Penaus é téliér receu er-ré e fal dehai antréein én Urh

Eus Wikimammenn
Sauter à la navigation Sauter à la recherche


EIL CHAPISTR.


Penaus é teliér receu er-ré e fal dehai antréein én Urh.

1.°
A P’HUM bresantou unan-benac de oulen en habit, en nemb e vou destinet d’en examinein e atterçou é stat, é vacation ; ean e zisclæriou dehou, pé dehai, en ol gourhemeneu ag er règl, hac é spécial en obligation indispansabl de vihuein é caranté guet en oll ha de zaccor er péh e zeliant. Goudé quement-cé mar fal dehou quemér en habit ag en Urh, é vou reit dehou revé er mod ordinær ; ha mar en dès madeu d’en nessan, ean ou zaccorou hemb tardein, pé én argant pé é rein gageu eit assurance ag é zelé. Ret-é ehué ma reï é beah hac amitié guet é nessan, mar dès caz étré-zé.

2.° A p’en dou groeit quement-cé, ha ma vou achihuet er blai ag é noviciat, mar er hav er verdér mad de vout receuet, ean e reï profession, én ur grateah e virou ol gourhemeneu en Eutru Doué, hac e reï er penigenneu jaugeabl eit er péh en dou manquet ag é règl, revé conseilieu en Directour. Er promesseu-zé e vou scrihuet dré zeorn un dén publiq. Hanni ne vou receuet én ur mod aral, nameit a ean vehai necessær goudé en dout chonget mad.

3.° Open ni e ordren hac e gommand d’er-ré antréet én Urh n’elleint quet mui sortiein ér mæz a nehou eit retournein d’er bed. Neoah er verdér e éel bout Menéh pé Léannéset én un Urh aral.

Er merhet diméet e garou antréein én Urh-men, e vou obliget d’en dout irrauc cousantemant ou friædeu.

Explication.

N’en dé quet assès en dout ur fé pur eit bout salvet, ret-é hoah gobér en œvreu e ordren er fé. Er fé hemb en obéreu e zou ur fé marhue, emé en Apostol sant Jacq (Ch. 2.) Rac-cé open er fé, ret-é hoah ma vou er verdér disposet de héli ou règl durand ou buhé.

Sant Françæs e ra tri article ér chapistr-men : er hettan e ordren d’er Supérioret leinnein er règl d’er postuland pé d’er postulandès (de laret-é, d’er-ré e oulen en habit), eit ma uéleint a int ou dou er guellet, en oar hac el liberté d’hé héliein durand ou buhé, pé ahoel d’obér er péh e vou reit é troc eit er péh n’elleint quet gobér ; rac ret-é bout diaviz eit quemér ur stad hemb en hanàuein. Drest peb-tra, quênt bout receuet, é teliér gobér deu dra : er hettan, ret-é restituein ol er péh e zeliér d’en nessan a balamort d’en dommage groeit dehou. En eil, ret-é gobér er peah hac en amitié guet en nessan, mar dès caz pé yeinnion étré en eil hac éguile.

Mar fal demb gobér un dra-benac agreabl d’en Eutru Doué, pé offrein dehou ur sacrifice, emé sant Bernardin, é teliamb quettan gobér satisfaction d’hun nessan a hun ol guellet. Sant Augustin e lar é ma faus er benigen, durand ma chom étré hun deorn madeu hun nessan ; ha sant-Ambroès e assur dré guement-cé, penaus en hani ne zaccor quet é zelé, n’en dès quet doujance Doué, na ne ouair quet petra é gobér ur gùir benigen. Conzeu er Sænt-zé e zisq demb en en dès bet sant Françæs ræson de ordrennein ne vou receuet dén én Urh a benigen, ma n’en dé gouli é zeorn a vadeu é nessan.

Open ou haloneu e zeli bout consacret de Zoué dré ur garanté courajus e reï dehai ancoéhat en ol anjulieu ou dou receuet, ha memb goulen er peah hac amitié guet er-ré en devai groeit poén dehai hac en devai hoah caz doh t’ai, eit ou gouniein de Zoué, revé conseil hun Salver én aviel : mar doh prest-cair, e m’ean, d’obér hou sacrifice, ha mar da chonge deoh en en dès hou nessan un dra-benac (de laret-é, caz pé yeinnion) dohoh, lausquet hou sacrifice doh troêd en autær ha quêrhet d’obér hou peah hac hou ç’amitié guet-ou, ha deit goudé d’offrein hou sacrifice de Zoué. Goudé ma vou bet receuet er postuland pé postulandés guet en dispositioneu-zé, é vou reit dehai ur blai d’hum assaïein, hac int e virou ol er règl durand er blai-zé, guet eah ne arriuehai guet-ai er péh e lar hun Salvér én aviel : un dén en doai commancet un édefice cair hac el lauscas darn.

A pe vou achihuet blai en noviciat, er Supériorés e guemérou avis en hoéreset, d’er bihannan hani en discrettan, eit goùt a ean e vérit en novice bout laqueit d’obér profession, ha mar bai cavet mad, en Directour e verchou dehi pé dehai en dé hac el léh, hac hé exhortou d’hum breparein dré ur retræd, ha ma ne el gobér ur retræd, d’obér ahoel ur covézion general, eit bout gùel ér stad de bourfitein ag er græceu bras e ra en Eutru Doué guet abondance ér cérémoni cair-zé d’en ineanneu disposet mad. Rac-cé é teliant gobér ou fossibl eit bout preparet de ouni en induljanceu pléniér en dès reit er Pab Léon X ha Paul V, d’er verdér en dé ma quemérant en habit hac en dé ma rant profession.

Mar arrihue guet un novice ur hlinhuet dangerus, pé ur voyage hir bras durand er blai ag en noviciat, en novice-zé e ellou goulen guet en Directour permission d’obér profession eit gouni quênt er marhue er græceu hac induljanceu e ra en Ilis d’er-ré e ra profession ; mæs dré condition ma reneuéou en novice-zé é brofession revé er gustum ordinær ér fin ag er blai, ag é noviciat goudé ma vou guelleit dehou pé dehi. En Directour e el, a p’en dès ur ræson, permettein gobér profession é secret. Er verdér e zeli en dout peb-hunan é brofession scrihuet guet un dén publiq pé guet en Directour, sinet guet er Supérior pé Supériorés, ha guet en hani e receuér, ha guet en Directour, eit chervige dehou de zegasse perpet chonge dehou ag en angagemant en dès queméret a nehué ne zistroeï mui doh er bed ; de laret-é, ne vihuou mui èl el lod muihan ag en dut ag er bed, péré e zisinour santéleah ou badient, é héli custumeu er bed, plijadurieu er horf, en orgueil hac en avarice, e zou huéhet hac alumet é calon en dut guet er goal-spéret aveit ou hol

ACT A BROFESSION.

Eit brassan gloër en Eulru Doué ;
Eit inour er Uériés-Vari beniguet,
Hac hani en Tad-Seraphiq sant Françæs.


NI sinet izelloh, brér N. Directour spirituel er verdér ha hoéreset ag er gongrégation établisset én Ilis a hun houvant, a balamort d’en obligation en dès en ol grechénion de zisclæriein vertu ou berdér ha de gonz ag ou œvreu mad ; obligation e sàu ag er garanté doh en nessan, ha dré en desir hun nès d’obér en devér a hun harg, péhani hun oblige de rein d’er verdér ag en Urh a benigen un act-lis a ou brofession én Urh santel-zé, ni e zisclær hac e certifi penaus en hoér (Mari) en dès receuet devotemant en habit ag en drivet-Urh a benigen é chapél er gongrégation, er hettan dé ag er blai mil seih cant dec ha puar-uguênt ; ha goudé en dout miret perhuéh er règl guet un devotion capabl de rein exampl d'en ol durand er blai a hé noviciat, hi en dès groeit profession en huéhvet dé a guenvér ag er blai mil seih cant unec ha puar-uguênt, én ur gontinuein hoah bamdé de gresquein hé mériteu dré en observance perhuéh ag er règl, ha de rein en exampl vat d'en ol hoéreset dré ur hrescance a garanté doh Doué hac a charité doh en nessan. É testoni a guement-cé ni hun nès sinet er présant act ha cachetet guet cachet en Urh, er memb dé ha blai èl irrauc.

Ret-é ehué remerquein n’en dé quet permettet quittat en drivet-Urh a benigen eit monet ér ré-ral groeit haval doh honnen hac ar é lerh, na memb quittat ur gongrégation eit un aral hemb permission.