O soudard yaouank o vont da gwitâd,
Me wel daerou puilh en ez taoulagad,
Perak ’ta gouela ha kavout glac’har ?
Da vicher zo kaer, uhel ha dispar…
Sec’h da zaerou ha bez laouen,
Ankoua peb kalonad,
Kas pell diouit keun ha anken :
Bez soudard, o Breizad !
Aboue ma teus sonj ha ma teus skiant,
Da dammig bue zo tremenet drant,
Dindan skoazel dous tud karantezus,
Bet en ez kenver kên madelezus…
Arri da dro da vezan den,
Hirie chilaou ervad
Eus da Vam-Vro ar c’halvaden :
Bez soudard, o Breizad !
