Oberennoù damheñvel pe handelvoù all zo ivez, gwelout Ni ho salud, Rouanez an Aelez.
N° 34. — Ar Salve Regina.
War an ton N° 34.
|
- Ni ho salud, Rouanes an Ele,
C’houi zo hon Mam, ar Vam a drugare,
Hon ol douster, bue hag esperans,
Ni ho salud, gant kalz a reverans.
- D’ac’h-hu, Gwerc’hes, e kasomp hon feden,
Ni divroet ha ziouas ! pec’herien :
Ouzoc’h, Gwerc’hes, e kriomp er bed-ma,
Ni pere zo bugale da Eva.
- D’ac’h-hu bepret e tenn hon c’halonou,
D’ac’h e kasomp hon goelvan, hon daerou ;
Hon fians-ni zo en ho madeles,
En draouien-man leun a dristidiges.
- Rak-se pa ’z oc’h hon avokades ker,
En hon andret bepret dous ha tener,
Plijet genac’h distrei ho taoulagad
Warnomp-ni ol tud paour hag emzivad.
- Pa deui an de da guitat ar bed-man,
Raktal goude hon hirvoud divezan,
Diskoet d’imp, Mam vad ha truezus,
Er Barados, bizaj ho Mab Jezus.
- O Gwerc’hes zakr, meurbet karantezus,
O Gwerc’hes dous, meurbet trugarezus,
Ni ho suppli, klevet ouz hon feden,
Hon diouallet breman ha da viken !
|
