Ann Durzunel

Eus Wikimammenn
Aller à la navigation Aller à la recherche

Oberennoù damheñvel pe handelvoù all zo ivez, gwelout An durzunel‎.

J. Maisonneuve ha Ch. Leclerc, 1889  (p. 151-250)


ANN DURZUNEL



Kalz a amzer ’m euz kollet o furchal ar c’hoajo,
O klask surpren eunn durzunel kousket war ar branko ;

Dewet am euz ma amors, et e ma zenn da fal :
Achapet ann durzunel ha ninjet ’n eur c’hoad all.
'"`UNIQ--postMath-00000001-QINU`"'
Bis.

Deuz ann noz ha d’ar beure o klewet lapoused
O kanan, o fredonin, da veg ar gwe pignet,
N’an euz hini anez-ho hag a bik ma c’halon
Evel mouez ann durzunel o oelan d’he mignon :

— N’euz na souten, na remet, na konsolasion
Ve kab da dond da galmin tourmancho ma c’halon ;
Fraillet on gand ar glac’har, mond a ran da verwel :
Met na varwin ket kontant, ma na varvan fidel.

Ma c’halon zo ’tizec’hin fraillet gand ar glac’har,
Evel d’eunn intanvez paour kollet ganti-hi he far. —
N’an euz hini anez-ho hag a bik ma c’halon
Evel mouez ann durzunel o oelan d’he mignon.


Petra, turzunel iaouang, a dourmand da galon ?
Kollet am euz, emez-hi, ma fidelan mignon.
Gant ma dai ar chaseer da ober d’in merwel !
Met na varwin ket kontant, ma na varwan fidel. —

Mizilour skler ha brillant deuz ar fidelite,
Ar model ar sinseran demeuz ar garante !
— Me na varwin ket kontant, ma na varwan fidel.
Birwiken na dizonjin maro ann durzunel.



Chanté par Jeanne-Yvonne Le Rolland et Joséphine Tanguy, de Lammerin.


SON ANN DURZUNEL
CHANSON DE LA TOURTERELLE
Ar skridoù-sonerezh zo diweredekaet evit poent.


————