Pez a gar ar Breizad

Armorica, 1935 (p. 13-14)

PEZ A GAR AR BREIZAD

————

$\version "2.18.2" \relative c'{ \time 2/4 \autoBeamOff \partial 8*3 a'8 a d a4 g8 g | f4. g8 | a g f e | d\fermata a' a d | \break a4 g8 g | f4. g8 | a g f e | d f e f | d4 e8 f | \break e4 f8 g | a a[ g] f | e a a d | a4 g8 g | \break f4. g8 | a g f e | d4 \bar "|." } \addlyrics { Ba -- le -- et ’meus ke -- ment bro zo bru -- det dre ar bed, Bro -- iou tomm ha gwas -- ke -- det, ha pin -- vi -- dik meur -- bet, Met neb lec’h ne ’meus ka -- vet par da vro ma c’ha -- vel, Kae -- ra bro ’zeus er bed -- mañ eo va bro Breiz -- I -- zel } \layout { indent = #00 line-width = #140 ragged-last = ##t } \header { tagline = ##f }$

Baleet ’m eus kement bro zo brudet dre ar bed,
Broiou tomm ha gwaskedet, ha pinvidik meurbed ;
Met neb lec’h ne ’meus kavet par da vro ma c’havel,
Kaera bro’z eus er bed-mañ eo va bro Breiz-Izel.

Gwel’t am eus gwez ken uhel evel tour Landreger
O sevel sounn ha lorc’hus o divrec’h kreiz an êr ;
Vel kent e karan muioc’h klevout son an avel,
En dervennou koz manek dre goajou Breiz-Izel.

Gwel’t am eus ar merc’hed koant a ren er c’hêriou braz,
Ar re ’n em lac’h ar wazed vid o daoulagad glaz ;
Koulskoude, flour o jodig ha ru-gwad o muzel,
Eo koantoc’h vid ar re-ze pôtrezed Breiz-Izel.

Tridet he deus va c’halon, c’hoarzet va daoulagad
Dirak bleuniou burzudus, bleuniou leun a c’houez-vad ;
Gant muioc’h a blijadur e tolan c’hoaz eur zell
War ar bleuñ aour a lugern dindan heol Breiz-Izel.

Gwel’t am eus an traou neve bet zavet er c’hêriou,
E chomê darn dirazê digor frank o genou ;
Nebeut éñvor koulskoude a zalc’h an Tour Eiffel
’Kever ar vein milvloaiek ’n o zav en Breiz-Izel.

Klevet am eus kanerien, kanerezed dispar,
Meulet braz hag anveet e pep korn an douar ;
Met pegement eo bravoc’h, ’lein ar menez uhel,
Hollaika ’r maeserien en yez koz Breiz-Izel !

Klevet am eus bet ive, e-kreiz an noz du-dall,
Dreist ar blenenn spouronnet al leon o yudal ;
Spontusoc’h c’hoaz eo klevout ar c’horn-boud a vrezel
O c’hervel d’an emgannou pôtred stard Breiz-Izel.

Vit hon goabrenn da veañ koumoulus a-wechou,
Hon lann da veañ dreinek ha treitour hon ôchou,
Ar wella bro da vevañ, an dousa da vervel,
An hini garan dreist holl, eo va bro Breiz-Izel.

————