Zonjomp d’ar gentan dizenes

Eus Wikimammenn
Sauter à la navigation Sauter à la recherche
Eskopti Sant-Brieg ha Landreger
Ti René Prud’homme, 1924  (p. 45-46)


AR ROZERA

Ar Rozera a ziskoe d’imp, e pemzek mister, ar pez a zo bet a gaeran e buez ar Werc’hes hag he Mab divin, adalek Nazareth beteg ar Barados. Er pemp mister kentan e welomp joaiou Mam Doue epad bugaleaj Jezus. Ar pemb a geuz pe a c’hlac’har a zigas zonj d’imp euz poaniou ha maro hon Zalver, de Gwener ar Groaz ; hag ar pemp divezan, euz e c’hloar ha gloar e Vam zantel, goude ma oa resusitet.

N° 35. — Ar pemb Mister a Joa.
War an ton Eun Doue hepken adori, N° 35.


1. Zonjomp d’ar gentan dizenes
Er joa en devoa ar Werc’hes,
Pa voe gant an El zaludet
Da vezan Mam Zalver ar bed.


Diskan.
Ave, Ave, Ave Maria ;
Ave, Ave, Ave Maria.

2. En eil mister zellomp Mari
O kuitat he bro hag he zi,
Evit gwelet Elizabeth,
A douge zant Ian beniget.
Ave, etc.

3. En drede mister, hon Zalver
Zo ganet en eur c’hraou dister,
Hag a lavar d’imp distagan
Hon c’halon euz traou ar bed-man.
Ave, etc.

4. Er bevaret mister joaüs,
Ar Werc’hes gant he Mab Jezus
Enem ofr en Templ evidomp :
Gant-he da Zoue ’nem ofromp.
Ave, etc.

5. Er bempet mister, ar Werc’hes
A gavas goude tri deves
He Mab e kreiz an doktoret,
Letin a furnes hag a speret.
Ave, etc.