Evit beva gant levenez

Kantigou brezonek eskopti Sant-Brieg ha Landreger

A. Prud’homme, 1934 (p. 108-109)

N° LXXXVIII. — Evit beva gant levenez.

$\version "2.22.0" \score { \new Staff { \relative c'{ \tempo "" 4=108 \key f \major \override Rest #'style = #'classical \time 4/4 \partial 4*1 d4 g4. f8 g a bes g | a2. bes4 \break g4. a8 bes a g f | g2 r4 d | g4. f8 g a bes g a2 r4 bes | g4. a8 bes a g f | g2 r4 g a4. bes8 c d c bes | a2 r4 g | a4. bes8 c d c bes a2. d,4 | g4. f8 g a bes g | a2 r4 d \break d4. ees8 d c bes a | g2. \bar "|." } \addlyrics{ E -- vit be -- va gant le -- ve -- nez N’eus ket e -- zomm aour na per -- lez, Nag eur c’has -- tell a ve sa -- vet E gern be -- tek bro ar ste -- red Din -- dan ar soul en eul lo -- chenn, Ar paour a c’holl c’hoar -- zin la -- ouen. E -- vit be -- va gant le -- ve -- nez, Ka -- rit Je -- zuz hag ar Wer -- c’hez. } } \layout { indent = #00 line-width = #123 ragged-last = ##t } \midi { } } \header { tagline = ##f }$

Evit beva gant levenez
N’eus ket ezomm aour na perlez ;
Nag eur c’hastell a ve savet
E gern betek bro ar stered
Dindan ar soul en eul lochenn,
Ar paour a c’holl c’hoarzin laouen :
Evit beva gant levenez,
Karit Jezuz hag ar Werc’hez.
Evit beva gant levenez
N’eus ket ezomm aour na perlez ;
Hag ho pefe holl vel leve
Leon ha Treger ha Kerne,
Gant ho tanvez ne brenfet ket
Eun hanter-devez eurusted :
Evit beva gant levenez,
Karit Jezuz hag ar Werc’hez.
Evit beva gant levenez
N’eus ket ezomm aour na perlez ;
Kalon an den, a zo c’hoantus,
P’en deus bet gwenn, e c’houlen ruz,
Pa ve sec’hour e c’houlen glao…
Eun dra benag a vank atao :
Evit beva gant levenez,
Karit Jezuz hag ar Werc’hez.
Evit beva gant levenez
Karit Jezuz hag ar Werc’hez.
Eurus, Eurus eo an hini
Zo da Jezuz ha da Vari ;
Gant Jezuz hag e Vamm Santel
Mad eo beva, dous eo mervel :
Evit beva gant levenez,
Karit Jezuz hag ar Werc’hez.