Adlennet eo bet ar bajenn-mañ
TOULL AL LAKEZ
————
- Laerez na miret madou den
- Gant gouiziegez na ri biken.
- Eur wech er bloaz da vihana
- E kofesaï hep nac’h netra.
D’an nao a viz eost, er bloaz pemp kant seiz ha daou-ugent,
goude maro hor Zalver Jezuz-Krist, war-dro teir heur goude
kreisteiz, tomm an heol ken a boaze, eur marc’heg, gantan war e
benn eun tok houarn, ha, war gern e dok houarn, eur pouchad [1]
teo a rubanou ruz, ker ruz hag ar glaou, a ziskenne d’an daoulamm
diwar-zu Ploueskat d’al lec’h m’eman breman Pont-Krist.
E varc’h a oa digor e fronellou evel dor eur fourn, hag ar fronellou-ze
a zivogede, evel pa vije bet an tan enno ; e zaoulagad a oa
- ↑ — Pouchad (ivez bouchad), touffe, amas.
