34 Hag an Aotrou a lavaraz da Voizez : Gra diou daolen vean evel ar re genta ; hag E skrivin var an taolennou ze ar giriou pere a oa var an taolennou kenta pere ec’h euz torret. 2 Ha bez prest euz ar beure ; ha pin, adaleg ar beure, var mnez Sinai ; en em dalc’h diraz Oun, var greac’h ar menez. 3 Mes ra na binio den ganez, ha memeuz ra n’en em ziskwezo den var ar menoz holl ; ra na beuro na denved, nag ijened zoken tost d’ar menez. 4 Moizez eta a reaz diou daolen vean evel ar re genta, hag a savaz mintin mad, hag a biniaz var menez Sinai, evel ma Hen doa an Aotrou gourc’hemennet dezhan ; hag e kemeraz en he zorn diou daolen vean. 5 Hag an Aotrou a ziskennaz er goabren, hag en em dalc’hez ganthan, hag a griaz hano an Aotrou. 6 Hag an Aotuou a dremenaz dirazhan, hag a griaz : An Aotrou, an Aotrou ! an Doue trugarezuz ha truezuz, gorrek da vont en koler, founuz en drugarez hag er fidelite, 7 pehini a vir he drugarez bete mil rumach, pehini a bardoun ar fallentez, ar c’hrim hag ar pec’hed, mes na zalc’h ket ar c’houpabl evit didamall ; pehini a bunis fallentez an tadou var ar vugale ha var bugale ho bugale, beteg an deirved hag ar bederved rumach. 8 Ha Moizez en em izelaez kerkent entrezek an douar hag en em stouaz ; hag e lavaraz : 9 Aotrou, da bedi a ran, mar em euz kavet trugarez dirag da zaoulagad, ma valefe an Aotrou en hon zouez ; rag eur bobl eo a c’houzouk reud ; ha pardoun hon fallente hag hon fec’hed, hag hon dalc’h evel da heritach. 10 Hag an Aotrou a respountaz : Setu, E ran eur gonvenans. Ober A rin, dirag da holl bobl, burzudou pere n’int ket bet groet var an douar holl, nag entouez pobl ebet ; hag an holl bobl entouez pehini en em gevez, a welo labour an Aotrou : rag ar pez ez an da ober ganez, a vezo eun dra euzuz. 11 Laka evez d’ar pez A c’hourc’hemennan d’id hirie. Setu, Ez an da gas kwit dirazout an Amorreaned, ar Gananeaned, an Hethianed, ar Ferezianed, an Hevianed, hag ar Jebuzianed. 12 En em vir da ober konvenans gant tud ar vro en pehini ez eez da vont, gant aoun na vefent eur pech en da greiz. 13 Mes diskar a refet ho aoteriou, terri a refet ho foltrejou, hag e troc’hfet ho skeudennou a Ashera. 14 Rag n’en em stoui ket dirag eun doue all, abalamour an Aotrou en em c’halv eun Doue jalous ; eun Doue oazuz eo. 15 En em vir da ober konvenans gant tud ar vro, gant aoun pa on em c’hastaouefont d’ho doueou, ha pa sakrififont d’ho doueou, unan benag na bedfet ac’hanout, ha na zebrfez euz he sakrifis ; 16 ha na gemerfez euz he verc’hed evit da vibien ; ha penaoz he verc’hed, euz en em loudouri d’ho doueou, na rafent ive d’az mibien en em loudouri d’ho doueou. 17 Na ri ket a zoueon teuet. 18 Miret a ri gwel ar bara hep goell. Dibri a ri enpad seiz devez ar baraou hep goell, evel ma Em euz gourc’hemennet d’id, en amzer miziou an tamoez ; rag en miziou an tamoez out eat kwit euz an Ejipt. 19 Kement a c’hân da genta a zo d’In Me, ha da holl chatal mal, kenta-ganet a golle hag a zenved. 20 Mes prenn a ri gant eun oan pe gant eur c’havrig kenta-ganet eun azen. Ha ma na brenez ket anezhan, e torri dezhan he c’houzouk. Prena a ri pep kenta-ganet euz da vibien ; ha n’en em diskwefer ket en gollo dirag va fas. 21 Labourat a ri c’hwec’h devez ; mes er seizvet deiz ec’h ehani ; ehani a ri, memeuz en amzer al labour hag ar vederez. 22 Miret a ri gwel ar sizunvechou en amzer ar c’henta frouez euz a vederez ar gwiniz ; ha gwel an eost, en fin ar bloaz. 23 Teir gweach ar bloaz an holl wersed ac’hanoc’h en em diskwezo dirag an Aotrou, an Aotrou, Doue Israel. 24 Rag Me a zizalc’ho ar boblou dirazout, hag Ec’h astennin da harzou ; ha den na c’hoantao da vro, pa binii evit en em diskwez, teir gweach ar bloaz dirag an Aotrou da Zoue. 25 Na ginnigi ket gant bara gôet goad ma sakrifis ; ha sakrifis gwel ar Pask na dremeno ket an noz beteg ar beure. 26 Digas a ri ar preuveudi euz a genta frouez an douar da di an Aotrou da Zoue. Na lakai ket da boazet ar c’havrik en leaz he vam. 27 An Aotrou a lavaraz ive da Voizez : Skriv ar giriou ma ; rag hervez dalc’h ar giriou ma Em euz groet konvenans ganez ha gant Israel. 28 Ha Moizez a oe eno gant an Aotrou daou-ugent devez ha daou-ugent nozvez ; na zebraz ket a vara ha na evaz ket a zour ; hag an Aotrou a skrivaz var an taolennou komzou ar gonvenans, an dek komz. 29 Ha, Moizez a ziskennaz a zivar menez Sinai, diou daolen an Desteni o veza en dorn Moizez, pehini a ziskennaz divar ar menez, Moi-
