Son zoudard (2)

Fañch an Uhel

Soniou Breiz-Izel

Emile Bouillon, 1890  (Levrenn II, p. 266-268)

SON ZOUDARD

____

   Tri fôtr iaouanc deuz ar c’hontre
A zo partiet d’ann arme ;

   Ho zri d’ann arme partiet,
Hac ho zri ec’h int glac’haret,

   Abalamour d’ho mestrezed,
Pere a zo er gêr chommet.

   Ar iaouancan deuz anezhe
A deu da c’houlenn he gonjè :

   — Conjè, cabitenn, a c’houllan,
Ewit monet d’ar gêr breman,

   Na da welet ma dous, Annan
Am eus clewet lâret zo clanv.

   Az zoudard iaouanc a lâre,
’N ti he vestrès pa arrie :

   — Demad ha joa ’bars en ti-man !
Ma dous Annan, pe-lec’h e-man ?

   He c’hoar Mari a oa en ti
A respontas neuze ’wit-hi :

   — Anna ’zo marw ha douaret,
Hac ive ma c’hoar all Jannet.

   — M’ê marw Anna, n’ê ket gant joa,
Met gant keun d’ ’n amourous ’defoa !

____________