Trugare a laromp hirie
Oberennoù damheñvel pe handelvoù all zo ivez, gwelout Hirie, lavaromp trugarez.
1.Trugare a laromp hirie,
Euz ar grasou ec’h euz skuilet
Warnomp, Rouanes an Ele,
Epad ar miz-man beniget.
Diskan.
D’ac’h e voestlomp hon c’halonou,
Renet en-he vel en Envou :
Aman fel d’imp ho serviji
Arog mont du-ze d’ho meuli,
Arog mont du-ze d’ho meuli.
2. Bep mintin boe an de kentan
Ho saludemp gant levenes,
O klevet dre-ol o kanan
Evnigou an amzer-nevez.
3. D’an noz dirak hoc’h oteriou,
C’houi a wele ho pugale,
Kaeroc’h vit eur parkat bleunioa
O tiskouez d’ac’h o c’harante.
4. Euz ar pec’het e tioualemp,
Aon da diout ho taoulagad :
Hent ar vertuiou a heuillemp,
D’ober plijadur d’hon Mam vad.
5. Pelloc’h e tarzo c’hoaz brezel
Eneb d’ac’h ha d’ho pugale :
Bezet dalc’hmad, o Mam zantel,
Hon zouten vel epad miz Mê.
6. D’an Ilis zavet gant Jezus,
Dre e vue hag e varo,
Plijet asten ho torn nerzus,
Genac’h warnomp vit ma reno.
7. Ken na vezimp ol unanet
Er Barados endro d’ho tron :
Eno nevez-amzer bepret,
Ha joaüstet leiz ar galon !
K. G.
Eur c’hantik al d’ar Werc’hes : Zellomp Mam Doue, a vo kavet pelloc’h, N° 129, hag eun al : Klevet Mari, N° 99.