Pajenn:Lay - Reflexionou christen var revolution Franç.djvu/104

Eus Wikimammenn
Aller à la navigation Aller à la recherche
Adlennet eo bet ar bajenn-mañ
— 100 —


Francisien, qerent, breudeur, ha christenien omp oll :
Güell eo distrei diveat eguet mont crenn da goll ;
Ha mervel evit mervel, mar deo necesser ze,
Gant guiton ar fleur-de-lis marvomp evit ar Fe.

Abaoue ma zeus ranqet caout recours d’an armou
Evit difen ar justiç ha poursiou ar c’hrimou,
Biscoas caus lejitimoc’h ne voa bet difennet,
Biscoas ne voe da venji qellies a dorfet.

Ha possubl ve, Bretonet, e velfac’h en ho pro
Renia ar gouir Doue, dispen e auteriou,
Egorji e vinistret, tana, pilla, violi,
Ha chom croasiet ho tivrac’h hep en em opposi ?

Piou a velo, hep murmur, spolia e zanve,
Anlevi e vugale, dibobli e gontre ?
Ar Roue assassinet, an Dauphin er prison,
A rêr dezàn e broces qent usach e rêson.

O Louis ! va frinç yaouanq ! an nopla crouadur
Eus a raç ar rouane ! pebes displijadur
A meus-me eus ho qüe1et er prison o voela,
Én renq ar griminalet ! A boan oc’h eus deg vla !

Ho tad paour hac o mam guer, ho moereb vertuzus,
Eo eus ho huanadou ar sujet lamantus ;
Collet o deus o buez, hac ho lezet minor :
Ar Brovidanç e-unan a vo ho curator.

Sec’hit ho taelou, va mestr, hac êchuit ho caon,
Ni varvo, pe hep dale, ho tyrantet d’an traon
A zervicho da scabel dêc’h da vont var ho tron,
Da laqat rën ar justiç hac ar religion.