Pajenn:Bocher - Bleuniou Yaouankiz.djvu/74

Eus Wikimammenn
Mont d’ar merdeerezh Mont d’ar c’hlask
Adlennet eo bet ar bajenn-mañ
46
bez soudard, o breizad !



Na chilaou biken an aliou fall
E rofe d’it tud diskiant ha dall ;
Laret a refont : — « Serviji ar vro…
Petra ez eo ze ? Eun dra divalo ! »
An dud-ze a zo trubarded,
Skornet ez eo o gwad ;
Dirake zav da benn-kaled :
Bez soudard, o Breizad !

En amzer gwechall — Sell eus an histor —
Ar Vretoned koz… Oh ! mir oc’h Envor !
N’o deus bet biskoaz lezet an trubard
Da waska ar Vro hep he difenn stard ;
O disk gante harpa ar Gwir
En pep lec’h ha dalc’hmad,
Evelte ’z po eur galon dir…
Bez soudard, o Breizad !

Ha te a c’hallfe gwelet hep krena,
Troad an ermeziad warnout o koueza ?
Ha te a garfe gwelet an estren
Oc’h ober warnout en ez pro lezen ?
Kentoc’h evit se e rofez
D’ezi da vannac’h gwad :
— Ar Maro kent evit ar vez !
Bez soudard, o Breizad !