AR GUENTA FÆÇON PE EXERCIÇ
da glevet an oderen devotamant.
Cantic var an intantionou principal pe gant re e tleer assista en Oferen. Var an ton : Ni ho supli, Speret Santel.
ME offr da Zoue oll-galloudec
An Oferen gant ar belec,
O caout ur guir intantion
D’he c’hlevet gant devotion.
Evit adori da guenta,
Dre ar voyen excellanta,
An tri ferson eus an Dreindet,
Gant un humilite parfet.
D’an eil, evit renta graçou
Da Jesus-Christ eus he vadou,
Hac evit caout memor bepret
Eus ne bassion benniguet.
Evit obteni d’an trede
Brema digant he vajeste
Hon izomou spirituel
Hac hon izomou tamporel.
D’ar pevare, ma hor goalc’ho
Dre ar merit eus he varo
Diouz peb pec’het ha diouz peb viç,
|
Gant he c’boad sacr er sacrifiç.
D’ar fin, evit an anaon
M’ho dilivro eus ho frison;
Ouspen evit quement hini
Ma’z oun oblijet da bidi.
Me ho supli, va Redamtor,
Evit ho cloar hac hoc’h henor,
Grit ma clevin, diouz ma ê dlet,
An Oferen-mâ hed-a-hed.
M’er goulen ouzoc’h, vaJesüs,
Dre verit ar goad precius
A offrot d’ho Tad eternel
Bremâ er sacrifiç santel.
Guerc’hes Vari, mam hor Salver,
Va Æl-mad, va faëron quer,
Oll sænt hac oll ælez ive,
Obtenit d’in ar faver-se.
Amen.
|
- Elfenn eus ar roll niverennet
CANTIC VAR AN ARTICLOU
Eus an Oferen, appliguet var an articlou a bassion hor Salver, gant ur reflexion hac ur beden conform da bep articl. Var ton Vexilla Regis, pe var an ear gallec : Je me prosterne, mon Seigneur.
an articl quenta.
Pa gommanç ar belec an Oferen, o lavaret, In nomine Patris, etc. Introïbo ad altare Dei, etc., livirit ho Confiteor devot, evit receo an absolven general pehini a ro ar celebrant en commançamant an Oferen d’ar re a lavar neuse ho C’honfiteor gant ur guir gueuz d’ho fec’hejou.
PA vez ar belec inclinet
Ouz an douar, o lavaret
Ar Gonfiteor, sonjit neuse
En oræson a Vap Doue.
Goude m’en devoa quemeret
He dri zisquib muia caret,
Ec’h antreas ganlto er jardin ;
Hac hor pec’hejou var he guein.
Neuse gant horreur o velet
|
He boaniou ha crimou ar bed.
En devoe quement a c’hlac’har
Ma couezas semplet d’an douar.
Eno considerit ho Tad,
O c’houesi an dour hac ar goad,
Ha goulennit outan pardon,
O lavaret en ho caton.
|
an actou principala.
O En so bras en hor c’hêver !
Ho carantez-hu, va Salver !
Pa oc’h evidomp en em roet
Da soufr tourmanchou quer calet.
Ha c’boaz eleac’h anaoudeguez
Evit quement a garantez,
Me n’em eus bet en hoc’h andret
Nemet ingrateri bepret.
|
Act a anaoudeguez-vad, pe a reconnessanç.
|
Queuz am eus bremâ em ene
|
Act a gontrition.
|
|
|
D’ho peza offancet, va Doue,
O protesti gant ho craçou
Na zistroin mui d’am pec’hejou
|
|
Act a feiz.
|
Me am eus enoc’h ur feiz gre,
Rac ar virionez oc’h ive :
Me gred ez oc’h Doue ha den,
Va Salver, va mestr souveren.
|
|
Act a esperanç.
|
Enoc’h epquen ec’h esperan,
Evel ma’z ê c’houi hoc^h-unan
Eo va esperanç, va Doue,
Ha silvidiguez va ene.
|
|
Act a garantez.
|
Ha ec’his ma’z ê c’houi epquen
Eo ivez va mad souveren,
A greis va c’halon ho caran,
Dreist quement mad so er bed-man.
|
|
Act a c’houlen.
|
Grit d’in, va Jesus, ho caret
Quer ferm ha quer fidel bepret,
Na deuin ur momet em buez
Da goll ouzoc’h ar garantez. Am.
|
An actou-mâ diaraoc eus a anaoudeguez vad, a gontrition, a feiz, a esperanç, a garantez hac a c’houlen, pere eo ar re nopla hac ar re agreapla da Zoue, a aller da oher varlerc’h quement articl a so amâ, mar be amser.
an eil articl.
Pa boq ar Belec d’an Auter, hac en antre eus an Oferen, galvet an Introït.
AR helec o veza pignet
D’an auter, ha dezi poquet
En anrre eus an Oferen,
Neuse meditit evellen.
Hor Salver en em bresantas
Evel un oan douç da Judas,
|
O rei he visaij benniguet
D’an treitour fall-se da boquet.
Dre ar poq-se var zigarez
Disquez ur merq a garantez
En livras d’he adversourien,
Varnan er jardin oc’h antren.
|
reflexion ha peden.
Na bermetit quet, va Jesus,
E ven jamæs quer maleürus
D’ho quitât na d’ho trahissa
Evit nefra eus ar bed mâ.
C’houi so bet deut d’en em lesel
Gant hoc’h adversourien gruel,
|
Na visen-me quet va-unan
Ur preiz etre griffou Satan.
Rac-se, va Salver, me ho ped,
Na bermetit e teue nepred
An diaoul criz da c’harroti
Va ene paour oc’h he zenti.
Amen.
|
an trede articl.
D’ar Kyrie, eleïson, etc.
Kyrie, eleïson a sinifi,
Autrou, ho pêt truez ouzomp-ni,
A-deir gueichou eo repetet
Evit ma viot instruet
Penaus Per goude prometi
Quen assur da berseveri
Er fidelile d’he Vestr mad,
En renonças teir gueich timad.
Na biscoas na anavezas
Anezâ he-unan he faut bras,
Quen ha oue ma tolas Jesus
Varnezan ur sell truezus.
Ac’han e c’henevomp certen
Ar sempladurez eus an den ;
|
Buan e couez, sevel n’ell quet,
Nemet dre’r c’hraç ve sicouret.
Hon izom bras da implori
Graç Doue stard hac hep cessi,
Eo a so deomp represantet
Dre Kyrie, eleïson repetet.
Unan eus an traou diessa
Hac eus an ouvrajou brassa,
Eo ressuscita un ene
A vez maro dirac Doue.
Rac-se gant an Ælez eürus
Eo ur joa bras, eme Jesus,
Guelet ur pec’her epmuiquen
O chenj dre ur guir binijen.
|
Ar joa-se a so discleriet
Dre ar c’hantic a oue canet
Ec’harz Bethleem gant an Ælez
Oc’h anonç he c’hinivelez.
|
Gloria in excelsis ê
Recitet varlec’h Kyrie,
A signifi Meuleudiou
Ha gloar da Zoue en evou.
|
reflexion ha peden.
Allas ! na me paour-quez mechant,
Quer frajil ha quer inconstant,
Pe gueich oun-me deut gant sant Per,
D’ho nac’h, o pec’hi, va Salver ?
Ha c’hoas ma teun d’he imita,
O vouela d’am pec’het gantâ,
Ho pe-hu consolation,
Ha me am be remission.
Hoguen sioas ! casi jamæs,
|
Ha me o pec’hi quellies,
Ne scuillan ur berat daëlou
Da regreti va fec’hejou.
Me ho ped, va Autrou divin,
Da sellet a druez ouzin,
Ma ellin gouela gant regret
D’ho peza, sioas ! offancet.
Ma rejouissin hoc’h ælez
Dre va chenjamant a vuez,
Ha ma canin ganto ive,
Gloar deoc’h en evou, va Doue.
Amen.
|
ar pevare articl.
D’ar c’hollectou, da lavaret eo, d’an Oræsonou quenta, ha d’an Abostol pe d’an Epitren.
COnsiderit d’ar c’hollectou
Penaus oue Jesus hon Autrou
En ti Kaïfas interrojet
Dirac ar c’honseil assamblet.
|
Eno e oue javedateet,
Cranchet en he faç ha goapeet,
Outrajet, tennet bleo ha benn
Gant cals a vileni ouzpen.
|
reflexion ha peden.
Criminal ma’z oun d’in-me ve.
|
E ranquet ober evelse,
Me dleffe beza goaldretet,
|
Ha dindan treid an oll foulet.
O va Jesus, c’houi a so douç,
Pa na ziscarcac’h ho courrouç
Var nep a zeu d’hoc’h outraji
Gant quement a ingrateri.
Red eo lavaret, va Salver,
Hoc’h eus va c’haret dreist voder,
P’hoc’h eus evidon anduret
|
Beza quer mesus tourmantet.
Ha c’hoaz eleac’h anaoudeguez
Evit quement a garantez,
Me n’em eus bet en hoc’h andret,
Nemet ingrateri bepret.
Queuz am eus bremâ em ene
D’ho peza offancet, va Doue, etc.
Lennit ar rest en articl guenta diaraoc [1].
|
ar pempet articl.
D’an Aviel bete' Dominus vobiscum.
D’An Aviel pa dremeno
Ar belec eus an abostol,
O vont an eil-tu d’eguile,
E tleit entent dre guement-se
Penaus Jesus a dremenas
Da Bilat a di Caïphas,
Pe da hini oue faussamant
|
Accuset gant an dud vechant.
Hemâ hon eus cafet, emezo,
O pervertissa tud hor bro,
Caus d’ar bobl da veza mutin,
O rei dezo ur goal doctrin.
|
reflexion ha peden.
Pebes blasphem, ô va Salver,
Ho tremen evit un trompler !
C’houi so disquennet eus an eê
Da zisqui deomp henchou Doue.
En quement action a reac’h,
|
En quement coms a lavarac’h,
Ne velet nemet santelez,
Ne glevet nemet guirionez.
Hac ec’h andurit couscoude
Ho calomnia er guis-se?
Hac e souffrit, Barner ar bed,
|
Gant an dud fal beza blamet ?
Grit mi vesin bepret fidel
Da senti ouz hoc’h Aviel,
O receo en ur galon vad
Eus ho comsou divin an had.
|
Ma tennin epad va buez
Cals a brofit hac a frouez
Eus va oll souffrançou er bet
Dre voyen ar batiantet.
Amen.
|
a c’huec’hvet articl.
D’an Ofertor, pa c’horro ar Belec ar Bladen etre he zaouam, oc’h offr an Hostif, ha goude-se ar Ch’alir.
COnsiderit d’an Ofertor,
E oue cacet hon Redamtor
Gant Pilat da di Herodes,
Eleac’h ma souffras cals a vez.
|
O veza eno baffouet,
Gant ur saë venn e oue guisquet,
Evid ober goab anezâ ,
Evel ma vize ar sota.
|
reflexion ha peden.
O Va Salver ! ar c’haëra den
So bet nac a vezo biquen,
C’houi eo guir esperanç ar bed,
Ha couscoude oc’h rebutet.
C’houi eo oll desir an Ælez,
Enoc’h ema plijadurez ;
Ho Tad eternel, va Jesus,
Hac ez oc’h tretet quer mezus ?
Evidomp oc’h en em offret,
|
Dre ma hoc’h eus-en teurveset,
Hac e teuer gant ur seurt outranç
D’ober ac’hanoc’h disprisanç ?
Chetu me amâ, va Doue,
Tout en em offran deoc’h ive,
P’oc’h evidon en em offret,
M’ho supli n’am rebutit quet
Amen.
|
ar seizvet articl.
Da Voualc’h an daouarn ha d’an Orate, Fratres.
AR belec oc’h ar bobl a dro,
Hac e coms evellèn outo:
Orate, Fratres, emezâ,
Goalc’het he visiat gantâ.
Neuse, considerit erfat
Penaus e tisquezas Pilat
Jesus d’ar bopl, o coms outo
Er fæçon-mâ : Eccè Homo.
Sellit, chetu an den amâ,
Truez a dleit da gaout outâ ;
Evidon-me n’her c’hafan quet
Coupabl a grim na faut ebet.
Rac-se pa ema an amser
|
Da zilivra ur prisonnier,
Daoust deoc’h pe Varrabas vezo,
P’autramant Jesus ho pezo.
Neuze an oll a gommanças
Da grial : Roït d’omp Barrabas,
Ha cacit hennes a-lesse,
Crucifiit-he, crucifiit-he.
Pilat a voualc’has dirazo
He zaouarn, o respont dezo :
Divlam oun dious goad ar just-mâ,
Deoc’h vezo respont anezâ.
|
reflexion ha peden.
O ! hou-mâ eo an dismeganç,
Dont da ober ar breferanç
Eus a Varrabas ar muntrer
Da Jesus-Christ hon Redamter !
Peguen alies em eus-me
Preferet d’ec’h-bu ,va Doue,
Va plijadurez va-unan,
|
Pe un interestic bian ?
Me a c’houlen ouzoc’h pardon,
Hac o ped a greis va c’halon
Na bermetot quet, va Jesus.
E ven pelloc’h quer maleürus.
Amen.
|
an eisvet articl.
D’ar Prefaç, Per omnia sæcula, etc.
D’Ar Prefaç grit reflexion
Peguer mantret oa he galon,
O velet an arrajamant
Eus ar Iudevien disquiant.
|
Rac seui-vui ma clasque Pilat
En he liberte he laquat,
Seul-vui ec’h arrajent outâ.
O c’houlen he grucifia.
|
reflexion ha peden.
Ez eo deoc’h sansibl ha poanius
An ingrateri, va Jesus,
Eveus ho pobl muia caret
P’evit hini oc’h deut er bet !
Ha n’de quet d’ec’h-hu, va Jesus,
Eo e can an Ælez, Sanctus ?
Hac ez oc’h dispriset quement ,
C’houi pehini eo sant ar sænt ?
Ha n’doa quet d’ec’h-hu e crije
Ar bobl ne doa quet pell a se,
Hosanna, da lavaret eo,
Gloar ha meuleudi r’ho pezo.
Ha bremâ ne glevit quen son
Nemet ho condaonation ;
Ne glevit eleac’h Hosanna,
Nemet prest ho crucifia.
|
Pebez chenjamant e hou-man
A veleur d’ec’h-hu quer buan !
Divar ho coust ni zesq certen
N’hon eus d’en em fiziout var den
Biquen ne lacan va fizianç
En dud so leun a inconstanç ;
Enoc’h vezo e liquin-me
Va oll esperanç, va Doue.
Peguer bras ê, ô vâ Salver,
Ho carantez-hu em c’hever
Pa hoc’h eus evidon anduret
Beza er guis-se rebutet.
Ha c’hoas eleac’h anaoudeguez
Evit quement a garantez
Me n’em eus bet en hoc’h andret.
|
Nemet ingrateri bepret.
Queuz am eus bremâ em ene,
|
D’ho peza offancet, va Doue.
|
Lennit ar rest [e]n [2] articl quenta diaraoc [3].
an navet articl.
D’ar C’hanon pehini a gommanç adalec Sanctus.
D’Ar C’hanon eus an Oferen .
Sonjit penaus ar vourrevien
A exerças ur gruaute
An estranja var Map Doue.
Eus he zillad en diviscsont,
Hac he c’broc’hen a zispensont,
He guic o lamet a besiou,
A bep tu da heul a fouetou.
Pa oant squiz oc’h be scourjeza,
En lequesont da azeza,
Ur goz vaniel bourpr var he guein,
Hac he benn griet gant an drein.
|
Curunet ganto erguis-se,
Enn adorsont evel ur roue,
O plega ho daoulin dirazâ,
Evit ober goab anezâ.
Neuse ous he faç truezus
E tolent ho c’hranch donjerus,
Hac e quemerent ur ganen
Evit squei gantâ var ar pen.
O ! an horrupla cruaute,
Treti evellen Map Doue !
Memes d’an aneval brutal
E ve cris ober quement all
Goude beza quer goal-dretet,
Erfin e rancas quemeret
Ur groas da zouguen d’ar C’halvar,
A voa ur menez didreuz quear.
|
reflexion ha peden.
Hounez eo an extremite,
Ma’z oc’h hu casset, va Doue,
Dre ho carantez em andret.
Ha, sioaz d’in ! dre va fec’het!
Eus o coler, o va Autrou,
|
Em boa meritet ar fouetou,
Hac ez oc’h em lec’h scourjezet,
Ha c’houi pur ha neat a bec’het.
D’in-me oa dleet evit biquen
Ar groas en ifern da zouguen,
|
Ha c’houi d’he douguen en em ro,
Ha da soufr outi ar maro.
C’houi hoc’h eus certen gouzanvet
Ar boan hon eus-ni meritet
C’houi hoc’h eus douguet, va Doue,
Hoc’h-unan hon infirmite.
|
En so admirabl em c’hever
Ho carantez-hu, va Salver,
Pa hoc’h eus evidon anduret
Beza erguis-se tourmantet.
Ha c’hoaz eleac’h anaoudeguez,
Evit quement a garantez, etc.
|
Lennit ar rest en articl guenta diaraoc [4].
an decvet articl.
D’ar Gonsecration ha d’ar Gorreou.
PA vez an hostif con-sacret,
Ha d’he adori gorroet,
Neuse gant guir attantion,
Deut da ober reflexion
Penaus, o veza erruet
Var guern ar menez destinet,
|
E oue Jesus gant tachou bras
Daouarn ha treit staguet er groas.
Goude ma voa crucifiet,
Ar groas d’an-neac’hi a oue savet,
Ha plantet eno a sa-son
En he vrassa confusion.
|
reflexion ha peden.
Me hoc’h ador, Salver ar bet,
So diouz an douar gorroet
Evit ma tennot davedoc’h
Quement a so crouet gueneoc’h.
Me a vel ouz ar groaz calet
Ho t[ivr]êc’h [5] gueneoc’h astennet,
Evel pa deuac’h d’hor c’houfia
Da vont d’ho caout d’hor briata.
|
C’houi pere a so afflijet,
Ha c’houi pere a so sammet,
Deut oll devedon, eme c’boui,
Evit ma teui d’ho soulaji.
Mar deuan re c’horrec davedoc’h,
Va Jesus, ma sennit guaneoc’h
Dre liamou ho carantez
En andret ar bec’herien guez.
|
Ra vezo va brassa joa tout
Clasq Jesus C’hrist hac he anaout,
Anaout Jesus crucifiet,
Hep caout plijadur all ebet.
Na blije da Zoue e teuen
D’en em c’hlorifia biquen
Nemet er groas hac er poaniou
A Jesus-Christ hor guir Autrou.
Tad eternel, chetu presant
Nep a ra ho contantamant,
Ho Map quer eo, sellit outâ,
Ma roit din ar pardon dreizâ.
Evit effaci va pec’het,
Ez oe en em humiliet,
O renta deoc’h obeissanç,
Bete mervel ouz ur potanç.
Hon alvocad galloudus eo,
|
Deomp-ni favorabl ho rento,
Rac he-una[n] [6] en deus douguet
Var he gorf er groas hor pec’het.
Me a zeu gant ar publiquen
Bremâ da squei var va feultrin,
Gant regret bras d’am pec’hejou
A so bet caus d’he dourmanchou.
Plijet gueneoc’h, o va Doue,
Dreizan pardoni d’am ene,
He c’hoad a gri en ho presanç
Ar pardon eleac’h ar venjanç.
Grit ma vezo he bassion
Eus va dle ar remission,
Ha ma vezo he c’houliou
D’an ene paour guir remejou. Amen.
|
an unnecvet articl.
D’an oraison Dominical, ar Pater noster.
SEiz goulen a so er Bater
Hac a represant ar seiz guer
Prononcet gant Jesus er groas,
Pere ho deus ur vertus vras.
|
1. Ouz he Dad e comsas quenta,
Oc’h he bidi er fæçon-mâ :
Va Zat, pardonit-hi, m’ho ped,
Rac petra reont ne ouzont quet.
|
2. Pa c’houlen al laer-deou outâ
M’en divise sonj anezâ ;
Hirio, emeza, em barados
E viot guenen o repos.
3. D’he Vam goude pa he guelas,
Gant sant Ian e quichen he groas,
Chetu, emean, ho map a-se,
Ha c’oui, chetu ho mam ive.
4. D’he Dad c’hoaz en em adressas,
O lavaret gant ur c’hri bras :
Perac, va Doue, va Doue,
Hoc’h eus hu va dileset me ?
5. Ar pempet coms oue hou-mâ :
Me am eus sec’het, emeza.
|
6. Ha chetu amâ ar c’huec’hvet :
Oll emezan, eo consommet.
7. Erfin d’ar seisvet, abouez penn
E coms ouz he Dad evellen;
Me recommand, va Zad an eê,
Etre ho taoua[r]n va ene.
Chetu ar c’homsou diveza,
Hac ivez ar re santela,
A oue prononcet var ar groaz
Gant [J]esus, dirac ma varvas.
Hac en enor dar seiz guer-se
Prononcet bet gant Map Doue,
Gant ar belec e leverrot
Ar Bater, humbla ma ellot.
|
an daouzecvet articl.
Pa vez rannet an hostif, ha d’an Agnus Dei.
PA vez an hostif rannet,
Hac un tam er c’halir lequet,
E tisquezeur dre guement se
|
Ar maro criz a Vap Doue.
Rac dreizi e oue separet
Diouz he gorf santel he speret
Hac a zisquennas el lymbou
Evit dilaç an eneou.
|
reflexion ha peden.
En so estrainj, ô va Doue,
E veac’h maro evidon-me !
C’houi pehini a ro ar vuez,
Mervel evit ur pec’her
|
quez
O ! perac ne d’oun-me maro
D’ar c’hic ha d’ar bed var un dro ?
|
Evit beva d’hoc’h hepmuiquen
Hac ho caret da virviquen.
Me ho supli, Salver ar bed,
Dre ar maro hoc’h eus gouzanvet,
D’am dilivra diouz peb danjer
Da goueza er maro eternel.
Oan Doue crucifiet,
A effaç pec’hejou ar bet,
Ho pêt truez ouzomp-ni oll
|
O viret ne d’aïmp quet da goll.
O ! peguement hoc’h eus hu great
Evidon me pec’her ingrat !
Peguement hoc’h eus-hu souffret
Dre ho carantez em andret !
Ha c’hoaz eleac’h anaoudeguez
Evit quement a garantez, etc. Lennit ar rest en articl quenta [7].
|
an drizecvet articl.
D’an Domine, non sum dignus, pe d’ar Gommunion.
PA gommuni ar celebrant,
Meditit an enterramant
A gorf hor Salver benniguet
Eus ar groas pa oue disquennet.
Ar bez so discleriet patant
Dr’er [sic] peultrin eus ar celebrant,
Eleac’h ma loj corf Map Doue,
|
Couls ha ma lojas er bez-se.
Lojit-en ive en ho calon
Dre yoyen ar gommunion :
Ha ma n’hè grit realamant,
Grit-hi spirituelamant.
Ar gommunion spirituel
A gonsist en actou santel,
A feiz, esperanç, carantez
Hac a gontrition ivez.
|
reflexion ha peden.
Evit communia spirituelamant.
GAnt respet bras, ô va Salver,
Hoc’h adoran var an auter ;
|
Eleac’h ma credan fermamant
Ema oc’h cuset er sacramant.
|
O feunteun eus a drugarez !
O sourcen a bep madelez !
M’em eus enoc’h ur guir fizianç
C’houi epquen eo va esperanç.
Me oar erfat ne d’oun quet dîn
E teuac’h da disquen em peultrin,
Mæs dre bo comps, ô va Doue,
C’houi rento salo va ene.
Me ho car a greis va c’halon,
P’hoc’h eus ma c’haret er fæçon
M’az oc’h d’in oll en em roet
Er s[a]cramant-se [8] da voed,
Estranj eo bet va dallentez,
Offansi un seurt madelez ;
Guell ve guenê mil gueich mervel,
Quent ma raën mui pec’het marvel.
Ia va Jesus, m’en a lavar,
Dreist quement tra so me ho car,
Hac em eus c’hoant bremâ ivez
|
D’ho receo gant guir garantez.
Hoguen, ma n’ho recevan quet
Realamant hac en effet,
Dre va desir, certenamant
Er gran spirifuelamant.
C’houi en ul lencer gaër meurbet,
Va Jesus, a oue sebeliet
Ha lequeet en ur bez nevez,
Ambomet eus ar guella c’huez.
Roit d’in, va Salver benniguet,
Ur galon nevez, me ho ped,
Purifiet diouz ar viçou,
Hac ambomet a vertuziou.
Ma vezo ur galon dereat
D’ho sebelia en ur bez neat,
M’en em blijot enni ato,
Oc’h he miret bete’r maro.
Grit ma vezin enoc’h chenjet,
Ma vezimp ur memes speret,
Ha na bermetit quet pelloc’h
E tispartien diouzoc’h. Amen.
|
ar pevarzecvet articl.
D’ar post-communion bete Ite, Missa est.
GOude m’en deveus belec
En Oferen communiet,
Pa zistro ouz ar bobl en dro
Da bidi an Autrou ganto :
|
Sonjit neuse penaus Jesus
A ressuscitas glorius,
Ha da gals en em disquezas
O tigaç dezo ur joa bras.
|
reflexion ha peden.
Perac, va Jesus,va Doue,
Gueneoc’h na ressuscitan-me
Eveus a varo ar pec’het,
Evit beva er c’hras bepret ?
Quement-se digueneoc’h breman
Dre ho maro a requetan,
Ma cunduin ur vuez nevez
O veva en ho carantez.
Rac evit hon tenna a bec’het,
Hoc’h eus ar maro gouzanvet,
|
Hac oc’h ressuscitet goude,
Ma ressuscitimp-ni ive.
O peguement hoc’h eus-hu great
Evidon-me pec’her ingrat,
Ha peguement hoc’h eus souffret
Dre ho carantez em andret !
Ha c’hoaz eleac’h anaoudeguez
Evit quement a garantez, etc.
Evel en articl guenta [9].
|
ar pemzecvet articl.
D’an Ite, Missa est, d'ar Venediction ha d’an Aviel diveza.
D’Ar fin eveus an oferen
E coms ar bellec evellen :
Ite, Missa est, echu e tout
An oferen, iit en ho rout.
Goude adarre pa zistro,
Ar venediction a ro,
O vont neuse da finissa
Dre an Aviel diveza.
Quement se a sinifi scleer
|
Penaus echu gant hor Salver
An œuvr eus hon redamtion,
Ec’h eur[e]u he asçansion.
Pa ro ar belec ar c’honje
D’ar bobl, o lavaret Ite,
Sonjit penaus e lavaras
Jesus, en eê quent ma pignas :
|
It dre ar bed universel,
Emeza d’he oll ebestel,
Evit ma instruot an oll,
Oc’h ho distrei na d’aïnt da goll.
Neuse o pignat en he dron
E roas he venediction
|
D’he zisquibien muia-caret
A voa gantâ en em gafet.
Pa oa Jesus en eê pignet,
He zisquibien [a] [10] ieas dre’r bed.
Evit prezec an Aviel,
Recevet ar Speret Santel.
|
reflexion ha peden.
O va Jesus, carguet a c’hloar,
Ha me stago ouz an douar
Va c’halon, oc’h anaout erfat
Ez oc’h pignet en eê, va Zad ?
Grit ma ho c’heuliin a speret,
Tennit va c’halon eus ar bed,
Na guemerin joa en netra
Eus a guement so er bed-mâ.
O va Jesus, a chom en eê
Var an tron eus ho majeste
Hac a so couscoude presanr
Var an auter er sacramant.
Pa’z oc’h dre zaouarn ar beleg
D’ho tad en em sacrifiet,
Meulet ra viot da jamæs,
|
Ha trugarequeat assambles
Me hoc’h ador, indign ma’z oun,
Hac ho car a greis va c’haloun ;
Mæs, va Jesus, n’ho quitaïn quet,
Na vezin gueneoc’h benniguet.
Bezit evidomp alvocad
Azezed en tu deou d’ho Tad,
Evidomp pedit-en bepret,
Evel m’noc’h eus deomp prometet.
Disquezit dean ho couliou,
Ho coad hac hoc’h oll meritou :
Pa ho guelo, ne allot quet
Hon refusi a c’hraç ebet.
Amen.
|
Action a Graç goude an Oferen.
M’Ho trugareca, va Jesus,
Eus a ur c’hraç quer precius,
|
Da vezâ grêt d’in asista
En hoc’h Oferenen de-mâ.
Me a c’houlen ouzoc’h pardon
|
Eus e guement disfraction
Am eus bet enni em speret,
Ha n’am be quet buan chasseet.
Grit dre ho sacrifiç divin
Diouz peb pec’het ma divoallin,
Dreist peb tra diouz pec’het marvel,
|
Ha ma rin un dervez santel.
Guerc’hes Vari, o va itron,
Va æl-gardien, va faëron,
Oll sænt hac oll ælez eürus,
Meulit evidon va Jesus. Amen.
|
Remerguit penaus, ma n’ho pe quet a spaç da gonsideri quement articl a so amâ diaroc epad an Oferen, e ve a oualc’h consideri un darn epquen anezo, ha lezet an demorant evit ur veich-all. Ar memes tra a dleit da remercout evit an eil fæçon da glevet an oferen, pehini ha velit amâ varlerc’h, oc’h en em gontanti da gonsideri erfat ivez un darn eus ar poenchou a so represantet ebars : rac ne de quet necesser ho consideri oll : quent-se guell eo en em arreti da vedita erfat un arlicl epquen, eguet na ve tremen re vuan dreizo tout hep an devotion a ve requis. Hoguen evit an articl eus ar gommunion spirituel ne ranquer jamæs he dremen ; rac en peb oferen e tleer communia spirituelamant ato, ma n’her greer realamant.
