Poanioù brasoc’h, Fostus, eget ma c’hellfes kompren ! Met lavar din, ne werzhi ket da ene ? Ne vin ket da vevel, da sklav, da reiñ dit kement a c’hellez c’hoantaat, ha muioc’h ?
Eo, Mefistofelez, kemer va ene.
Neuze, Fostus, toull da vrec’h hep spont, da ouestlañ da Satan, d’an deiz merket, da ene. Hag e vi ken bras ha va mestr (a-gostez) evit ur pennad !
Sell, Mefistofelez, dre garantez evidout, gloazañ a ran, va brec’h, ha gant va gwad e ouestlan va ene da Lusifer, mestr ha rener an noz peurbadus ! Sell ! Emañ ar gwad o redek !
N’eo ket a-walc’h. Bremañ e rankez skrivañ.
Hag a rin. (O skrivañ). Met, Mefistofelez, sonnañ a ra ar gwad, ha ne c’hellan ken skrivañ.
Gortoz. Ez an da gerc’hat dit tan d’e deuziñ en-dro.
Mefistofelez a ya kuit.
Perak e sonn va gwad ? Nac’h a ra, moarvat,