|
FABL 61.
Ar Verienen hac ar Zardonen.
|
Pa voa ar goanvàn o commanç
Ar verienen a chaz d’e granj
Ar guinis a voa dastumet
En pad an ànvez tremenet.
Ar zardonen a gommanças,
Pa voele, da vlam ar venach,
Hac e tosteez neuse zouden
Da c’houl diganti eur c’hreunen.
Ar verienen a lar : perac,
N’en em lacqez da labourat
Dre ma exempl, en pad an ànv,
D’en em brepari d’ar goanvàn ?
Eben a respontas : en ànv
Ec’h e e c’hamzer da ganàn.
Ar verienen oc’h ober goap
A lavaras dei a dro vad :
Pa e guir e rez evel-ze
En pad an ànv an didalve,
Ha ne rez nep sort labour-all
Nemet o canàn ha bragal,
Bremàn dre voir droet, pa out scaon,
E cleez mervel gant an naon.
Sans moral.
Entre ma zomp crèn hac en oad
E c’heo gleet demp labourat,
Rac pa vo uzet hor c’horfo
E vezo fin d’al labourio.
|
————
|
