Pajenn:Buhez Santez Nonn.djvu/191

Eus Wikimammenn
Adlennet eo bet ar bajenn-mañ
136
buhez santez nonn.

Ma chapelet a coudet don
a guir calon ha deboner
pidiff sent spes han santeset
a grif parfet a coudet scler

deus pater ad Lethum.

Dit maruyen me a ordren net
monet breman na ehan quet
en bet parfet hep arretaf
digacc dam miret dre merit
maz vezo guell dre he dellit
ha maz vezo cuit Nonita

nonita.

Me so gant cozni difiet
claff off meurbet voar an bet man
ach autrou doe so guir roe bet
mervell so ret ha compret poan
Pret eo lesel splet en bet man
he hol souzan epep manyer
he hol glachar ha he doare
ha seruichaff doe guir roe ster
Achiuet eo flam ma amser
hac em esper ez prederaf
muy nem goulen da chom enhy
pret eo deffri dispartiaf
Ma guir nouen a goulenaf
quent dispartiaf guelaff ve
ha bout pr[e]sant oingnamantet