O ma ene, kanomp bemdez

Oberennoù damheñvel pe handelvoù all zo ivez, gwelout O ma ine, kanomp.

Kantigou brezonek eskopti Sant-Brieg ha Landreger

A. Prud’homme, 1934 (p. 44-46)

N° XXXIX. — Kantig sant Kazimir, roue.

$\version "2.22.0" \score { \new Staff { \relative c'{ \tempo "" 4=104 \key g \major \override Rest #'style = #'classical \time 3/4 \partial 8*2 d8 d g4 g b8 g | a4 a c8 e \break d4 b c8 a | g2 d8 d | g4 g b8 g a4 a c8 e | d4 b c8 a | g2 \bar "||" b8^\markup {\italic Diskan} c d4 b d8 d | c4 a c8 c | b4 g b8 b \break a4 r d,8 d | g4 g b8 g | a4 a c8 e d4 b c8 a | g2. \bar "|." } \addlyrics{ O ma e -- ne ka -- nomp bem -- dez da Va -- ri meu -- leu -- di -- ou hec’h o -- be -- rou hec’h holl bu -- hez A zo leun a vur -- zu -- dou Gloar da Va -- ri ha meu -- leu -- di pe -- bez bur -- zud e -- ü -- rus Ma -- ri gwer -- c’hez ha mamm i -- vez gwer -- c’hez ha Mamm da Je -- zuz. } } \layout { indent = #00 line-width = #123 ragged-last = ##t } \midi { } } \header { tagline = ##f }$

O ma ene kanomp bemdez
Da Vari meuleudiou
Hec’h oberou hec’h holl buhez
A zo leun a vurzudou

Diskan

Teod an den a zo gwall zister
Evit komz eus a Vari ;
Met he c’halon a zo tener
Holl e c’hallomp he meuli.
Eus a Vari an holl boblou
A denn gloar ha sklerijenn,
He santelez he vertuziou,
A zo skouer ar gristenien.
He mouez ’lavar, leun a druez :
« Sentit, sentit ouz Jezuz,
« Ha m’e garit ’hed ho puhez,
« Jezuz ho lako eürus. »
Kalonou sec’h ha glac’haret.
Deut da gavout ar Werc’hez ;
Gant Mari ’vezer frealzet
Er vrasa tristidigez.
C’houi pec’her paour a-greiz kalon
Pedit, enorit Mari :
Hag evit kaout gras ha pardon
Ho pet holl fizians enni.

N’ankouait ket, c’houi den santel,
Ez eo Mamm an holl c’hrasou ;
’n em zerc’hel dindan he mantell,
Zo kemer hent an Nenvou.
O Mari, klevit ma fedenn,
Pareit ma gouliou ;
En ho krasou roit d’in lodenn
Ha perz en ho vertuziou.
Evidomp hell dirak Jezuz,
Pedit, Mamm a drugare(z) ;
Pred ar maro a vo fromus,
Deuit d’hon skoazella neuze.
Ar re a zeu e gwirionez
War an douar d’ho pedi.
Grit ma ’z aint gant an Aelez
D’ar Baradoz, d’ho meuli.