Ur galand trompet

Eus Wikimammenn
Sauter à la navigation Sauter à la recherche
Revue de Bretagne et de Vendée, 1892
◄   Er vatèh Perrinig Ur galand trompet é choéj ur vestréz Er handerw fal   ►



UR GALAND TROMPET


É CHOÉJ UR VESTRÉZ


————


Les partitions musicales sont temporairement désactivées.



1. Ketan boé choéjet me hani,
Oé ér filaj é Keralbri.

2. E Keralbri, é ti Cosmant,
Un noz em boé choéjet me hoant.

3. M’hi guélas inou é néein,
Ha kentéh hi e blijas d’ein.

4. Mé oueit ha goulennet guet-hi :
« Plahig, ha diméet oh-hui ?


5. — « Penaus vehen mé diméet ?
« Ne mès cavet galand erbet.

6. — « Ha hoah é on iouankik flam,
« Ha marw é me zad ha me mam.

7. — « Marw é me mam, marw é me zad,
« Me zou minouréz idan gouard ;

8. — « Minouréz é terhel tachen ;
« Gued men gouard querhet t’em goulen.
 
9. — « Mœz neoah dehou quent tostat,
« Gorteit ma vou én imur vat.

10. — « En ti men, bonjour e laran,
« Kérclouz d’er houh ha d’er iouank

11. — « Kerclouz d’er houh ha d’er iouank.
« Ha d’er boulom é korn en tan.

12. — « Boulomig kouh é korn en tan,
« Hou minouréz e houlennan.

13. — « Mar dé ’r vinouréz e glasket,
« E ma hoah en hé hambr cousket.

14. — « Ha hi e lar ne saüou quet
« Ke ne sonou cloh en Drindet ;

15. — « Ke ne sonou cloh en Drindet
« En eil son d’en overen bred.

16. — « Ma vou en heaul é lein er gué,
« Ma huélou gobér hé gulé.

17. — « Beta bedig er gospereu,
« Ma tei en heaul ar en trezeu.


18. « Ma tei en heaul ar en trezeu,
« Ma huélou bloukein hé boteu ;

19. « Ma huélou bloukein hé boteu,
« Ha displég ol hé seienneu.

20. « Ha displég ol hé seienneu,
« ha frizen hé dentillenneu ;

21. « Ha frizen hé dentillenneu,
« De honet d’en han d’er festeu ;

22. « De honet d’en han d’er festeu,
« Ha d’er gouian d’er filajeu.

23. « Boulom e zou é korn en tan,
« Kenavo d’oh hui e laran.

24. « Gouarnet gued-n-oh hou minouréz ;
« Vou quet hi e vou me mestréz.

25. « Mar keméran mé ur vestréz,
« Sur n’hum bou quet ur gouskerez,

26. « Mœz ur plah a gondition vat,
« Hag e vou duèh de labourat,

27. « Hag e vou duèh de labourat,
« E saüou bamdé mitin mat ;

28. « E hrei suben, e hrei crampoah,
« Hag e houiou derhel tigueah. »



————