Levenez ha glac’har

Eus Wikimammenn
Sauter à la navigation Sauter à la recherche
Moulerez Sant-Gwilherm, 1909  (p. 10-12)



Levenez Ha Glac’har
————



\score {
  \version "2.18.2"
  \relative c'{
    \autoBeamOff
    \override Rest #'style = #'classical
    \key f \major
    \time 2/4
    a'8. bes16 c8. a16 | bes4 g | a f | \break
    a8. bes16 c8. a16 | bes4 g | f2 \bar ":|." f8. g16 a8. bes16 | \break
    c4 d | d c | c8. bes16 a8. c16 | bes4 a | g2 | \break
    a8. bes16 c8. a16 | bes4 g | a f | a8. bes16 c8. a16 | \break
    bes4 g | f2 \bar "|."
  }
  \addlyrics {
    O! na kaer e oa an de -- wez
    Ma oant daou di -- rak Dou -- e An he -- ol a
    oa lu -- ger -- nus, An ev -- ned a ri -- cha -- ne,
    Dae -- ro, koulz ha doa -- nio ne -- c’hus, A oa pell -- pell
    a -- c’ha -- ne!
  }
  \addlyrics {
  E -- wit kât, er Bri -- e -- de -- lez,
  Ar c’hras a skoulm diou vu -- e!
  }
  \layout {
    indent = #00
    line-width = #125
    ragged-last = ##t
  }
  \midi { }
}
\header { tagline = ##f }


O ! na kaer e oa an dewez
Ma oant daou dirak Doue
Ewit kât, er Briedelez,
Ar c’hras a skoulm diou Tue !
An heol a oa lugernus,
An evned a richane,
Daero, koulz ha doanio nec’hus,
A oa pell-pell ac’hane.


Evurus oa an tiegez,
Kordan ’re ar c’halono,
Pa c’halvas ar wreg, eun dewez,
He fried dre e hano :
Daou ine, emei, ’zo breman
Em c’hreiz ewit da garout.
— Me boanio muioc’h, ’me heman,
Ewitan hag ewidout !

Kleier ar barouz, ’n o zour koant,
’Oe klewet nebeut goude,
O vrallan ’wit eur vadeiant,
Eur zulvez d’an abarde ;
Kalon ar g’rent a dridas....
Koulskoude ar paour kez tad
’Oa dambrest da lezel, siouaz,
E vugelig emzivad ! !

Ton : D’ar gwad pur a skuilh hon Zalver


Dre an hent o devoa pleustret,
O c’halon karget a joa,
Pa zistroent, de o eured,
Eus an iliz, eur bla ’oa,
An intanvez paour, mantellet,
A heuilhas, en eur ouelan,
Korf maro he fried karet,
Douget d’e ve diwezan.

Brevet he c’halon gant glac’har,
Mes soutenet gant he fe,
An intanvez paour dilavar
’Zo ’n he za e-tal ar be.
Skuilh a ra a-us d’an arched
Dour binniget ha daero....
Kenavo, emei, ma fried,
Kenavo, ken an Nenvo !


Distro d’ar ger, an intanvez
Ac’h a didrous da welet
Ar bugel maget gant he laez,
En e gavelig kousket.
Ouz e dal ’stok he muzelio ;
Ar bugel a zihun kren ;
’Wit ar wech kentan ’n e zello
Ar vam wel eur c’hoarzaden !…

————