Ar Rouzik kemener

Eus Wikimammenn
Sauter à la navigation Sauter à la recherche
J. Maisonneuve ha Ch. Leclerc, 1889  (p. 103-245)


AR ROUZIK KEMENER



Ar Rouzik kemener a Langoat
Braoan mab iaouank a wisk dillad ; (bis)

C’hoaz a vije braoc’h eunn anter
Ma nije eunn dimezel a ger :

Bet an euz merc’h mamzel Ru-Newe,
Perc’hen e da bemp mil skoed leuve ;

Na perc’hene da bemp mil skoed,
Hag ar Rouzik’n euz ket pemp gwennek.

Ar Rouzik kemener a lere
Barz ar C’hoelik pa’n antree ;

— Na bonjour ha joa en ti-man,
Ann otro C’hoelik pelec’h eman ?

— Eman’barz ar sal o leina ;
Rouzik, ed ha komzet out-han.


— Me, zo deut da glask eunn abid,
Eunn abid hag eunn ankane
Wit mond d’ober eur bale,

Ewit ma c’hin d’ober al lez ;
Ha na n’onn ket piou vo ma lakez,

Med ho pach bihan deufe gan-in :
Hennez zo den brao kenkoulz ha me. —

Ar Rouzik kemener a lare
War bave Montroulez pa gerze :

— Na bonjour ha joa er german.
Ann otro Ru-Newe pelec’h eman ? —

Ann otro Ru Newe ’vel ma klewaz,
He tenn ’barz ar prenest voutaz :

— Diskenned, Monsieur, antreed en ti,
Laked ho c’hoursin er marchosi
Wit ma ai ma mewel d’hen aveurin...


— Na lered-hu d’in-me, kamarad,
Hag en e ho mestr a ligne vad ?

— Ho ! ia ; ma mestr zo a ligne vad :
Bean ’n euz terc’hadeur’n iliz Langoat
Ha ru int evel ar goad ;

Ha kement all en Iliz Trougeri,
’Barz iliz Peurit meur a hini ;

Ha peder lestr perlez war ar mor,
’Barz e ker ar Roc’h peder stal dior ;

Ha da c’hortoz he dad da verwel
Hen zo rosignol Kerdaniel ;

Ha goude ar marw demeuz he dad
Hen a vo otro en Penn-ar-C’hoat.

— Ma ouifenn ve gwir ’pez a lerez d’in,
Me a rofe d’ehan eunn dimin. —


Na seiz miz anter ec’h eo padet
Ar chotamite deuz ann eured,

Sonerien ar bal hag ann dans.
Ha vizit bemde gand ann oblans.

Nag ar Rouzik koz a lavare
D’he bried Janed eunn de a oe :

— C’hastomp dresa hon c’hoz balino ;
Me a glew ari ann drompillo
Wit dies ar verc’h-her d’ar vro, —

Ha groeg ar Rouzig a lavare
En iliz Langoat pa antree :

— Na lered-hu d’in-me, Monsieur,
Pehini ac’han e ho kadeur.

— Antreed ; ann hini a gerfed,
Itron, na vefed ket diblased —

Oc’h arrout ’n itron ’r C’hoelik,
O krigi ’n he dorn doustadik :


— Na sonjan ket ve groeg eur c’hemener
A varchfe ’rok d’in ’barz ma c’hadeur.

— Ho ! ha pa ven groeg d’eur c’hemener.
Me a zo merc’h d’eur senesal er ger,
A varcho gan-ac’h hag ’n ho kever.

Otro Doue, ’me-hi, n’ouienn ket
Oa eur c’hemener em oa bet,

Ken a oa d’in d’ober he wele,
Keviz he vesken hag he nadwe. —

Na kerse oa gand ann itron gez
Diweet d’ar ger a Vontroulez :

— Na pa oann er ger e ti ma zad
Me a oa bewet dilikat,

Mea oa bewet dilikat
Gant kig glujar ha kig gad ;


’Boe on ari’ti ar Rouzik
’M euz ket bet souben ar c’hig,
Nemert soubenn ar c’hernio brinik. —

Ha groeg ar Rouzig a lavare
’Barz en ker ar Roc’h pa arie ;

— Itron Vari ar Folgoat !
Me na gavfenn ket eur vag bennak
Em c’hasfe er ger da di ma zad ? —



Chanté par Jeanne Le Bornic, de la Roche-Derrien.


AR ROUZIK KEMENER
LE ROUZIC TAILLEUR

\score {
\relative c'{
    \clef treble
    \tempo \markup {\italic Moderato.}
    \autoBeamOff
    \key c \major
    \time 2/4
    c'8 c d \acciaccatura f( e) | e e c8. d16 | e4. r8 \bar "||" \time 6/8 c4 d8 e[( d)] e \bar "||" \break
    \time 2/4 d8 b c8. a16 | g4. r8 | c d e f | e d e \grace{d16([ e]} d8) | c4. r8 \bar "|." 
}
\addlyrics {
Ar Rou -- zik ke -- me -- ner a Lan -- goat, Brao -- an mab iaou --
ank a wisk dil -- lad, Brao -- an mab iaou -- ank a wisk dil -- lad.
}
  \layout { 
  indent = #00
  line-width = #140
 }
 \midi { }
}
\header { tagline = ##f }


————