Adlennet eo bet ar bajenn-mañ
98
FOSTUS AN DOKTOR DAONET
hep arvar. Deus. Mefistofelez, deus da gas din keloù
drant a-berzh Lusifer. Ha n’eo ket c’hoazh hanternoz ?
Klevout a reer hanternoz o seniñ, Mefistofelez
a zeu tre.
Bremañ, ro din respont da vestr Lusifer.
MEFISTOFELEZ
Servijañ a rin Fostus keit ha ma vevo, ma fell dezhañ gwerzhañ e ene.
FOSTUS
Ha n’eo ket kollet va ene ?
MEFISTOFELEZ
E werzhañ a rankez a-zevri-kaer, dre ul lizher skrivet gant da wad. Setu aze gourc’hemenn Lusifer. Anez, ez an kuit.
FOSTUS
Chom, Mefistofelez. Met lavar din, pe vad a raio va ene d’az mestr ?
MEFISTOFELEZ
Kreskiñ e rouantelezh.
FOSTUS
Hag evit se hepken e tempt ac’hanomp ?
MEFISTOFELEZ
Da skañvaat hor poanioù e kollomp re all.
FOSTUS
Poanioù hoc’h eus eta ?
