Pedenn da Santez Anna Wened

Armorica, 1935 (p. 9-10)

PEDEN
DA SANTEZ ANNA WENED

————

$\version "2.18.2" \relative c'{ \time 6/8 a'4. e4 a8 | a4.( g4) e8 | a4 g8 a4 b8 | c4.~ c8 r8 r8 | c4. g4 a8 | \break g4.~ g4 f8 | e4 d8 c4 d8 | e4.~ e8 r8 r8 | c'4. b4 a8 | b4.~ b4 b8 | \break d4 c8 b4 a8 | a4.( g8) r8 r8 | a4. e4 fis8 | g4.~ g4 fis8 | \break g4 b8 a4 g8 | a4.~ a8 r8 r8 \bar "|." } \addlyrics { Mamm da Va -- ri, mamm goz da Vab Dou -- e, __ Pri -- zit war Vreiz tol eur zell a dru -- e, __ Ho pet éñ -- vor, San -- tez An -- na We -- ned, __ E -- moc’h i -- ve mamm an holl Vre -- zo -- ned. __ } \layout { indent = #00 line-width = #123 ragged-last = ##t } \header { tagline = ##f }$

Mamm da Vari, mamm-goz da Vab Doue,
Prizit war Vreiz tol eur zell a drue :
Ho pet éñvor, Santez Anna Wened,
Emoc’h ive mamm an holl Vrezoned.

Hon stad zo kriz, hon labouriou kalet,
Ha paourente noz-de ’kogn an oaled ;
C’houi eo hon mamm, Santez Anna Wened,
Dalc’hit nerzus kalon ho Prezoned.

Goapaet a vez ar spi ra d’emp gedal
Deus hon foaniou digoll en eur bed all ;
C’houi eo hon mamm, Santez Anna Wened,
Dalc’hit ’n he za fe goz ar Vrezoned.

Yezou neve, yezou deus a bep bro
D’hon brezoneg a glask rei ar maro ;
C’houi eo hon mamm, Santez Anna Wened,
Diwallit mad yez kaer ar Vrezoned.

Diwar benn liv ha diwar benn gériou
E sav brezel war maez hag er c’hêriou ;
C’houi eo hon mamm, Santez Anna Wened,
Grit ma chomo breudeur ar Vrezoned ;

Ma ’n em gavimp, eun devez da zonet,
Da virviken eürus hag unanet
En dro d’hon mamm, Santez Anna Wened,
Er baradoz, gwir vro ar Vrezoned !

————