Kanoen ar Vartoloted

J. Maisonneuve ha Ch. Leclerc, 1889 (p. 110-245)

KANOEN^[1] AR VARTOLOTED

O Gwerc’hez gloriuz Vari, roed d’in-me ajistans
Da ganan eur werz newe, — c’hon ’vonet d’hi c’homans —

Zo groet da bewar martolod a Gemper-Gwezenek
Zo et gand eur vag newe ewid ar c’hentan gwech,

Zo et gand eur vag newe ewid ar c’hentan gwech :
N’ an euz hini an-he a gemend a ve rez.

Ewit honzoli ho mammo ho deuz laret d’ez-hi :
— Pa c’homp laket war ann dour retornfomp adare. —

Pa defaint groet ho bagad ha prest da dond d’ar ger,
A savaz glao hag awel, siouaz ! eur goall amzer ;

Ma savaz glao hag awel, siouaz ! eur goall dourmant,
Ma deuz renket perisan efin ho batimant.

Pipi ar Bouder a lere, eunn den a gourach vad
Pini savaz benn ter gwech ter gwech war bord he vag,

Pini save ben ter gwech ter gwech war bord ann dour
O c’houlen ar Werc’hez Vari mamm Jezuz d’hen sikour.

Ha kriz vije ar galon ha kriz neb na oelje
En bord ann enezen Goad, ann hini a vije

O welet pewar gorf maro manet en est-al-lin ^[2]
O c’hortoz koat pe lien ewid ho lienin.

Eur c’hanod deuz a Vriet o tistrei da Bontre
’N euz anonset ar c’helo an de deuz ar beure,

An euz laret d’ar Bouc’her a oa beuet he vag
Ha fraillet dre ann anter e bord ann enez Koat :

— Ha posub ve diand Done me laket ma oll vad
’Wid ober eur vag newe ha beuin ma zri mab !

Ha c’hoaz ’wit koll ma mado me na ran ket a gaz,
Mes beuin ma zri bugel ze ra d’in glac’har vraz.

Me wel ari ma zri bugel — mes na antreont ket —
O vonet da interin da Gemper-Gwezenek.

AR VARTOLODED

LES MATELOTS

$\score { \relative c'{ \clef treble \autoBeamOff \key c \major \time 2/4 \partial 4*1 c'8 c d4 d | c d | e d8 c | \break c4 e | d c | d4. g,8 | c4 e | d c8[( b)] | \break a4 g8 g | c4 e | d c8[( b)] | c4\fermata \bar "|." } \addlyrics { O Gwer -- c’hez glo -- ri -- uz Va -- ri! Roed d’in -- me a -- jis -- tans Da ga -- na eur werz ne -- we. C’h’on vo -- net d’hi c’ho -- mans. } \layout { indent = #00 line-width = #123 } \midi { } } \header { tagline = ##f }$

————

↑ Est-ce parce que ce récit n’atteint pas les proportions du gwerz, que le chanteur l’appelait kanoen ? — Kanoen, pour sonn, en trégorrois. — Kanaouenn est un terme générique, et il ne répugne pas au sens de gwerz.
↑ Est-al-lin, est-ce un nom propre de lieu ? est-ce une époque de l’année,l'été du lin, le mois de juin… ? Le chanteur lui-même n’en savait rien.

[1] Est-ce parce que ce récit n’atteint pas les proportions du gwerz, que le chanteur l’appelait kanoen ? — Kanoen, pour sonn, en trégorrois. — Kanaouenn est un terme générique, et il ne répugne pas au sens de gwerz.

[2] Est-al-lin, est-ce un nom propre de lieu ? est-ce une époque de l’année,l'été du lin, le mois de juin… ? Le chanteur lui-même n’en savait rien.

[1]

[2]