7. — Mœz er plahik en dès laret — hoah ne ziméou quet,
Rac Jochim ag er Vatimant n’en dès chet hoah tennet.
8. — Rac Jochim ag er Vatimant — n’en dès chet hoah tennet.
Ne dennou quet memb er blai men meid a ben blai, me grèd,
9. — Mœz ne vern pegours é tennou — er blai-men pé goudé,
Ean e zou mab un intanvés, n’en dei quet t’en armé.
10. — Deit é neoah er hourhemen — kleuet ’mès el laret ;
E nemb e vou kouéhet soudard vou ret tehai monnet.
11. — Mæz Jochim ag er Vatimant — ô hannèh n’en dei quet :
En argand aveid hum dennein dehou ne vankou quet.
12. — Ya Jochim ag er Vatimant — en devou exemption,
Hag e chomou ér vro, dré men, tostik d’er plah Lueizon.
13. — Mæz chetui chomet Lueizon klan — klan bras ar hé gulé,
Ha Jochim d’hi guélet kentéh abréz zou oueit nezé.
14 — Ha d’oh bonjour, men dous Lueizon, — deit-on mé d’hou kuélet,
Ter Doué neoah, men dousik kér, ne mès konfort erbet.
15. — Ter Doué neoah, men dous Lueizon, — a pe selan ou fas,
Me larou d’oh er huirioné : n’en d’oh quet mui ur vraw.
16. — Jochim e hias d’é hén nezé, — hemb laret kenavo,
Ha biskoah de huélet Lueizon n’en dé mui deit én dro.
17. — Ha biskoah de huélet Lueizon — n’en dé mui deit goudé
Hag er plah iouank dilézet dé ha noz e ouilé.
18. — « Tawet Lueizon, ne chiffet quet, — arsawet a ouilein ;
« Mar karet m’hou kemérou mé, rac plijet e ret t’ein.
19. — « Ha hui e zei devout mæstréz, — mæstréz em melin deur,
« Ha me gontou d’oh pemb kand skouet én argand hag én eur.
20 — « Ya sûr gued-n-oh, dénik iouank, me vou mé diméet,
« Rac hui beh kin, m’er guél bremen, en dès bet me haret.
21. — Hag er plahik-hont e laré, — ha joéius ha koutant :
Me vou mé enta er væstréz é melin kerhorand.
22. — Hag a pe vein mé er væstréz — é melin kerhorand,
M’em bou mé ar mem boteu lér bloukeu kaër én argand.
