Kan emgleo ar Varzed

Eus Wikimammenn
Sauter à la navigation Sauter à la recherche
Armorica, 1935  (p. 7-8)



KAN EMGLEO AR VARZED
————


(War don « Bro Goz ma Zadou »)



\version "2.18.2"
\relative c'{
  \key es \major
  \time 3/4
  \partial 4*1
  \override Rest #'style = #'classical
  ees4 g f ees | bes' aes g | ees' ees c8( d) | ees2 c4 | bes g ees | \break
  ees d ees | g f g | f2 bes4 | bes bes g8( aes) | bes4 bes c8( d) | \break
  ees4 ees c8( d) | ees2 c4 | bes g ees | f g\fermata f | ees2.~ | ees2. | \break
  bes'2.\fermata | ees2 r4 | bes g ees | ees( d) ees | f2 bes4 | bes2 g8( aes) | \break
  bes2 ees4 | ees2 c8( d) | ees2 c4 | bes g ees | f g\fermata f | ees2.~ | ees2 r4 \bar "|."
}
\addlyrics {
  Ni, bar -- zed a ga -- lon, ka -- romp hon ze -- lenn, Gant dou -- jans ha
  pre -- der sti -- gnomp he c’her -- den, Di -- wal -- lomp ne teu -- fê ga --
  nemp da de -- vel, Kâ -- nomp war -- ni be -- te mer -- vel. __
  Te -- lenn zan -- tel, te -- lenn ar -- vor, Dreist an drouz
  hag an a -- vel vôr, Son a -- tao da zer -- c’hel éñ -- vor.
}
\layout {
  indent = #00
  line-width = #135
}
\header { tagline = ##f }


Ni, barzed a galon, karomp hon Zelenn,
Gant doujans ha preder stignomp he c’herden,
Diwallomp ne teufê ganemp da devel,
Kanomp warni bete mervel.

Diskan :

Telenn zantel, telenn Arvor,
Dreist an drouz hag an avel vôr
Son atao da zerc’hel éñvor.

Evel kan ar môr braz douget d’an aochou,
Mouez Aouen Breiz-Izel dreist ar c’hantvechou
A deu d’emp hirnerzet gant barzed gwechall ;
Miromp outi da vont da fall.

Telenn zantel, etc…

Dre bark ar sperejou tolomp an hadenn,
Etre dec’h ha varc’hoaz skoulmomp ar chadenn,
Eur chadenn ha na vo birviken torret,
Mailhet gant daouarn Brezoned.

Telenn zantel, etc…

Gopr ebet na lore n’hon bo da c’hedal
Nemed goap ha dispriz a berz an dud all ;
Savomp eneb an dud galloud hon ene,
Eneb ar bed ar wirione.

Telenn zantel, etc…

Ne vefomp ken war dro pa vo da vedi ;
Met hon c’horf en douar lammo gant dudi
Mar teu dreist hon roudou karante da ren,
Mar vleunia Breiz war hon foultrenn.

Telenn zantel, telenn Arvor,
Dreist an drouz hag an avel vôr
Son atao da zerc’hel éñvor.