Aotrou Sant Erwan binniget

Oberennoù damheñvel pe handelvoù all zo ivez, gwelout Otrou Zant Ervoan veniget.

Kantigou brezonek eskopti Sant-Brieg ha Landreger

A. Prud’homme, 1934 (p. 95-97)

◄ Enor, enor da Santez Anna

Aotrou Sant Erwan, klevit ►

EN ENOR DA SANT ERWAN

————

N° LXXIX. — Aotrou sant Erwan Binniget.

$\version "2.22.0" \score { \new Staff { \relative c'{ \tempo "" 4=88 \key f \major \time 2/4 \partial 4*1 f8^\markup {\italic Diskan} c f4 a | g8 f g( a) \break g4. r8 | a f a4 | c g8 a | f2~ \break f4 f8 c | f4 a | g8 f g( a) | g4. r8 \break a f a4 | c g8 a | f2~ | f4\fermata \bar "||" a8 bes \break c4 c | bes8 a bes( a) | g4. r8 | a f a4 \break c bes8 a | g2~ | g4 f8 c | f4 a \break g8 f g( a) | g4. r8 | a f a4 \break c g8 a | f2~ | f4 \bar "|." } \addlyrics{ Ao -- trou sant Er -- wan bi -- ni -- get, e -- nor ha skoa -- zell hon bro, an neb ho ped en deus be -- pred eun di -- fe -- nour en Nen -- vou. En hon touez eus a sant Er -- wan bras eo ar ma -- do -- be -- rou O soñ -- jal en -- no peb u -- nan a wir ga -- lon ’la -- va -- ro. } } \layout { indent = #00 line-width = #123 ragged-last = ##t } \midi { } } \header { tagline = ##f }$

Diskan

En hon touez eus a sant
Erwan bras eo ar madoberou
O soñjal enno peb unan
A wir galon ’lavaro.
En Nenvou Vel war-an douar
Sant Erwan ’zo galloudus,
Hag e galon da neb e gar,
’zo mat ha trugarezus.

Kement hini da sant Erwan
A vo bet en em ouestlet,
E pep ezomm hag e pep poan,
Gantan a vo skoazellet.
Pa vez glao bras, re a dommder,
Gant an trevadou nec’het,
Da sant Erwan e tereder,
Sur da veza selaouet.
D’ar beleg, d’an den a lezenn,
Beleg santel, advokad,
Sant Erwan ’ro skouer, sklerijenn
'Evit ren o c’harg ervat.
Ar vamm pa lavar eur bedenn
Da sant Erwan beure-noz,
Kalon he mab ’vel eur rozenn
’Dro war-du ar Baradoz.
An intanvez paour en he foan,
He bugale hep sikour,
En em erbed ouz sant Erwan,
Ha sant Erwan he rekour.
Ar bugelig kaez, emzivad,
Tad ha mamm gantan kollet
E Sant Erwan a gav eun tad
D’e vlenia ervat bepred.
Ar soudard galvet d’an arme,
Kent kuitaat, da Sant-Erwan
A ya da bedi, ha neuze,
A-greiz e galon a gan !
Ar martolod war ar mor do(u)n.
Gwall hejet e vag vihan,
A zo fizians en e galon :
E sturier eo sant Erwan.
Al labourer a gar ar sant
A gav skanvoc’h an arar,
Kalz blotoc’h ’vez ar park, pa blant
Pa sko e bal en douar.
An devezour, an den a boan,
Bemdez kent mont d’e zevez,
Mar deu da bedi sant Erwan,
A gano gant levenez :

Ni a zo holl devezourien
Er bed-man ha tud a boan ;
Ha c’houi ’zisprizfe hon pedenn,
C’houi, Aotrou mat, sant Erwan.
Kalz ac’hanomp hep pell dale
A vo echu o devez :
Grit d’imp mont da gana, neuze,
En Nenv gant anaoudegez !