|
1. — Eutru duk a Nâned, é mén ma hou studi (ter),
Kassein hou merh de nôz de hobér hou kouvi ?
2. — Kassein hou merh de nôz de hobér hou kouvi,
Ar ul lestr, ar er mor, é mesk er verdeidi[1] ?
3. — — Bonjour d’oh, capitén, deit on d’hou kouviein,
A berh me mam, me zad, de zont te goéniein.
4. — E ma en dudchentil doh hou kortôz ér sâl,
Er sonerion joéius hou koulen de zansâl.
5. — — Antréet, plah iouank, abarh ém batimant,
Hui huélou me sleinaj ha me luéieu argand.
6. — Hui huélou me hampreu penaus é mant ciret,
Ha men guléieu kaër penaus é mant bordet.
7. — Linsellieu ar nehai groeit a lién-Holland,
Ha lanjérieu nehué goarniset gued argand.
8. — Merh en duk a Nâned, pen doh deit t’em guélet,
Hui e zaibrou un tarn, doh me zaul azéet.
9. — — Capitén, ar hou lestr chom pêloh n’hellan quet ;
Ma n’en dan bean d’er guér, me zud e vou suéhet.
10. — — Merh en duk a Nâned, hui zou merh a noblans,
Mar kousantet neoah ni e hrei alians.
11. — — Nepas, mestr capitén, alians ne hrein quet,
Rac me zad ha me mam e vehé konaret.
12. — Capitén ag el lestr, mar doh dén a inour,
Lausket mé de zoarein pé hui e vou traitour.
13. — — Merh en duk a Nàned, dehuéhat huès konzet :
Arriw omb trihuèh leaw doh en doar a Nâned.
14. — Ha trihuèh, aral, hoah, é ma ret t’emb monet
Quént ma kavehemb doar, ma hellehemb querhet.
15. — Intron Varia Kergam,
Reit confort de me mam :
Ni dès quin merh meid on ;
Ah ! selet mén é on.
16. — Aveid on mé, mestr capitén,
Pe houiehen kol me inour,
Me n’hum daulehé ar me fen
Él léh dônan ag er mor.
17. — Nepas, plahig iouank, kement-cé ne hret quet,
Rac er marw ag er mor e zou ur marw kalet.
18. — En dondéd ag er mor n’hi dès chet hum daulet,
Mœz gued ur hlean argand hi dès bet hum drézet.
19. — — Tosteit, me soudardet, tosteit ol de huélet
Merh en duk a Nâned gued-n-emb dès hum lahet.
20. — Capitén ag el lestr, n’en domb quet t’oh suéhet :
Honnèh zou en dairved, gavamb gued-n-oh lahet.
|
