Adlennet eo bet ar bajenn-mañ
107
FOSTUS AN DOKTOR DAONET
te hag ac’h eus kollet va ene paour ! Siwazh ! Re
ziwezhat eo ! Re ziwezhat !
An Ael Mat hag an Drougael en em
ziskouez adarre.
AN DROUGAEL
Re ziwezhat !
AN AEL MAT
Morse n’eo re ziwezhat.
AN DROUGAEL
Distro da Zoue, ha drailhet e vi e tammoù gant an diaouled.
AN AEL MAT
Distro da Zoue, ha ne c’hellint netra a-enep dit.
An Aelez a steuz.
FOSTUS
Jezuz-Krist, va Salver, ha saveteiñ a ri ac’hanon ?
SEIZHVET TAOLENN
Da vezañ c’hoariet dirak ar ouel.
ROBIN (o tont tre, ur pikol levr gantañ dindan e gazel).
O, o, o ! Un taol kaer am eus graet. Laeret em eus unan eus levrioù an Doktor Fostus, hag e c’hellin gantañ ober traoù burzhudus. Bremaik e vo gwelet. Meur a unan ’zo er barrez ha na oar ket petra ’zo e gortoz evitañ !
Jakez a zeu tre.
JAKEZ
He, Robin ! Me ’zo bet o klask ac’hanout e-pad
