Me gleu ur voéh douç ha tinér

Eus Wikimammenn
Sauter à la navigation Sauter à la recherche



Ton : N° 12.

Me gleu ur voéh douç ha tinér
Hag e lar d’ein é peb momand :
Croaidur peur, é creis ha visér,
Sel doh-ein me zou ol-buissant.

O Mam santel,
Gùérhiès fidel,
Hui e houlen hur haranté,
O Mam santel,
Gùérhiès fidel,
Eit mat é omb hou pugalé.

Gùir-é, Satan dré é gounar
Ne hra peah erbet d’hun inean ;
Mæs n’en dès gùir joé ar en doar,
Er gùir joé n’en dé meit én nean.
O Mam Santel, etc.


O me hroaidur, guet confianç,
Lar d’em halon ha drebilleu :
Ya, me zoucei hemb doutanç,
Me zoucei ol ha boénieu.
O Mam Santel, etc.

M’inean, er voéh-cé amiabl
Zou boéh Mari Rouannès en né ;
Ah ! doh ur stad quet miserabl
Calon ur vam en dès truhé.
O Mam Santel, etc.

É huélèt quement a sourci,
Hà te chomou hoah ahurtet ?
Cheleu quêntoh doh boéh Mari,
Ha quênt pêl é vei consolet.
O Mam Santel, etc.

Na doucet-é, Mam truhéus,
Hou poéh aveit queih péherion !
Hi hul laqua de vout eurus,
Hi e rant er joé d’hur halon.
O Mam Santel, etc.

M. Maze.