Na pegen kaer eo Mamm Jezuz

Oberennoù damheñvel pe handelvoù all zo ivez, gwelout Pegen kaer ez eo Mam Jezus !.

Kantigou brezonek eskopti Sant-Brieg ha Landreger

A. Prud’homme, 1934  (p. 58-59)

N° XLIX. — Na pegen kaer eo Mamm Jezuz.

Ton : XIX.

Diskan.

Na pegen kaer eo Mamm Jezuz,
Pegen dous ha karantezus,
Pegen mat ha madelezus !

1. Lavar d’in-me, den an Arvor,
   Ha ken kaer eo da vag war vor.
   Gant he goueliou gwenn-kann digor ?
   
   
2. Lavar d’in-me, den an Argoad,
   Ha ken kaer deliou glas ar c’hoad,
   Pa zeu an heol splann d’o sklaeraat ?
   
   
3. Lavar d’in-me, den an Are,
   Ha ken kaer eo lein ar mene(z),
   Gwenn-kann gant an erc’h, d’ar beure ?
   
   
4. Lavar d’in-me, mesaer loened,
   Hag-hen z’ eus steredenn ebet
   Ken kaer en noz steredennet ?
   
   
5. Lavarit d’in, tud ar maeziou,
   Ha ken kaer eo ar glazennou
   O lintra gant ar glizennou ?

6. Lavarit d’in, bugaligou,
   Er pradou o kutuilh bleuniou,
   Ha bleunv ken kaer ’zo er pradou ?
   
   
7. Nag en Arvor, nag en Argoad,
   Er menez, en oabl, nag er prad,
   Netra ken kaer, netra ken mat.
   

An Ao. Kermarker.

---