Pajenn:Kantikou brezonek eskopti Zan-Briek ha Landreger.djvu/16

KANTIKOU BREZONEK

————

N° 1. — War Brezans Doue.

Diskan : Ton N° 23.

O ma Doue, o ma Jezus,
En ho prezans me zo eürus,
Ha, gant ho kras, me vo nerzus,


1. Doue a wel ar pesket mud
   Er mor kuzet,
   Kouls hag an evnig war e glud
   D’an noz kousket. O ma Doue, etc.
   
   
2. N’euz ket en Env eur stereden
   Ha na welfe,
   Pe war an douar eur ioten
   Na anavfe.
   
   
3. Gwelet a ra, rog ma komzan,
   Ma zonjezon,
   Kement a ran hag a laran,
   Gwel evidon.
   
   
4. Pa zihunan euz ar beure
   E sell ouzin,
   Em ol labour a-hed an de
   Ema genin.
   
   
5. N’euz forz pelec’h enem gavan,
   Ti, park, pe brad,
   Warnon, o Doue, e santan
   Ho taoulagad.
   
   
6. En ho prezans, leun a zudi,
   Me a fell d’in,
   Ho karet hag ho serviji
   Pad ma vevin.
   
   
7. Neuze, raktal m’am bo treuzet
   Dor ar maro,
   Er Barados evit bepret,
   Me ho kwelo.
   

K. G. 1912

---

N° 2. — Ar Veni, Sancte Spiritus.

War don : Venez, venez, Esprit-Saint, N° 2.

1. Speret Zantel, ol ners ar bed kristen,
   Plijet genac’h enomp breman disken :
   A sklerijen karget hon sperejou
   A garante tomet hon c’halonou.