Quenta quevren - An navet Meditation hac ar seitecvet Chabistr
Youen-Yan-Lois Derrien, 1779-1792 (?) (p. 57-60)
1. En em liquit e presanç Doue. 2. En em humiliit dirazàn ha pedit-èn d’hoc’h inspira.
1.
N em imaginit penaus emaouc’h en ur mesyou bras hoc’h-unan gant hoc’h Eal-Gardien , evel ma edo map Tobias o
vont da Rages, hac e tisquez deoc’h ouz an eac’h ar Barados digor gant ar plijadurezou a so represantet er Veditation pehini hoc’h eus great diaraoc var ar Barados : neuse diouz traoun e tisquez deoc’h an Ifern digor gant an oll dourmanchou discrifet diaraoc e Meditation an Ifern.
2. O veza en em retiret evelse dre imagination er blacen ledan-se gant hoc’h Eal-Gardien, hac en em lequeat d’an aoulin dirazàn, considerit, evel ma zeo guir, penaus emaouc’h e creis etre ar Barados hac an Ifern, hac ez e digor an eil hac eguile evit ho receo, hervez ar choas ho pezo great.
3. Considerit penaus ar choas ho pezo great eus an eil pe eguile er bet-mâ, a bado eternelamãt er bet-hont ; ha peguement bennac ma ve digor hac an eil hac eguile eus an daou leac’h-se d’ho receo diouz ho choas, na mui na meas Doue, pehini a so disposet da rei deoc’h pe an Ifern dre e justiç pe ar Barados dre e drugarez, a zesir cousgoude gant ur c’hoant ar brassa e choassac’h ar Barados, hac hoc’h Eal-mad a zeu d’ho pressi a guemense muia ma ell, oc’h offr deoc’h aberz Doue cals a c’hraçou hac a voyenou d’ho sicour da bignat eno.
4. Jesus-Christ a sell ouzoc’h eus an Eè favorablamant, hac a zeu d’ho couvia gant douçder : Deus, ene quer, deus d’ar repos eternel etre an ivrec’h eus va madelez pehini e deveus preparet dit ar plijadurezou eternel en abondanç eus e c’harantez. Sellit gant ho taoulagad interieur ar Verc’hes santel oc’h o couvia ivez ec’his ur Vam vad : couraich, va map pe va merc’h, laca evez na zispriches an desir en deveus va Map Jesus d’as savetei, ha na negliches an huanadou pere a dennàn-me var da sujet ; rac un hast bras hon eus hon daou evit da silvidiguez eternel. Clevit ar Sent oc’h ho courachi hac ur milioun a eneou santel oc’h ho quervel amiablamant da vont en o c’hompagnunez, o veza n’o deveus quen desir nemet da velet unan an diziou-mâ ho calon unisset gant o hini evit meuli Doue da jamæs, hac oc’h assuri deoc’h penaus ne d’e quet hent an Eê quen dies evel ma er gra tud ar bed. Hardimant, nepoan, emezo, ene devot, hor mignones guer ; nep a gonsidero ervat an hent eus an devotion pe dre hini ez oum-ny pignet amâ, a velo ervat ivez ez oum-ny erruet er plijadurezou infinit-mâ dre blijadurezou-all agreaploc’h hep comparæson eguet re ar bed.
1. O Ifern milliguet, me a renonç dit bremâ eternelamant, detesti a ràn da oll dourmanchou ha da eternite maleürus, ha dreist peb tra ar blasfemou hac ar maledictionou eternel-se pere a vomisses continuelamant a enep va Doue. Hac o tistrei va c’halon ha va ene ouzoc’hu, o Barados caer, o gloar eternel, o eürusdet perpetuel, e choasàn evit mad hac evit jamæs va demeuranç en ho tiez caer ha sacr, en ho Tabernaclou santel, pere a so da veza desiret quement. Benniguet, o va Doue, ra vezo ho trugarez, peveus a hini ec’h acceptàn an offr a blich gueneoc’h da ober din. O va Jesus, va Salver, accepti a rân ho carantez eternel, hac ec’h avouàn ez e c’hui hoc’h eus acquisitet evidon ur plaç hac ul logeis er Jerusalem eürus-se evit ho caret hac ho meuli da jamæs.
2. Acceptit ar faveuriou a bresant deoc’h ar Verc’hes hac ar Sent ; prometit dezo penaus e querzzot hivisiquen varzu-ac-enno ; astennit ho tourn d’hoc’h Eal-mad, evit ma ho cunduo d’y, ha roit couraich d’hoc’h ene da zerchel mat d’ar choas-mâ,