aelez.
   
   
3. Ha bez ez eo a renk uhel,
   Daoust d’e haourentez, ar bugel ?
   Hen eo Jezuz, gwir Vab Doue,
   Hon Salver, hon Mestr, hon Roue.
   

4. Doue ha den eo war-eun-dro,
   Deut er bed d’ober eun tamm tro ;
   Da vont d’e heul, deut d’hon gervel,
   Hag evidomp deut da vervel.
   
   
5. Deut da baea ’vit ar pec’hed,
   Da zidrona an droukspered,
   Da rei d’imp peadra e-leiz,
   Da vont d’ar Baradoz, eun deiz.
   
   
6. Gant ar c’hoant e vefemp holl sent,
   Hoc’h eus diskouezet d’imp an hent ;
   Diouz hon gwella ni a sento,
   Ha d’an Nenvou, c’houi hon reno.
   
   
7. Ni ’heulio ervat ho lezenn,
   Hag a zalc’ho start d’hon c’hredenn :
   O veva evel kristenien
   E vimp eürus da viken.
   
   
8. Kentoc’h mervel a-raok an oad,
   Eget dilezel an hent mat !
   Gras d’imp neuze, mar bevomp pell,
   D’ho karout bemdez hepred gwell.
   

---

N° CXII. — Pa voe ganet Jezuz.

1. Pa voe ganet Jezuz hon Salver,
   Mari e Vamm e vailhuras,
   E Betleem, en eur c’hraou dister,
   War eun tamm plouz e astennas.
   
   

Diskan.

Gloria in excelsis Deo,
Gloria in excelsis Deo.


2. War ar maeziou edo pastored,
   War ar bale e-kreiz an noz,
   Evit diwall gwelloc’h o denved ;
   Dousik ha brao e oant war-gaoz.
   
   
3. A-berz Doue eun ael a ziskenn,
   Hag a lavar d’ar bastored :
   « Bezit dinec’h, stankit hoc’h anken,
   Ma c’helou-me zo kaer meurbet.
   
   
4. Ar Mesiaz d’an dud prometet
   Abaoe oar den pet mil vloaz,
   E kêr David zo nevez-ganet,
   Eno man war ar plouz, e noaz.
   
   
5. D’e di, eur c’hraouig bihan dister,
   It, me ho ped da zaoulina ;
   It, dre garantez ouz ho Salver,
   D’e adori diouz ho kwella.
   
   
6. Kerkent, en oabl aelez a-vandenn,
   A voe klevet o c’hantigou :
   Nijal ’raent ’kreiz eur sklaerijenn
   A bare a-us d’ar maeziou.
   
   
7. Kanomp hirie evel an aelez,
   Meuleudi d’ar Mabig Jezuz,
   Da c’hortoz kana c’hoaz a-nevez,
   Ganto en o bro eürus.
   

N° CXIII. — Diskennit eus an Nenvou.

1. Diskennit eus an Neñvou, Sperejou eürus,
   Deut adarre da gana meuleudi da Jezuz ;
   Embannit e vadelez dre gantigou a c’hloar,
   Degemeret a-nevez ar peuc’h war an douar.
   
   
2. Diwanet zo eur rozenn war wrizienn Izai,
   N’eus ket en hol liorzou eur vleunienn evelti ;
   Evel eur flourdilizenn savet e-kreiz an drez,
   Eus ar wezenn a bec’hed eo deut ar santelez.
   
   
3. Ar Vamm he deus e c’hanet a zo anvet Mari,
   Ar c’haera eus an aelez zo nebeut dirazi ;
   Ar Spered-Santel en deus he choazet da bried,
   Evit beza Rouanez e palez an Drinded.
   
   
4. Pelec’h o kaout hon Roue hon bo-ni levenez ?
   En eur palez alaouret pe ’n eur c’hastell nevez ?
   E Betleem, e klevan, e tle beza ganet…
   En eur gêrig ken dister n’ez eus palez ebet !
   
   
5. — « Selaouit, a lavare an ael d’ar bastored,
   An tu d’e anavezout setu d’eoc’h diskleriet :
   Ar bugel zo mailhuret en eur c’hraouig dister,
   War eun tamm plouz astennet, hennez eo ho Salver
   
   
6. O tont da welout Jezuz, tud yaouank a weler
   O vale dre an hentou, gante o dilhad kaer :
   Mestr an holl binvidigez ganet er baourentez,
   A roy d’ezo eur gentel enep d’al lorc’hentez.
   
   
7. C’houi, hudur-lous ho kalon, na zeuit ket aman.
   Rak, n’hall ket ho taoulagad divez sellout outan !
   Na savit ket ho sellou war e Vamm, ar Werc’hez,
   Tec’hit pell diouz al lec’h-man da ruzia gant ar vez.
   
   
8. Deut c’houi, tud fur ha santel da domma ho krouer,
   Krena ra gant an anoued ar bugelig tener ;
   E lojit en ho kalon, klet-mat e vo eno,
   Gwell eget en eur palez, ganeoc’h en em blijo.
   
   
9. Pe gentoc’h, tommit ho Mab, Mari, ouz ho kalon,
   Eno eman e balez, e aoter hag e dron :
   Ne gavo nemet eno an deneredigez
   He deus karantez eur vamm e kalon eur Werc’hes.
   
   
10. Ar galon-se ken tener a ranno gant glac’har
    Pa ranko ho Mab Jezuz mervel war ar C’halvar :
    E holl wad dre bemp gouli a skuilho evidomp :
    C’houi ivez, Mamm druezus, bezit sonj ac’hanomp.
    

N° CXIV. — An noz tenval.

1. An noz teñval he deuz ledet he mantell
   ’-us d’an douar morgousket ha didrouz ;
   E korn eur c’hraou Jozeb hag e Wreg santel
   Oc’h adori zo stouet war ar plouz.
   Poblou ar bed, hastit dihun ha sevel :
   Ne glevit ket o kanan dre an aer
   Aelez an Neñv, o sellou war eur c’havell.
   
   

Diskan

Nouel ! Nouel ! Ganet eo hon Salver !
Nouel ! Nouel ! Ganet eo hon Salver !


2. Taolet er-maez a varadoz an Eden,
   Hon tadou koz abaoe kantvejou
   A hirvoude, beuzet ’n eur mor a anken :
   Ne gredent ken sellout buz an Nenvou.
   Fals doueou pe gentoc’h drouksperejou
   O dalc’he stag gant chadennou pounner ;
   Paganed paour, selaouit holl ar c’helou :
   Nouel ! Nouel ! ganet eo hon Salver ! (2w)
   
   
3. Ar rouaned warlerc’h ar paour hep truez
   A zo galvet en e graou bep eil tro :
   D’hon c’hentelia e tispigno e vuhez
   Ha d’hon prena ouz ar Groaz e vârvo.
   D’ezan e Dad a ginnig e holl vadou,
   E vrec’h ’zo krenv, e galon ’zo tener :
   ’vit e veuli unanimp holl hon moueziou :
   Nouel ! Nouel ! ganet eo hon Salver ! (2w)
   
   
4. Ouspenn e wad hag e gelennadurez,
   D’imp ar Bugel da vamm a roy e vamm,
   An hini ’vo dre ar bed-holl Rouanez
   Hag a zo bet a bep amzer dinamm.
   Bet hon eus c’hoaz d’hon diwall, evel patron,
   Pried Mari, Joseb e dad mager ;
   O, pebez joa a dle birvi ’n hon c’halon :
   Nouel ! Nouel ! ganet eo hon Salver ! (2w)
   

---

N° CXV. — Pe trouz war an douar ?

1. Pe trouz war an douar, pe kan a glevan me ?
   Na kaer eo ar moueziou a zeu eus lein an Neñv !
   Eled, oh ! larit d’imp ’vit petra e kanet,
   Pebez burzud eta zo digouezet er bed ?
   
   

Diskan.

Gloria gloria in excelsis Deo,
Gloria gloria in excelsis Deo.


2. Kanit ive ganimp, kanit, pobl an douar
   Deut omp da larout d’eoc’h eun neventi hep par :
   Eur mabig benniget, Roue Jerusalem,
   A zo ganet ’vidoc’h e kerig Betleem
   
   
3. Eman deut an termen eus ar profesiou
   O noz mil gwech eurus a dorr hon liammou !
   Kanit gloar hag enor da Jezuz ha Mari :
   Doue zo ’n em c’hraet den, ganet eo ar Mesi !
   
   
4. D’an taol a hanter-noz, fenoz ez eo ganet,
   En eur c’hraouig disto, en eur stad trist meurbed ;
   Eman eno etre eur c’hole eun azen :
   ’Vit tomma e vemprou, n’en deus ’met o alan.
   
   
5. Eno c’houi a welo Krouer ha mestr ar bed
   War eun dornadig plouz, ’n eul laouer astennet,
   E teurvez beza paour, ’vit ho pinvidikat,
   Ha pellat ho kalon diouz ar bed evit mat.
   
   
6. E liammou santel, e gavel benniget
   A gomzo splannoc’h d’eoc’h evit an doktored ;
   Gante c’houi a gavo kalz gwelloc’h kenteliou
   ’Vit ar re a gaver ’barz ar c’haeran leoriou.
   
   
7. Tud staget ouz ar bed hag e blijaduriou,
   Tostait etal Jezuz ha gwelit e zaerou ;
   Troit kein da viken d’ar joaiou safarus,
   O welout ho Toue ’ne eur stad ken truezus.
   
   
8. Kraouig Kêr Betleem ’vo eun tammal ’vidoc’h
   Mar ne fell ket d’ac’h ren eur vuhez santeloc’h ;
   Ar c’houadur dister-man eun deiz a vo gwelet,
   Leun e c’hloar eus an nenv o tont da varn ar bed.
   

9. Pegen eurus oc’h c’houi, o Gwerc’hez venniget,
   C’houi ’zo Mamm d’ho Krouer hep kolla ho kwerc’hded
   Goulennit m’hon bezo, ’vit plijout da Zoue,
   Gant lod eus ho klanded, lod eus ho karante(z).
   
   
10. Ha c’houi Jozeb, den just ha fidel d’ho tever,
    Choazet oc’h bet da ren da vaga hon Salver,
    Goulennit ’vidomp ar c’hras da virout bepred
    E-kreiz hon c’halonou Jezuz, Salver ar bed.
    
    
11. Jezuz, ma Salver, Krouadur benniget,
    Bezit meulet noz-deiz, e pevar c’horn ar bed !
    Reit d’imp ’raok ho huitaat grasou gant largente(z),
    Ha renit hon c’halon da viken, o Doue !
    

---

N° CXVI. — Mabig Jezuz (Nedelek) (War don XIX)

Ton : XIX

Diskan

Ni hoc’h ador, Mabig Jezuz,
Mabig dous ha karantezus,
Doue meurbet madelezus.

1

Mabig Jezuz, e-kreiz an noz
C’houi a zilez ar Baradoz
’Vit dont en hon touez henoz.

2

Mabig Jezuz, Doue-bugel.
Ra vezo klouar an Avel,
En noz-man en dro d’ho kavel.

3

Mabig Jezuz, dre an menvou,
Aelez a gan d’eoc’h kantigou
Perak glevan me ho klemmou ?

4

Mabig Jezuz, me oar ervad
Perak e ouel ho taoulagad :
Hon fec’hed ’ra d’eoc’h kalonad.

5

Mabig Jezuz, evit bepred,
O ! me a dro kein d’ar pec’hed,
Ma c’halon d’eoc’h zo gounezet.

6

Mabig Jezuz, war ma daoulin
Dirazoc’h beteg ar mintin,
D’ho pedi henoz e chomin

7

Mabig Jezuz, hed ma buhez,
Me a veulo ho madelez :
Ra varvin en ho karantez !

N° CXVII. — Evit gouel ar Rouaned.

Ton : XXV

(Hervez eun himn koz : O, sola
magnarum urbium.)

1. Betleem, ar gêr vihana,
   ’Zo deut da veza ar vrasa,
   Peogwir enni eo bet ganet
   Ar Mesiaz, Salver ar bed.
   
   
2. E bolz an nenv, eur steredenn,
   Trec’h kalz d’an heol he sklerijenn,
   A zisklerias d’an tri Roue
   E oa ganet gwir Vab Doue.
   
   
3. Raktal int da guitaat o bro,
   Ha da ober hent war-eun-dro ;
   O steredenn kaer a luc’he
   D’o blenia betek ar Jude.
   
   
4. Ar Mesiaz p’o deus kavet,
   Dirazan o zri zo stouet ;
   N’oant bet biskoaz ken eürus
   ’vel e kraou ar Mabig Jezus.
   
   
5. ’vit diskouez o anaoudegez,
   P’o deus kalz a binvidigez,
   E roont aour, ezans ha mir.
   Pebez karantez ! N’eo ket gwir ?
   
   
6. An aour a ziskouez eo Roue,
   Hag an ezans ez eo Doue ;
   Dre ar mir e anavezomp
   Eo, ivez, eun den eveldomp.
   
   
7. Deomp, evel an tri Roue,
   Da welout Jezuz, Mab Doue,
   Ha pe ’z omp pinvidik pe baour,
   Profomp d’ezan mir, ezans, aour.
   
   
8. Roomp d’ezan gant largentez
   Aour hon c’halon, hon c’harantez,
   Ezans ar gwir bedenn gristen,
   Ha goude, mir ar binijenn.
   
   
9. Meuleudi d’eoc’h Salver ar bed,
   Ho kloar, hirie, dre-holl a sked ;
   Meuleudi da Zoue an Tad,
   D’ar Spered-Santel, evit mat.
   

J. Sk…

N° CXVIII. — Gloar da Jezuz.

1. Gloar da Jezuz ! A-greiz kalon me gano :
   Gloar da Jezuz ! Meuleudi d’e ano !
   Ano karet, degaset eus an Neñvou,
   Evel ar mel ho kavan dous d’am genou
          Gloar da Jezuz ! (2w)
   
   
2. Gloar da Jezuz ! Jezuz hoc’h ano Doue
   War ma ene eo glizenn ar beure ;
   Bokedig paour, neuze me oar digeri,
   Arc’hantet holl ha laouen ’vel al lili :
          Gloar da Jezuz ! (2w)
   
   
3. Gloar da Jezuz ! War ma c’halon en anken,
   Ano Jezuz, ar wella louzaouenn ;
   Sklerijenn gaer hag eur peuc’h leun a zouster
   ’Zeu em c’halon gant, ano dous ma Salver :
          Gloar da Jezuz ! (2w)
   
   
4. Gloar da Jezuz ! Jezuz, hoc’h ano santel,
   ’Zo nerzusoc’h ’get mil den a vrezel :
   War an douar, en Nenv, en ifern douna,
   Ano Jezuz a ra d’an holl daoulina :
          Gloar da Jezuz ! (2w)
   
   
5. Gloar da Jezuz ! Ya, gloar d’ezan da viken,
   Er Baradoz n’eus kaeroc’h kanaouenn ;
   An arc’haelez, ar sent holl, ar sentezed,
   A lavar holl hep paouez, o fenn stouet :
          Gloar da Jezuz ! (2w)
   

6. Gloar da Jezuz ! ha gloar ivez da Vari ;
   Anoiou sakr, d’eoc’h ho taou meuleudi !
   Hed ma buhez hag e-pad an holl-amzer,
   ’Fell d’in diskouez d’eoc’h eur garantez tener :
   Gloar d’hon Salver ! Gloar d’e Vamm ger !
   

---

N° CXIX. — Ar « Jezuz dulcis memoria ».

1. Jezuz, ken dous d’ar soñjezon,
   Holl dommder, holl nerz ar galon ;
   Dousoc’h ez oc’h evit ar mel,
   D’an neb ho kar, d’an neb ho kwel.
   
   
2. Netra ken flour ne vez kanet,
   Netra ken kaer ne vez sonjet,
   Netra ken brao ne vez klevet
   Evel hoc’h Ano binniget.
   
   
3. Jezuz, holl fizians ar pec’her,
   Peoc’h bet ken prim d’e zegemer,
   Mil gwech eürus neb hoc’h anav,
   Ho klask a bep tu, hag ho kav !
   
   
4. N’eus teod a c’hallfe diskleria,
   Na pluenn a c’hallfe skriva,
   Ret eo tanva ’vit lavarout
   Pegent c’houek oc’h-c’houi da garout !
   
   
5. Bemnoz, serret ma daoulagad,
   Ano Jezuz, ha beure mat,
   Eus ma c’halon deut em genou,
   Ha ’pad an deiz em oberou !
   

6. Bezit, Jezuz, hon levenez,
   Da c’hortoz joaiou ho palez :
   En ho kloar, neuze, dianken,
   Ni ho meulo da virviken. Amen.
   
   

---

---

PASION HON SALVER

————

N° CXX. — Jezuz e liorz an Olived.

Jezuz e liorz an Olived.

O soñjal en hon pec’hejou
Jezuz el liorz stouet
A c’houez ar goad, a skuilh daerou
E galon a zo rannet

Diskan.

O Jezuz, dre hoc’h holl boaniou,
O bezit ouzimp truez
Ha skuilhit en hon eneou
Gwir glac’har ha karantez.

Jezuz gwerzet gant Judas.

Erru eo Judas, an treitour,
Gant eur vandenn soudarded :
Ha Jezuz, ’vel eun torfedour,
A chadennou zo karget.

Jezuz nac’het gant Per.

Dre deir gwech Per en deus nac’het,
’Kreiz ar porz, e Vestr, Doue,
Ken en deus bet teir gwech klevet
Kan ar c’hog, diouz ar beure.

Jezuz dirak Kaifaz.

Kaifaz hag e Yuzevien,
Ha falstetou, tud mezus,
Holl war bouez heulia al lezenn,
’Fell d’ezo laza Jezuz.

Jezuz dirak Pilad.

Pilad ne c’houll ket, da genta,
Sina eur setans ken fall ;
N’haller kondaoni, emezan
Eun den a zo didamall.

Jezuz dirak Herodez.

Herodez hag e vignoned
A ra goap ouz hon Salver :
Jezuz ne respont ger ebet
D’ar roue lous ha muntrer.

Jezuz dirak ar bobl.

An holl bobl gounezet breman
Gant arc’hant ha komzou kaer,
A sav e vouez enep d’ezan,
War eun dro gant prinsed kêr.

Jezuz ha Barabaz.

Etre Jezuz ha Barabaz
Ar Yuzevien, en eun taol,
A ziskleri eo graet o choaz
Barabaz fell d’ezo, holl.

Jezuz skourjezet.

D’o c’hounnar evit ma torro
Pilad a c’halv soudarded,
Ha, stag ouz ar peul-maen, ganto
Jezuz a zo skourjezet.

Jezuz kurunet a spern.

War e benn dre fent ’lakaont
Barrou spern da gurunenn,
Ha dirazan e taoulinont
Da c’hoarzin ouz e anken.

Jezuz kondaonet.

Pilad, er stad-se, a ziskouez
Jezuz d’ar bobl kounnaret ;
Houman da hopal a-eur-vouez :
Ouz ar groaz ra vo staget !

Jezuz o tougen e Groaz.

Jezuz, e Groaz war e ziouskoaz,
A gerz ’trezek ar C’halvar,
Dinerz eo, ha dindan e Groaz
E kouez teir gwech d’an douar.

Jezuz war an hent.

Veronig, ar gwragez santel,
Ha Simon, war hent ar Groaz,
E-pad ma tec’h an ebestel,
’Zo gant Jezuz en e c’hloaz.

Jezuz ouz ar Groaz.

Ouz ar Groaz neuze e stager,
E izili gant tachou :
Eman breman etre daou laer
Brudet dre o zorfejou.

Jezuz en e eur diweza.

Seiz gwech, Jezuz diwar e Groaz,
Kent mervel en deus komzet :
Ganimp eman e galon c’hoaz,
Daoust d’e boaniou ken kalet.

Jezuz o vervel.

Da deir eur ne chom ken eno,
Nemet eur c’horf dizec’het :
Salver ar bed a zo maro,
Gant e vugale skoet.

Goude an tremenvan.

An heol ’n em guz, ar bed a gren,
Jeruzalem zo spontet ;
Ha d’e Vamm ger, war he barlenn,
Jezuz a zo diskennet.

Pedenn da Vari.

O, Mari, O Mamm a druez,
Gant ho sikour, birvidik,
Ni zalc’ho sonj hed hon buhez
Eus maro ho Mab unik.

---

N° CXXI. — Gouelit ma daoulagad.

1. Gouelit, ma daoulagad, setu maro Jezuz,
   Maro evidomp holl, pec’herien gwaleürus
   
   

Diskan.

Maro Jezuz ’vidomp war lein menez Kalvar,
Pe galon na rannfe gant keuz ha gant glac’har,
Gant keuz ha gant glac’har.


2. Tosta, pec’her, ha deus, sell mat ouz da labour ;
   Pep pec’hed graet ganit zo aman torfetour.
   
   
3. Deus da gichen ar Groaz ha gouel d’az pec’hejou ;
   Sonj c’hoaz ez int kiriek da grizder e boaniou.
   
   
4. Mar deo ruziet e gorf gant ar gwad o redek,
   Te a dle e walc’hi gant da zaerou dourek.
   
   
5. N’eo ken met eur gouli eus traon betek e benn ;
   Kurunet eo a spern. Na pebez Kurunenn !
   
   
6. E gorf zo dispennet, e izili, brevet ;
   E dreid hag e zaouarn gant tachou hir treuzet.
   
   
7. Gant ar poultr hag ar gwad e zremm zo dislivet;
   Gant eur goaf lemmet-mat, e gostez digoret.
   
   
8. Pec’her ha pec’herez, c’houi gantan a sko c’hoaz ;
   Ho kalon aheurtet, ’vitan, na pebez kroaz !
   
   
9. Koulskoude d’ho kervel, e benn a zo stouet,
   E galon zo digor, e zivrec’h astennet.
   
   
10. O l breman, ma Jezuz, eo rannet hon c’halon,
    Hag ouzoc’h evit mat e c’houlennomp pardon.
    
    
11. Pardon, O, ma Doue, eus hon holl bec’hejou ;
    Kentoc’h mervel eget nevezi ho poaniou.
    

---

N° CXXII. — Meulomp hirie a vouez uhel.

= pe ton gallek Vive Jésus, vive sa croix.

Diskan.

Meulomp hirie a vouez uhel
Jezuz-Krist hag e Groaz santel. (2 w)


1. Kalet-kaer eo kalon an den
   A chom hirie sklaset pe yen,
   A chom sklaset pa wel Jezuz
   En eun doare ken truezus.
   
   
2. Betek ar maro e sentas,
   Betek ar maro war ar Groaz ;
   Eun tamm plouz, e wele kenta
   Ha koad kalet, an diweza.
   
   
3. Mestr ar bed a zoug war e benn
   Spern dreinek evit Kurunenn
   En e dreid hag en e zaouarn
   ’Z eus tachou hir graet gant houarn.
   
   
4. E galon baour a verv ennan
   Evel ar c’hoar dirak an tan,
   C’houi zo gwasket, Salver Doue,
   Evel ma wasker ar c’houe(z) !
   
   
5. Ho nerz a red evel an dour,
   Ha n’hoc’h eus digant den sikour ;
   Ouz ho sec’hed n’hoc’h eus netra
   Nemet gwin trenket da eva !
   
   
6. Eul laer a-zehou, eul laer a-gleiz,
   Dre-holl enebourien direiz,
   Hag ar pez a zo gwasoc’h c’hoaz,
   Ho Mamm dener e-tal ar Groaz !
   
   
7. Evet eo ar c’halir c’houero
   A oa warnan blaz ar maro !..
   Jezuz breman a bleg e benn
   ’vit mervel, ha prena an den.
   
   
8. Eur c’hleze lemm a zo aet do(u)n
   ’n e gostez, betek e galon,
   Evit lakaat da zevera
   Eur berad gwad, an diweza !
   
   
9. O, ma Jezuz, a-raok kuitaat,
   D’ho treid me, a fell d’in pokat,
   Starda goude ma muzellou,
   Ouz ar c’hoad sakr, ouz an tachou.
   
   
10. Hirie, arc’hoaz, ’hed ma buhez,
    E vevin en ho karantez ;
    Mar ’m eus kalon, penaoz ’c’hallfen
    Hep ho karout, Jezuz, tremen !
    

N° CXXIII. — Enor d’ar Groaz, sin ar C’hristen.

Diskan.

Enor d’ar Groaz, sin ar c’hristen
Ha da Jesuz-Krist hon gwir Roue !
Heuliomp ar Groaz e pep tachenn,
Enep d’an diaoul, evit Doue !


1. Gwechall ar baganed paour a dec’he pa gavent
   Eur groaz bennak en he sav dirazo war o hent :
   Outi ar boureo hepken a dostae, gant herr,
   Pa veze ret diwada eur muntrer pe eul laer.
   
   
2. Abaoe m’eo bet Jezuz, e gorf staget outi,
   Abaoe m’eo bet ruziet gant gwad ar pemp gouli,
   Kals splannoc’h eget an heol, e par ’-us d’ar bed-holl
   Da c’hortoz para spontus er varn dirak an holl.
   
   
3. Ar re a gar hon Salver a gar ivez e Groaz,
   Met gant an diaoul hag e re n’eo bet karet biskoaz :
   Dal m’o lezer en o roll ne weler a bep tu
   Nemet kroaziou bruzunet pe daolet el ludu.
   
   
4. Jezuz-Krist en deus amzer, ne ra van na seblant,
   Met e vrec’h a vo pounner da skei p’en devo c’hoant ;
   Hag eun deiz e tibabo e re diouz re Satan,
   Da rei d’ezo eürusted ha d’ar re-man an tan.
   
   
5. E-keit ma vo enoret gant an holl Kroaz Doue,
   E peuc’h c’hallot labourat, sevel ho pugale ;
   Ma kouez, e vrallo ar vro hag e kreno pep ti ;
   Netra ne bad er bed-man ma ne vez harp outi.
   
   
6. Ar Groaz war dour hoc’h iliz pa vezo lakaet,
   ’Ziskouezo eo ho parroz da Jezuz gounezet ;
   Ha pa vo war an hentou e c’hallot ’n eur dremen,
   Lavarout war ho taoulin da Jezuz ho pedenn.
   
   
7. Stagit ar Groaz en ho ti, ha ’kreiz hoc’h ankeniou,
   E-lec’h pec’hi, damanti, sonjit en holl boaniou
   A c’houzanvas ho Salver pa voe e-pign outi,
   E-pad teir eur hep sevel e vouez enep hini.
   
   
8. Grit sin ar Groaz war ho tal da eeuna ho spered,
   War ho kenou d’e brenna ouz ar gomz difennet,
   War ho kalon d’he zomma gant ar gwir garantez,
   War ho tiouskoaz d’o c’hrenvaat dindan bec’h ar vuhez.
   
   
9. Na grogit ket ’n eur benveg, n’azezit ket ouz taol,
   Hep beza graet sin ar Groaz gant feiz dirak an holl ;
   Bemnoz ’n eur vont da gousket, ’n eur dihun, da veure,
   Saludit Jezuz ha grit sin ar Groaz adarre.
   
   
10. Ma enorit Kroaz Jezuz ’n ho puhez hed-ha-hed,
    Ho pez, goude ho maro, hep kroaz ne chomo ket ;
    Neuze bep sul dirazi ho tud a zaoulino,
    Ha Jezuz d’ar Baradoz hepdale ho tougo.
    

N° CXXIV. — Kenteliou ar Groaz.

Diskan.

Bepred elec’h ma vo
Dirazan Kroaz Jezuz,
Eur c’hristen a gavo
Kenteliou talvoudus.

1

Diwar lein an touriou
Ar Groaz lavar dalc’hmat :
Kristenien, d’an Neñvou
Savit ho taoulagad.

2

Ar Groaz war an Hentou
Lavar d’an tremener :
Gwir hent bro an Nenvou
Eo hent Kroaz hon Salver.

3

Dirak holl dud an Ti
Ar Groaz ouz ar voger
A zesk da bep hini
Ober mat e zever.

4

Deski ra d’ar Bugel
Beza bepred sentus ;
Senti betek mervel
Setu buhez Jezuz.

5

D’an Tadou ha Mammou
E lavar hon Salver :
« Beilhit war eneou
A ’m eus prenet ken ker ! »

6

Kroaz an Ti d’ar c’hlanvour
Zo ivez talvoudus
Enni e kav sikour
Da veza gouzanvus.

7

Ar Groaz war ar Beziou
He deus eun nerz dispar
D’ober d’ar c’halonou
Dougen pouez ar glac’har

8

Ar Groaz pa vez savet
E-kichennik an Aod
A ro fizians bepred
D’ar paourkaez martolod.

9

E fin eur Mision
Pa vez savet eur Groaz,
D’an holl dre ar c’hanton
Kentel gaer e roy c’hoaz.

10

Hi lavaro bepred
Madelezou Doue
D’ar re ’deus he savet,
Koulz ha d’o bugale.

T. B

---

N° CXXV. — Sul fask. Alleluia !

Ton : O Filii et Filiæ.

1

Klevit, holl vugale Doue :
Jezuz, ho mestr hag ho Roue,
A varv da vev zo deut hirie
               Alleluia !

2

Madalen, ganti diou all c’hoaz.
Ouz bez Jezuz pa dostaas,
Digor ha goullo e gavas.
               Alleluia !

3

Erruet ganto an doare.
Daou abostol diouz ar beure
Etrezek ar bez a rede.
               Alleluia !

4

Met an diskibl muia-karet,
Primoc’h ’get Per en deus redet ;
P’o deus gwelet, o deus kredet
               Alleluia !

5

Eun ael gwenn eno azezet,
A respont d’ar gwragez nec’het,
Ez eo Jezuz da vev deuet.
               Alleluia !

6

Er sal, dek eus an ebestel
En e sav dirazo E wel :
Peuc’h, emezan, d’eoc’h, tud santel !
               Alleluia !

7

An nevezinti pa glevas,
Eun abostol anvet Tomaz
Diskredik daoust da se ’chomas.
               Alleluia !

8

« Sellit, Tomaz, hep digarez
Ma zreid, ma daouarn, ma c’hostez
Hag anzavit ar Wirionez. »
               Alleluia !

9

Pa wel Tomaz kement gouli
’Zispenn d’ezan e izili :
« Ma Aotrou, emezan, oc’h c’houi. »
               Alleluia !

10

Eürus ar re o deus kredet.
Hep da welout ezomm ebet,
An Nenvou d’ezo vo roet.
               Alleluia !

11

Er gouel-man kaer dreist pep hini
Ra vezo dre-holl meuleudi
D’eun Doue ken mat ouzimp-ni
               Alleluia !

12

Ya, O Jezuz, ’vel ma tleomp
’Vit ho karantez evidomp
Mil trugarez d’eoc’h a ganomp.
               Alleluia !

---

---

GOUEL AN ASANSION

————

N° CXXVI. — Ar salutis humanae sator.

1. Jezuz Salver an eneou
   Holl levenez ar c’halonou,
   Krouer ar bed hoc’h eus prenet,
   Sklerijenn gaer ho mignoned.
   
   
2. Penaos hoc’h eus c’houi teurvezet
   Samma ar bec’h eus hon pec’hed,
   Ha mont d’ar maro didruez
   Evit rei d’imp ar wir vuhez ?
   
   
3. Goude terri dor al limbou
   Ha d’ar sent koz o chadennou,
   Trec’h war an holl, a c’hloar karget,
   ’Kichen ho Tad oc’h azezet !
   
   
4. Jezuz roit d’imp ho pardon ;
   A c’hlac’har leugnit hon c’halon,
   Grit d’imp beza nerzus ha krenv
   Da gerzout war ho lerc’h d’an Nenv.
   
   
5. Pa ’z oc’h an hent hag ar Pastor,
   Bezit d’hon c’halon he zenzor,
   Hon douster e-kreiz an daerou,
   Ar priz eus hon holl drubuilhou.
   

---

---

GOUEL HANTER-EOST

————

N° CXXVII. — Setu mamm Doue.

1

Setu Mamm Doue,
Skedus ha splann ’vel al loar
Gant tarz ar beure
O sevel eus an douar :
Pignit, Mamm Jezuz
Ho mab zo ouz ho kortoz
Aelez eürus
Digorit ar baradoz.

Diskan.

Gloar d’eoc’h o Mari
Gwerc’hez ha mamm da Jezuz
Gloar ha meuleudi
’pad an amzer peurbadus.

2

Jezuz a ziskenn
Diwar e dron alaouret
Gant ar gurunenn
Dleet d’e Vamm vinniget :
« Ma Mamm, emezan.
Deuit em Rouantelez,
Ha ganin breman
Bezit en Nenv Rouanez. »

3

Kerkent en Nenvou
E trid an holl gant ar joa :
War o zelennou
An aelez zeu da gana :
« Gloar d’eoc’h, O Mari,
Gwerc’hez ha Mamm da Jezuz,
Gloar ha meuleudi,
’Pad an amzer peurbadus. »

4

Kanomp, ni, ivez,
En draonienn-man a c’hlac’har,
Ha gant an aelez,
Lavaromp war an douar :
« Gloar d’eoc’h, O Mari,
Gwerc’hez ha Mamm da Jezuz,
Gloar ha meuleudi
’Pad an amzer peurbadus. »

5

Mari, Mainm dener,
E-kichen ho Mab Jezuz,
’N eur mor a splannder
C’houi zo breman eürus :
Ni, ho pugale,
Siouaz ! a zo divroet :
Ra vimp hepdale
En Nenv ganeoc’h unanet !

(Levr bugale Mari)

N° CXXVIII. — Gouel an Holl Sent.

1. Dougomp hon sellou dreist an douar
   Etrezek ar sent hon Tadou bremañ,
   Kurunet ha leun a c’hloar
   Emaint gant Doue en Neñvou.(2w)
   
   
2. N’eus ken evito tristidigez,
   Klenved ebet na trubuilhou :
   Dastum a reont el levenez,
   Ar frouez hadet ’kreiz an daerou.(2w)
   
   
3. Bet o deus ’veldomp en o buhez,
   Poan kaer o senti, o tevel,
   Dinerz e oant, ha ’veldomp, ivez,
   A bep tu e kavent brezel.(2w)
   
   
4. Kalz en o zouez ’oa izel o stad,
   Darn labourerien, netra ken,
   Savet abred, kousket diwezat,
   N’eus forz d’an amzer domm pe yen. (2w)
   
   
5. O Spered ’veze kement troet
   Gant o fedennou, gant Doue,
   Ma tec’hent diouz ar bed milliget,
   Gant aon da walla o ene.(2w)
   
   

6. Darn, pell er pec’hed, ’deus bet bevet, —
   Na pebez gwallenn d’eur c’hristen ! —
   Betek an deiz m’int bet ’n em walc’het
   E feunteun sakr ar binijenn.(2w)
   
   
7. O mouez tregernus hon eus klevet,
   E riskl pa vezemp d’en em goll :
   Fizians e Doue dalc’hit bepred,
   Bérr eo ar stourm, kaer an digoll.(2w)
   
   
8. Holl Sent, d’ho heul ’fell d’imp c’hoaz bale,
   ’veldoc’h dre hent ar gwir furnez :
   Sikourit neuze ho pugale,
   Pa n’int nemet sempladurez.(2w)
   
   

---

N° CXXIX. — En an’ Doue hon sikouret !

1

Allaz, ne oufe den kompren
Na pegen kriz eo hon anken :
Hon pinijenn a zo kalet,
En an’ Doue hon sikouret

Diskan.

Breudeur kerent ha mignoned,
En an’ Doue hon selaouet,
En an’ Doue hon sikouret.

2

A bep tu d’imp n’eus nemet tan.
Tan war c’horre ha tan dindan :
C’houi hon eus-ni kement karet
En an’ Doue hon sikouret !

3

Sonjit en ho tad, en ho mamm
Er Purgator e-kreiz ar flamm :
Ma mab, ma merc’h, a ! selaouet !
En an’ Doue hon sikouret !

4

Ni n’hallomp ket dre bedennou
Distan na berraat hon poaniou ;
Doue ouzimp ne selaou ket,
En an’ Doue hon sikouret !

5

’Vit paea hon dle da Zoue,
Evidomp-ni pedit bemde(z)
Grit aluzen mar hon c’haret,
En an’ Doue hon sikouret !

6

Kalz a c’hallit dre ho poaniou,
Ho yuniou, hag oferennou :
Ken didruez na vezit ket,
En an’ Doue hon sikouret !

7

Ha pa vimp-ni e gloar Doue,
Evidoc’h ni bedo ive(z) :
Ouzimp eta holl selaouet,
En an’ Doue hon sikouret !

---

---

GOUEL AN ILIZOU

————

N° CXXX. — Iliz ma Farroz.

1. Salud d’eoc’h, iliz ma farroz,
   Salud Iliz ma zadou koz
   Ma c’halon a zeu da dommañ
   Iliz santel pa ho kwelan.
   
   
2. Ma c’halon a zeu da domma,
   Ha ma daoulagad da ouela,
   P’ho kwelan, Iliz vinniget
   Rak ennoc’h oun bet badezet.
   
   
3. Salud d’an tour ’zo war e benn
   Kroaz hon Salver, sin ar c’hristen
   ’zo ’n e greiz o seni kleier,
   War bep ton hag e pep amzer.
   
   
4. D’in-me, devez ma badeziant,
   Kleier sakret, c’houi sone drant ;
   Ha pa zeuy devez ma maro,
   C’houi d’in truezus a sono.
   
   
5. En amzer goz, ma c’hendadou
   A leze ti ha labouriou,
   Bep sul, bep gouel, evit diskuiz
   Gant Jezuz aman en iliz.
   
   
6. Nag a wech ma mamm daoulinet,
   En iliz-man he deus pedet,
   Pedet evit he bugale,
   Skuilhet daerou war ar pave(z).
   
   
7. Aman ez oun bet divec’hiet
   Gant ar beleg diouz ar pec’hed ;
   Ouz an daol santel pebez joa !
   ’vidoun e deiz ma fask kenta.
   
   
8. Gwelout a ran tron ar Werc’hez.
   Mamm hon ene, hon Rouanez ;
   O, Mari c’houi oar, a-viskoaz,
   ’m eus bet ’vidoc’h Karantez vras.
   
   
9. Me wel, ivez, skeudenn ar sent,
   A ro d’imp harp a-hed an hent ;
   En o zouez me wel hon Patron :
   N’ankounain ket e bardon !
   
   
10. N’em eus ket kavet e-lec’h all,
    Nag en Arvor, nag e Bro-C’hall,
    D’am daoulagad ken dudius,
    D’am c’halon ken karantezus !
    
    
11. Chom a rin betek ma maro,
    Tost d’am iliz e-kreiz ma Bro :
    Me fell d’in beza douaret,
    Gant ma zud-koz en hon bered !
    

12. Deiz ar Varn, gant Doue galvet,
    E savimp eus hon bez sklaset,
    Da vont eus iliz ar barroz
    ’Trezek iliz ar Baradoz.
    

---

N° CXXXI. — Kantig breuriez ar feiz.

Ton : Kelven.

1. Breudeur, ni glev ho klemnou eus an tu all d’ar mor ;
   D’ho mouez ha d’hoc’h ezommou hon c’halon ’zo digor :
   Ni a roio aluzen evit sikour ho pro,
   Ni a savo beleien, ha d’eoc’h ni o c’haso.
   
   
2. C’houi hag a zo kristenien, ha na glevit-hu ket
   Eur vouez ’zo leun a anken, e pevar c’horn ar bed ?
   Selaouit holl hon pedenn, hon c’hlemmou truezus,
   Selaouit petra c’houlenn ho preudeur gwalleurus.
   
   
3. Kristenien a Vreiz-Izel, ho pet truez ouzimp :
   An eürusted eternel, an Nenvou a fell d’imp,
   Rak ni ’zo war an douar tud paour hag emzivad,
   N’ anavezomp, c’houi hen goar, na Jezuz nag e Dad.
   
   
4. Gwechall pell diouz sklerijenn, pell diouz lezenn Doue,
   Er memes tenvalijenn ho pro a oa ive(z) ;
   Mil bennoz d’an ebestel ’deus ho kelennet-c’houi,
   Grit kemend-all, tud santel, breman evidomp-ni.
   
   
5. C’houi breman ’zo eürus p’hoc’h eus ar sklerijenn
   Hag eur Feiz ken prizius ; ho pro a zo kristen.
   Hag ar sklerijenn gaer-se n’hallfe biken koueza,
   Mar deut dre ar garantez en ho touez d’he maga.
   
   
6. Ma ’n deus Jezuz lavaret na ankounac’ho ket
   Eur werennad dour roet d’ho preur en e sec’hed,
   Petra ’dalvo, kristenien, ar gwenneg binniget
   ’vo gantan da virviken eneou kalz prenet.
   
   
7. Ra zeuy Doue da nerza kement misioner
   A zeuio betek aman, en ano hon Salver ;
   D’eoc’h ivez, bennoz Doue, kristenien, hon rekour,
   ’vit rei gant gwir volontez ho kwenneg d’hon sikour.
   
   
8. Deut eta beleg yaouank, kuitait mamm ha tad,
   Daoust d’an daerou puilh ha stank a skuilh ho taoulagad ;
   Kuitait ho Preiz-Izel… Pegoulz viot gwelet
   O prezeg an Aviel e bro ar baganed ?
   

9. Nevez deut ha yaouank-tre, kalz aman ’rank mervel ;
   Met gounit ’ra o ene ar vuhez eternel.
   Roudou o zreid binniget ’chom merket en hon bro,
   Ra zeuio c’hoaz Bretoned, kalz c’hoaz henvel outo.
   
   
10. Tud feal, a wir galon, o welout o foaniou,
    Skoazellit hon mision, savit d’imp ilizou ;
    Degasit skoliou kristen d’imp ha d’hon bugale,
    Ni ’bedo evit goulenn warnoc’h bennoz Doue.
    
    
11. Ha c’houi misionerien ganet e Breiz-Izel,
    Gant ar maro diskaret e-kreiz ar broiou pell,
    Eus ar Baradoz pedit ’vit Breuriez ar Feiz,
    Goulennit ma chomo start ar feiz kristen e Breiz.
    

---

N° CXXXII. — Kantig evit an Eurejou.

Diskan

O devez leun a joa ’vidoc’h, tud yaouank kristen,
’Zo deut aman hirie d’en em rei evit biken ;
Da c’houlen digant Doue hag e Iliz santel
War ho promeseou lakat ’vit mat eur siell.


1. Dre nerz ar Sakramant ez oc’h breman priejou ;
   Netra met ar maro na dorro ho liammou,
   Rak, hervez al lezenn, chadenn ar briedelez
   Eur chaden dous ha krenv, a bad keit hag ar vuhez.
   

2. Ar beleg, ho kerent, hag ho mignoned ive
   Test eus ho ker roet, evidoc’h a bed Doue,
   ’Vidoc’h e c’houlennont bemnoz iec’hed ha furnez,
   ’Vit ma c’hallfet bepred ren ervat ho tiegez.
   
   
3. Eus lein ar Baradoz, hoc’h holl gerent tremenet
   Ema o sonj ennoc’h da zevez kaer hoc’h eured ;
   Klevit mouez ho Tadou a lavar a-berz Doue
   Penôz ’tleet beva ’vit kaout ar wir levene(z).
   
   
4. Eürus ar re a vir doujans Doue ’n o c’halon
   Hag a heuilh e lezenn gant eur garantez wirion ;
   Eürus ar re ’laka o holl fizians en Nenvou
   Rak gant Doue hepken e kaver ar gwir vadou.
   
   
5. Eürus ar priejou a labour e peb amzer
   Da virout etrezo lealded, peuc’h ha douster ;
   Etre ar priejou boked ar wir garantez
   Na dle biken goenvi met kaerat a ze(iz) da ze(iz).
   
   
6. Jezuz, Mari, Joseb e tïegez Nazareth,
   Roet hoc’h eus d’an dud ar c’haera skouer zo gwelet
   Deskit d’an holl beva, eveldoc’h gant santelez
   Gant peuc’h hag eürusted, keït ma pado o buhez.
   
   
7. Evit an daou bried, en Iliz-man daoulinet
   Ni ho ped, ma Doue, gant fizians ha gant aked ;
   Ni ho ped da rei d’ê buhez hir, kalz a c’hrasou,
   Eürusted er bed-man hag eürusted en Nenvou.
   

---

N° CXXXIII. — Kantig ar « Gonfirmasion ».

Ton  : LI

1. Deiz ma C’honfirmasion, deiz, a joa d’am c’halon,
   Ar Spered-Santel a zeu gant e seiz donezon
   Eus an Nenvou da grenvaat d’in ma buhez kristen ;
   O deiz mil gwech eürus n’az ankouain biken.
   
   
2. A bep seurt fallagriez ar bed a zo karget ;
   Dre-holl war hent ar vuhez e bechou a gaved ;
   Pa ne ro d’am daoulagad nemet falsklerijenn,
   Roit d’in, Spered-Santel, ho Furnez d’am c’helenn.
   
   
3. Hi ’ray d’in anavezout gant gwir anaoudegez
   Petra ’dalv traou ar bed-man ’vit ma silvidigez ;
   Hi ’ray d’in c’hoaz labourat ’vit servija Doue,
   Ha beva leun a fizians da vont-d’an Nenv, eun de(iz).
   

4. ’vel eun treust em daoulagad, siouaz d’in, ar pec’hed
   Am harz da welout ervat ar pez ’c’h eus diskleriet :
   Roit d’in ’ta, ma Doue, roit d’in sklerijenn
   D’ho kredi ha d’ho kompren, d’ho heulia penn-da-benn.
   
   
5. Ma spered sklerijennet gant sklerijenn Doue
   A welo ar Wirionez, hi, ken sklaer hag an de(iz) :
   Ar madou-ene ’vidoun ken dister diagent
   A-vreman me o frizo evel ma rae ar sent.
   
   
6. Furoc’h adalek breman, e heuilhin an hent mat ;
   A-berz ar Spered-Santel, evidoun pebez mad !
   Kaout skiant ar garantez, skiant ma deveriou
   Ar skiant-se hi anvet skiant traou an Nenvou.
   
   
7. Hepdale ma spered paour, d’ho skiant o plega,
   A gerzo war-du an Nenv, dre an hent ar gwella ;
   Nag ardou an droukspered na gwallskoueriou ar bed,
   Pa ’m eus bet Spered Doue, ma gwalla n’hallint ket.
   
   
8. Evit ma silvidigez ha skouer vat ma nesa,
   Ez eo ret d’in kaout dalc’hmat ho kuzul, da genta.
   Gantan e tizoloin ar skoasellou ’zo graet
   ’vit ma c’holl, gant an dud fall ha gant an droukspered.
   
   
9. ’vit ober ho polontez, ho pet ouzin truez,
   Diskouezit d’in e pe stad eo tremenn ma buhez.
   Piou a c’hallfe d’in gwelloc’h an doare displega
   D’ober pep tra en e goulz hag evit ar gwella.
   
   
10. Enebourien ma ene, evel eur mor diroll,
    Hep paouez na noz, na deiz, a glask ma c’has da goll ;
    D’o zrec’hi, Spered-Santel, o ! roit d’in ho nerz,
    Hag e teufent d’am zempti, n’hallint ket ober berz.
    
    
11. Breman, gant joa ma c’halon, ma buhez a roin,
    Kentoc’h eget nac’h ma feiz, mar bez ret-a-walc’h d’in.
    Ne grenin ken gant ar spont dirak ar c’hoaperien,
    Me vo krenv d’anzav ma feiz evel ar verzerien.
    
    
12. Grit d’in tanva, ma Doue, ar gwir Doueusted ;
    Grit ma kresko em c’halon, m’em bo eürusted :
    Neuze ’vel eur gwir vugel, ouzoc’h e vin sentus,
    Me ho servijo dalc’hmat laouen-bras hag eürus.
    
    
13. Ganti em bo ’vit Doue eur garantez tener,
    Hag e vin ouz ma nesa bepred dous ha seder ;
    Drezi bemnoz, bep beure ez aio ma fedenn
    War nij betek tron Doue, evel eur goulmig wenn.
    

13. Ez oun, siouaz, hep sikour, gwall zouget d’ar pec’hed,
    Ha war hent ar Baradoz e vezan gwall nec’het ;
    Lakait ’ta em c’halon ho toujans d’am sikour
    Da ziwall ouz ar pec'hed, ma gwasa enebour.
    
    
14. A-vreman e gwir vugel, e vevin ’n ho toujans,
    Ho karin a-greiz kalon, C’houi, ma nerz, ma fizians ;
    Tridal a ra ma ene gant anaoudegez vat,
    Rak penn-kenta ar furnez am eus bet evit mat.
    
    
15. Teurvezit, o ma Doue, peurgloza an deiz-man,
    O skuilha hoc’h holl vennoz warnomp-ni holl breman.
    Roit d’hon Aotrou ’n Eskob, d’hon madoberourien,
    D’hon tud ha d’hon mignoned, ho pennoz da viken.
    
    
16. A-greiz hon c’halon, ivez, ni ho ped, ma Jezuz,
    Hon mouez ’vel ar c’hlaz-klemmus : « Grit eur sell truezus
    Ouz Anaon ar Purgator dizec’het o c’hortoz
    An eur ma ’z ay d’ho kwelout e gloar ho Paradoz. »
    

---

N° CXXXIV. — Kantig ar Skol Gristen.

pe ton CXXXV

Diskan.

Kanomp, kanomp da virviken
Enor ha gloar d’ar Skol gristen,
D’ar skol a ra d’ar vugale
Anaout ha karout o Doue. (2 w)


1. Pegen eürus ar parreziou
   O deus dre forz aluzenou
   Savet, kuit da glask. digare(z),
   Skoliou kristen d’o bugale.
   

2. Er skol gristen, ne vezint ket,
   Kelennet evel paganed,
   Hep klevout komz a-hed an deiz
   Eus a Zoue nag eus ar Feiz.
   
   
3. Er skol-se, mistri, mestrezed,
   Bep sul, bep gouel a ya bepred,
   Gant kerent ha bugaligou,
   D’an iliz ’vit an ofisou.
   
   
4. En holl skoliou kristen digor
   ’man ar Groaz er plas a enor ;
   A-raok ha goude labourat,
   Eno ’vez graet eur bedenn vat.
   
   
5. Ar skol gristen d’ar vugale
   ’tresek an Nenv a ra bale,
   Bak ar genta deskadurez
   Eo hent an Nenv, ar santelez.
   
   
6. War ar marc’had e ro d’ezo
   Kement deskadurez a zo.
   Gwelit ! gwelit ! tud dizoue
   A gas d’ezo o bugale.
   
   
7. Doue, hon Tad, gwir vestr ar bed,
   Skuilhit ho pennoz, ni ho ped,
   War ar skol gristen, ma teuio
   Da zerc’hel start ar Feiz er vro.
   
   
8. Grit ma vo sentus pep hini
   Ouz gourc’hemenn an Eskopti
   Hag a lavar d’an holl gerent :
   Ho mab, ho merc’h, d’ar skol gristen !
   
   
9. Grit d’imp kompren er barrez-man
   Pegen diaes ’eo gwrizienna(n)
   E kalon dinamm ar bugel,
   Ar Feiz, ar vertuziou santel.
   
   
10. Grit d’ar gerent kompren ervat
    ’eo da genta d’ar vamm, d’an tad,
    D’ar vamm dreist-holl, war he barlenn,
    Deski d’ar bugel e bedenn.
    
    
11. Argasit pell ar gwallskoueriou,
    Ar skridou fall, ar gwallgomzou,
    Labour euzus an droukspered,
    An dud difeiz ha disakret.
    

N° CXXXV. — Kantig Breuriez Galv ar Velegiez.

(Breuriez S. Brieg ha S. Erwan)

pe ton CXXXIV

Diskan.

Sent koz Breiz-Izel, ni ho ped
Savit beleien war ar bed.
Roit digor da c’halv Doue
E kalonou ar vugale. (2 w)


1. Kelennet gant kerent kristen,
   C’houi ’zo skouer vat ar veleien ;
   ’vel ho tud, hon mamm hag hon tad
   ’c’houlenno ’vidomp ar mennad.
   
   
2. Hon eskopti ’zo ezommek ;
   Prestik ’ vo parroz hep beleg,…
   Met hon pedenn ’vo selaouet,
   Hag an eneou skoazellet.
   
   
3. Ar beleg ’zo eun den dispar :
   N’eus ket kaeroc’h war an douar.
   N’eus ket koulz bennoz hag enor
   ’get mab beleg e Bro-Arvor.
   

4. Ar beleg ’lak war an aoter
   Korf ha gwad Jezuz, hon Salver
   Ar burzud-se en oferenn
   A santela ar bed kristen.
   
   
5. ’vit chom ganimp war an douar,
   Kendalc’h e varo er C’halvar,
   Jezuz ’glask bepred ebestel
   E pep parroz a Vreiz-Izel.
   
   
6. Ar beleg ’ro ar wir vuhe(z)
   Dre ar Vadeziant d’an ene ;
   D’ar c’hristen kouezet er pec’hed
   E ro ar peuc’h hag ar c’hlanded.
   
   
7. Ar beleg ’sav an tiegez
   War sichenn ar Briedelez.
   Kelenn a ra ar priejou
   Da sevel o bugaligou.
   
   
8. Ar beleg, pa zeu ar maro,
   A ren an ene d’e wir vro.
   En ano Jezuz, ’eo Salver
   ’vit ar poblou, ’-hed an amzer.
   
   
9. Ar beleg a zalc’h plas Doue,
   ’n eur zezrevell ar Wirione(z).
   E skridou kaer an Aviel
   ’man ar garantez divarvel.
   
   
10. Ar Feiz hag ar vuhez kristen
    A dle bleunia e pep tachenn ;
    Kerkoulz e pell-bro ’vel e Breiz,
    Beleien ’zo ezomm e-leiz.
    
    
11. Da labourat gant ar beleg,
    Doue ’c’houlenn tud kalonek,
    Leaned ha leanezed,
    Er skol mistri ha mestrezed.
    
    
12. Galv Doue da veza beleg
    ’zo eur c’hreunenn ken talvoudek
    Ma tleer pedi an Hader
    Da hada stank greun an Aoter.
    

B.-L.

N° CXXXVI. — Beleg da viken.

Ton : CXIII

1. Eus an Arvor, ar Menez deredet gant dudi,
   Kanomp hirie da Zoue, kanomp e veuleudi.
   Eun deiz kaer evel heman, deiz eun oferenn nevez
   A zo eun deiz a vennoz paret war eur barrez.
   
   

Diskan

Bennoz, bennoz d’eoc’h Jezuz, ha mil gwech trugarez
Evit an enor dispar hoc’h eus graet d’hon parrez ;
O tont enni da zibab hag enni da c’hervel
’Vit sevel ouz an Aoter, adarre eur bugel.


2. Evit ober eur beleg, Doue, d’ar Vadeziant
   A verk gant e zourn santel ar bugel ’zo d’e c’hoant
   Ha dre ma kresk en oad, e skiant, e furnez,
   Aked an Aotrou warnan a gresk ivez bemdez.
   
   
3. Evit ober eur beleg, Doue, d’ar bugelig,
   A laka eur vamm gristen e-tal e gavellig,
   Eur vamm a oar luskellat ervat he bugale
   E karantez ar Werc’hez, e karantez Doue.
   
   
4. Evit ober eur beleg, Doue, gant plijadur,
   Abred a ro da glevout e c’halv d’ar c’hrouadur ;
   Hag ar bugel dibabet, sentus ouz mouez Doue,
   A lavar a-greiz kalon : « D’eoch ’oun korf hag ene. »
   
   
5. Neuze, tennet eus ar bed, lakaet er sioulder,
   Ar bedenn hag ar studi, pell a vez e breder…
   Eun deiz, deiz a levenez, e weler war e benn
   Dourn an Eskob astennet… Beleg ’eo da viken !
   
   
6. Skuilhit, Jezuz, ho pennoz war ho peleg yaouank ;
   Lezit warnan ho krasou da redek puilh ha stank…
   Ar beleg eo ho kannad, mignon hon eneou,
   Hoc’h eus karget d’hon hencha betek porz an Nenvou.
   
   
7. Ar beleg en e zourn sakr a zoug alc’houez an Nenv,
   Gant e gomz, hon ene klanv a zeu nerzus ha krenv.
   O burzud dreist pep burzud ! d’e gomz Jezuz zoken,
   Eus uhelded an Nenvou, davetan a ziskenn.
   

8. Ya ! Jezuz, krouer pep tra, Jezuz, prener ar bed,
   Jezuz gwir vab an Hini n’eus warnan mestr ebet,
   Ouz komz nerzus ar beleg bemdez a zo sentus,
   Diskenn ’ra eus e balez war e c’her burzudus.
   
   
9. Santez Mari, Mamm Doue, Rouanez Breiz-Izel,
   Roit d’ar beleg yaouank, ho pennoz, ho skoazell.
   E garg a zo damhenvel, Gwerc’hez, ouz hoc’h hini :
   Grit ma kendalc’ho bemdez da santelaat enni.
   
   
10. O, Sant Erwan binniget, eus barr skedus an Nenv,
    Harpit ho peleg yaouank, ho prec’h d’eoc’h-c’houi, zo krenv,
    Ma c’hello war ho roudou pell, pell amzer bale,
    Skuilha sklerijenn ar Feiz, ’veldoc’h, en hon ene.
    

An Aotrou Y. V. Perrot beleg. (Kemper).

---

N° CXXXVII. — A-raok kuitaat an Iliz diouz an abardaez.

Diskan.

Kent ho kuitaat, Jezuz hon Aotrou
E c’houlennomp holl ho pennoz :
Amañ e lezomp hon c’halonou,
Hon diwallit a-hed an noz.


1. Mari, hon Mamm muia karet,
   Roit d’imp ho pennoz ive(z) :
   ’vit hon mirout ouz an droukspered,
   Chomit e-kichen hon gwele.
   

2. Ha c’houi, Jozeb, tad leun a druez,
   Bezit bepred hon Patron mat ;
   Deut bemdez hag e fin hon buhez,
   Da serri d’imp hon daoulagad.
   
   
3. O, Ael-mat, mignon karantezus,
   Hon difennit ha deiz ha noz ;
   Pa zeuy hon maro, pedit Jezuz
   D’hon degemer er Baradoz.
   

————

Evit klevout mat an Oferenn

————

AN OFERENN

————

Petra eo an oferenn ?

An oferenn eo ar sakrifis eus korf ha gwad hon Salver Jezuz-Krist kinniget da Zoue dindan ar spesou a vara hag a win.

Ar beleg, d’ar gorreou, a lavar, en ano Jezuz-Krist : « An dra man eo ma c’horf ; ha, warlerc’h : an dra-man eo ma gwad ». Kerkent, ar bara hag ar gwin a zo chenchet e korf hag e gwad Jezuz-Krist.

An oferenn, eta, a zigas d’imp sonj eus sakrifis ar Groaz, hag ouspenn, an oferenn eo ar sakrifis-se graet a-nevez. Evit petra ? Evit rei tu da bep unan da gaout lod eus ar madou gounezet d’an holl dre sakrifis ar groaz.

N’eus netra ken kaer na ken talvoudus hag an oferenn. Rak-se, lavaromp hon oferenn, war eun dro gant ar beleg, gant eur feiz krenv hag eur garantez vras.

Pedennou an Oferenn

En oferenn e kaver daou seurt pedennou.

1° Al lodenn vrasa ’vez lavaret n’eus forz peseurt Oferenn a vez graet.

2° Al lodenn all a vez dishenvel bep sul ha bep gouel : da lavarout eo : an Introït, Ar bedenn, kentel an Abostol, kan an Alleluia, pe Graduel, Aviel, Ofertouer, Pedenn a vouez izel, Prefas, Komunion, Pedenn goude ar Gomunion. Aman e kavfet an holl bedennou-se, pep-hini en he flas, an eil warlerc’h eben.

C’houec’h lodenn an Oferenn

1a lodenn : Pedennou ar Gonfiteor e traon an Aoter betek an Introit.
2l lodenn : Pedennou ha kenteliou betek fin an Aviel.

3vet lodenn : An ofertouer hag ar pedennou all betek ar Sanctus.

4vet lodenn : Pedennou ar Sanctus, ar Gorreou, ar Bater, betek ar Pax Domini, pa dorr ar beleg an Osti.

5vet lodenn : An Agnus Dei, hag ar pedennou araok ar Gommunion.

6vet lodenn : Pedennou evit trugarekaat goude ar Gomunion, betek fin an Aviel diweza.

KENTA LODENN

Pedennou ar Gonfiteor e traon an Aoter

Ar beleg, en em gavet e traon an Aoter, a lavar :

In nomine Patris et Filii
et Spiritus Sancti. Amen.


Ar beleg. — Introibo ad
   altare Dei.

Respont. — Ad Deum qui
   laetificat juventutem meam.

En Ano an Tad+ hag ar
Mab hag ar Spered Santel.
Evelse bezet graet.

Ar beleg. — Me a savo ouz
   Aoter Doue.

Respont. — Ouz an Doue
   a ro levenez d’am yaouankiz.

Psalm 42

Bodet endro d’an Aoter, ar beleg hag ar Gristenien a ziskouez o fizians e Doue.

Ar beleg. — Judica me,
   Deus, et discerne causam
   meam de gente non sancta ;
   ab homine iniquo
   et doloso erue me.

Respont. — Quia tu es,
   Deus, fortitudo mea,
   quare me repulisti, et
   quare tristis incedo,
   dum affligit me inimicus ?

Barnit ac’hanoun ma
   Doue, ha difennit ma
   gwir a enep d’eur bobl
   disleal ; ma diwallit
   ouz an den fall ha gidas.

Rak c’houi, Doue eo ma
   nerz ; perak hoc’h eus
   ma zaolet pell diouzoc’h,
   ha perak e valean en
   dristidigez, gwasket gant
   ma enebour ?

Ar beleg. — Emitte lucem
   tuam, et veritatem tuam ;
   ipsâ me deduxerunt
   et adduxerunt in
   montem sanctum tuum,
   et in tabernacula tua.

R. — Et introibo ad altare
   Dei : Ad Deum qui lætificat
   juventutem meam.


Ar b. — Confitebor tibi
   in cithara, Deus, Deus
   meus : quare tristis es
   anima mea et quare conturbas
   me ?

R. — Spera in Deo, quoniam
   adhuc confitebor
   illi : salutare vultus mei,
   et Deus meus.

Ar b. — Gloria Patri, et
   Filio, et, Spiritui Sancto.

R. — Sicut erat ip principio,
   et nunc et semper,
   et in sæcula sæculorum.
   Amen.

Ar b. — Introibo ad altare
   Dei.

R. — Ad Deum qui laetficat
   juventutem meam.

Ar b. — Adjutorium nostrum
   in nomine Domini.

R. — Qui fecit coelum et
   terram.

Digasit ho sklerijenn hag
   ho kwirionez ; i a reno
   hag a gaso ac’hanoun
   war ho menez santel,
   betek ho tabernaklou.


Ha me a savo ouz Aoter
   Doue, evit tostaat ouz
   an Doue a ro levenez
   d’am yaouankiz.

Me a gano ho meuleudi
   war an delenn, o ma
   Doue ; perak oc’h trist,
   o ma ene, ha perak e rit
   anken d’in ?

Lakait ho fizians e Doue,
   rak me hen meulo c’hoaz ;
   Hen eo ma Salver, ha
   ma Doue.

Gloar da Zoue an Tad, ar
   Mab hag ar Spered Santel.

Evel er penn kenta, breman,
   dalc’hmat ha da
   viken. Evelse bezet graet.


Me a savo ouz Aoter Doue.


Evit tostaat ouz an Doue
   a ro levenez d’am yaouankiz.

Hon harp a zo en ano
   Doue.

En deus graet an Nenv hag
   an douar.

KONFITEOR

Ar beleg, stouet etrezek an Aoter, hag e zaouarn juntet, a lavar Confiteor. Ar responter a lavar, hag ar gristenien,

holl, eo mat d’eze lavarout ivez :

Misereatur tui omriipotens
   Deus, et dimissis peccatis
   tuis perducat te ad
   vitam æternam.

Doue ra vo trugarezus en
   ho kenver, da bardoni
   d’eoc’h ho pec’hejou :
   ma kaso ac’hanoc’h d’ar
   vuhez eternel.

Ar beleg a respont : Amen.
Hag ar responter d’e dro a lavar ar Gonfiteor :

Confiteor Deo omnipotenti,
   beatæ Mariæ semper
   Virgini, beato Michaeli
   Archangelo, beato Joanni
   Baptistæ, sanctis Apôstolis
   Petro et Paulo, omnibus
   sanctis, et tibi Pater,
   quia peccavi nimis
   cogitatione, verbo et
   opere : mea culpâ, mea
   culpâ, mea maxima culpâ,

Ideo precor, beatam
Mariam semper Virginem,
beatum Michaelem
Archangelum, beatum
Joannem Baptistam,
sanctos Apostolos Petrum
et Paulum omnes sanctos,
et Te, Pater, orare
pro me ad Dominum
Deum Nostrum.

Ar beleg neuze, a c’houlenn digant Doue kaout truez ouz ar bobl

Misereatur vestri omnipotens
   Deus, et dimissis
   peccatis vestris, perducat
   vos ad vitam æternam.
   Amen.


Indulgentiam, absolutionem
   et remissionem peccatorum
   nostrorum tribuat
   nobis omnipotens et
   misericors Dominus.
   Amen.

Doue da veza trugarezus
   en ho kenver, da bardoni
   d’eoc’h ho pec’hejou ;
   ma kaso ac’hanoc’h d’ar
   vuhez eternel.
   Evelse bezet graet.

Ra vo rôet d’imp ar pardon
   hag an absolvenn
   eus hon holl bec’hejou
   gant Doue holl-c’halloudek
   ha trugarezus.
   Evelse bezet graet.

Ar beleg, stouet adarre, a lavar :

Ar b. — Deus, tu conver
   sus vivificabis nos.

R. — Et plebs tua lætabitur
   in te.

O Doue, sellit ouzimp, ha
   rôit d’imp ar vuhez.

Hag ho pobl a gavo levenez
   ennoc’h.

Ar b. — Ostende nobis,
   Domine, misericordiam
   tuam.

R. — Et salutare tuum da
   nobis.

Ar b. — Domine, exaudi
   orationem meam.

R. — Et clamor meus ad
   te veniat.

Ar b. — Dominus vobiscum.

R. — Et cum spiritu tuo.

Diskouezit d’imp, Aotrou
   Doue, ho trugarez.


Ha saveteit ac’hanomp.


O Doue, selaouit ma fedenn.


Ma savo ma mouez betek
   ennoc’h.

Doue ra vo ganeoc’h.

Ha gant ho spered.

Ar beleg a sav ouz an Aoter, hag a lavar :

Oremus

   Aufer a nobis, quæsumus,
Domine, iniquitates
nostras, ut ad sancta
sanctorum puris mereamur
mentibus introire. Per
Christum Dominum nostrum.
Amen.

Pedomp

   Lamit, ni ho ped Aotrou
Doue, hon fec’hejou, ma
c’hallfomp mont ouz an
Aoter gant eneou glan
(pur). Dre J. K. hon Aotrou.
Evelse bezet graet.

Ar beleg a bok d’an Aoter, e-lec’h m’eman relegou ar Sent, hag a lavar :

Ni ho ped, Aotrou, dre veritou ar Sent, a zo aman o relegou, hag an holl Sent, da rei d’in ar pardon eus ma holl be’c’hejou. Evelse bezet graet.

EIL LODENN

Pedennou ha kenteliou

Goude beza poket d’an Aoter, ar beleg a ya a zehou, da gorn an Aoter, hag a lavar an Introit, ar C’hyrie hag ar Gloria.

KYRIE ELEISON

Kyrie eleison… ter
Christe eleison… ter
Kyrie eleison… ter

Aotrou, ho pet truez
Krist, ho pet truez
Aotrou, ho pet truez

GLORIA IN EXCELSIS

Gloria in excelsis Deo,
et in terra pax hominibus
bonæ voluntatis.
Laudamus Te.
Benedicimus Te.
Adoramus Te.
Glorificamus Te.
Gratias agimus tibi, propter
   magnam gloriam
   tuam.
Domine Deus, Rex cœlestis.

Deus Pater omnipotens.
Domine Fili Unigenite.
   Jesu Chiste.
Domine Deus, Agnus Dei,
Filius Patris.
Qui tollis peccata mundi,
   miserere nobis.
Qui tollis peccata mundi,
   suscipe deprecationem
   nostram.
Qui sedes ad dexteram Patris,
   miserere nobis,

Quoniam tu solus sanctus.

Tu solus Dominus.

Tu solus Altissimus, Jesu
   Christe.
Cum sancto Spiritu in gloria
   Dei Patris. Amen.

Gloar da Zoue war lein
an Nenvou, ha peoc’h d’an
dud a youl vat.
Ni ho meul.
Ni a lavar d’eoc’h bennoz.
Ni hoc’h ador.
Ni a rent gloar d’eoc’h.
Ni ho trugareka evit ho
   kloar ken bras,

Doue hon Aotrou, Roue an
   Nenv.
Doue an Tad holl-c’halloudek.
Ha c’houi e Vab Unik,
   Doue ivez, Jezuz-Krist.
Aotrou Doue, Oan Doue,
Mab an Tad.
C’houi a lam pec’hejou ar
   bed, ho pet truez ouzimp.
C’houi a lam pec’hejou ar
   bed, selaouit hon fedennou.

C’houi a zo azezet en tu
   dehou d’an Tad, ho pet
   truez ouzimp.
Rak c’houi hepken a zo
   santel.
C’houi hepken a zo hon
   Aotrou.
C’houi hepken a zo Uhel
   meurbet, Jezuz-Krist.
Gant ar Spered Santel e
   gloar an Tad. Evelse bezet
   graet.

Ar beleg, goude pokat d’an Aoter, a dro ouz ar bobl, hag a lavar :

Dominus vobiscum.
R. — Et cum spiritu tuo.

Doue ra vo ganeoc’h.
R. — Ha gant ho spered.

PEDENN

E tu dehou d’an Aoter, ar beleg a lavar : Oremus : Pedomp. —An holl a dle pedi gant ar beleg.

Lavaret ar beden, ar responter a lavar : Amen.

Neuze ar beleg a lenn eur pennad skritur sakr eus an Testamant koz pe eus liziri an Ebestel. Ar c’holist, d’ar fin, a respont : Deo gratias.

PEDENN

A-raok mont e tu an Aviel, ar beleg stouet izel dirak an Aoter, a ra ar bedenn-man :

Netait ma c’halon ha ma muzellou, Doue Holl-C’halloudek, c’houi hag hoc’h eus netaet muzellou ar profet Izaiaz gant eun tamm glaou ruz-tan. En ho trugarez, lakait kaer ma ene, ma c’hallin diskleria, evel m’eo dleet, hoc’h Aviel santel.

Dre Jezuz-Krist hon Aotrou. Evelse bezet graet.

Binnigit ac’hanoun, me ho ped, Aotrou.

Ha vo Doue em c’halon ha war ma muzellou, ma c’hellin diskleria e Aviel en eun doare dereat. Evelse bezet graet.

AVIEL

Ar beleg a salud ar gristenien gant an « Dominus vobiscum » ; hag an holl a dle respont : « Et cum spiritu tuo ». — Ar beleg a ra sin ar groaz war levr an Aviel, war e dal, e vuzellou hag e galon, en eur lavarout : « Sequentia (pe initium) Sancti Evangelii secundum (aman ano unan eus ar pevar avieler : Maze, Mark, Lukas pe Iann), hag ar gristenien, ’n o sav, dre zoujans evit komzou Doue, a ra ivez warne o-unan, an tri sin ar groaz, evel ar beleg. An Aviel a zo ar gelennadurez rôet d’imp gant Jezuz-Krist e-unan.

Ar c’holist a respont : Gloria tibi Domine.

Pa vez echu kan an Aviel ar beleg a bok d’al Levr, hag a ra ar bedenn-man :

Dre gomzou sakr an Aviel, ra vo lamet d’imp hon fec’hejou. Amen.

AR GREDO

Ar beleg, e-kreiz an Aoter, a lavar breman ar Credo pa vez da lavarout :

   Credo in unum Deum.*
Patrem omnipotentem, factorem
cœli et terrœ, visibilium
omnium et invisibilium.*
Et in unum Dominum
Jesum Christum,
Filium Dei Unigenitum.*
Et ex Patre natum ante
omnia sæcula.* Deum de
Deo, lumen de lumine,
Deum verum de Deo vero.*
Genitum non factum,
consubstantialem Patri : per
quem omnia facta sunt.*
Qui propter nos homines
et propter nostram salutem
descendit de cœlis.


   Et incarnatus est de Spiritu
Sancto ex Maria Virgine,
et Homo factus est.

   Crucifixus etiam pro
nobis : sub Pontio Pilato
passus, et sepultus est.* Et
resurrexit tertia die, secundum
Scripturas.* Et ascendit
in coelos ; sedet ad
dexteram Patris.* Et iterum
venturus est cum gloria,
judicare vivos et mortuos :
cujus regni non erit
finis,* Et in Spiritum
Sanctum, Dominum, et
vivificantem, qui ex Patre
Filioqute procedit.* Qui
cum Patre et Filio simul
adoratur et conglorificatur
qui locutus est per prophetas.*
Et unam sanctam, catholicam
et apostolicam
Ecclesiam.* Confiteor unum
baptisma in remissionem
peccatorum.


   Et exspecto resurrectionem
mortuorum. Et vitam venturi
sœculi. Amen.

   Me gred en eun Doue
hepken, an Tad holl-c’halloudek
krouer an Nenv hag
an douar, an traou a weler
hag ar re na weler ket ; Hag
en eun Aotrou hepken,
Jezuz-Krist. Mab Unik da
Zoue. Ganet eus an Tad
araok an holl amzer Doue
eus Doue, sklerijenn deuet
eus ar sklerijenn, gwir
Doue deuet eus ar gwir
Doue. Konsevet nann
krouet, e natur a zo natur
an Tad : gantan eo bet
graet pep tra. Evidomp-
ni, an dud, evit hon savetei,
eo diskennet eus an
Nenv.
   Konsevet eus ar Spered
Santel gant ar Werc’hez
Vari hag en deus en em
c’hraet Den.
   Staget ivez ouz ar groaz
evidomp-ni, en deus gouzanvet
dindan Pons-Pilat,
hag eo bet sebeliet. Hag
eo savet euz ar bez d’an
trivet deiz hervez ar skritur
sakr : hag eo pignet d’an
Nenv, hag azezet en tu
dehou d’an Tad. Hag adarre
e teuio, leun a c’hloar,
da varn ar re veo hag ar
re varo ; ne vo fin ebet d’e
rouantelez. Hag er Spered
Santel, hon Aotrou ivez, a
ro ar vuhez ; a zeu eus
an Tad hag ar Mab. A zo
adoret ha meulet evel an
Tad hag ar Mab ; en deus
komzet dre ar skritur
sakr. Hag en Iliz, a zo
unan, santel, katolik hag
abostolik. Me anzav ez eus eur
Vadeziant evit lemel ar
pec’hejou.
   Ha gortoz a ran rezureksion
ar re varo hag ar vuhez eternel.
Evelse bezet graet.

TEIRVET LODENN

An Ofertouer, pe kinnig.

Aman, end-eeun, e krog ar sakrifis. Goude an Dominus vobiscum ha bet ar respont : « Et cum spiritu tuo, » digant ar c’holist, ar beleg a lavar : Oremus-Pedomp, hag a lenn ar bedenn : Ofertouer.

OREMUS — PEDOMP

Ar beleg, en eur ginnig ar bara, a lavar ar bedenn-man :

Digemerit, Tad santel, Doue holl-c’halloudek hag eternel, an Osti glan-man a ginnigan d’eoc’h, me ho servijer paour d’eoc’h-c’houi, ma Doue beo ha gwirion, evit ma fec’hejou, ma faziou, ma mankou ken niverus ; hag evit an holl dud a zo endro d’in, hag evit an holl gristenien vat, beo ha maro, ma talvezo d’in ha d’ezo, evit hon silvidigez er vuhez eternel.

Evelse bezet graet.

Ar beleg, e tu dehou d’an Aoter, a laka gwin er c’halir, a vinnig an dour hag a laka eur bannac’h gant ar gwin.

Doue, c’houi hoc’h eus, en eun doare burzudus, krouet an den ken uhel, ha savet anezan a-nevez en eun doare burzudusoc’h c’hoaz, rôit d’imp, dre vister an dour hag ar gwin-man, ar c’hras da gaout perz e divinite an hini en deus prizet kemer hon natur, Jezuz-Krist, ho Mab, hon Aotrou a vev hag a ren ganeoc’h hag ar Spered Santel.

Evelse bezet graet.

Ar beleg a ginnig ar c’halir, e kreiz an Aoter :

Ni a ginnig d’eoc’h, Aotrou, ar c’halir-man a silvidigez, hag e pedomp ho madelez, evit ma pigno dirazoc’h, evel c’houez vat an ezans, evit hon silvidigez ha silvidigez ar bed-holl. Evelse bezet graet.

Ar beleg, eun tammig stouet, hag ar gristenien gantan, en em ginnig ivez da Zoue, dre ar bedenn-man :

Gant eur spered izel hag eur galon c’hlac’haret, ni a c’houlenn diganeoc’h, Aotrou Doue, hon digemer, evit ma vo graet hon sakrifis hirie dirazoc’h, diouz plijout d’eoc’h, Aotrou Doue.

Ar beleg, en eur ober sin ar groaz war ar bara hag ar gwin, a ra ar bedenn-man d’ar Spered Santel :

Deuit, Spered holl-c’halloudek, Doue eternel, ha binnigit ar sakrifis-man graet evit enori hoc’h ano.

LAVABO

Ar beleg, e tu dehou d’an Aoter, a walc’h e zaouarn, evit merka pegen glan ha didamall e tleer beza evit tostaat ouz Doue ; gant ar beleg, lavaromp ar bedenn- man :

Me a walc’ho ma daouarn e-touez an dud santel, hag en em lakaio en-dro d’hoc’h Aoter, Aotrou Doue.

Ma klevin kana ho meuleudi, ha ma c’hallin diskleria hoc’h oberou burzudus.

Aotrou, me am eus karet ho ti koant, al lec’h ma oc’h en ho kloar,

Na gollit ket ac’hanoun gant an dud fall, o ma Doue, na rit ket d’in evel d’an dud a gar laza,

A zo leun o daouarn a dorfejou, hag o dorn dehou o kinnig donezonou.

Evidoun-me, em eus dilezet ar pec’hed ; ma saveteit, hag ho pet truez ouzin. Ma zreid a zo aet dre an hent mat ; me ho meulo, Aotrou, gant an dud fur. Gloria Patri.

PEDENN D’AN DREINDED

Digemerit, Treinded santel, an donezon-man a ginnigomp d’eoc’h, e sonj eus Pasion, Rezureksion hag Asansion hon Salver jezuz-Krist, hag en enor d’ar Werc’hez giorius Vari, ha da sant Yann Vadezour, ha d’an Ebestel sant Per ha sant Paol, hag an holl sent all, ma roio enor d’ezo, ha d’imp-ni silvidigez, ma vefomp difennet en Nenv gant ar re a enoromp war an douar. Dre ar memes Jezuz- Krist hon Aotrou. Evelse bezet graet.

ORATE, FRATRES

Ar beleg, trôet ouz ar bobl, a bed ar gristenien da unani o fedennou gant e re, hag a lavar :

Orate, fratres, ut meum
ac vestrum sacrificium
acceptabile fiat apud Deum
Patrem Omnipotentem.

Pedit, ma breudeur, ma
vo ma sakrifis, hag a zo
ivez hoc’h hini, digemeret
mat gant Doue an Tad
hollc’halloudek.

Respont ar c’holist :

Suscipiat Dominus sacri
ficium de manibus tuis,
ad laudem et gloriam nominis
sui, ad utilitatem
quoque nostram totiusque
Ecclesiae suae sanctae.

Ra vo ho sakrifis digemeret
gant Doue, evit
enor ha gloar e ano, hag
ivez evit hon mad ha mad
an Iliz santel a-bez.

Ar beleg a lavar : Amen, ha, goude, beza lavaret eur bedenn a vouez izel war ar profou, a sav e vouez, evit ma c’hallo ar bobl respont war e lerc’h :

PREFAS

Per omnia saecula saeculorum.
Amen.
Dominus vobiscum.
Et cum spiritu tuo.
Sursum corda.

E-pad an holl amzer.
Evelse bezet graet.
Doue ra vo ganeoc’h.
Ha gant ho spered.
Savit uhel ho kalonou.

   Habemus ad Dominum.

   Gratias agamus Domino
Deo nostro.
   Dignum et justum est.

   O sevel a reomp war-du
Doue.
   Trugarekaomp Doue hon
Aotrou.
  An dra-se a zo mat ha
dleet.

Hag e lavar e-unan ar prefas ha goude, ar sanctus

SANCTUS

   Sanctus, sanctus, sanctus,
Dominus Deus sabaoth.
Pleni sunt coeli et terra
gloria tua.
   Hosanna in excelsis.

   Benedictus qui venit in
nomine Domini.
   Hosanna in excelsis.

   Santel, santel, santel eo
Doue an armeou.
   An Nenv hag an douar
a zo leun eus e c’hloar.
   Meuleudi d’ezan e lein
an Nenvou.
   Binniget ra vo an Hini
a zeu en ano Doue.
   Meuleudi d’ezan e lein
an Nenvou.

Ar c’hloc’h a son : hag an holl a ya war o daoulin

PEDERVET LODENN

REOLENN

Bezomp war evez : Hon Salver a ga da ziskenn war an Aoter. Ar beleg, stouet, a bok d’an Aoter, hag a vinnig ar profou.

Ni ho ped, eta, Tad leun a drugarez, dre Jezuz-Krist ho Mab hag hon Aotrou, ni hoc’h asped a greiz kalon, da zigemer ha da vinniga an donezonou-man, ar profou- man, ar sakrifis santel-man, a ginnigomp d’eoc’h da genta, evit hoc’h Iliz santel katolik ; reit d’ezi ar peuc’h, he diwallit, he gouarnit, gant ho servijer hon Pab (…) hon Eskob (…), ha gant an holl gristenien eus an Iliz katolik hag Abostolik.

Pedenn evit ar re veo

Ho pet sonj, Aotrou, eus ho servijerien ha servijerezed (aman, sonjomp en dud hon eus da bedi evitê), hag eus ar re holl a zo aman, a zo anavezet ganeoc’h o feiz hag o furnez. Evitê e kinnigomp, pe i a ginnig d’eoc’h ar sakrifis-man a veuleudi, evitê, evit o zud, evit silvidigez an eneou, evit ma vefont saveteet ha diwallet, hag e kinnigont d’eoc’h o deveriou, d’eoc’h c’houi an Doue eternel, an Doue gwirion ha beo.

Pedenn d’ar Sent

Unanet er memes kredenn, ec’h enoromp ar Werc’hez glorius Vari, Mamm da Zoue, Mamm d’hon Salver Jezuz-Krist, hag hoc’h Ebestel eürus ha merzerien Per ha Paol, Andreo, Jakez, Yann, Thomas, Jakez, Filip, Berthele, Maze, Simon, ha Tadde ; Lin, Klet, Klemant, Xyst, Korneli ; Syprian, Lorans, Krysogon, Yann ha Paol, Kosm ha Damian ; hag hoc’h holl sent ; abalamour d’o meritou, ha d’o fedennou, grit ma vefomp, e pep tra, diwallet gant ho sikour. Dre Jezuz-Krist hon Aotrou. Evelse bezet graet.

Ar beleg a astenn e zaouarn war an Osti hag ar c’halir.

Rak-se, ni ho ped da zigemer an donezon-man a ginnig d’eoc’h ho servijerien hag ho familh holl ; reit d’imp ar peuc’h e-pad hon buhez, hon diwallit eus an daonasion eternel hag hon digemerit, eun deiz, e-touez ho sent. Dre Jezuz-Krist hon Aotrou. Evelse bezet graet.

Ar beleg, eur wech c’hoaz, a vinnig ar bara hag ar gwin a ya da veza chenchet e Korf ha Gwad Jezuz.

An donezon-man, Aotrou Doue, grit ma vo e pep tra, binniget, kavet mat, digemeret, dign da blijout d’eoc’h ; ma teuio da veza evidomp korf ha gwad ho Mab karet, Jezuz-Krist hon Aotrou.

KONSEKRASION AR BARA

   Qui pridie quam pateretur,
accepit panem in sanctas
ac venerabiles manus
suas ; et elevatis oculis in
cœlum, ad te Deum Patrem
suum omnipotentem,
tibi gratias agens benedixit,
fregit, deditque discipulis
suis, dicens : Accipite
et manducate ex hoc
omnes :



   HOC EST ENIM CORPUS
MEUM.

   En deiz a-raok ma c’houzanvas,
Jezuz a gemeras
ar bara en e zaouarn meurbet
santel, ha goude beza
savet e zaoulagad war-du
an Nenv, trôet ouzoc’h-
c’houi, Doue e Dad holl-
c’halloudek, o trugarekaat
ac’hanoc’h, e vinnigas ar
bara hag e rôas d’e ziskibien
en eul lavarout : kemerit
ha debrit holl anezan.

   RAK AN DRAMAN EO
MA C’HORF.

Ar beleg a sav an Osti sakr da veza adoret gant ar gristenien. Sellomp eta ouz an Osti, en eul lavarout : Ma Aotrou ha ma Doue. Goude, ar beleg a zizolo ar c’halir, hag a lavar :

KONSEKRASION AR GWIN

   Simili modo, postquam
cænatum est, accipiens et
hunc praeclarum calicem
in sanctas ac venerabiles
manus suas : item, tibi
gratias agens, benedixit,
deditque discipulis suis
dicens : Accipite, et bibile
ex eo omnes.
   HIC EST ENIM CALIX
SANGUINIS MEI, NOVI
ET ÆTERNI TESTAMENTI :
MYSTERIUM FIDEI :
   QUI PRO VOBIS ET PRO
MULTIS EFFUNDETUR IN
REMISSIONEM
PECCATORUM.
   Hæc quotiescumque
feceritis, in mei memoriam
facietis.

   En hevelep doare, goude
koan, o kregi er c’halir
prizius-man, gant e zaouarn
meurbet santel, goude
trugarekaat ac’hanoc’h, e
vinnigas hag e rôas d’e
ziskibien en eul lavarout :
kemerit hag evit anezan
holl
   RAK, SETU AMAN KALIR
MA GWAD EUS AN
TESTAMANT NEVEZ HAG
ETERNEL : MISTER A
FEIZ : A VO SKUILHET
EVIDOC’H HAG EVIT
KALZ, DA LEMEL AR
PEC’HEJOU.
   Bep tro ma refet an dra-
man, grit anezan evit
derc’hel sonj ac’hanoun.

Ar beleg a sav ar c’halir eman ennan Gwad Jezuz. Adoromp holl gant Feiz. Kinnigomp da Zoue an Tad e Vab Jezuz, ha ni hon-unan gantan.

Rak-se, Aotrou, ni ho servijerien ha ganimp ho pobl santel, o terc’hel sonj eus Pasion Ho Mab, hon Salver Jezuz-Krist, leun a c’hloar o sevel eus ar bez hag o pignal d’an Nenv, ni a ginnig d’eoc’h eus ho tonezonou ha madoberou eun Osti glan, eun Osti santel, eun Osti dinamm, Bara santel ar vuhez eternel ha kalir ar silvidigez peurbadus.

Plijet ganeoc’h, o ma Doue, sellout gant madelez ouz ar profou-man, hag o digemer evel m’hoc’h eus digemeret profou ho servijer Abel, an den fur, ha sakrifis hon Tad Abraham hag ivez an hini a ginnigas d’eoc’h ho peleg bras Melkisedeg, eur sakrifis santel hag eun Osti pur.

Ar beleg, stouet izel, a lavar :

Ni ho ped, Doue holl-c’halloudek, grit ma vo douget ar profou-man, dre zaouarn hoc’h Ael santel, war hoc’h Aoter en Nenv dirazoc’h, evit ma c’hallfomp, ni holl hag hon do bet lod, ouz an Aoter-man, e Korf hag e Gwad sakr ho Mab, beza binniget ganeoc’h ha karget a c’hrasou. Dre Jezuz-Krist hon Aotrou. Evelse bezet graet.

Pedomp aman, a-unan gant ar beleg, evit an Anaon.

Ho pet sonj ivez, Aotrou, eus ho servijerien ha servijerezed, (…N… N…) a zo aet en hon raog diouz ar bed- man, gant merk ar Feiz, hag a gousk e peuc’h ganeoc’h.

Ar beleg a chom eur pennadig evit erbedi (rekomandi) da Zoue an eneou tremenet.

D’ar re-man, Aotrou Doue, ha d’ar re a zo maro e karantez hon Salver, reit al lec’h a freskadurez, a sklaerder hag a beoc’h. Dre J.K. hon Aotrou.

Ar beleg a bed evitan e-unan hag evit ar re a zo en Oferenn, hag en eur skei war boull e galon e lavar :

D’imp-ni ivez, pec’herien gaez, ho servijerien a esper hepken en ho madelez ken bras, teurvezit rei eun tamm lod eus an Nenv, war eun dro gant hoc’h Ebestel ha merzerien santel, Yann, Stefan, Mathias, Barnabe, Ignas, Aleksandr, Marsellin, Per ; Felisite, Perpetua, Agatha, Lusia, Agnez, Sesilia, Anastasia, hag an holl sent ; ni ho ped, lakait ac’hanomp gantê er Baradoz, o Doue leun a drugarez, daoust na veritomp ket.

Dre Jezuz-Krist hon Salver. — Drezan, o ma Doue, e krouit, e santelait, e vinnigit, e lakait beo, hag e rôit d’imp ar profou-man.

Ar beleg, en eur zerc’hel gant e vizied an Osti santel, a ra sin ar groaz, teir gwech, a-us d’ar c’halir, o lavarout :

Drezan, gantan hag ennan, eo rôet d’eoc’h-c’houi, Doue an Tad holl-C’halloulek, war eun dro gant ar Spered Santel, pep enor ha gloar.

AR BATER

Ar beleg a sav e vouez, en eul lavarout :

  Ar b. — Per omnia sæcula
sæculorum.
  R. — Amen.

      Oremus
   Præceptis salutaribus
moniti, et divina institutione
formati, audemus dicere :

   Pater noster qui es in
coelis, sanctificetur nomen
tuum ; adveniat regnum
tuum, fiat voluntas tua, sicut
in cœlo et in terra,
Panem nostrum quotidianum
da nobis hodie ;
et dimitte nobis debita nostra,
sicut et nos dimittimus
debitoribus nostris ;
et ne nos inducas in
tentationem.
   Sed libera nos a malo.
Amen.

   E-pad an holl amzer.
   Evelse bezet graet.


      Pedomp
   Desket gant Hon Salver
en deus diskouezet d’imp
penaos pedi, e kredomp
lavarout :
   Hon Tad a zo en Nenv,
hoc’h ano bezet santifiet ;
ho rouantelez deuet d’imp ;
ho polantez bezet graet,
war an douar evel en Nenv.
Reit d’imp hirie hon
bara pemdeziek, ha pardonit
d’imp hon ofansou,
evel ma pardonomp d’ar
re o deus hon ofanset ;
ha n’hon lezit ket da goueza
en dentasion, met hon
dilivrit diouz an droug.
Evelse bezet graet.

Ar beleg, goude lavaret, Amen, a vouez izet, a gendalc’h da bedi.

Hon dilivrit, ni ho ped, Aotrou Doue, eus an holl drougou tremenet, re a vreman, ha re da zont, ha dre zikour ar Werc’hez glorius Vari Mamm da Zoue, hag hoc’h Ebestel eürus, Per ha Paol hag Andreo, hag an holl sent, reit d’imp ar peuc’h e-pad hon buhez, ma vefomp, dre ho trugarez, diwallet eus pep pec’hed ha pep trubuilh. Dre ar memes Jezuz-Krist, ho Mab Unik, hon Aotrou, a vev hag a ren ganeoc’h war eun dro gant ar Spered Santel.

PEMPVET LODENN

AR GOMUNION

Ar beleg a sav e vouez, en eul lavarout :

  Ar b. — Per omnia sæcula
sæculorum.
  R. — Amen.
  Ar bel. — Pax+ Domini+
sit semper+ vobiscum.
  R. — Et cum spiritu tuo

   E -pad an holl amzer.

   Evelse bezet graet.
   Peuc’h Doue da vo ganeoc’h,
bepred.
   Ha gant ho spered.

Ar beleg a laosk eun tamm eus an Osti da goueza er c’halir, evit merka eo unanet Korf Jezuz gant e Wad, hag a lavar :

Ra dalvezo d’imp, evit ar vuhez eternel, Korf ha Gwad hon Salver Jezuz-Krist, ez omp o vont da resev. Evelmse bezet graet.

AGNUS DEI

   Agnus Dei, qui tollis
peccata mundi ; miserere
nobis.
   Agnus Dei, qui tollis
peccata mundi ; miserere
nobis.
   Agnus Dei, qui tollis
peccata mundi ; dona nobis
pacem.

   Oan Doue, hag a lam
pec’hejou ar bed, ho pet
truez ouzimp.
   Oan Doue, hag a lam
pec’hejou ar bed, ho pet
truez ouzimp.
   Oan Doue, hag a lam
pec’hejou ar bed, reit d’imp
ar peuc’h.

Pedennou a-raok ar Gomunion

O Salver Jezuz-Krist, c’houi hoc’h eus lavaret d’hoc’h Ebestel : ar peuc’h a lezan ganeoc’h, ar peuc’h a rôan d’eoc’h ; na sellit ket ouz ma fec’hejou, met ouz Feiz hoc’h Iliz, ha plijet ganeoc’h rei d’ezi ar peuc’h he deus ezomm, hag ober d’imp beza unanet etrezomp ; c’houi hag a vev evel Roue a viskoz ha da viken. Evelse bezet graet.

Aman, en Oferenn-bred, ar veleien a ro ar pok a beuc’h an eil d’egile, en eul lavarout : Pax tecum : ar peuc’h da vo ganeoc’h ; respont a reer :Et cum spiritu tuo :ha gant ho spered.

O Salver Jezuz-Krist, Mab an Doue bev, c’houi hag hoc’h eus gant bolantez ho Tad ha kenober ar Spered Santel, gouzanvet ar maro evit rei buhez d’an dud, lamit diganin, dre ho korf santel hag ho kwad, ma holl bec’hejou ha pep droug all ; grit ma talc’hin bepred d’ho kourc’hemennou, ha n’am lezit ket da bellaat diouzoc’h ; c’houi hag a vev evel Roue gant an Tad hag ar Spered Santel eun Doue hepken, a viskoaz ha da viken. Evelse bezet graet.

O Salver Jezuz, ec’h an da zigemer ho Korf Santel, daoust na veritan ket ; grit na droio ket ar gomunion- man enep d’in na d’am c’hondaoni ; o Doue a garantez, grit kentoc’h ma talvezo d’in d’am diwall korf hag ene, hag evel louzou d’am gwellaat : C’houi hag a vev evel Roue gant an Tad hag ar Spered Santel, eun Doue hepken, a viskoaz ha da viken. Evelse bezet graet.

KOMUNION

Ar beleg a bleg e c’hlin en eul lavarout :

Ec’h an da gemer Bara an Nenv, ha da bedi Ano Doue

Ar beleg, krog en Osti a sko war boull e galon, hag a lavar teir gwech :

   Domine, non sum dignus
ut intres sub tectum
meum, sed tantum
dic verbo et sanabitur anima
mea.

   Ma Doue, n’oun ket dign
e teufec’h em zi, met lavarit
eur ger hepken,
hag e vo pare ma ene.

Ar beleg a ra sin ar groaz gant an Osti, hag a lavar :

Korf Jezuz-Krist hon Aotrou ra viro ma ene evit ar vuhez peurbadus. Evelse bezet graet.

Ar beleg a chom eur pennadig ; goude e tizolo ar c’halir, e pleg e c’hlin, ha gant ar bladenn aour e tastum an tammou Osti da lakaat er c’halir, en eul lavarout :

Petra rôin-me da Zoue evit an holl vad am eus bet digantan ?

Kemerout a rin ar c’halir santel hag e pedin Ano Doue.

Meuli ha pedi a rin Doue, hag e vin diwallet diouz

ma enebourien.

Ar beleg a ra sin ar groaz gant ar c’halir, en eul lavarout :

Gwad hon Salver Jezuz-Krist ra viro ma ene evit ar vuhez peurbadus.

Ar beleg, goude komunia, a walc’h ar c’halir, gant eun nebeud gwin, en eul lavarout :

Grit, o ma Doue, ma virfomp en eur galon c’hlan ar sakramant hon eus kemeret a c’henou, ha ma talvezo d’imp an donezon bet hirie, da c’hounit ar vuhez a bado da viken.

C’HOUEC’HVET LODENN

Evit trugarekaat

Ar beleg a walc’h e vizied gant gwin ha dour, hag a lavar :

Ho Korf am eus kemeret, o ma Doue, hag ho Kwad am eus evet, grit ma chomfont em c’hreiz, ha grit na vano ennoun netra lous gant ar pec’hed, goude ma ’z oun bet maget gant ho sakramant kaer ha santel ; c’houi hag a vev evel Roue e-pad an holl amzer.

KANTIG AR GOMUNION

Ar beleg a ya e tu dehou d’an Aoter hag a lenn ar gomunion, goude beza poket da greiz an Aoter, e lavar, troet trezek an dud :

   Ar bel. — Dominus
vobiscum.
   Respont. — Et cum
spiritu tuo.

Doue ra vo ganeoc’h.

Ha gant ho spered.

Neuze ar beleg a ya e tu dehou an Aoter da gana pe da lenn ar beden goude ar gomunion ; echu ar beden, e serr al levr hag e tizro da greiz an Aoter da lavarout :

   Ar bel. — Dominus
vobiscum.
   Respont. — Et cum
spiritu tuo.
   Ar b. — Ite Missa est.

   Doue ra vo ganeoc’h.

   Ha gant ho spered.

   It, lavaret eo an oferenn.

   R. — Deo gratias.
pe Benedicamus Domino.

   Trugarez da Zoue.
pe Bennoz da Zoue.

En oferenn e du (vit an Anaon) e vez lavaret e lec’h, Ite Missa est, Requiescant in pace hag ar c’holist a respont. Amen.

Ar beleg, eun tammig stouet dirak an Aoter, a lavar :

Treinded santel, ra blijo d’eoc’h testeni doujus ma servij ha digemerit, me ho ped, ar sakrifis am eus kinniget d’eoc’h, daoust d’an nebeud a vad a zo ennoun : grit, o Doue leun a druez, ma talvezo an Oferenn-man d’in-me ha d’ar re am eus-hi lavaret evitê. Dre Jezuz- Krist hon Aotrou. Evelse bezet graet.

Ar beleg a bok d’an Aoter, hag a dro ouz ar bobl da rei e vennoz, en eul lavarout :

   Benedicat vos omnipotens
Deus, Pater et Filius,
et Spiritus Sanctus.

   Amen.

Ra deuio warnoc’h bennoz
an Doue holl c’halloudek,
an Tad, ar Mab, hag
ar Spered Santel.
Evelse bezet graet.

An Aviel diweza.

   Ar bel. — Dominus
vobiscum.
   Resp. — Et cum spiritu
tuo.
   Ar bel. — Initium sancti
Evangelii secundum Joan.
   Resp. — Gloria tibi
Domine.

   Doue ra vo ganeoc’h.

   Ha gant ho spered.

   Penn kenta eus Aviel
Sant Yann.
   Meuleudi d’eoc’h Aotrou.

An Aviel-man a ziskouez penaos eo deul war an douar, Mab Doue ’n em c’hraet Den evit ober eus an holl dud bugale da Zoue.

Er penn kenta e oa ar Ger hag ar Ger a oa en Doue, hag ar Ger e oa Doue. A holl-viskoaz e oa gant Doue. Gantan eo bet graet pep tra, ha hepan n’eus bet krouet netra eus ar pez a zo bet graet. Ennan oa ar vuhez, hag ar vuhez oa sklerijenn an dud, bag ar sklerijenn a zo o lugerni en denvalijenn, hag an denvalijenn, n’he deus ket bet komprenet. — Beza oe eun den digaset gant Doue, e ano Yann (Badezour). Dont a reas evit beza test, evit rei testeni d’ar sklerijenn, evit lakaat an holl dud da gredi. N’eo ket hen oa ar sklerijenn, met deuet e oa da rei testeni d’ar sklerijenn.

Ar Ger (Mab Doue) oa ar sklerijenn wirion a lugern war bep den a zeu er bed man. Er bed e oa, hag ar bed a zo bet graet gantan, ha n’eo ket bet anavezet gant ar bed. Deuet eo en e dra, ha n’eo ket bet digemeret gant e dud. Met, d’ar re o deus hen digemeret en deus rôet ar c’halloud da veza bugale Doue, d’ar re a gred en e ano, ar re n’int ket ganet eus ar gwad nag eus ar c’horf nag eus youl (bolantez) an den, met eus Doue e-unan, (aman e pleger ar glin). Hag ar Mab a zo en em c’hraet Den, ha a zo deuet da chom en hon mesk, gwelet hon eus e c’hloar, evel gloar Mab Unik an Tad, leun a c’hras hag a wirionez.

   Resp. — Deo gratias.

Trugarez da Zoue.

————

Pedennou goude Bennoz ar Sakramant

————

Meuleudi da Zoue !
Meuleudi d’e Ano santel !
Meuleudi da Jezuz-Krist, gwir Doue ha gwir den !
Meuleudi d’Ano santel Jezuz !
Meuleudi d’e Galon Sakr !
Meuleudi da Jezuz e Sakramant an Aoter !
Meuleudi da Vamm Doue, ar Werc’hez c’hlorius Vari !
Meuleudi da Vari krouet-dinamm !
Meuleudi d’Ano Mari, Mamm ha Gwerc’hez !
Meuleudi da sant Jozeb, pried santel ar Werc’hez Vari !
Meuleudi da Zoue dre an Aelez hag ar Sent eus ar Baradoz !

---

---

Pedenn da St-Jozeb, graet gant ar Pab Leon XIII

————

O Sant Jozeb eürus, e-kreiz hon trubuilhou e teredomp d’ho kaout, ha goude beza goulennet skoazell ho Pried meurbet santel, e c’houlennomp ivez gant fizians beza difennet ganeoc’h. Dre ar garantez a Mage ho kalon ouz hini ar Werc’hez dinamm, Mamm Doue ; dre an deneridigez a dad hoc’h eus douget d’ar Mabig-Jezuz, ni hoc’h asped, grit eur sell a drugarez ouz an herez en deus prenet Jezuz-Krist gant e wad ha lakait ivez ho kalloud hag ho madelez d’hon sikour en hon ezommou.

Beilhit, o diwaller meurbet fur an tiegez santel, beilhit war ar bobl dibabet gant Hon Salver Jezuz-Krist ; pellait diouzimp, Tad meurbet karantezus, pep gwalenn gevier, pep klenved eneou ; eus lein an Nenv, er brezel diskleriet d’imp gant sperejou an denvalijenn, diskennit d’hon c’hrenvaat, c’houi hon skoazell meurbet nerzus ; hag evel m’hoc’h eus gwechall tennet ar Mabig-Jezuz eus riskl bras ar maro, evel-se breman difennit Iliz Santel an Aotrou Doue ouz lasou hec’h enebourien hag ouz pep reuz fall.

Bezit hon difenner da virviken, evit ma c’hallimp e sklerijenn ho skoueriou mat, harpet war ho prec’h madoberus, beva evel sent, mervel e gras hon Salver, ha kaout en Nenv an eürusted a bado bepred. Evel-se bezet graet.

————

Ma lezen-me eo ma ’n em garfet an eil egile evel am eus ho karet.

Jezuz-Krist.

Evel-se bezet gret.

————

TAOLENN AR C’HANTIGOU

Dre o renk el levr

————

Ar Spered-Santel

N 

Pajenn.

I. 

Spered-Santel, holl nerz 

 3

An Oferenn ha Sakramant an Aoter

II. 

Kinnigomp ar sakrifis-man 

 4

III. 

M’oc’h ador gant doujans 

 5

IV. 

Me ho salud, korf ma Salver 

 6

V. 

O Jezuz, o Osti santel 

 6

VI. 

War an Aoter 

 7

VII. 

O Sakramant ar c’haera 

 8

VIII. 

Me gred ec’h an da zegemer 

 10

IX. 

Doue eternel, leun a c’hloar 

 11

X. 

Deut holl ha deut gant feiz 

 11

XI. 

O ma Jezuz, O ma c’harantez 

 13

XII. 

O ! na hir eo an noz 

 14

XIII. 

Aelez eus ar Baradoz 

 15

XIV. 

Me hoc’h ador, ma Jezuz 

 17

XV. 

Adoromp holl e Sakramant an Aoter 

 19

XVI. 

A-vreman betek ar maro 

 20

XVII. 

Meulomp holl da viken 

 20

XVIII. 

Meulomp e pep amzer 

 21

XIX. 

Enor ha gloar da virviken 

 22

en enor da Galon-Sakr

XX. 

O Kalon Sakr eus ma Jezuz 

 23

XXI. 

Lakaet ’m eus a-grenn em spered 

 25

XXII. 

Enor war an douar 

 26

XXIII. 

Deut tud santel 

 28

XXIV. 

Jezuz a holl-viskoaz 

 30

en enor d’ar Werc’hez

XXV. 

Eun Arc’hael a-berz an Aotrou 

 31

XXVI. 

Ni ho salud gant karantez 

 31

XXVII. 

En em frealzit evit mat 

 32

XXVIII. 

Mari, Rouanez an Nenvou 

 34

XXIX. 

Ni ho salud steredenn vor 

 34

XXX. 

Salud d’eoc’h hag enor 

 35

XXXI. 

Ni ho salud, Rouanez an Aelez 

 36

XXXII. 

Sonjomp d’ar genta dizenez 

 37

XXXIII. 

Ar c’henta mister truezus 

 38

XXXIV. 

Er c’henta mister glorius 

 39

XXXV. 

O Gwerc’hez Vari leun a druez 

 40

XXXVI. 

Gwerc’hez Vari, Rouanez an Nenvou 

 42

XXXVII. 

Gwerc’hez diwar ho tron 

 42

XXXVIII. 

Santez Mari, Mamm Doue 

 43

XXXIX. 

O ma ene, kanomp bemdez 

 44

XL. 

Da viken, o Mamm ger 

 46

XLI. 

Enor d’hoc’h ano binniget 

 47

XLII. 

O ma Jezuz, na pegen kaer 

 49

XLIII. 

M’ho kar Gwerc’hez 

 51

XLIV. 

A-vihanik em eus karet 

 52

XLV. 

Mari, Gwerc’hez c’halloudus 

 53

XLVI. 

Kalon dous a Vari 

 54

XLVII. 

Eur c’hoant bras am eus da veuli 

 54

XLVIII. 

Me a laka ma fizians 

 57

XLIX. 

Na pegen kaer eo Mamm Jezuz 

 58

L. 

Mari, hon mamm garantezus 

 59

LI. 

Rouanez an Nenvou 

 60

LII. 

Rouanez an Iliz, Pried ar Spered-Santel 

 61

LIII. 

Kanomp a vouez uhel 

 63

LIV. 

Eun deiz a viz C’houevrer 

 64

LV. 

Meulomp hon Salver da veza roet 

 65

LVI. 

Mari ’vo bepred Mamm ar Vretoned 

 66

LVII. 

Mamm Doue, Rouanez Breiz-Izel 

 67

LVIII. 

Mari, pa ’z oc’h Mamm Breiz-Izel 

 69

LIX. 

Mari mamm an esperans 

 71

LX. 

Salud d’eoc’h, O Gwerc’hez vinniget 

 72

LXI. 

Kanomp holl meuleudi da Vamm Doue 

 73

LXII. 

Tostaat a ra heol splann ar beure 

 74

LXIII. 

An noz war ar bed a ziskenn 

 75

LXIV. 

Hirie, lavaromp trugarez 

 76

LXV. 

Bemdez, bemnoz hag e pep ti 

 77

LXVI. 

Ar martolod en e vagig 

 79

en enor da sant Jozeb

LXVII. 

Sant Jozeb, Pried Mari 

 81

LXVIII. 

Kanomp holl meuleudi da Jozeb 

 83

LXIX. 

Sant Jozeb, ni ’zeu d’ho pedi 

 83

LXX. 

O Sant Jozeb, er Baradoz 

 84

LXXI. 

Ma ene a vez laouen 

 85

en enor d’an Aelez

LXXII. 

Piou ’lavaro, kristenien 

 86

LXXIII. 

Me ’oar e chomit noz ha deiz 

 88

LXXIV. 

Aelig Doue 

 89

en enor da Santez Anna

LXXV. 

Mamm an Itron Varia 

 90

LXXVI. 

Itron vat Santez Anna 

 91

LXXVII. 

Itron Santez Anna 

 92

LXXVIII. 

Enor, enor da Santez Anna 

 94

en enor da Sant Erwan

LXXIX. 

Aotrou Sant Erwan binniget 

 95

LXXX. 

Aotrou Sant Erwan, klevit 

 97

LXXXI. 

Nann, n’eus ket e Breiz 

 98

en enor da Santez Jan d’Ark

LXXXII. 

Betek ho tron en Nenvou Jan d’Ark 

 100

en enor da Santez Tereza ar Mabig-Jezuz

LXXXIII. 

Gant fizians vras, ni ’zeu 

 102

LXXXIV. 

Gwerc’hez yaouank Lizieu 

 103

Kantigou evit retredou hag all.

LXXXV. 

O ma Jezuz, setu deut an amzer 

 105

LXXXVI. 

Poent bras eo d’eoc’h pec’her 

 106

LXXXVII. 

Selaou ma breur ker 

 107

LXXXVIII. 

Evit beva gant levenez 

 108

LXXXIX. 

Diviz etre ar sent hag an dud 

 110

XC. 

Doue, gwir Bried 

 112

XCI. 

A-vihanik em eus pec’het 

 114

XCII. 

Selaouit gant spont hag eston 

 115

XCIII. 

Selaouit, ma Jezuz (Ar Maro) 

 117

XCIV. 

Sonjomp, O kristenien (Ar varn Genta) 

 119

XCV. 

Barnet e vo kement den (Ar varn Diweza) 

 120

XCVI. 

Diskennomp holl, kristenien 

 121

XCVII. 

Jezuz pegen bras ’vez 

 124

XCVIII. 

Baradoz dudius 

 127

XCIX. 

Karomp Doue da genta 

 128

C. 

Feiz hon tud-koz 

 129

CI. 

Me ’zo kristen, ha gant enor 

 131

CII. 

Klevit, Mari, Mamm Doue 

 133

CIII. 

Aman, pell diouz an trouz 

 135

CIV. 

Eürus an hini 

 137

CV. 

Kement a rit, Tad karantezus 

 137

CVI. 

Jezuz ’lavar d’imp pedi 

 139

Ar Bloavez Kristen
An Azvent

CVII. 

Ar Salver ez omp o c’hortoz 

 141

CVIII. 

Deut, Salver ar bed 

 142

An Nedeleg

CIX. 

Spered santel Doue 

 144

CX. 

Kanomp Nouel da Vab Doue 

 145

CXI. 

O pebez burzud a welan 

 147

CXII. 

Pa voe ganet Jezuz 

 149

CXIII. 

Diskennit eus an Nenvou 

 151

CXIV. 

An noz tenval 

 153

CXV. 

Pe trouz war an douar 

 154

CXVI. 

M’hoc’h ador Mabig Jezuz 

 156

CXVII. 

Bethleem ar gêr vihanig (Gouel ar Rouaned) 

 157

CXVIII. 

Gloar da Jezuz, a-greiz kalon 

 158

CXIX. 

Jezuz ken dous d’ar sonjezon 

 159

Pasion hor Salver

CXX. 

O sonjal en hon Pec’hejou 

 160

CXXI. 

Gouelit, ma daoulagad 

 163

CXXII. 

Meulomp hirie a vouez uhel 

 164

CXXIII. 

Enor d’ar Groaz 

 166

CXXIV. 

Diwar lein an touriou 

 168

Evit Goueliou all

CXXV. 

Klevit, holl vugale Doue (Sul Fask) 

 169

CXXVI. 

Jezuz, Salver an eneou (Ar Yaou-Bask) 

 170

CXXVII. 

Setu Mamm Doue (Hanter-Eost) 

 171

CXXVIII. 

Dougomp hon sellou (An Hollsent) 

 173

CXXIX. 

Allaz ! ne oufe den kompren (an Anaon) 

 174

CXXX. 

Salud deoc’h Iliz ma farroz (Gouel an Iliz) 

 175

CXXXI. 

Breudeur ni ’glev ho klemmou (Breuriez ar feiz) 

 177

CXXXII. 

O devez leun a joa (Evit an eurejou) 

 178

CXXXIII. 

Deiz ma « C’honfirmasion » 

 179

CXXXIV. 

Kanomp, kanomp da virviken (ar Skol-gristen) 

 181

CXXXV. 

Sent koz Breiz-Izel, ni ho ped (ar Velegiez) 

 183

CXXXVI. 

Eus an Arvor, ar Menez (an Oferenn-nevez) 

 185

CXXXVII. 

Kent ho kuitaat, Jezuz hon Aotrou 

 186

An oferenn 

 188

Salud ar Sakramant 

 209

Pedenn da Sant Jozeb 

 215

————

TAOLENN DRE REIZ AL LIZERENNOU

————

Niverennou 

Pajenn

XIII. 

Aelez eus ar Baradoz 

 15

LXXIV. 

Aelig Doue 

 89

CXXIX. 

Allaz ! ne oufe den kompren (an Anaon) 

 174

CIII. 

Aman, pell diouz an trouz 

 135

CXIV. 

An noz tenval 

 153

LXIII. 

An noz war ar bed a ziskenn 

 75

LXXIX. 

Aotrou Sant Erwan binniget 

 95

LXXX. 

Aotrou Sant Erwan, klevit 

 97

XXXIII. 

Ar c’henta mister truezus 

 38

LXVI. 

Ar martolod en e vagig 

 79

CVII. 

Ar Salver ez omp o c’hortoz 

 141

XLIV. 

A-vihanik em eus karet 

 52

XCI. 

A-vihanik em eus pec’het 

 114

XVI. 

A-vreman betek ar maro 

 20

XV. 

Adoromp holl e Sakramant an Aoter 

 19

XCVIII. 

Baradoz dudius 

 127

XCV. 

Barnet e vo kement den (Ar varn Diweza) 

 120

LXV. 

Bemdez, bemnoz hag e pep ti 

 77

LXXXII. 

Betek ho tron en Nenvou Jan d’Ark 

 100

CXVII. 

Bethleem ar gêr vihanig (Gouel ar Rouaned) 

 157

CXXXI. 

Breudeur ni ’glev ho klemmou (Breuriez ar feiz) 

 177

XLVI. 

Kalon dous a Vari 

 54

LIII. 

Kanomp a vouez uhel 

 63

CXXXIV. 

Kanomp, kanomp da virviken (ar Skol-gristen) 

 181

LXVIII. 

Kanomp holl meuleudi da Jozeb 

 83

LXI. 

Kanomp holl meuleudi da Vamm Doue 

 73

CX. 

Kanomp Nouel da Vab Doue 

 145

XCIX. 

Karomp Doue da genta 

 128

CV. 

Kement a rit, Tad karantezus 

 137

CXXXVII. 

Kent ho kuitaat, Jezuz hon Aotrou 

 186

II. 

Kinnigomp ar sakrifis-man 

 4

CXXV. 

Klevit, holl vugale Doue (Sul Fask) 

 169

CII. 

Klevit, Mari, Mamm Doue 

 133

XL. 

Da viken, o Mamm ger 

 46

CXXXIII. 

Deiz ma « C’honfirmasion » 

 179

X. 

Deut holl ha deut gant feiz 

 11

CVIII. 

Deut, Salver ar bed 

 142

XXIII. 

Deut tud santel 

 28

CXIII. 

Diskennit eus an Nenvou 

 151

XCVI. 

Diskennomp holl, kristenien 

 121

LXXXIX. 

Diviz etre ar sent hag an dud 

 110

CXXIV. 

Diwar lein an touriou 

 168

XC. 

Doue, gwir Bried 

 112

IX. 

Doue eternel, leun a c’hloar 

 11

CXXVIII. 

Dougomp hon sellou (An Hollsent) 

 173

XXVII. 

En em frealzit evit mat 

 32

CXXIII. 

Enor d’ar Groaz 

 166

XLI. 

Enor d’hoc’h ano binniget 

 47

LXXVIII. 

Enor, enor da Santez Anna 

 94

XIX. 

Enor ha gloar da virviken 

 22

XXII. 

Enor war an douar 

 26

XXXIV. 

Er c’henta mister glorius 

 39

XXV. 

Eun Arc’hael a-berz an Aotrou 

 31

LIV. 

Eun deiz a viz C’houevrer 

 64

XLVII. 

Eur c’hoant bras am eus da veuli 

 54

CIV. 

Eürus an hini 

 137

CXXXVI. 

Eus an Arvor, ar Menez (an Oferenn-nevez) 

 185

LXXXVIII. 

Evit beva gant levenez 

 108

C. 

Feiz hon tud-koz 

 129

LXXXIII. 

Gant fizians vras, ni ’zeu 

 102

CXVIII. 

Gloar da Jezuz, a-greiz kalon 

 158

CXXI. 

Gouelit, ma daoulagad 

 163

XXXVII. 

Gwerc’hez diwar ho tron 

 42

XXXVI. 

Gwerc’hez Vari, Rouanez an Nenvou 

 42

LXXXIV. 

Gwerc’hez yaouank Lizieu 

 103

LXIV. 

Hirie, lavaromp trugarez 

 76

LXXVII. 

Itron Santez Anna 

 92

LXXVI. 

Itron vat Santez Anna 

 91

XXIV. 

Jezuz a holl-viskoaz 

 30

CXIX. 

Jezuz ken dous d’ar sonjezon 

 159

CVI. 

Jezuz ’lavar d’imp pedi 

 139

XCVII. 

Jezuz pegen bras ’vez 

 124

CXXVI. 

Jezuz, Salver an eneou (Ar Yaou-Bask) 

 170

XXI. 

Lakaet ’m eus a-grenn em spered 

 25

LXXI. 

Ma ene a vez laouen 

 85

LXXV. 

Mamm an Itron Varia 

 90

LVII. 

Mamm Doue, Rouanez Breiz-Izel 

 67

XLV. 

Mari, Gwerc’hez c’halloudus 

 53

L. 

Mari, hon mamm garantezus 

 59

LIX. 

Mari mamm an esperans 

 71

LVIII. 

Mari, pa ’z oc’h Mamm Breiz-Izel 

 69

XXVIII. 

Mari, Rouanez an Nenvou 

 34

LVI. 

Mari ’vo bepred Mamm ar Vretoned 

 66

XLVIII. 

Me a laka ma fizians 

 57

VIII. 

Me gred ec’h an da zegemer 

 10

XIV. 

Me hoc’h ador, ma Jezuz 

 17

CXVI. 

M’hoc’h ador Mabig Jezuz 

 156

IV. 

Me ho salud, korf ma Salver 

 6

LXXIII. 

Me ’oar e chomit noz ha deiz 

 88

XVIII. 

Meulomp e pep amzer 

 21

CXXII. 

Meulomp hirie a vouez uhel 

 164

XVII. 

Meulomp holl da viken 

 20

LV. 

Meulomp hon Salver da veza roet 

 65

CI. 

Me ’zo kristen, ha gant enor 

 131

XLIII. 

M’ho kar Gwerc’hez 

 51

III. 

M’oc’h ador gant doujans 

 5

LXXXI. 

Nann, n’eus ket e Breiz 

 98

XLIX. 

Na pegen kaer eo Mamm Jezuz 

 58

XXVI. 

Ni ho salud gant karantez 

 31

XXXI. 

Ni ho salud, Rouanez an Aelez 

 36

XXIX. 

Ni ho salud steredenn vor 

 34

CXXXII. 

O devez leun a joa (Evit an eurejou) 

 178

XX. 

O Kalon Sakr eus ma Jezuz 

 23

V. 

O Jezuz, o Osti santel 

 6

XXXV. 

O Gwerc’hez Vari leun a druez 

 40

XXXIX. 

O ma ene, kanomp bemdez 

 44

XLII. 

O ma Jezuz, na pegen kaer 

 49

XI. 

O ma Jezuz, O ma c’harantez 

 13

LXXXV. 

O ma Jezuz, setu deut an amzer 

 105

XII. 

O ! na hir eo an noz 

 14

CXI. 

O pebez burzud a welan 

 147

VII. 

O Sakramant ar c’haera 

 8

LXX. 

O Sant Jozeb, er Baradoz 

 84

CXX. 

O sonjal en hon Pec’hejou 

 160

CXII. 

Pa voe ganet Jezuz 

 149

CXV. 

Pe trouz war an douar 

 154

LXXII. 

Piou ’lavaro, kristenien 

 86

LXXXVI. 

Poent bras eo d’eoc’h pec’her 

 106

LII. 

Rouanez an Iliz, Pried ar Spered-Santel 

 61

LI. 

Rouanez an Nenvou 

 60

XXX. 

Salud d’eoc’h hag enor 

 35

CXXX. 

Salud deoc’h Iliz ma farroz (Gouel an Iliz) 

 175

LX. 

Salud d’eoc’h, O Gwerc’hez vinniget 

 72

XXXVIII. 

Santez Mari, Mamm Doue 

 43

LXIX. 

Sant Jozeb, ni ’zeu d’ho pedi 

 83

LXVII. 

Sant Jozeb, Pried Mari 

 81

XCII. 

Selaouit gant spont hag eston 

 115

XCIII. 

Selaouit, ma Jezuz (Ar Maro) 

 117

LXXXVII. 

Selaou ma breur ker 

 107

CXXXV. 

Sent koz Breiz-Izel, ni ho ped (ar Velegiez) 

 183

CXXVII. 

Setu Mamm Doue (Hanter-Eost) 

 171

XXXII. 

Sonjomp d’ar genta dizenez 

 37

CIX. 

Spered santel Doue 

 144

I. 

Spered-Santel, holl nerz 

 3

LXII. 

Tostaat a ra heol splann ar beure 

 74

VI. 

War an Aoter 

 7

An oferenn 

 188

————

EVIT SALUD AR SAKRAMANT

En enor d’hon Salver

Adoremus 

 209

Adoro te 

 209

Ave verum 

 209

Christum Rejem 

 209

O Salutaris 

 209

Panis Angelicus 

 212

Tantum Ergo 

 212

Ra vo meulet, an Aotrou Doue 

 215

En enor d’ar Werc’hez

Alma redemptoris 

 210

Ave Regina cœlorum 

 210

Inviolata 

 210

Regina cœli 

 210

Salve Regina 

 211

Sub tuum 

 211

Peden ar Pab Leon XIII da Z. Jobeb 

 215

Evit ar Pab : Oremus pro pontifice 

 211

D’an Nedelek : Adeste fideles 

 211

D’ar Rouaned : Jam desinant 

 211

Er C’hoareiz : Attende Domine 

 211

Zul Fask : O filii et filiae 

 212

Da drugarekaat Doue : Te Deum 

 213

Da c’houïen truez : Miserer mei 

 214

————

presses bretonnes - st-brieuc