Yannig an difouper neiziou

Paotr Treoure

Soniou Feiz ha Breiz

1930  (p. 84-85)

Yannig an difouper neiziou

Eur zôn goz evid ar vugale, anavezet, e Leon, Kerre ha Treger

————

1

Kavet ’ peus da zaout ’ta Yannig,
Kavet ’ peus da zaout ’ta ?

— Ne ’m eus ket, ne ’m eus ket,  Gwelloc’h ’geto ’m eus kavet.

$\left.{\begin{matrix}\\\\\end{matrix}}\right\}$

bis

2

Petra ’ peus kavet ’ta, Yannig,
Petra ’ peus kavet ’ta, ?

— Eun neiz pig, eun neiz bran,  Hag eun neizig laouenan.

$\left.{\begin{matrix}\\\\\end{matrix}}\right\}$

bis

3

Pe seurt viou ’ z’ enno ’ta, Yannig,
Pe seurt viou ’ z’ enno ’ta, ?

— Unan ruz, unan gwenn,  Unan glas, unan melen.

$\left.{\begin{matrix}\\\\\end{matrix}}\right\}$

bis

4

Digas d’in unan ’ta, Yannig,
Digas d’in unan ’ta ?

— Ne roïn ket, ne roïn ket,  Ar re-ze ’ zo ’vit ma gwreg.

$\left.{\begin{matrix}\\\\\end{matrix}}\right\}$

bis

5

Pe seurt gwreg az peus ’ta, Yannig,
Pe seurt gwreg az peus ’ta ?

— Unan vihan, unan deo,  Hag a zao e mare vrao.

$\left.{\begin{matrix}\\\\\end{matrix}}\right\}$

bis

6

Da bet eur e sao ’ta, Yannig,
Da bet eur e sao ?

— Etre dek eur ha kreizteiz  ’Sao ar big diwar he neiz.

$\left.{\begin{matrix}\\\\\end{matrix}}\right\}$

bis

7

Pe seurt soubenn ’ ra ’ta, Yannig,
Pe seurt soubenn ’ ra ’ta ?

Soubenn pesk, soubenn fresk,  Soubenn vijil alies.

$\left.{\begin{matrix}\\\\\end{matrix}}\right\}$

bis

PAOTR TREOURE.

————