Deut, Zalver ar bed, diskenet
Oberennoù damheñvel pe handelvoù all zo ivez, gwelout Deut, Salver ar bed.
Aboe Adam kals a dud a heuille Satan. An diluj, tour Babel eilpennet, netra n’o didalle. Kalz a re-al ive a chilaoue mouez Noë, Abraham, Moïzes hag ar Brofeted, pere a gomze deze euz ar Messi prometet gant Doue. Eiizabeth ha Zachari a oa kerent zant Ian-Vadeour.
Diskan.
Deut, Zalver ar bed, diskenet,
Euz a Satan hon dizamet ;
Diskenet deuz ar Baradoz,
Ni zo pelzo ouz ho kortoz.
1. Warlec’h pec’het hon tad kentan
Euz Eden ec’h euz hen skarzet :
Aboe neuze, ni, eveltan,
Nag a daerou hon euz skuillet !
2. Raktal, eneb d’e vugale
An diaoul a stignas e ardou,
Hag an dud paour dallet gante
Enem golle a vagadou.
3. War ar bed kablus, o Doue,
C’houi a ledas dour an diluj ;
Nemet eiz den en Arc’h Noe
Ne oe miret euz an distruj.
4. Ha goude ken spontus kentel
Hon tadou koz a bec’he c’hoaz ;
Nag ho mouez, na gurun Babel
Euz a Satan n’o distroas !
5. En ho madeles koulskoude
Daoust d’hon c’hrimou ec’h esperomp,
O kredi penos hep dale
Ho torn a zavo ac’hanomp.
6. Rak laret ho poa da Adam,
Gant an diaoul pa oe bet trec’het,
E teuje èur Mab hag e Vam
Da flastran e ben miliget.
7. Aboe Abraham a zo brud
E tle eur bugel euz e rum
Zevel e dron e kreiz an dud
Hag endro dezan o dastum.
8. Moïzes hag ar brofetet
A gomz d’imp euz ar bugel-ze :
E c’hloar, e vue hed-ha-hed
A zo bet diskuillet gante.
9. O ! ma vefe gwir ar c’helou
Penos zo bet e Nazareth
Eun arc’hel a beurz an Otrou
Gant eun neventi kaer meurbet !
10. Elisabeth ha Zachari
Daou zervijer braz da Zoue
Wardro gant ar Werc’hes Vari
A n-euz kanet zoniou neve....
11. « Doue Israël, emeze,
D’ho hano mil ha mil benos !
Roet ec’h euz d’imp hon Roue,
N’ez euz ken ezom d’hen gortos ! »
12. Kenkent ha ma vezo ganet,
Ele, pastoret, rouane,
Deut d’hen adori, ha kanet
E c’halloud hag e garante !
K. G.