Pajenn:Heuriou brezonnec ha latin.djvu/509

Eus Wikimammenn
Sauter à la navigation Sauter à la recherche
Adlennet eo bet ar bajenn-mañ
489
Complidou epad ar bloaz.

Da vervel en ur groaz, e oe lequeet er bez.
Da zilaç an eneou el limbou e tisquennas,
Ha d’an trede devez a varo e ressuscitas :
Hac o veza pignet en eêvou glorius
Ec’h asez en tu-deou d’he Dad oll-galloudus.
Pa finisso ar bed, e tisquenno ac’hano
Gant majeste da varn an oll quen beo quen maro ;
Me gred ar Speret Glan, a so Doue ive,
Gant an Tad hac ar Map, tri ferson en un Doue.
Me gred c’hoaz an Ilis catholic hor mam santel,
Hac ar gommunion eus ar gristenien fidel,
Eus an oll bec’hejou ar guir remission,
Hac a gorfou an dud ar resurrection.
Cridi a ran erfin e zeuas peb droug ha tourmant,
Preparet d’an dud fall en tân eternellamant.
Hac ez eus er c’hontrol evit an dud santel
Preparet peb seurt mad er vuez eternel. Amen.

Er fæçon diaraoc e leverrot ho Complidou epad ar bloaz, exceptet da Basq ; rac adalec dissul Pasq bete dissadorn ar C’hasimodo e leverrot enfin ar salm diveza eus a Gomplidou, peder gueich an Alleluia, meulet ra vezo Doue ; ha goude-se o lesel an Hymn Te lucis ante terminum, ar chabistr bian hac an In manus hep ho lavaret, e teuot da gantic Simeon, en fin pehini e leverrot an Antifonen pe ar Recommandation-ma.

He-ma eo an deiz pehini
En deveus grêt hon Autrou-ni ;
En em rejouissomp enna,
O veuli Doue gant hor joa.

Hæc dies quam fecit Dominus : exultemus et lætemur in eâ.

Neuse e leverrot an Oræson Visita, quæsumus, hac ar rest evel ma ê merquet ama nao bajen diaraoc.



INSTRUCTION EVIT AR GOUSPEROU
commun eus ar sænt,

GOueliou ar sænt eo an deiziou pere a so consacret da Zoue gant an Ilis en memor hac en enor