Sonit-hu, sonerien, sonit munut ha ge,
Ema ’r zoubenn al laez, o vont war an trebe.
2
Sonit-hu, sonerien, sonit munut ha stank
Ema ’r zoubenn al laez, o vonet war ar bank.
3
Sonit-hu, sonerien, sonit munut ha ge
Ema ’r zoubenn al laez o vont ’barz ar gwele
4
Kenta tamm anezi, kenta tamm anezi
Kenta tamm anezi, ’zo d’ar Werc’hez Vari.
5
An eil tamm anezi, an eil tamm anezi,
An eil tamm anezi, ’zo d’ho pried ha c’houi.
6
’N trede anezi ’zo d’ho tad ha d’ho mamm
Oc’h bet maget ganto ’n amzer ma oac’h yaouank.
7
P’vare tamm anezi ’zo d’ho preur ha d’ho c’hoar
Ha da gement-hini a zo d’eoc’h hizio kar.
8
’R pempet tamm anezi a zo d’ar vignoned
Hoc’h eus darempredet betek deiz hoc’h eured.
————
An durzunell
————
Ar zon-man a zo bet kanet ha diskanet gwechall e kement pardon, foar ha marc’had a oa e Breiz-Izel : an ton a zo aes da zeski ha kaer kenan.
![\version "2.22.0"
\score {
\new Staff {
\relative c'{
\key f \major
\autoBeamOff
\override Staff.Rest.style = #'z
\time 2/4
\partial 8*1
a'8 f a c c | d([ c]) c \breathe a16 bes \break
c8([ bes]) bes g16 a | bes4 c | bes8 a g\fermata a \break
f a c c | d([ c]) c \breathe a | \time 3/4 c8 bes a4 g
\time 2/4 f8 c' c bes | a4 g | f r \bar "|."
}
\addlyrics{
Kalz am -- zer am eus kol -- let, ti ra
di lan ti ra da la la la la Kalz
am -- zer am eus kol -- let o fur -- chal ar c’hoa --
jou o fur -- chal ar c’hoa -- jou
}
}
\layout {
indent = #00
line-width = #123
}
\midi {}
}
\header { tagline = ##f }](//upload.wikimedia.org/score/3/f/3fdtaelnrvnfg93snog9o9bsqd0jpmo/3fdtaeln.png)
|
Kalz amzer am eus kollet
O furchal ar c’hoajou
’Vit sourpren an durzunell
Kousket war ar brankou,
Skoaziet em eus va fusul
Met tennet em eus fall,
Tec’het eo an durzunell,
Ha nijet er c’hoad all.
Diouz an noz hag ar mintin
’Klevan al laboused
O kana, o fredoni,
Da veg ar gwez pignet,
Ha n’eus nikun anezo
A bikfe va c’halon
Evel mouez an durzunell
O ouela d’he mignon.
Hirvoudi ra noz ha dez
Gand ar boan, an anken,
’Vel eur paour kaez intanvez
Kollet ganti he den.
Hekleo he mouez klemmus
A red dre ar c’hoajou,
A zo meurbed poanius
D’an holl labousedou.
— Petra, turzunell yaouank,
A dourmant da galon ?
— Kollet em eus, emezi,
Va fidela mignoun !
Ma na deu ar chaseour
D’ober d’in-me mervel
Me varvo gand ar glac’har
D’am mignon koant fidel.
N’eus na louzou, na souten,
Na frealzidigez
Gouest da barea souden
Gouli va c’harantez.
Trec’het oun gand ar glac’har ;
Mont a ran da vervel,
Met ne varvin ket kountant
Ma ne varvan fidel. »
Gwelet em eus o vervel
An durzunell yaouank
Disec’het piz he c’halon
Gand ar boan, an tourmant.
En he huanad diweza
He deus c’hoaz lavaret :
« Kenavo, mignon fidel ! »
Raktal eo tremenet !
Melezour sklaer ha gwirion
Eus ar wir garantez,
Ha ne gaver e kalon
Ar yaouankiz direiz.
— Nann, nann : ne varvin laouen
Ma ne varvan fidel.
Ha biken ne zizonjin
Maro an durzunell.
|
————
Va merc’h Janned, mar timezit...
————
I
Va merc’h Janned, mar timezit,
Klaskit eur gwall-zen, mar kirit.
II
Evidon-me ’m eus bet unan
Leiz va c’halon ’m eus anezan.
III
Pa ’z oun aet d’her c’has da gousket
’M eus her c’hollet el ludueg.
IV
Me ’m eus kemeret ar bal-dan
Da glask dillo va den bihan.
V
P’em eus e laket er gwele,
Er plouz her c’hollis adarre.
VI
Ha me ha mont da glask eur forc’h
Da deurel ar plouz er c’hraou moc’h.
VII
Pa oan o vont war an treujou
’M eus diaozet e gosteziou,
VIII
Me eus kroget e penn e fri
Hag hen taolet ’n tu all d’an ti.
IX
Ha deut ar big en eur gana
Da gonta e pe stad e oa.
X
Edo ’r golvan ouz her chokat,
Ar penn-glaou ouz her pigosat.
XI
Me yeas da glask eur vaz kelvez
Da skei war an evned gouez.
XII
Tapet va den em zavancher,
Me deuas prim gantan d’ar ger.
XIII
Eur votez ’m eus karget a foenn
Ha laket enni va zamm den…
XIV
Laket ar votez ’korn an tan
Aze vo kaer d’am den bihan.
XV
An tan en deus kroget er foenn
Hag e rostet raz troad ha penn.
XVI
’M eus hen paket war an oaled
Va zargaz en deus hen debret.
XVII
Breman setu me intanvez
Prest adarre d’ober al lez !
|
TINA GOANT
(Merc’h ar miliner)
————
1
Miliner, miliner, Kerc’hoant
Anaout a rit e Dina goant ?
2
E verc’h ker fichet d’ar zuliou,
A zans ker skanv er pardoniou.
3
Setu ar plac’hig dimezet ;
Piou a zonj d’eoc’h he deus-hi bet ?
4
Neb he c’harie ’vel e lagad,
Laouik eus a vilin Rozmad ?
5
Nann ! bet he deus eur genaoueg,
Pinvidik, a gomz ar galleg.
6
Ha setu rannet gant glac’har,
Kalon ar miliner her c’har.
7
Laouik a zo karantezus,
Eur poanier mat, eun den nerzus ;
8
Met egile en deus arc’hant :
Setu ’n werzet Tina goant !
9
Laouik ’ gomze a garantez
Egile gomze a zanvez :
10
Gant dilhad kaer, arc’hant hag aour
E c’hounezas ar plac’hig paour.
11
Va malloz rus war ar madou,
A dro pennou ar merc’hedou.
12
Gwell eo karantez leiz an dourn
Eged aour melen leiz ar fourn.
|
————
Ha penaos ober krampoez ?
————
Ton ar zon-man a zo bet dastumet, e Landudal, e Kerne, gand an A. F. M. ; ar c’homzou a zo bet dastumet, e Kamorz, evit Dihunamb, gand an Dimezell E. L.
Bourgault-Ducoudray a renkas ivez ar zon-man en e levr : Mélodies populaires de Basse-Bretagne.
Kerkent ha m’oan dimezet,
En enr stad trist ’ voen laket.
Laket ’ voen e gwall enkrez,
N’em boa seurt em ziegez.
Paour glez ’ oan p’e gwir n’em boa
Em zi, na skudell, na loa !
N’em boa na taol, na listri,
Na tamm ganto da zebri.
Ha penaos ober krampoez,
P’edo va dour er Blanvoez ?
Da glask dour e voen kaset,
Gand eur podig pri torret ;
Gand eur podig pri torret
Hag eur c’hoz sailh didalet
Va rozell ha va spanell
A oa c’hoaz er c’hoad a-bell.
Va bleud ’oa e Gemene,
Ha va c’hoad e Kemperle.
Ha pa laken kig er pod,
Em boa eun askorn d’am lod ;
Me ’n em gave, c’hoaz, ervat
O chom en ti d’her c’hrignat.
Rak alies, ’vel ar c’hi,
E ven skarzet eus an ti !
Pa ’z een da frita viou
’N deveze dek ha me daou !
Setu, tudou, ar vuhez
A renan em ziegez.
|
————
TREDE KEVRENN
————
Soniou evit bugale
VA LABOUSIG GWENN
————
Ton savet gant A. BOUCHER
Komzou Gl. MÉVEL.
1
Me am eus paket eul labousig gwenn
Eul labousig gwenn
A gren e vruched evel eun delenn
O kana d’in me e vraoa kanaouenn.
2
Va lez da nijal a lavare d’in
A lavare d’in
Me gano kaeroc’h va soniou lirzin
Eus an noz bemdez hag ive bep mintin.
3
’Vid o digeri me ’m eus diouaskell
Me ’m eus diouaskell
Red e ven lezet, en nenv, da zevel
Anez e varvin ha ne vezo ket pell.
4
Kerz en aer eta, va labousig gwenn,
Va labousig gwenn
Nij atao seder, kan bepred laouen
Me ’m bo keuz atao d’it, va labousig gwenn.
|
Va c’hi ha va c’haz
————
Komzou Gl. Mével.
Ton savet gand A. Boucher.
1
Me ’m eus eur c’hi hag eur c’hazig brao
Hag eur c’hazig brao
Unan ’fich e lost, eun all a lip e bao
Me ’m eus eur c’hi hag eur c’hazig brao
2
Me ’m eus eur c’hi hag eur c’hazig flour
Hag eur c’hazig flour
Unan a ev laez, eun all n’ev nemet dour
Me ’m eus eur c’hi hag eur c’hazig flour
3
Me ’m eus eur c’hi hag eur c’hazig dous
Hag eur c’hazig dous
Unan a zo fur, egile a ra trouz
Me ’m eus eur c’hi hag eur c’hazig dous
4
Me ’m eus eur c’hi hag eur c’hazig mat
Hag eur c’hazig mat
Joa va c’halon ha joa va daoulagad
Me ’m eus eur c’hi hag eur c’hazig mat
|
KOTOGOTOGOG
————
Eur zon-c’hoariell hag a vez kanet e Plougin ha tro-var-dro d’an eureujou
————
I
War don ar c’houblad kenta.
II
Disul me vô pinvidik, disul me vô pinvidik,
Pa ’m bô prenet eur c’hiig, pa ’m bô prenet eur c’hiig.
|
Disul, me vo pinvidik,
P’am bo prenet eur c’hazig.
Bismignaon, eme va c’haz,
Aou, aou, eme va c’hi etc.
IV
Disul, me vo pinvidik,
P’am bo prenet eur marc’hig.
Ouin, c’hin, c’hin, eme va marc’h,
Bismignaon, eme va c’haz, etc.
V
Disul, me vo pinvidik,
P’am bo prenet eur vioc’hig.
Man, man, man, eme va bioc’h,
Ouin, c’hin, c’hin, eme va marc’h, etc.
VI
Disul, me vo pinvidik,
P’am bo prenet eur maoutig.
Bê, bê, bê, eme va maout
Man, man, man, eme va bioc’h, etc.
VII
Disul, me vo pinvidik,
P’am bo prenet eun doc’hig.
Oc’h, oc’h, oc’h, eme va doc’h,
Bê, bê, bê, eme va maout, etc.
VIII
Disul, me vo pinvidik,
P’am bo prenet eur wregig.
Hi, hi, hi, eme va gwreg,
Oc’h, oc’h, oc’h, eme va doc’h,
Bê, bê, bê, eme va maout,
Man, man, man, eme va bioc’h,
Ouin, c’hin, c’hin, eme va marc’h,
Bismignaon, eme va c’haz,
Aou, aou, aou, eme va c’hi,
Grag, grag, grag, eme va yar,
Kotogotogog, eme ’r c’hilhog !
|
————
Beg al Laouenanig
————
1
Nn piou a zisplufe beg al laouenanig (2 wech),
Eul labousig ker bihanik e veg,
Beg al laouenanig, holl a-hed-a-hed.
2
Na piou a zisplufe penn al laouenanig,
Eul labousig ker bihanik e benn, e veg,
Beg al laouenanig, holl a-hed-a-hed.
3
Na piou a zisplufe gouzoug al laouenanig,
Eul labousig ker bihanik, e c’houzoug, e benn, e veg
Beg al laouenanig, holl a-hed-a-hed.
4
Na piou a zisplufe bruched al laouenanig,
Eul labousig ker bihanik e vruched, e c’houzoug, e benn, e veg
Beg al laouenanig, holl a-hed-a-hed.
5
Na piou a zisplufe kein al laouenanig,
Eul labousig ker bihanik e gein, e vruched, e c’houzoug, e benn, e veg,
Beg al laouenanig, holl a-hed-a-hed.
6
Na piou a zisplufe askell al laouenanig,
Eul labousig ker bihanik e askell, e gein, e vruched, e c’houzoug, e benn, e veg,
Beg al laouenanig, holl a-hed-a-hed.
7
Na piou a zisplufe kov al laouenanig,
Eul labousig ker bihanik e gov, e askell, e gein, e vruched, e c’houzoug, e benn, e veg,
Beg al laouenanig, holl a-hed-a-hed.
8
Na piou a zisplufe lost al laouenanig,
Eul labousig ker bihanik e lost, e gov, e askell, e gein, e vruched, e c’houzoug e benn, e veg,
Beg al laouenanig, holl a-hed-a-hed.
9
Na piou a zisplufe gar al laouenanig,
Eul labousig ker bihanik e c’har, e lost, e gov, e askell, e gein, e vruched, e c’houzoug, e benn, e veg,
Beg al laouenanig, holl a-hed-a-hed.
10
Na piou a zisplufe troad al laouenanig,
Eul labousig ker bihanik e droad, e c’har, e lost, e gov, e askell, e gein, e vruched, e c’houzoug, e benn, e veg,
Beg al laouenanig, holl a-hed-a-hed.
11
Na piou a zisplufe ivin al laouenanig,
Eul labousig ker bihanik e ivin, e droad, e c’har, e lost, e gov, e askell, e gein, e vruched, e c’houzoug, e benn, e veg,
Beg al laouenanig, holl a-hed-a-hed.
|
Ar ganaouenn-man a zo bet desket d’in gand Per Lichou eus Plouzeniel. Distagellet mat e ranko beza ho teod evit gellout lavaret, fraes ha huan, en eun aridennad : e ivin, e droad, e c’har, e lost hag all, met, abouez poania e teuoc’h abenn. Chans vat d’eoc’h.
Yannig an difouper neiziou
Eur zôn goz evid ar vugale, anavezet, e Leon, Kerre ha Treger
————
1
Kavet ’ peus da zaout ’ta Yannig,
Kavet ’ peus da zaout ’ta ?
— Ne ’m eus ket, ne ’m eus ket,
Gwelloc’h ’geto ’m eus kavet.
|
|
bis
|
2
Petra ’ peus kavet ’ta, Yannig,
Petra ’ peus kavet ’ta, ?
— Eun neiz pig, eun neiz bran,
Hag eun neizig laouenan.
|
|
bis
|
3
Pe seurt viou ’ z’ enno ’ta, Yannig,
Pe seurt viou ’ z’ enno ’ta, ?
— Unan ruz, unan gwenn,
Unan glas, unan melen.
|
|
bis
|
4
Digas d’in unan ’ta, Yannig,
Digas d’in unan ’ta ?
— Ne roïn ket, ne roïn ket,
Ar re-ze ’ zo ’vit ma gwreg.
|
|
bis
|
5
Pe seurt gwreg az peus ’ta, Yannig,
Pe seurt gwreg az peus ’ta ?
— Unan vihan, unan deo,
Hag a zao e mare vrao.
|
|
bis
|
6
Da bet eur e sao ’ta, Yannig,
Da bet eur e sao ?
— Etre dek eur ha kreizteiz
’Sao ar big diwar he neiz.
|
|
bis
|
7
Pe seurt soubenn ’ ra ’ta, Yannig,
Pe seurt soubenn ’ ra ’ta ?
Soubenn pesk, soubenn fresk,
Soubenn vijil alies.
|
|
bis
|
|
————
Kaourintinig ha Marivonig
————
Ar zon-man troet diwar brezoneg Gwened a vez kanet wardro Pontivy gand ar vugale. Bez ez eo eur zon gaer diouz doare beza kanet gand eur paotr hag eur baotrez vihan eus an hevelep oad.
I
Kaourintinig — P’lec’h ’z ay ar zaout warc’hoaz, Marivonig,
P’lec’h ’z ay ar zaout warc’hoaz ?
Marivonig — Da bark ar Reier glas, Kaourintinig,
Da bark ar Reier glas.
Kaourintinig — O ! kasit i ha deuit endro,
Ha ni a c’hoario, Marivonig.
O daou — Ha ni a c’hoario.
II
Kaourintinig — Pe seurt c’hoari a vo ? Marivonig.
Pe seurt c’hoari a vo ?
Marivonig — C’hoari boulou dero,… Kaourintinig,
C’hoari boulou dero…
Kaourintinig — C’hoari boulou ha meinigou,
War letoun ar prajou, Marivonig.
O daou — War letoun ar prajou.
III
Kaourintinig — An hini a gollo, Marivonig,
An hini a gollo.
Marivonig — Daou aval a baeo, Kaourintinig,
Daou aval a baeo.
Kaourintinig — Ha d’ar park bras e ray an dro,
D’ar red ken na gouezo, Marivonig.
O daou — D’ar red ken na gouezo.
|
————
DANS-TRO
————
Eur zôn goz diouz doare kana epad an dansou
breizek ; bet kanet e Kastell-Paol da c’houel
ar Bleun-Brug.
Naontek gwenneg ha pevar,
Va zroad a zo re bounner (bis).
Ne din mui d’ar c’hoad,
Kar re bounner, kar re bounner,
Ne din mui d’ar c’hoad
Kar re bounner eo va zroad…
Triouec’h gwenneg ha pevar, etc, etc.
Seitek gwennek ha pevar…
C’houezeg gwenneg ha pevar…
Pemzek gwenneg ha pevar…
|
————
Ar paotr glac’haret
————
1
Pa oan em c’havell bihanik
Trei ta la la la la la la la la la,
Pa oan em c’havell bihanik
Me ’m oa choazet eur vestrezig.
2
Me ’m oa choazet eur vestrez koant
Heb ober drei he c’homplimant.
3
Hounnez a zave beure mat
Evit lakaat he c’houef ervat.
4
Petra dalv d’in-me beza koant
Pa ne c’hellan ket kaout va c’hoant.
|
————
AR MESAER BIHAN
————
1
Disul vintin, ’vel ma saven, o !
Disul vintin, ’vel ma saven,
Eur vouez dous a gleven, e lon la !
Eur vouez dous a gleven, o !
2
Eur vouez a gleven o kana,
e lez ar c’hoad tosta.
3
Eur vouez bravoc’h ne c’heller ket,
klevet e bro ebet.
4
Vit kana gwelloc’h ne deus ket
Met an eostig er bed.
5
Ha dre al lann pa dremenen,
Bleuniou a gutuilhen.
6
Ha war bleg va brec’h o c’hasen,
d’an hini a gleven.
7
Ouz ar c’hoad dre ma tostaen,
he c’hlevet gwell a raen.
8
Met, allas, he c’hlevet a raen,
hep kompren he sonenn.
9
Eur zonnenn deut eus a Vro-C’hall,
gant eun trouc’her-segal.
10
Kerkent va bleuniou ruz ha glas,
eus va dourn a gouezas,
11
rak n’am oa ket o c’hutuilhet,
’Vid eur verc’h ken desket.
|
————
-: Ar mab :-
————
Gwech-all, va mamm garet,
Me ’m eus bet plijadur,
Pa vezen luskellet
C’houi a gane d’ho krouadur,
Gwech-all, va mamm garet,
Me ’m eus bet plijadur.
Da vintin pa zaven
Me ’m eus bet plijadur
Pa laren va fedenn
C’houi ’ bede gant ho krouadur,
Da vintin pa zaven
Me ’m eus bet plijadur.
Epad va holl buhez
’Vit m’em bo plijadur
C’houi ’gano d’in bemdez :
Kanit, kanit d'ho krouadur,
Epad va holl buhez
’Vit m’em bo plijadur.
|
PEDERVET KEVRENN
————
Rimadellou koant
ha divizou fentus
AR C’HI EN DIENN
————
Disul o tont eus an of’renn (2 wech)
Sailh ar c’hi du, landigedon,
Er pod dienn, lanliron.
Arru ar mestr e kreiz an ti,
Hag e c’houlenn, landigedon,
P’lec’h man e gi, lanliron.
Ar mestr a lar d’ar vesaerez :
— Krog en e lost, landigedon,
Tenn hen er mêz, lanliron.
Krog en e lost ha lip e benn,
Rak pec’hed eo, landigedon,
Koll an dienn, lanliron.
— Tavit, ar mestr, na ouelit ket
Chas du a-walc’h, landigedon,
A vo kavet, lanliron.
Chas du a-walc’h a vo kavet,
Met ken desket, landigedon,
Ne vezo ket, lanliron.
|
————
AR GOULENN-EURED
————
Diviz etre ar jubenn hag an tad
————
Ar Jubenn
Deiz mat d’eoc’h holl, tud an ti-man,
Kel laouen ho kavan,
Ker brao gwisket, e pep feson,
Ma lavar d’in stok va c’halon,
N’hellin biken tremen ho ti,
Hep dont d’ho saludi.
An Tad
Ni a zoug ar memez salud,
D’eoc’h c’houi koulz ha d’ho tud,
An onestiz eus ho komzou,
Ar bervig dous eus ho sellou,
A lavar d’eomp, skler hag anat,
Ho peus eur c’helou mat.
Ar Jubenn
Ni ’zo warlerc’h eur goulmig wenn,
Gwall dizet gand eun tenn,
He askell gleiz a zo torret,
Nijal mui pell ne oufe ket
Hag e klevis ez eo ama
Ema deut da goueza.
An Tad
Mar deo Eoulmed eo a glaskit
Kit d’ar maner davit ;
Amañ, war ar maez, ganeomp-ni,
N’eus nemet piked ha brini,
Hogen eur gaou a livirit,
Eun dra all a glaskit.
Ar Jubenn
Ni zo o klask louzeier fin
Da lakat ’n hor jardin,
Eun louzaouenn mat ouz ar bles,
Graet gant birou ar garantez,
Hag e klevis dec’h diweza
Her c’havjen er gêr-ma.
An Tad
Ar flourdelizenn a glaskit
Siouaz ! d’eomp aet eo kuit ;
Ema breman e Kemperlé,
Er gouent o veuli Doue,
Koantoc’h eged eur bodig roz
E liorz ar baradoz.
Ar Jubenn
Nann, va mignon, n’ho kredan ket,
Doue en deveus graet
Evid ar vered an ivin
Evid al liorz al louzou fin
Hag Annaïg da laouenaat
Kalon eur pried mat.
An Tad
Evel an dour, war ar prajou,
E tired ho komzou.
Treuzi a reont dor an ti-ma,
Evel ar mel eun tamm bara ;
Da beurober ho kefridi,
Den yaouank deut en ti.
|
An tad a ra tro an ti hag a ginnig d’ar jubenn e wreg, unan eus e verc’hed dimezet, eur c’hrouadur bihan ganti war bleg he brec’h, eur verc’hig ha n’ema ket c’hoaz en oad da zimezi hag erfin ar plac’h nevez.
|
An Tad
Gortozit ’ta eun nebeudig
Ma rin eur haleig,
Da c’houzout hag ez eus en ti
Eur plac’h bennak da zimezi.
Setu unan a ziaze,
Mar deo diouz ho toare.
Ar Jubenn
Ouz ar wreg fur-ze pa zellan,
Heb aoun e lavaran
He deveus graet mat he labour
Maget ke zud, gwisket ar paour,
Met ar pez he deus graet pell ’zo,
Eun allig her graio.
An Tad
Setu ama unan ker gae
Hag an heol da viz mae,
He diou chot ’zo diou gerezenn,
He daoulagad, diou steredenn
Hag a zo da ziouall outo
Hounnez eo sur ho po.
Ar Jubenn
Ya ! va mignon, an dremm lemm-se
Eo dremm ar garante,
Met me gred eo dija poazet
Diouz an darbod he bizied
Ha mar d’eo ker ruz he chot klei
Eun all ’n deus poket d’ei.
An Tad
Nag an aelig-ma da Zoue,
Hag ho koulm e vefe ?
Plac’hig vihan savit ho penn
Da zellet ouz ar gristenien
Ho lagad glas, ho pleo melen,
Ne raint ket droug da zen.
Ar Jubenn
Gand an heol tomm hag an amzer
Eo ec’h aog ar mesper,
Bloaz ’zo an hini a glaskan
A oa glas-dour evel houman,
Met hizio Tistag diouz ar brank,
War zin eun den yaouank.
An Tad
Va mignon, n’eus den evidoc’h,
Rak-se greomp ar peoc’h…
Setu ar plac’h a c’houlennit,
Hogen, den yaouank, diouallit
Na ve morse kerse ganti
Beza kuitaet he zi.
|
————
LAOU AR BRABANSER
farwellerez en eun arvest
————
I
Gwechall pa oan paotr yaouank, er gêr, e ti va zad,
er ger e ti va zad,
e voen kaset d’ar skolach,
dondeno,
’vit beza desket mat,
dondo !
II
Eur wech kaset d’ar skolach, ne raen nemet c’hoari,
Ne raen nemet c’hoari,
Va brasa mall oa gellout,
dondeno,
ober lez da Vari,
dondo !
III
Abaoe m’oun dimezet, e lec’h tremen diouti,
e lec’h tremen diouti,
E choman re alies,
dondeno,
da stleja mesk ar pri,
dondo !
IV
Me ’gar va gwreg koulskoude, daoust ma n’eo ket re fin,
Daoust ma n’eo ket re fin,
Met eun tamm oun re droet.
dondeno,
Ouz ar chistr hag ar gwin,
dondo !
|
Hizio, pa ’m eus bet eur banne,
Ouz n’eus fors piou me ’n em gannfe,
Den gouest oun, ya ! ya ! eur gwaz oun,
Ha tro-war-dro, n’eus ket ’veldoun ;
Da dri ozac’h e rofen lamm
Ha c’hoaz ne c’houesfen ket eun tamm ;
Da dri ozac’h e rofen bec’h
D’ezo o zri e vefen trec’h ;
O zaouarc’henna a rafen
Ha re all ganto ma kavfen ;
Aze ’z eus divrec’h a dalv dir,
Krabanou ha bizied hir ;
Aze sellit ez eus daouarn,
Krenv da gamma eur vaz houarn,
Ha meudou hag arabad eo,
Beza re voustret etrezo.
En deiz all en ostaleri
e oamp eun nebeud o tebri ;
Nan ar C’hleger ha Per Drebaol
A oa ganen bodet ouz taol ;
A-greiz-holl, Per a lavaras,
— ouzin, m’oarvat, o klask trabas. —
e oan eur mezvier aet dreist kont,
hag e oan bet gwelet o vont
Betek dishouarna kezeg,
Da gaout digarez da redek
« Biskoaz, avat, ’m oun-me, biskoaz,
« N’oun bet kouezet en toull-ze c’hoaz ! »
Ha me gant va c’hounnar kregi
En e zilhad hag o regi,
Hag hen, mar gouie, tapout krog,
en eur voutailhad gwin Medog
A venne stlepel war va bleo,
« Hola ! Moun-me arabad eo
« Koll traou ker mat all war va fenn ;
« N’eo ket gant gwin e walc’her kenn,
« Rak-se. Nan ha Per, evomp hi,
« D’hor yec’hed, etrezomp hon tri ! »
Mat ’m oa komzet ha peb a lomm
Hol lakas hon tri, en hor plomm,
Ha goude ez ejomp en hent,
ha ni, mignoned, evelkent !
(aman e kouez e dog diwar e benn).
Sell ! heman, breman, o koueza ;
Mat, chom, aze, da loueda,
Rak, d’an douar, ma soublan re,
e c’hellfen pokat, marteze,
Ha te ne vo ket dare d’it,
Ma kouezan, sevel d’am c’has kuit ;
Rak-se ’ta, chom, pa ’z out kouezet
Hepdout, brao hras, me c’hell kerzet.
(Aman, unan bennak a zreuezo kan ar c’hilhog.)
Kleo ! kilhog Janig ar Pennker,
E rin e stal outan emberr,
Pa vezo Janig hag he zud,
Hag he yer kousket en o glud ;
Den ebet ne gavo al laer :
Laerez eur penn-yar ! eur pez kaer !
(Eur voutailh a zo gantan en e c’hodell hag ec’h ev
eur banne hag e kleu ar spontailh o wigourat.)
Petra, unan bennak a venn
E torfenn houman war e benn ?
N’en deus nemet tostaat aman
Hag e rin bruzun anezan ;
N’en deus nemet tostaat raktal
Hag e rin brao d’ezan e stal.
A ! Me n’eo ket eur c’hrener oun ;
N’em eus aoun nemet da gaout aoun ;
bet oun bet pemp bloaz er brezel
Hep beza kollet eun ezel
Gwir eo pa zute an tennou
e ouien klask va difennou.
Kaer ’zo tec’het a-raok ar boan,
Ar bleiz en em gav gand an oan.
’Vidoun-me zo deut brao d’ar gêr
Hep ma ve bet re domm d’am ler ;
E kenver en em ziouall mat,
em eus espernet mab e dad
Ha daoust m’oun bet doun el lagenn
’M eus chachet va skasou ganen.
(Aman e c’hellfe eva eur banne adarre.)
Gwechall pa oan e ti va zad,
Ne oa paotr all ebet em oad
Ker koant ha me hag ar merc’hed
A vousc’hoarze ouz va gwelet
Ar gened ’zo warlerc’h ar mad
Keit ha ki kamm warlerc’h ar c’had,
Met hep kened ne c’heller ket
Plijout da galz a dud ar bed.
Ma ne vijen ket bet paotr brao,
’ Oan chomet dizemez atao,
Rak Mari Wenn, va gwregig paour,
Ne zelle tamm ’bet ouz an aour ;
A-walc’h he devoa evit daou,
Setu perak e karas Laou ;
Abaoe ma ’z omp dimezet,
Meur a gant kwech he deus gouelet
Rak n’eo ket holl gant koanteri
E laker ar pod da vervi.
Ha ma ’z afen etrezek koan
Rak a hent all e rin kof moan,
Ha neuze mall eo d’in gwelet
Petra ra, er gêr, ar merc’hed :
Pa domm ar c’haz e gein er maez,
Logod an ti a c’hoari aes !
(A-greiz-holl e teu, en e spered, en deus klevet
kilhog ar Pennker o kana.)
A-raok dizrei e rankan c’hoaz
Tapout kilhog ar Pennker bras
A gleven o kana raktal ;
Da eo ober outan e stal.
|
Neuze dres, pa zizro, e wel eur spontailh, tok houarn merglet ar brezel bras war e benn, eur vantell c’hlas dishevelebet en dro d’e gorf, eur c’hoz bragez ruz, war e zivesker, hag eur fuzul en e zourn.
Chesus ! na pebez gweladenn !
Bez em bezo eur fallaenn.
Piou zo dirazoun, evelse ?
Aoun am eus ouzoc’h betek re.
Siouaz ! Na me ’zo panezenn,
Eus an hevelep kostezenn,
Ez omp hon daou, hep mar ebet
Aes eo ’ta d’eomp en em glevet.
Me n’oun ket falloc’h ’ged eun all,
Ha gall oun ganeoc’h ma ’z oc’h gall.
Ma ’z oc’h breizad ez oun breizad
Ha keriad oun ma ’z oc’h keriad.
Diouz an daou du me oar trei brao,
Ha diouz an holl tremen atao ;
Banne d’heman, banne d’hen-hont
An arc’hant a zo graet da vont
Eus eur penn d’egile d’ar bed,
Eus eur c’hodell d’eben d’ar red,
Mat oun da baea banneou,
D’an holl, a gleiz hag a-zehou,
Me ’zo brokus hag an dud piz
N’o gouzanvan ket e nep giz,
Hag en hent-se, Laou, mab e dad,
Gand an holl a zo deuet mat.
Eus a belec’h, da vihanan,
Eo kouezet hennez, dre aman ?
Kemerit truez, me ho ped,
Ouz unan ha ne garfe ket,
Ober da zen ’n distera droug.
En aoun da bignat ouz ar groug.
(Sellet a ra pisoc’h ouz dillad ar spontailh hag e
lavar outan e-unan.)
Me ’zo eun den kollet a-grenn,
Tri liou en deus ; eur gall n’eo ken,
Hag e lavaren ’oan breizad ;
Kollet oun ha kollet ervat.
Da belec’h ho peus c’hoant d’am c’has ?
N’em eus ket an distera kas,
Nag ouzoc’h, nag ouz gall ebet ;
Va lezit eta da redek ;
A-du ganeoc’h e vin atao,
Ha meuli ’rin ho kalleg brao,
Prest ’vin er brezel hag er peoc’h,
Atao da vale evidoc’h.
Me n’oun ket tamm ’bet den a freuz
Ha ne garan ket gwelet reuz.
Ma fell d’eoc’h e vefen maro,
Skoït ganen eun taol garo,
A-raok avat, en hanv Doue,
Va Zalver Jezuz, hor Roue,
Va lezit da c’houlenn pardon,
A c’henou koulz hag a galon,
Eus va fec’hejou tremenet
En aoun na vefen iferniet.
Graet em oa le da vont warc’hoaz,
Diskabell kaer, war va zreid noaz
Da bardona da Geranna ;
Em lec’h c’houi ’yel en eur gana :
Evit ho tigoll ho pezo.
Kement pez dilhad a vezo,
War va c’horf paour pa dremeno ;
An Ankou ne zell ket ouz aour ;
Krog eo en da zerch, Laouig paour !
Ha pa ’z eo gwir e rankan mont
Gantan trumm da anzav va c’hont
Ho pezet holl ar vadelez
Pa vezin e bro an aelez,
Da lakat skriva war va bez
Ar veuleudi verr-man a-bez :
Aman eo beziet Laou ’r Sec’hed
A varvas hep gellout tec’het,
O veza ma n’oa ket a blas,
Dre aoun kentoc’h eget dre c’hlaz,
Ankounac’haet gantan, eun deiz,
Tenna e alan… tudou keiz,
Pedit ma c’hello kaout digor,
Er baradoz, a-drenv an nor.
Breman va fec’hejou brasa
A rankan c’hoaz anzav ama.
Hervez ar c’henta gourc’hemenn,
Eun Doue zo, unan hepken ;
Ha biskoaz n’her c’hredis ker mat,
Ha m’her gran, hizio, va den mat.
(Ar spontailh a hej gand an avel.)
N’it ket da denna, gant a reoc’h.
Va lezit da dremen e peoc’h.
En hanv Doue na doui ket
N’heller hen ober met ouz red,
Er pec’hed-man oun bet kouezet
Hep kaout anezan keuz ebet ;
Fall am eus graet, hen anzav ’ran.
D’an trede gourc’hemenn ez an
A lavar d’eomp mirout ar zul
Hag eo labour an deiz-se nul ;
Pa vez meneg da ehanan
N’eus den ebet par d’in aman.
Sed ar pevare gourc’hemenn :
Ouz tad ha mamm bezomp kempenn ;
War heman n’oun ket bet re fall,
Ma ’m bije heuliet ar re all
Koulz hag hen e vije bet brao,
Met, siouaz, bresk oun bet atao !
(D’ar spontailh a wel oc’h heja gand an avel.)
En hanv Doue ho pet truez
Hag astennit d’in va buhez ;
Taolit evez na deufe ’n tenn
Er maez, aotrou, d’am diskar krenn,
A-raok ma ’m bezo anzavet
An holl bec’hejou ’m eus kavet.
Ar pempet gourc’hemenn a gouez
War ar re a laz, n’eo ket souez.
Al lazerez a zo eun dra
N’eo ket gouzanvet er bed-ma
Aotrou soudard, al lezenn eo,
Hag, evelse, va lezit heo,
Evidon-me, ma ’m eus lazet
D’ar bed all n’em eus ket kaset
Nemed eur var bennak ha c’hoaz
E krenen oc’h ober va laz.
Ar gourc’hemenn all, heb arvar,
Arabad laerez a lavar
Ha ’vidon-me ne laeris den
En aoun ha pa ne vefe ken
Da veza tapet war an taol
Ha kaset, war eün, da di Baol,
Da leski e tan an ifern,
El lec’h ma n’en do den sifern.
(D’ar spontailh p’her gwel o koueza)
Aotrou kaez, setu c’houi kouezet,
Ma n’ho peus ket bet droug ebet.
Eo eur brao d’in, rak, a hent all,
E c’hellfe c’hoaz an teodou fall
Mont têr en dro ha lavaret
Eo me am befe ho lazet
Evit ho laerez ’ta, m’oarvat,
Pa ne glasken nemet ho mad.
Astennit aman eun ezel
Ha m’ho sikouro da zevel ;
N’am zamallit ket, gant a reoc’h,
den eveldon ne gar ar peoc’h.
(Pa wel eo eur spontailh eo a zo dirazan)
Sell ! heman n’eo ket eun den eo !
N’en deus na treid, na fri, na bleo,
Na kov, na kein, na divesker ;
Rampok eo evel eur gweskler,
N’eus nemet kolo en e zae,
Ha kanab bet dindan ar vrae.
Eun taol eo a c’hoarier d’in,
Met tapout a rin ar paotr fin
En deus laket aman, dre fent,
Ar c’hoz spontailh-ma war va hent,
Ha ma kouez etre va meudou.
E vo gwasket e vorzedou.
N’ouzon ket petra vir ouzin
D’az tevi evel eur skourr pin ;
N’her grin ket c’hoaz, evelato ;
War va skoaz, d’ar gêr, m’az kaso ;
Gand ar zae a zo, war da gein,
Me ’n em wisko, ma n’eo ket brein,
Gant plouz da gov ha da zaou benn.
Vo tomm, d’am zreid, em boutou prenn.
Ha breman a-raok ho kuitaat,
Bennoz Doue warnoc’h tud vat ;
Ma c’houlenner ouzoc’h petra
E teu Laou ’l Lonker da veza,
Livirit eo seder ha brao
Hag e kar e vanne atao
Hag e veul ar re holl a c’hell
Chom heb eva… heb ober gwell.
An techou koz eo ’zo tenna
Pa vez c’hoant d’o diswrizienna,
Rak-se m’ema an tech ennoc’h
Hel lammit yaouank m’ho po peoc’h,
Aesoc’h eo d’eoc’h plega bleñchenn
Eget ne vo plega gwezenn.
(En eur vont kuit, gant ar spontailh, war e skoaz, e
kano :)
|
Me gar va gwreg, koulskoude, daoust ma n’eo ket re fin,
Daoust ma n’eo ket re fin,
Met eun tamm oun re droet,
dondeno,
Ouz ar chistr hag ar gwin,
dondo !
|
————
Yann paotr ar gêr
————
Yann, e-unan en ti, o ribotat. A-raok ma sav ar gouel, e klever ar vaz-ribot o vont en dro.
Yann o komz, en eur baouez da ribotat.
Evid ar beure, en eur vont alese, he deus laket ar
vaz-ribot d’in em dourn : « Mat, emezi, pa ne fell
ket d’it mont e kêr, gand an amann, e chom da ober
al labouriou wardro an ti ; entent a res ! » Hag abaoe
emaon o skei ’barz ar banne laaz pistoutou-man,
ken am eus graet eur glogorenn, e gaol va biz bihan…
ha c’houezi a ran ivez ! Eun tamm diskuiz ne ray ket
a zroug d’in, na ne ray (azeza a ra.)
Ha pa zonjan oun chomet da ober labour an ti !
Gwelout a raen e oa troet an dud da ober goap ac’hanoun
abalamour ma ’z aen da Wengamp, bep
sadorn, gand ar viou hag an amann ; ne gleven ken
nemet : « Gogez ac’han, Yann ar baner alese ! » N’em
oa ket ken va hano da brena etre du-man ha Gwengamp :
« Feiz ! ’moun-me, red eo d’in dilezel ar vicher-man !
Janed, ma kar, a yel da werza he viou ! »
Setu er beure-man, pa oamp o kas lein d’ar moc’h,
— respet d’eoc’h, — ha me ha lavarout d’ezi : « Ma
keres ez i, e ker, hizio, pa ’z eo brao an amzer. » —
« Ya ! emezi, ha piou a ray wardro an ti ? » — « Me !.. »
N’ouzoun ket penaos e teuas ze ganen, met pa oa
deuet e oa deuet ; ne oan ket evid en em zislavarout.
Mantret oun, va zud keiz, pa zonjan pegen doun
em eus bountet eno va biz em lagad ! Ya ! setu aze, ma
vijen bet aet e kêr, e vijen bet breman oc’h eva eur
chopinad, war va fasianted, e ti va c’homper Jobig
ar Pinto, hag emaon aman o c’houezi a-uz d’eur banne
laez ribot ! C’houi lavar d’in : « E skeud-ze. da vihanan,
ne vezo ket graet a c’hoap ac’hanout ! » Petra
livirit ? Ar c’hontrol eo. Me wel Janed o vont e kêr ;
kenta hini eus he c’homerezed a en em gavo ganti, —
hag ec’h en em gavo ouspenn teir dousenn etre Gwengamp
hag aman, — e savo kaoz evel-hen : « Sell, Janed,
te a zo deuet e kêr, hizio ? Eun nevezenti eo da
welout, plac’h kaez. Petra a zo en em gavet gant
Yann ? » — Ha Janed da respont evel just : « Yann a oa skuiz oc’h ober ar vicher gogez hag a zo chomet
er gêr, da ober labour an ti ! » — Hag he c’homer
kerkent : « Labour an ti ? E feiz ’ta, neuze n’en deus
ket chenchet kaiz a vicher ! » Hag o diou, raktal, da
sklokal diwar va choust.
Souden, ec’h en em gavo eur gomer all hag e vezo
graet ar memez kaoz ; goude, eun drede, eur bedervet,
eur bempet ha me oar… ba !… Abenn an noz e vezo
aet ar brud dre bevar c’horn ar c’hanton, ha betek e
Kerne hag e Leon, e oan me hizio oc’h ober paotr ar
gêr, o skaota podou hag o ribotat laez. O ! ar merc’hed !
Ya ! sonjit ’ta ! A-raok, e veze graet goap ac’hanon,
abalamour ma ’z aen e kêr ha breman e vezo graet
gwasoc’h c’hoaz, abalamour ma ’z oun chomet er
gêr!…
Pe gousket e oan pe drelatet e oa va spered, unan
a zaou, pa ’m eus lavaret e rajen labour an ti. Mont
a ran e belbi ; me a garfe e kouesfe ar gurun war an
ti-man koulz ha war gement teod komer a zo etre
Gwengamp hag aman !…
Ba ! ne dalv ket d’in en em chaokat ! Red mat eo
reuzi : tremen hep takenn, kaout dismegans ha labourat
gwasoc’h ’vid eur c’hi !
Pa zonjan en holl draou am eus da ober e teuan da
veza mezo ha dall !…
(Eur bugel bihan, en e gavell, en em lak da c’harmat.)
Ne welit ket aze ! Dihunet eo al lapous all ivez.
(O vont beteg ar c’havell, a-ziavaez, hag o luskellat.)
Unable to compile LilyPond input file:
Hag e oan o lavarout ? A ! ya ! nag a draou a zo da
ober aze !… Heum !…
… Tenna plouz, lakaat al leue da zena, gouzelia dindan
ar vioc’h, he c’has er maez, kignat patatez, bervi
dour, ribotat laez, lakat laez da zevel, skaota podou,
skuba an ti, sellet hag eman ar vi gand ar yar velen,
klask neiz ar yar vriz, poazat merenn, dibuna gloan,
kerc’hat dour, ober boued d’ar moc’h, frota ar presou !
Hag e kav d’eoc’h e c’hellin padout ?… Ha trouz, breman zouden, ma ne vez ket graet an traou-ze holl :
« Diwall, ervat, na vefe ket dibunet ar gloan-ze ! Taol
Pled na vefe ket skubet an ti-man ! Diwall na lezfes ar
bugel-ze da ouela !… Ha bez sonj da gas ar vioc’h-se
er maez !… Hag arabad ankounac’haat lakaat al laez-se
da zevel !… Aiou ! va fenn !…
Hag e keit-se, eman Janed, du-ze, gant he c’homerezed,
o lipat banneou hag o tispenn va sae d’in : « Ba !
amzer gaer hon eus ; Yann a zo wardro ar gêr ! »
Ha ma ! eur banne am bezo ivez ! Her gounit a-walc’h
am eus graet !
(Degas a ra eur werenn hag eur voutailh war an daol, met eur bugel a c’harm.)
Biskoaz kement all ! Hennez ne gousko ket ’ta !
Me, avat, am bezo eur banne a-raok !
(Mont a ra da ziskarga, en e werenn, pa glever trouz e-tal an nor. Lammat a ra da guzat boutailh, gwerenn ha ribot.)
Bet em eus bet eur gaouad aoun ; me a gave d’in
beza klevet unan bennak o klask dont en ti ; ma vijen
bet tapet gant va stal, sonjit ’ta pebez reoriad vez am
bije bet ! Ez an da zerra an nor, suroc’h eo !
Skoomp c’hoaz ’barz heman ! (Skei a ra eun taol bennak. O tizelei ar ribot.)
Ar banne laez benniget-man ne deu ket a amann warnan.
Me ya d’hen stlepel e baraz ar moc’h !
(Kas a ra e ribot er maez.)
Red mat e vezo d’in mont buanoc’h gant va labouriou
all kement all a draou a zo da ober aman.
Dibuna ar gloan a rankan breman. Aesoc’h e teuio
an dra-ze ganen eged ar ribotadenn.
(Mont a ra da gerc’hat daou vloue gloan ha diou gudenn. Ar bugel a c’harm. En eur vont ha dont, Yann a gomz.)
Mab bras e dad eo, ya ! ya !… Hennez a zo paotr mat,
ya ! ya !
(Ar bugel a ouel bepred. Mont a ra Yann er maez.)
Graet e vezo dans a-bik d’ezan ?
Alo ! kouskomp breman !
(Dont a ra Yann war e giz. Ar bugel a ouel adarre.)
N’out ket evit stanka da c’henou, lampon fall ! Prest
em bije tra a-walc’h da ober o chom war da dro-te !
Asa penaos e rin-me da zibuna ar gloan-man ? Daoust
pere eo ar re zibunet ; pe ar c’hudennou pe ar
bloueou ? Me a gredfe a-walc’h em eus kudennou da
ober gand ar bloueou-man.
(Freuza a ra ar bloueou, ivar eur gador.)
Asa ! breman e rankan kaout eur banne, n’eus ket
da lavarout nann !
(Diskarga a ra eur werennad, pa glev unnek eur o
seni.)
Dek, unnek !… Unnek eur o seni ha va fatatez da
gignat, va flouz da denna, va c’haol da zastum, va
moc’h da verenna, va dour da vervi, va laez da zigoavenni,
va zi da skuba, ha… hag… hag a-benn
eun hanter eur aman eman Janed war va choug ! Petra 'rin-me, vit mont buana ? Lakat boued d’ar
yer…
(Mont a ra er maez o c’hervel.)
Bouti ! Bouti ! Bouti !…
Breman ez an da gignat patatez. Ze ne harzo ket
ouzin. Gwechall, er zervich, ne ’m oa ket va far da
beilhat patatez.
(Tapout a ra patatez, en eur baner.)
Gwell eo d’in c’hoaz lakat dour war an tan !
(Degas a ra eur gaoter da greiz an ti.)
Ba ! ba ! ba ! pelec’h eman va spered ? Digoavenni
laez eo tremen poent d’in ober !
(Tapout a ra eur bodez hag eur gloge pe eul loalaez
hag ez a en e gluch da c’honeza war ar c’hoavenn.
Souden, o sevel, evel eun tenn).
Asa ’velato ivez ! ankounac’haet em eus sellout
hag hen e oa ar vi gant ar yar velen ha klask neiz
ar yar vriz !… Ha va fresou n’int ket frotet !…
(Bep komz ez a ’vit mont war eun tu bennak. O chom a-zav.)
Sell ! ha va flouz n’int ket tennet ! Met, va c’haol
a zo ivez da gerc’hat ! D’eomp da gerc’hat kaol !
D’eomp da gerc’hat kaol !
Tu ! tu ! tu ! tu ! tu ! n’em eus ket amzer ; n’em
eus ket amzer da luskellat !…
Sell ! va zi am eus lezet da skuba !
(Unnek eur hanter a zon.)
Unnek eur hanter ! ’Benn…’ benn… ’benn dek munut
ema Janed war… war… war… war va choug !..
Ma pozfen an orolaj, da vihanan ?
(Tapout a ra neuze an torchouer da frota ar presou !
Kerkent e krog er skubelenn da skuba met an
traou holl a zo laket gantan a-dreuz e kreiz an ti.
Teurel a ra e skubelenn hag e tastum a-vriad an
traou en eun tu ; an dour a skuilh ; ar c’haol a gouez
a-stlabez gantan. Skuba a ra.)
Biken ne vezin prest e koulz !
Digor da c’houzoug ’ta !
(Klevout a ra trouz treid)
Arru eo ! Breman ’vat eo mall d’in skara ac’han !
(P’eman o vont er maez, e sko e benn e Janed o tont en ti gant be faner)
Hola ! Hola ! pelec’h ez es ? Petra eo al laez a welan
aman ’barz ar varaz ?… O den diboell, kollet ez
peuz va ribotadenn !… Hag an traou holl a-dreuz e
kreiz an ti ha netra c’hraet ebet ! Hag an evach war
an daol ! A ! lonker milliget !
(Stlepel a ra an evach gant penn-a-drenv Yann)
Pad ar beure e oas o karga da gof ! ! ! Abalamour
da-ze e felle d’it chom er ger !… Gortoz eun tamm !
Yann a fell de’zan komz, met Janed a red war
e lerc’h gand ar skubelenn en eur youc’hal. Yann
a dec’h kuit hag ar gouel a gouez.
————
-: KENAVO ! :-
————
Ar c’han kaer-man eo an hini a zo o kloza « Eun eured e Bro-Wened » bet savet gant an Aotroned Marechal ha Dantec.
I
Kanet hon eus a galon vat,
En enor d’ar Vro, da Zoue,
Mall eo skoulma, kent ’n em guitaat,
Gand eur zonenn, hor c’harante.
Diskan
Kenavo d’eoc’h, gwir Vretoned,
Bleunia a ra al levenez,
E pep kalon, ouz ho kwelet,
Enor d’eoc’h c’houi ha trugarez !
II
Sonet hon eus, breudeur karet,
’Vit hada joa, pellaat glac’har,
Ha deski d’an dasson [5] laret
Ez eus Breiziz war an douar.
III
Ez eus, er bed-man, eur vro gaer,
Tud vat ha kalonek enni
Hag he deus taolet he splannder,
War hent an enor, hep fazi.
|
Ar C’haner
Doue ra viro Breiz, en he c’haer, da virviken !
An Diskanerien
Ha ra viro Breiziz, war roudou o zadou, atao, atao !
————
|
![\version "2.22.0"
\score {
\new Staff {
\relative c'{
\key f \major
\tempo 4=52
\autoBeamOff
\time 2/4
a'4 c8 bes16[ a] | g8 a f a
a d c a | bes g f4 | g8 g f a16[ g]
f8 g a f | a d c a | bes8 g f4 \bar "|."
}
\addlyrics{
Bim -- baon_! ga -- vrig an hanv, Pe --
lec’h out bet e -- pad ar goanv_? En eun toul -- lig
en dou -- ar, o c’he -- dal an am -- zer glou -- ar.
}
}
\layout {
line-width = #123
}
\midi {}
}
\header { tagline = ##f }](http://upload.wikimedia.org/score/r/e/rec9ytlk3816a2yjuz1d9788937of88/rec9ytlk.png)
![\version "2.22.0"
\score {
\new Staff {
\relative c'{
\key bes \major
\autoBeamOff
\time 6/8
\partial 8*4
f8 f4 c'8 c4 c8 bes([ c]) d | c4 bes8 a4 g8
bes4 g8 g4 f8 | ees4\fermata f8 g([ a]) bes | a4 a8 d[ c] bes \break
a4 a8 c4 bes8 | g4 g8 g[ a] bes | g4\fermata f8 f4 c'8
c4 c8 bes([ c]) d | c4 c8 ees4 d8 \break
c4 bes8 a4 g8 | bes4\fermata a8 c4 bes8 | g4 g8 a([ c]) bes
g4 f8 f4 c'8 | c4 g8 bes([ a]) g | f4\fermata \bar "|."
}
\addlyrics{
\override StanzaNumber.font-shape = #'italic \set stanza = "Hen :" Sell eus e dron an heol a gouez Me a wel
c’hoaz, a -- dreuz ar gwez, E la -- gad ruz o lu -- ger --
ni, an noz a dos -- ta tiz war -- ni. \override StanzaNumber.font-shape = #'italic \set stanza = " Hi :" Er c’hoad, ar
bleun hag an de -- liou, Bep an tam --
mig, a goll o liou, Ha dre ma tu -- a ar me --
nez Ec’h e -- naou tour -- tan an e -- nez.
}
}
\layout {
indent = #00
line-width = #123
}
\midi {}
}
\header { tagline = ##f }](http://upload.wikimedia.org/score/h/2/h2zgwl7vifzgh0qyo5yly3mju18n9l9/h2zgwl7v.png)
![\version "2.22.0"
\score {
\new Staff {
\relative c'{
\key bes \major
\tempo \markup {\italic "Allegretto"} 4 = 104
\autoBeamOff
\time 2/4
\partial 8*1
g'8^\markup {"Ar Verc’h :"}\mf g a bes g | g f g g \break
bes c d bes | c d d\fermata r \bar ":|." \break
\time 3/4 d4.(^\markup {"Ar Vamm :"}\p ees16[ d]) c8 d | ees d c4 bes | c4.( d16[ c]) bes8 c \break
\time 2/4 d8 d bes([ g]) | bes([\pp g])-"rall" g f | g4. r8 \bar "|."
}
\addlyrics{
Mamm, ma fell d’eoc’h va di -- me -- zi, ’s_eur
bou -- lan -- jer, n’_gom -- zit ket d’in.
Pe -- rak e -- ta, He -- le -- na_? Pe -- rak, e --
ta, va merc’h, pe -- rak e -- ta_?
}
}
\layout {
indent = #00
line-width = #123
}
\midi {}
}
\header { tagline = ##f }](http://upload.wikimedia.org/score/5/p/5p5y1sr6oj4k8d9hop6hnvnonqacnww/5p5y1sr6.png)
![\version "2.22.0"
\score {
\new Staff {
\relative c'{
\key g \major
\autoBeamOff
\time 2/4
\partial 8*2
b'8. a16 \time 3/4 d8 cis b a b([ fis]) | \time 2/4 fis4 b8. a16 \break
\time 3/4 d8 cis b a b a16([ g]) | \time 2/4 fis4 e8 fis
\time 3/4 g4 a8 b cis b | \time 2/4 a4 fis8 g \break
\time 3/4 a4 b8 g e g | e4 \bar "|."
}
\addlyrics{
E miz mae, pa vez an heol skler, pa gan
ar vou -- alc’h, an al -- c’houe -- der, E sa --
vas Soa -- zig, min -- tin mat, Ha bu --
an ’wis -- kas he dil -- had.
}
}
\layout {
indent = #00
line-width = #123
ragged-last = ##t
}
\midi {}
}
\header { tagline = ##f }](http://upload.wikimedia.org/score/2/2/226bay9s8efi328dzf5o2ast7gip3f8/226bay9s.png)
![\version "2.22.0"
\score {
\new Staff {
\relative {
\tempo \markup { \italic "Adagio assai"} 4 = 63
\autoBeamOff
\override Staff.Rest.style = #'z
r2 r4 a'8 a | d2 d8 e e d16([ c]) | b2~ b8 r c d
e4. fis8 e4 d8 e | b2~ b16 r b8 b b \break
e4.( fis8 e) d e c | b4_( \appoggiatura { c8[ b] } a4~ a8) r b c \break
d4. e8 c b4 a8 | a4~ a8 r r4 \bar "|."
}
\addlyrics{
War lez ar ster, he zreid en dour a -- ze --
zet war ar c’hla -- zenn flour Eun a -- bar --
daez __ Mo -- na Zaou -- las oa er
prad din -- dan ar wern c’hlas.
}
}
\layout {
indent = #00
line-width = #123
}
\midi {}
}
\header { tagline = ##f }](http://upload.wikimedia.org/score/9/6/96q3mym7u8inpqg1drdo65io361p012/96q3mym7.png)
![\version "2.22.0"
\score {
\new Staff {
\relative c'{
\key f \major
\autoBeamOff
\override Staff.Rest.style = #'z
\time 6/8
\partial 8*1
d8 g4 bes8 a4 f8 | g4.~ g4 g8 | bes4 c8 d[ c] bes \break
\time 3/8 a8[ c] a | \time 6/8 g4 bes8 a4 f8 | g4.~ g4 g8 \break
bes4 c8 d[ c] bes | a4. r4 a8 | bes4 c8 d4 d8
g,4 bes8 a4 g8 | \time 3/8 g8[ f] g | \time 6/8 a4. r4 a8 \break
bes4 c8 d4 d8 | g,4 bes8 a4 g8 | \time 3/8 g8[ f] a \break
\time 6/8 g4.\fermata r4 \bar "|."
}
\addlyrics{
Pa oan, ar min -- tin -- man, o vont da ger -- c’hat
dour, Pa oan, ar min -- tin -- man, o
vont da ger -- c’hat dour, E kle -- vis an eos --
tig er c’hleuz o ka -- na flour E
kle -- vis an eos -- tig er c’hleuz o ka -- na
flour.
}
}
\layout {
indent = #00
line-width = #123
ragged-last = ##t
}
\midi {}
}
\header { tagline = ##f }](http://upload.wikimedia.org/score/g/7/g7ugxh8nvyyyaqwqm2g66o4vjck9voi/g7ugxh8n.png)
![\version "2.22.0"
\score {
\new Staff {
\relative c'{
\key g \major
\tempo \markup { \italic "Andante expressivo"}
\autoBeamOff
\override Staff.Rest.style = #'z
r2 r4 r8 d | g4 fis8 g a fis e8. d16
d8. e16 fis8 a c4 b8 a | d a a fis fis d e8. d16
\tieUp d2~ d8 r r d | g4 fis8 g a fis e8. d16 \break
d8. e16 fis8 a c4 b8 a | d a a fis fis d e8. d16
d2~ d8 r a'8. b16 | c4 b a4. fis8 | a d d d d4 a8. b16
\afterGrace c4_( { d16[ c]) } b8. g16 a8 fis e8. d16 | d2~ d8 r r d
g4 fis8 g a fis e8. d16 | d8. e16 fis8 a c4 b8 a
d a a fis fis d e8. d16 | d2~ d8 r r4 \bar "|."
}
\addlyrics{
O_! chom en dro d’in da c’hour -- ni --
jal, skeu -- denn ga -- ret chom a -- tao tost d’am c’ha -- lon ha d’am spe --
red, Ma son -- jin en dei -- ziou kaer -- ze
tre -- me -- net si -- ouaz pa zis -- kle -- rien d’it eur ga -- ran -- tez ker
bras ’vit an holl ma -- ro, ’vi -- don -- me te zo beo hag e
sonj d’in e -- maout o vous -- c’hoar -- zin O_!
chom en dro d’in da c’hour -- ni -- jal, skeu -- denn ga -- ret an en --
vor a -- c’ha -- nout am fre -- alz be -- pred.
}
}
\layout {
indent = #00
line-width = #130
ragged-last = ##t
}
\midi {
\context {
\Score
tempoWholesPerMinute = #(ly:make-moment 90 4)
}
}
}
\header { tagline = ##f }](http://upload.wikimedia.org/score/4/m/4mnxfygnzvfwd2pqijobedvq0z0nn45/4mnxfygn.png)
![\version "2.22.0"
\score {
\new Staff {
\relative c'{
\key es \major
\tempo \markup { \italic Andante}
\autoBeamOff
\override Staff.Rest.style = #'z
\time 3/4
\partial 4*1
\compressEmptyMeasures
\override MultiMeasureRest.expand-limit = 1
r4 R2. *3 | r4 r ees8.\fermata f16 | g4 bes8.([ c16]) bes8 g
f4 ees8[ c] ees[ f] | g4. ees8 \tuplet 3/2 { g8[ f ees] } | ees2 ees8. f16
g4 bes8.([ c16]) bes8 g | f4 ees8[ c] ees[ f] | g4. ees8 \tuplet 3/2 { g8[ f ees] }
ees2 \autoBeamOn \tuplet 3/2 { bes'8([ c) d] } | ees4 \autoBeamOff ees8[ d] d16[ c bes c] | c4( bes) \autoBeamOn \tuplet 3/2 { bes8( c) d }
ees4( \autoBeamOff ees8) d( c) bes | c4(\fermata c8[ d]) ees d | c4 bes8[ g] c16[ bes g f]
ees4( f16[ ees]) c[ bes] ees8.[ f16] | g4. ees8 \tuplet 3/2 { g8[ f ees] } | ees4~\fermata ees8 \bar "|."
}
\addlyrics{
Tre ma strink an heol tom --
der war ar mor o trou -- zal, an dour
doun a c’hell be -- za cho -- met yen ha ten --
val_; Tre ma vez dremm an den O vous --
c’hoar -- zin la -- ouen, E ga -- lon a -- li --
es a vez leun a an -- ken.
}
}
\layout {
indent = #00
line-width = #122
ragged-last = ##t
}
\midi {
\context {
\Score
tempoWholesPerMinute = #(ly:make-moment 100 4)
}
}
}
\header { tagline = ##f }](http://upload.wikimedia.org/score/p/1/p1t0t03rl4ciu5gsrh6ismxum7zub6t/p1t0t03r.png)
![\version "2.22.0"
\score {
\new Staff {
\relative c'{
\key f \major
\autoBeamOff
\override Staff.Rest.style = #'z
\time 2/4
\partial 8*1
a'8 f a c c | d([ c]) c \breathe a16 bes \break
c8([ bes]) bes g16 a | bes4 c | bes8 a g\fermata a \break
f a c c | d([ c]) c \breathe a | \time 3/4 c8 bes a4 g
\time 2/4 f8 c' c bes | a4 g | f r \bar "|."
}
\addlyrics{
Kalz am -- zer am eus kol -- let, ti ra
di lan ti ra da la la la la Kalz
am -- zer am eus kol -- let o fur -- chal ar c’hoa --
jou o fur -- chal ar c’hoa -- jou
}
}
\layout {
indent = #00
line-width = #123
}
\midi {}
}
\header { tagline = ##f }](http://upload.wikimedia.org/score/3/f/3fdtaelnrvnfg93snog9o9bsqd0jpmo/3fdtaeln.png)
![\version "2.22.0"
\score {
\new Staff {
\relative c'{
\key f \major
\tempo \markup {\italic Shanc.}
\autoBeamOff
\time 2/4
g'8 g d' d | \stemUp c16([ bes]) \stemNeutral a8 d g, \break
a bes d d | \stemUp c16([ bes]) \stemNeutral a8 d g, | g g bes a \break
bes g bes a | \autoBeamOn bes16[ a] \autoBeamOff g8 bes a | \autoBeamOn bes16[ a] \autoBeamOff g8 bes a
\autoBeamOn a16[ bes] \autoBeamOff c8 d d | \autoBeamOn d16[ c] \autoBeamOff bes8 a d | g,4. \bar "|."
}
\addlyrics{
Va merc’h Jan -- ned, mar ti -- me -- zit,
Va merc’h Jan -- ned, mar ti -- me -- zit, Klas -- kit eur gwall --
zen, mar ki -- rit La -- ti -- rou lan -- lir la -- ti -- rou lan -- la
La -- ti -- rou lan -- lir lan -- lir o la -- ti -- ra
}
}
\layout {
indent = #00
line-width = #123
}
\midi {}
}
\header { tagline = ##f }](http://upload.wikimedia.org/score/o/j/oj5agvbc6c0vtu1f8moueuz2thwprnd/oj5agvbc.png)
![\version "2.22.0"
\score {
\new Staff {
\relative c'{
\key g \major
\autoBeamOff
\time 6/8
b'8 g b d([ b]) d | b4. a8 g([ b]) | b g b d([ b]) d
b4 a8 g4 r8 \bar ":|." g b c d4 d8 | e([ g]) e d4 r8
d b a b4. | b8 g b e4 r8 | d b a b4.
c8 a a g4 r8 \bar "|."
}
\addlyrics{
Mi -- li -- ner, mi -- li -- ner, Ker -- c’hoant Mi -- li -- ner, mi -- li
ner, Ker -- c’hoant Mi -- li -- ner, mi -- li -- ner, Ker -- c’hoant
A -- naout a rit e Di -- na goant A -- naout a rit
e Di -- na goant_?
}
}
\layout {
indent = #00
line-width = #123
ragged-last = ##t
}
\midi {}
}
\header { tagline = ##f }](http://upload.wikimedia.org/score/g/s/gsm8taz49oryd9pz01o9risb8214ege/gsm8taz4.png)
![\version "2.22.0"
\score {
\new Staff {
\relative c'{
\key f \major
\tempo \markup {\italic "Allegro vivo"} 4= 132
\override Staff.Rest.style = #'z
\autoBeamOff
\time 2/4
a'8 g a g | a4 d | c~ c8 r | a bes c bes16 a \break
g4 a8 a | f4~ f8 r | g g a a16 a | d,4 g8 g \break
a4~ a8 r | a g a g | a4 d | c~ c8 r | a bes c bes16([ a])
g4 a | c8 bes a4~ | a r | a8 bes c bes16([ a]) | g4 a
g2 \bar "|."
}
\addlyrics{
Ker -- kent ha m’oan di -- me -- zet, Al -- lon -- la -- di -- ge --
da Al -- lon -- la Al -- lon -- la di -- ge -- don Al -- lon --
la Ker -- kent ha m’oan di -- me -- zet, en eur stad trist
’_voen la -- ket Ko -- mer En eur stad trist ’_voen la --
ket.
}
}
\layout {
indent = #00
line-width = #123
ragged-last = ##t
}
\midi {}
}
\header { tagline = ##f }](http://upload.wikimedia.org/score/k/6/k6bwn1lw8etfzm5bxq7vin9k9ds5lse/k6bwn1lw.png)
![\version "2.22.0"
voltaUnefois = \markup { \text \normalsize "1 fois" }
voltaDeuxfois = \markup { \text \normalsize "2 fois" }
voltaCom = \markup { \text \normalsize "au commencement" }
voltaFin = \markup { \text \normalsize "pour finir" }
\score {
\new Staff {
\relative c'{
\key g \major
\tempo \markup {\italic Allegro} 4=120
\override Staff.Rest.style = #'z
\autoBeamOff
\time 2/4
r4 r8 d
\bar ".|:"
d g fis g a4 a8 b16([ a]) \break
g8 g fis g
\set Score.repeatCommands = #`((volta , voltaUnefois))
a4 a8 d, \bar ":|."
\set Score.repeatCommands = #'((volta #f))
\set Score.repeatCommands = #`((volta , voltaDeuxfois))
a'4 a8 r \bar "|." \break
\set Score.repeatCommands = #'((volta #f))
a b c4 | d c | b8 a g g
g fis16([ g]) a8 a | a b c4 | d c
b8. a16 g8 g
\set Score.repeatCommands = #`((volta , voltaCom))
a fis g d \bar "||"
\set Score.repeatCommands = #'((volta #f))
\set Score.repeatCommands = #`((volta , voltaFin))
a'8 fis g r \bar "|."
\set Score.repeatCommands = #'((volta #f))
}
\addlyrics{
Naon -- tek gwen -- neg ha pe -- var, Va
zroad a zo re boun -- ner Naon boun -- ner
Ne zin mui d’ar c’hoad, Kar re boun -- ner,
kar re boun -- ner, Ne din mui d’ar c’hoad
Kar re boun -- ner eo va zroad.
}
}
\layout {
indent = #00
line-width = #123
}
\midi {}
}
\header { tagline = ##f }](http://upload.wikimedia.org/score/5/j/5j4yxs5gi965om9nn9z4dcfw0byg0ic/5j4yxs5g.png)
![\version "2.22.0"
\score {
\new Staff {
\relative c'{
\key a \major
\tempo \markup {\italic Moderato}
\autoBeamOff
\time 2/4
\partial 8*2
r8^\markup {\halign #-3 \musicglyph #"scripts.segno"} e \bar "||" a a b cis | e8. cis16 b8 cis \break
a4 b8([ gis]) | a4. a8 | a b cis d | e gis fis e \break
cis cis e8. d16 | b4. cis8 | e d cis d
e8. cis16 b8 cis | a4 b8([ gis]) | a4 r8^\markup {\halign #-4.8 \musicglyph #"scripts.segno"} \bar "|."
}
\addlyrics{
Gwech -- all, va mamm ga -- ret, Me ’m_eus bet
pli -- ja -- dur, Pa ve -- zen lus -- kel -- let c’houi a ga --
ne d’ho krou -- a -- dur, Gwech -- all, va mamm ga --
ret, Me ’m_eus bet pli -- ja -- dur.
}
}
\layout {
indent = #00
line-width = #123
ragged-last = ##t
}
\midi {}
}
\header { tagline = ##f }](http://upload.wikimedia.org/score/1/a/1alhaycnummylfi7twjxwf2xn6sdnke/1alhaycn.png)
![\version "2.22.0"
\score {
\new Staff {
\set Staff.instrumentName = \markup {\huge \bold "№ 2"}
\relative c'{
\key g \major
\time 2/4
g'4 b | g d'8 d | b4 g | a g8 a \break
b4 a8([ g]) | a2 | g4 b | g d'8 d | b a g4 \break
a g8 a | b4 a | g2 \bar "|."
}
\addlyrics{
Ta -- vit ta -- vit pou -- po -- nig ha me a
ga -- no d’eoc’h Pa vo ar -- ru ho mamm er gêr
e ro -- io bro -- nig d’eoc’h.
}
}
\layout {
line-width = #123
ragged-last = ##t
}
\midi {}
}
\header { tagline = ##f }](http://upload.wikimedia.org/score/e/y/eyuekugmunxp91kr416t7lw7lebumsx/eyuekugm.png)
