Pa voe ganet Jezuz

Oberennoù damheñvel pe handelvoù all zo ivez, gwelout Pa voe ganet Jezus hon Zalver.

Kantigou brezonek eskopti Sant-Brieg ha Landreger

A. Prud’homme, 1934 (p. 149-150)

N° CXII. — Pa voe ganet Jezuz.

$\version "2.22.0" \score { \new Staff { \relative c'{ \tempo "" 4=88 \key f \major \override Rest #'style = #'classical a'4 a8. g16 a4 a8( c) | c4. bes8 a4 f8 r \break a4 a8. g16 a4 a8( c) | c4. bes8 a4. r8 \break a4 a8. g16 a4 a8( c) | c4. bes8 a4 f8 r a4 a8. g16 a4 a8( c) | c4. bes8 a4. r8 \break c2(^\markup {\italic Diskan} d8 c bes a) | bes2( \stemDown c8 bes a g) | \stemNeutral a2( bes8 a g f g4.) g8 c,4. r8 | f4 g a bes | a2 g4. r8 \break c2( d8 c bes a) | bes2( \stemDown c8 bes a g) | \stemNeutral a2( bes8 a g f g4.) g8 c,4. r8 | f4 g a bes | a2( g) | f2. r4 \bar "|." } \addlyrics{ Pa voe ga -- net Je -- zuz hon Sal -- ver, Ma -- ri e Vamm e vail -- hu -- ras, e Be -- tle -- em, en eur c’hraou dis -- ter, war eun tamm plouz e as -- ten -- nas Glo - - ri -- a in ex -- cel -- sis De -- o, Glo - - ri -- a in ex -- cel -- sis De -- o. } } \layout { indent = #00 line-width = #123 } \midi { } } \header { tagline = ##f }$

Pa voe ganet Jezuz hon Salver,
Mari e Vamm e vailhuras,
E Betleem, en eur c’hraou dister,
War eun tamm plouz e astennas.

Diskan.

War ar maeziou edo pastored,
War ar bale e-kreiz an noz,
Evit diwall gwelloc’h o denved ;
Dousik ha brao e oant war-gaoz.
A-berz Doue eun ael a ziskenn,
Hag a lavar d’ar bastored :
« Bezit dinec’h, stankit hoc’h anken,
Ma c’helou-me zo kaer meurbet.
Ar Mesiaz d’an dud prometet
Abaoe oar den pet mil vloaz,
E kêr David zo nevez-ganet,
Eno man war ar plouz, e noaz.
D’e di, eur c’hraouig bihan dister,
It, me ho ped da zaoulina ;
It, dre garantez ouz ho Salver,
D’e adori diouz ho kwella.
Kerkent, en oabl aelez a-vandenn,
A voe klevet o c’hantigou :
Nijal ’raent ’kreiz eur sklaerijenn
A bare a-us d’ar maeziou.
Kanomp hirie evel an aelez,
Meuleudi d’ar Mabig Jezuz,
Da c’hortoz kana c’hoaz a-nevez,
Ganto en o bro eürus.