Quenta quevren - An eizvet Meditation hac ar c’huezecvet Chabistr
Youen-Yan-Lois Derrien, 1779-1792 (?) (p. 54-57)
1. En em liquit e presanç Doue.
2. Pedit-èn d’hoc’h inspira.
1.
Onsiderit un nosvez gaer ha sclear, ha songit peguen ebat vez neuse guelet an Eê gant ar gantite-se a Steret a bep seurt, ajoutit bremâ ar guenet-se eus a un nosvez gaer gant ar guenet eus a un devez caer, en hevelep-fæçon na zeuhe quet ar sclerder
eus an Heaul da ampech na vellet sclear ar Steret hac al Loar ; ha livirit goudese hardimant penaus an oll guenet-se hac an oll agreabldet-se eus a un nosvez hac eus a un devez caer lequeat assambles ne de betra e comparæson d’ar guenet excellant eus ar Barados. O èn so al leac’h-se da veza desiret ha da veza caret ! o èn so precius ar Kear-se !
2. Considerit an noblanç, ar guenet hac an niver bras a vourc’hifyen hac a habitantet eus ar vro eürus-se, ar mil miiionou-se a Elez, a Cherubinet hac a Serafinet, an assamble-se a Ebestel, a Verzeryen, a Gonfessoret, a Vercheset hac a Itrounezet santel, ne deus niver dezo. O peguen eürus eo ar gompagnunez-se ! An disterra anezo tout a so caerroc’h da velet eguet ar bed universel : petra vezo’ta o guelet oll assambles ? Mæs, va Doue, y so eürus ! ne baouesont o cana ar c’hantic douç eus ar garantez eternel : bepret e chouiffont eus a ur joausdet ferm : ur gontantamant a ro an eil-re d’o hentez anezo hac a so estrainch, hac e vevont er gonfolation eus a un union eürus pehini ne ouffet quet da derri.
3. Considerit erfin pebez mad o deveus oll o chouissa eus a Zoue pehini a zeu d’o gratifia ha d’o rejouissa evit jamæs gant e sell carantezus, pe dre hini e scuill en o c’halonou un abym a joa hac a levenez. O hennez eo ar mad da un den, beza da viquen unisset gant e Brinç ! emaint eno ec’his laboucet eürus o nigeal hac o cana da jamæs ebarz en ear eus an Divinite pehini o ranferm tro-var-dro evel en ur mor infinit a bligeadurezou : eno emaint paravia hep ambition ebet o cana meuleudi d’o C’hroueur. Benniguet ra viot da jamæs, hor C’hroueur hac hor Salver douç ha carantezus, emezo, c’hui pehini so quer mad deomp hac a zeu da gommunica ouzomp ho cloar gant quement a liberalite. Ha Doue ivez eus e gostez a veul hac a vennig e oll Sent gant ur venediction perpetuel : Benniguet ra viot da jamæs, emezan, o va c’hrouaduryen guer, c’hui pere hoc’h eus va servichet hac am meulo-me gant quement a garantez hac a gourach epad an eternite.
1. Admirit ha meulit ar vro celestiel-se. O c’hui a so caer, va Jerusalem guer, ha peguen eürus ê hoc’h habitantet-hu !
2. Rebechit d’ho calon an nebeut a gourach e deveus bet bete vremâ da guezet en hent eus an demeuranç glorius-se. Perac oun-me bet distroet ha pelleat quement diouz va eürusdet souveren ? Miserabl ma zoun, evit pligeadurezou quen dister ha quer chagrinus em eus mil gueich ha mil-all renoncet d’ar bligeadurezou infinit-se. Pebez speret am boa-me o tisprifout madou pere a so da veza quement desiret, evit desirou pere a so quer vean ha da veza quement dispriget ?
3. Ho pezet un desir hac un hast bras evit an demeuranç agreabl-se Pa ze pliget gueneoc’h, va Autrou mad ha souveren, rei din ar c’hraç da zistrei en hent eus ho courc’hemennou, non jamæs mui ne din var va c’his. Deomp eta, va ene quer, deomp etrese ar repos eternel-se ; querzomp etrese ar vro benniguet-se pehini a so prometet deomp. Petra reomp-ny en Egypt maleürus-mâ ?
Me lacaï va foan eta d’en em viret ouz an dra-m’an-dra pehini am distro hac am retard en hent da vont d’am bro : me a raï an dra-m’an-dra, ar pez a ell va c’hundui etrese hac eno. Trugarecaït, offrit ha pedit , &c.