Pajenn:Lay - Reflexionou christen var revolution Franç.djvu/105

Eus Wikimammenn
Aller à la navigation Aller à la recherche
Adlennet eo bet ar bajenn-mañ
— 101 —


Mes, petra a glêvàn-me ? Eur poeson lent ha yen
A red en ho coaziet hac a fix an termen
Eus ho puez innoçant ! Va dorn, arrêt amâ ;
An natur zo revoltet.... Achuomp da rima.

O Doue ! ne oun pelloc’h petra da reqeti,
Pe paciantet da zouffr, pe nerz d’en em venji ;
Gouscoude rêson, enor, justiç, ha conscianç,
Oll a eur voüez e criont ! Venjanç zo ret... Venjanç !

Ne gaffac’h qet eur famill var douar Breiz-Izel
Ne mâ en affliction. C’houi a goll ho puguel,
Me va zad, c’houi ho pried, hac eun all e vara ;
Pep-hini en e guever en deus calz da ouela.

En eur maleur qer commun e vije grêt goechal
Processionou publiq ha yuniou general ;
Güelet e vije bemdez ar bobl en ilisou
Prosternet bete’n douar ha beuzet en daelou.

Mes, n’o deus, ar Francisien, pelloc’h permission
D’en em gonsoli memes dre ar Religion.
Poent eo eta, va broïs, hac en tuont da goulz,
D’an oll redec d’an armou, pa n’o deus qen recours.

Mar boe biscoas eun dever d’ar bobl en em zevel,
Venjanç eta, Francisien ! poent eo en em disqüel ;
Pep christen a zo soudard, pa attaqer ar Fe,
Peb soudard a dle mervel da venji e Roue.

An oll zo interesset. Ar gaus a zo commun ;
Ne zeus mui da venaji na buez, na fortun ;
Ret eo en em disober, cousto dêc’h a gousto,
Eus adversourien Doue ha bourrevien ho prô.