An noz war ar bed a ziskenn

Ouzhpennañ liammoù
Eus Wikimammenn

Oberennoù damheñvel pe handelvoù all zo ivez, gwelout An noz war ar bed a zisken.

Kantigou brezonek eskopti Sant-Brieg ha Landreger
A. Prud’homme, 1934  (p. 75-76)
◄  Tostaat a ra heol splann ar beure An noz war ar bed a ziskenn Hirie, lavaromp trugarez  ►



N° LXIII. — D’ar Werc’hez, diouz an noz.


\version "2.22.0" \score { \new Staff { \relative c'{ \tempo "" 4.=63 \time 3/8 \partial 8*1 a'8 a4 a8 | g4 g8 | c4 b8 | a4.~ | a8 r a \break a4 a8 | g4 g8 | c4 d8 | a4.~ | a8 r g \break a4 a8 | a4 a8 | g4 f8 | e4.~ | e8 r d \break e4( a8) | a4 g8 | f( e) f | d4. | c4 d8 e4 a8 | a4 g8 | f( e) f | d4.~ | d8 r \bar "|." } \addlyrics{ An noz war ar bed a zis -- kenn se -- tu koulz an deñ -- va -- li -- jen di -- rak hoc’h Ao -- ter kouls -- kou -- de eo ken dous pe -- di Mamm Dou -- e, ma taou -- li -- nomp e -- no neu -- ze } } \layout { indent = #00 line-width = #125 } \midi { } } \header { tagline = ##f }

  1. An noz war ar bed a ziskenn
    Setu koulz an deñvalijen
    Dirak hoc’h Aoter koulskoude
    Eo ken dous pedi Mamm Doue,
    Ma taoulinomp eno neuze.

  2. Brezel hon eus gant an diaoulou,
    An dud fall hag hon gwall dechou :
    Dirak hoc’h Aoter koulskoude
    Eo ken dous pedi, Mamm Doue,
    Ma trec’h ar peuc’h en hon ene.

  3. Ar boan hag an dristidigez
    A frailh hon c’halon alies :
    Dirak hoc’h Aoter koulskoude
    Eo ken dous pedi, Mamm Doue,
    Ma tizec’h hon daerou neuze.

  4. Rust-kaer alies an amzer
    Hag al labour hir ha pounner :
    Dirak hoc’h Aoter koulskoude
    Eo ken dous pedi, Mamm Doue,
    Ma vez skanvoc’h hon bec’h goude.

  5. Aman ganeoc’h ne skuizomp ket ;
    Kuitaat eur vamm a zo kalet :
    Dirak hoc’h Aoter koulskoude
    Eo ken dous pedi, Mamm Doue,
    M’hon gwelot o tont adarre.


Adtapet diwar « https://br.wikisource.org/w/index.php?title=An_noz_war_ar_bed_a_ziskenn&oldid=181889 »