Son va Mestrezig

Eus Wikimammenn
Sauter à la navigation Sauter à la recherche
Armorica, 1935  (p. 61-63)



SON VA MESTREZIG
————



\version "2.18.2"
\relative c'{
  \time 2/4
  \partial 16*5
  d16 d c d d f8 e16 d d8 c16 d | f8 e16 f g a g e | \break
  g8 f16 e d8 e16 f | \autoBeamOff d8. d16 \autoBeamOn d c d d | f8 e16 d d8 c16 d | \break
  \autoBeamOff f8 e16 f \autoBeamOn g a g e | g8 f16 e d8 e16 f | d8. \key f \major  \bar "||" a'16 a bes a g | \break
  a8 e16 f g a g e | f8 e16 a a bes a g | a8 e16 f a8 g16 f | \break
  \autoBeamOff e8. a16 \autoBeamOn a bes a g | a8 e16 f g a g e | f8 d16 d e f g e | \break
  g8 f16 e d8 e16 f | d4 \bar "|."
}
\addlyrics {
  Me zo ga -- nin o ve -- va, o ve -- va, o ve -- va, Me zo ga -- nin o
  ve -- va eur ves -- tre -- zig flamm, Trô -- et eo war an e -- va, an e -- va, an
  e -- va, Trô -- et eo war an e -- va, ne zebr ket eun tamm; N’eo ket deus ar re
  de -- va, Na gwis -- ket deus ar bra -- va, N’eo ket deus ar re de -- va, Treut eo vel eur
  vaz, N’eo ket deus ar re de -- va, Na gwis -- ket deus ar bra -- va, Na gwis -- ket deus ar
  bra -- va, ba -- le ra en noaz __
}
\layout {
  indent = #00
  line-width = #160
  ragged-last = ##t
}
\midi {
  \context {
    \Score
    tempoWholesPerMinute = #(ly:make-moment 85 4)
  }
}
\header { tagline = ##f }


Me zo ganin o veva, o veva, o veva,
Me zo ganin o veva eur vestrezig flamm ;
Trôet eo war an eva, an eva, an eva,
Trôet eo war an eva, ne zebr ket eun tamm.
N’eo ket deus ar re deva,
Na gwisket deus ar brava,
N’eo ket deus ar re deva, treut eo vel eur vaz,
N’eo ket deus ar re deva,
Na gwisket deus ar brava,
Na gwisket deus ar brava, bale ra en noaz.

Tri-ugent vloa tremenet, tremenet, tremenet,
Tri-ugent vloa tremenet emomp asamblez ;
Ha n’am eus biskoaz mennet, na mennet, na mennet,
Ha n’am eus biskoaz mennet kuitât va mestrez ;
Na tad, na mamm na pried
N’o deus bet va aliet,
Na tad, na mamm na pried, na breur na bugel,
Na tad, na mamm na pried
N’o deus bet va aliet,
N’o deus bet va aliet da zont d’he lezel.

Va mestrezig a labour, a labour, a labour,
Va mestrezig a labour hep eun tenn alan ;
Eus tomm pe yén, pe glebour, pe glebour, pe glebour,
Eus tomm pe yén, pe glebour morse ne ra van.
N’anve na kaoñ na kléñved,
Ne vê na drouk na jenet,
N’anve na kaoñ na kléñved, na poan na skuizder,
N’anve na kaoñ na kléñved,
Ne vê na drouk na jenet,
Ne vê na drouk na jenet, ato vê zeder.


Redeg a ra ken buhan, ken buhan, ken buhan,
Redeg a ra ken buhan evel soñj an dén,
Dre garéñchou ken bihan, ken bihan, ken bihan,
Dre garéñchou ken bihan ha beg ar spilhenn ;
Goùt a oar trôidellat,
Goùt a oar kammigellat,
Goùt a oar troidellat a-dreuz hag a-hed,
Goùt a oar trôidellat,
Goùt a oar kammigellat,
Goùt a oar kammigellat da heul ar spered.

Va dousig a oar tevel, ha tevel ha tevel,
Va dousig a oar tevel pa vê mad ober ;
Ne lak he mouez da zevel, da zevel, da zevel,
Ne lak he mouez da zevel ’med reujado berr ;
Neuze ’vat e oar kana,
Diskana ha mouskana,
Neuze ’vat e oar kana pa gomz an Aouen,
Neuze ’vat e oar kana,
Diskana ha mouskana,
Diskana ha mouskana pa zon an Delenn.

Meur a bennad plijadur, plijadur, plijadur,
Meur a bennad plijadur am eus bet ganti,
Hag e kavfen dinatur, dinatur, dinatur,
Hag e kavfen dinatur ober disparti ;
Lakit ’ta, va mignoned,
Pa vin er bez diskennet,
Lakit ’ta, va mignoned, da hun em c’hichen,
Lakit ’ta, va mignoned,
Pa vin er bez diskennet,
Lakit ganin da gousket va zammig pluenn.


————