Penaos ! Va ene d’an diaoul evit un tamm kig-dañvad kriz ! Nann, nann, va mignon. En anv ar Werc’hez, e rankfe an tamm kig-dañvad-se bezañ poazh, hag hilienn vat gantañ war ar marc’had. Ma paean ker, e rankan bezañ servijet !
Ne garfes ket dont da vevel ganin ?
Dont da vevel ganit ! Ha penaos e vefen paeet ?
Paeet mat e vefes. Pemp kant lur ar miz !
Bennozh Doue dit ! Ma rankan gortoz ar pemp kant lur-se, e vin debret a-raok gant al laou.
Debret e vi ganto, pe e chomez da c’hortoz pe ne rez ket. Met bremañ, va faotr, kuit a ziotachoù ! Deus da vevel ganin evit seizh vloaz, pe e troin ar c’hwen a zo war da groc’hen e leoned hag e tigred, ha neuze e vi debret a-zevri-bev.
Mar don debret a-zevri, ne vin ket debret bev.
Ma ! (O reiñ dezhañ arc’hant.) Dal ar gwenneion-mañ.
