Kloarek Lambaul

Eus Wikimammenn
Mont da : merdeiñ, klask



KLOAREK LAMBAUL
Kenta kentel
______


I


   Kloaregig Lambaul hag he vestres
Braoa daou den ’zo en Montroules. (bis)

   Kloaregig Lambaul vonjoure,
’N ti ’r C’halvez koz pa arrue : (bis)

   — Bonjour ha joa holl en ti-man,
Fiekka Kalvez pelec’h eman ?

   — Eman duze bars ar gambr-wenn,
Kribad he fennad bleo-melenn ; (bis)

   ’Man er gambr-wenn, en penn ann ti,
Kloarek Lambaul, et davèd-hi. (bis)

   Kloarek Lambaul a lavare
D’ Fiekka Kalvez, p’hi salude : (bis)

   — Ma dousig koant, lâret d’in-me,
C’hui ’deufe ganen d’al leur-newe ?

   — D’al leur-newe me na inn ket,
Gant ar markis ’on gourdrouzet. (bis)

   — Drouk ha mad gant nep a garo,
D’al leur-newe ni a ielo ; (bis)

   Mar son ar sôner, ni danso,
Mar na son ket, me a gano, (bis)


II


   Markis Guerrand a c’houlenne
Euz un den-koz a rankontre : (bis)

   — Ma zadig-koz, d’in-me lâret,
N’hoc’h eus ket gwelet ar c’hloarek ? (bis)

   — Aotro ’r markis, ma iskuzet,
Na on pe gloarek ’c’houlennet. (bis)


   — Ewit ur wez hoc’h iskuzan,
Kloarek Lambaul a c’houlennan. (bis)

   — Et ê ’r c’hloarek d’al leur-newe,
Fiekka Kalvez euz he goste. (bis)

   Indan-han ’n abit satinn gris
Kaeroc’h ’wit ho hini, markis ; (bis)

   Rubano ’zo war he vouto,
Kaeroc’h ’wit ’zo war ho mancho. (bis)

   Indan-hi ’zo un abit-wenn,
Doue, braoa da feumeulenn ! (bis)


III


   Ann aotro markis a lâre
D’ gloarek Lambaul, el leur-newe :

   — Na diwiskomp hon porpantjo,
Ewit komans ar gourenno. (bis)

   — Aotro ’r markis, ma iskuzet,
Da c’hourenn d’ac’h me na inn ket ; (bis)

   Digaset païsant em c’hever,
Me ’grogo hardis ’n he golier. (bis)

   N’oa ket he c’hir peurlavaret,
Kloarek Lambaul ’zo douaret ; (bis)

   Ha seis kleve noas euz hen lac’ha,
’Nn aotro ’r markis d’ho asista. (,bis)

   Ann aotro markis a lâre
D’ Fiekka Kalvez eno neuze : (bis)

   — Ma dousig koant, lâret-c’hui d’in,
C’hui ’deufe ganen da Lisandri ? (bis)

   — Da Lisandri me na inn ket,
Ma muia-karet ’c’h eus lac’het ; (bis)

   Ma muia-karet ’c’h eus lac’het,
Ma lac’het iwe, pa garfet. (bis)

   N’oa ket he gir peurlavaret,
Fiekka Kalvez ’zo douaret ; (bis)


   Ha seis kleve noas euz hi lac’ha,
’Nn aotro ’r markis d’ho asista. (bis)


VI


   Ann aotro ’r markis a lâre,
Euz ’l leur-newe pa bartie : (bis)

   — Me garrie ann tan en Guerrand,
Hag en buhe ’nn daou den iaouank ! (bis)

   Na oa plac’h a-bed er vro-man
Da blijout d’in evel homan ! (bis)


Kanet gant Marc’harit Fulup.


____________


KLOAREK LAMBOL
Eil kentel
______


I


   Kloarek Lambol a lavare,
’N ti C’halvez koz pa arrue :
— Demad ha joa holl en ti-ma,
Pelec’h ’ma ma dous Fiekka ? [1]

   — Emêdi duze er gamba-wenn,
Hi o titira al lienn ;
Hi o titira al lienn,
Hag o kriba he bleo-melenn.

   Kloarek Lambol, ’vel ma klewas,
Gant ar vinz d’ann nec’h a bignas ;
Gant ar vinz d’ann nec’h eo pignet,
Hag he dous koant ’n eus saludet.

   — Demad d’hec’h, ma dous Fiekka,
Me ’m eus konje digant ho tad ;
Me ’m eus konje digant ho tad,
Ewit mont bon daou d’ann ebad ;

   Me ’m eûs digant ho tad konje
’Wit mont hon daou d’al leur-newe.
— ’Wit d’al leur-newe me n’inn ket,
Gant Lomaria ’on gourdrouzet.

   — Lest Lomaria lec’h ma karo,
D’al leur-newe n’inn a ielo.
— ’Wit d’al leur-newe me n’inn ket,
Gant Lomaria ’on gourdrouzet.

   — Beet drouk gant nep a garo,
D’al leur-newe nin a ielo ;
D’al leur-newe nin a ielo.
Ha dilun pe dimeurz ’eureujo !


II


   Markis Lomaria a lâre
’N hostaleri pa ziskenne :
— N’hoc’h eus ket gwelet en de-ma
Kloarek Lambol ’vont dreama ?


   — Leall êt eo d’al leur-newe,
Ann hini ’gar euz he goste,
Indan-hi ’n abit satin-gwenn,
Doue, braoa da feumeulenn !

   Indan-han ’n abit satinn-gris,
Braoa den-iaouank a welis ;
Indan-hê peb inkane gwenn,
Peb a vrid arc’hant en ho fenn.


III


   Markis Lomaria a lâre,
El leur-newe pa arrue :
— En pez korn diouz al leur-ma
’Man kloarek Lambol hoc’h ebata ?

   — Eman duze ’r penn uc’hellan,
Ann hini a gar ’zo gant-han.
Markis Lomaria ’lâre
D’ gloarek Lambol eno neuze :

   — Diwiskomp hon justokoro,
Ewit komans ar gourenno.
— Da c’hourenn ouzoc’h na inn ket,
Da c’hoari ’r c’hleve n’ laran ket.

   N’oa ket he c’hir peurlavaret,
Tric’houec’h kleve noas ’zo dic’houinet ;
Tric’houec’h kleve noas ’zo dic’houinet,
Hini ’r markis ann naontekvet.

   Markis Lomaria lâre
Da gloarek Lambol, en de-se :
— Tolomp hon c’hleveio a goste,
Beomp mignoned adarre.

   Ar c’hloarek ’oa un den klouar,
Dolas he gleve d’ann douar ;
He gleve d’ann douar ’n eus tolet,
Markis Lomaria n-eûs ket grêt ;

   Markis Lomaria n-eûs ket grêt,
Neuze soudenn ’n eus han treuzet !…
Fiekka Kalvez a oele,
Na gave den hi c’honsolje ;


  Na gave den hi c’honsolje,
Met ar markis, hennes a ree :
— Tawet, Fiekka, na oelet ket,
Ganen da Werrand a teufet.

  — Gwell’ ganen merwel soubitamant,
’Wit mont un nozwes da Werrand :
P’hoc’h eûs lac’het ma c’harante,
’N han’ Doue ma lac’het iwe !


Kanet gant Jannet Ar Gall,
Mates en Kerarborn, — 1849.


______________



  1. Les deux versions de ce gwerz se chantent sur des airs différents.