Piou ’lavaro, kristenien

Oberennoù damheñvel pe handelvoù all zo ivez, gwelout Piv a laro, kristenien.

Kantigou brezonek eskopti Sant-Brieg ha Landreger

A. Prud’homme, 1934 (p. 86-88)

◄ Ma ene a vez laouen

Me ’oar e chomit noz ha deiz ►

EN ENOR D’AN AELEZ

————

N° LXXII. — An Aelez hag an Dud.

$\version "2.22.0" \score { \new Staff { \relative c'{ \tempo "" 4.=54 \key g \major \time 6/8 b'4. b8( d) b | b4. a8( b) g | fis4.~ fis4 b,8 \break fis'4 a8 fis4 g16( fis) | e4.~ e4 r8 | b'4.( b8) d b \break b4. a8( b) g | fis4.~ fis4 b,8 | fis'4 a8 fis4 g16( fis) \break e4.~ e4 g8 | fis4 g8 e4 e16( fis) | g8 fis4~ fis8 r fis g4 a16( b) b4 a16( g) | fis4.~ fis8 r r | b4. b8( d) b \break b4. a8( b) g | fis4.~ fis4 b,8 | fis'4 a8 fis4 g16( fis) \break e4.\fermata e8^\markup {\italic Diskan} g a \bar "||" b4 b8( a) g a | b4. e,8 g a b4 b8 a( g) a | b4. b8 b b | b4 b8 e4 e8 d4\fermata b8 g4_\fermata a8 | b( c) b a fis( g) | e4.~ e4 r8 \bar "|." } \addlyrics{ Piou ’la -- va -- ro, kris -- te -- nien, pe -- goulz eo bet krou -- et, gant Dou -- e holl -- c’hal -- lou -- dek an Ae -- lez bin -- ni -- get_? A -- raok ar mor, an dou -- ar, ar ste -- red lu -- ger -- nus, e ka -- nent o meu -- leu -- di d’an Drin -- ded Holl -- ba -- dus. Ae -- lez Dou -- e, Ae -- lez eü -- rus des -- ket d’imp ser -- vi -- ja Je -- zuz_; ’vel -- doc’h ez omp e vu -- ga -- le, an Neñv a zo hon bro i -- vez. } } \layout { indent = #00 line-width = #123 } \midi { } } \header { tagline = ##f }$

Piou ’lavaro, kristenien, pegoulz eo bet krouet,
Gant Doue hollc’halloudek an Aelez binniget ?
Araok ar mor, an douar, ar stered lugernus,
E kanent o meuleudi d’an Drinded Hollbadus.

Diskan

Gwelet o deus an douar o kemer e dachenn,
An heol o skuilha warnan e genta sklerijenn ;
Dirazo e tibabas Doue ar pri melen,
Ma reas gantan ken brao e gorf d’ar c’henta den.
Skrijet o deus pa gouezas Adam en e bec’hed,
Ha pa ruilhas gwad Abel gant dourn e vreur lazet,
Pa glevjont o tidarza ar c’hurunou spontus,
Hag an dour-beuz o tiruilh war benn an dud kablus.
Ouz Abraham e Membre ’lies o deus komzet,
Gant Moizez er gouelec’h pell o deus baleet,
Tridet o deus pa gane David ha Salomon,
Pa c’harme Jeremiaz war lein menez Sion.
Eun Ael a zezrevelas d’ar profed Daniel
Pegoulz e tlee Jezuz ha genel ha mervel,
Eun Ael henchas Tobiaz eus Niniv da Rajez ;
Izaiaz hag Eliaz a veve en o zouez.

Pa voe ganet hon Salver ’us d’e graou ’pad an noz,
O moueziou flour a gane soniou ar Baradoz ;
Pa rae e vurzudou e pep lec’h e heulient,
Pa varvas war ar C’halvar, ’tal ar Groaz e klemment.
Int ’lamas ar maen pouner a stouve war e vez,
A strafuilhas ar gwardou ’oa outan war evez ;
E-pad ma pigne d’an Nenv betek e dron uhel,
Daou Ael a zic’hlac’hare kalon an ebestel.
’us d’an Iliz katolik e nijont a-vandenn,
Er peuc’h evit he mirout, er brezel d’he difenn :
Yudal forz a ra warni Satan hag ar re fall ;
Harpet-mat eo a-bell ’zo, n’haller ket he finval.
An dud varo, deiz ar Varn, ganto a vo galvet,
Hag e traonienn Jozafad a bep tu dastumet :
Stlepel ’raint ’kreiz an ifern diaoulou ha re daonet,
Ha dougen d’ar Baradoz ar gristenien salvet.
Neb a gar a zo karet ; neb a bed, skoazellet ;
Hep eun Ael mat d’e virout n’eus ket eun den er bed :
Heuliomp e ali bepred, hep ober poan d’ezan ;
Hag er Baradoz ivez ’vimp eürus gantan.