Digerri a rez da zaouarn, hag int leuniet a vadou.
29 Ha kuza a rez-Te da fas ? Int kollet ;
Ha tenna a rez ho halen ? He varvont,
Hag he tistroont en ho foultren.
30 Ha kas a rez-Te da spered ?
Krouet int, hag he nevezez fas an douar.
31 Ra bado gloar an Aotrou da viken !
Ra en em laouenao an Aotrou en he oeuvrou !
32 Sellet a ra an douar hag he kren ;
Stoka a rez er meneziou hag he vogedont.
33 Kana a rin d’an Aotrou en keit ha ma vevin ;
Meuli a rin va Doue en keit ha ma padin.
34 Ra vezo kavet-mad va feden ganthan !
En em laouenai a rin en Aotrou.
35 Ra en em dec’ho ar bec’herien euz an douar,
Ha ra na vezo ken an dud fall !
Va ine, bennig an Aotrou !
Meulit an Aotrou !
1 MEULIT an Aotrou ; pedet he hano ;
Roet da anaout entouez ar boblou he oberiou bras !
2 Kanet dezhan, meulit hen ;
Komzet euz he holl vurzudou 1
3 Meulit he hano zantel ;
Ra en em laouenao kaloun ar re a glask an Aotrou !
4 Klasket an Aotrou hag he nerz ;
Klasket dalc’hmad he fas
5 Ho pezet sonj euz ar burzudou Hen deuz groet,
Euz he viraklou ha barnedigezou he c’henou ;
6 C’hwi, lignez Abraham, he zervicher,
Bugale Jakob, he re choazet
7 Hen eo, an Aotrou, pehini eo hon Doue ;
He varnedigezou a zo var an douar holl.
8 Sonj hen deve da viken euz he gonvenans,
Euz he bromese groet evit mil lignez ;
9 Euz ar marc’had a reaz gant Abraham,
Hag euz al le a reaz da Isaak,
10 Hag hen deuz fiziet en Jakob evit beza eur reol,
Da Israel evit beza eur gonvenans peur-baduz,
11 O lavaret : Me a roio d’id bro Kanaan ;
Loden ho c’heritach eo ; —
12 Pa ne oant nemert eun dornad tud,
Nebeut niveruz ha diaveziad er vro,
13 O vont euz a bobl en pobl,
Hag euz eur rouantelez entrezeg eur rouantelez all.
14 Na lezaz den d’ho gwaska,
Ha kastia a reaz rouane abalamour dezhei,
15 O lavarout : Na stoket ket euz var re eoliet,
Ha na ret ket a zrouk d’am frofeded !
16 Galvet Hen deuz var an douar ar gernez,
Ha torret holl harp ar bara.
17 Kas a reaz araog dezhei eun den ;
Josef a oe gwerset evel esklav.
18 Stardet he oe he dreid er chadennou,
Hag he vuez a oe lakeat en houarn ;
19 Beteg an amzer ma en em gavaz ar pez hen doa lavaret,
En pehini gir an Aotrou hen roaz da anaout.
20 Ar roue a gasaz d’hen delivra ;
Gouarner ar boblou a reaz he leuskel.
21 He lakaat a reaz da Aotrou en he di,
Ha gouarner euz he holl vadou ;
22 Evit chadenni en he c’hiz ar brinsed,
Ha kelen ar furnez d’he re gos
23 Neuze Israel a zeuaz d’an Ejipt ;
Jakob a choumaz en bro Kam.
24 Doue a lakeaz he bobl da niveri kalz,
Hag a lekeaz anezhan galloudusoc’h evit he enebourien.
25 Goude he chanjaz ho c’haloun, kement ken a gaschont he bobl.
Hag he rejont gaou bras d’he zervicherien.
26 Kas a reaz Moizez, he zervicher,
Aaron pehini Hen doa choaset.
27 Ober a rejont burzudou en ho c’hreiz,
Ha miraklou en bro Kam.
28 Kas a reaz an devalijen, hag a reaz an dic’houlou ;
Ha ne oent ket dizent euz he c’hir.
29 Chanj a reaz ho doureier en goad,
Hag He lekeaz ho fesked da vervel.
30 Ho douar a c’hrubuliaz a c’hleskered,
Bete en kampchou ho rouane.
31 Komz a reaz, hag amprevaned a zeuaz,
