Son ar Gwin-ardant

Eus Wikimammenn
Sauter à la navigation Sauter à la recherche
Armorica, 1935  (p. 58-60)



SON AR GWIN-ARDANT
————



\version "2.18.2"
\relative c'{
  \time 2/4
  \autoBeamOff
  \partial 8*1
  e8 a b c([ b]) | a4 g8 g | e4. e8 | a b c([ b]) | \break
  e([ d]) c b | a4 r8 a | \time 3/4 c8 d e e d c | \time 2/4 b4. a8 | \break
  \time 3/4 b8 c b a a gis | a4 e~ e8 a | b c b a a gis | a2. \bar "|."
}
\addlyrics {
  Am -- zer oa bet __ hag e re -- nê En Breiz du -- ked
  pe rou -- a -- ne, Bre -- mañ n’an -- ve -- er ken a -- nê, Hag
  eur rou -- e zo koul -- skou -- de, gê! E c’hal -- loud o kres -- ki bem -- de __
}
\layout {
  indent = #00
  line-width = #130
}
\header { tagline = ##f }


Amzer oa bet hag e renê
En Breiz duked pe rouane ;
Bremañ n’anveer ken anê ;
Hag eur roue zo koulskoude,
Gê !
E c’halloud o kreski bemde.

Amzer oa bet hag e stouê
Pennou Breiziz dirak Doue
Bremañ war o farlochou tre,
War o c’hein pe war o gourve,
Gê !
E pedont o Doue neve.


Amzer oa bet hag e vijê
Eur wech ar bloa ar meurlarje ;
Bremañ raer aneañ bemde
Tra ma pad an tammig danve,
Gê !
Tra ma chom gwerzig eur banne.

Amzer oe Breiziz a larê
Ne drec’hjê seurt war o gourre ;
Bremañ, dinerz evel eur préñv,
Diskaret gant an hini kréñv,
Gê !
Koue potr Breiz war e benn a-dréñv.

Amzer oa bet Breiz a zavê
Pejou tud, pejou bugale ;
Bremañ, diwad ha didalve,
Vê tammou tudigou vel-se, (an dorn raez ar glin)
Gê !
Poan an diaoul o welout anê.

Amzer oa bet Breiz a vagê
Tiegeziou a garante ;
Breman vê lac’hadeg gantê,
Bugale, gwazed ha gwrage,
Gê !
Sodet holl gant an hini-krê.

Amzer oa bet Breiziz a rae
Korfadou jistr ha chufere ;
Bremañ ’ brizont ken an traou-ze
Balamour, o tremen aze, (an dorn raez ar bruched)
Gê !
’Skrabont ket vel an hini-krê.


Amzer oa bet hag e varvê
Breiziz evid o librente ;
Bremañ vent gant an hini bae
Ha gant an hini vout ennê,
Gê !
Ar brasa kofad hini-krê.

Amzer da zont, lec’h ma kanê
Ken dudius war he mene,
Breiz a ouelo kichen eur be
’N eul luskellat he bugale,
Gê !
Lac’het holl gant an hini-krê !


————