An evrusted

Eus Wikimammenn
Sauter à la navigation Sauter à la recherche
Moulerez Sant-Gwilherm, 1909  (p. 12-13)



AN EVRUSTED
————


Petra a ra d’an den c’houezan,
Poanian dalc’hmad, c’hoarzin, gouelan ?
Eun draïg hepken : klask bepret,
Hep hen kavout, an evrusted.

Ya, keit ma pad ar veaj ver,
’Ra aman an den tremener,
E klask eun dra diflip dalc’hmad,
Ouz eun evn-goue henvel da vad.

Pa gav d’ean ’ve deut a-ben,
Gant kalz a boan, d’hen diarben,
An evnig goue, siouaz, ’ve pell,
Pell diouz e zorn, pell diouz e zell.

Gwelet ’ra ’nean o nijal
Diwar eur boud war enr boud all,
Eus eur ween e touez ar spern,
’Lec’h ’ve kuzet piko a vern.

’Lec’h hen tapout, alïes bras,
Eur pik a doul e zorn, siouaz !
Nag a dorn, nag a droad blonset,
O klask tapout an evrusted !


Tra zouezus eus evrusted
Kalon pep den he deus sec’hed,
’Mes biskoaz c’hoaz kalon n’eus bet
A levenez gwirion leuniet.

Ar pec’hed ’zo kiriek da ze,
Setu perak pep den a dle
Diwall dioutan. An evrusan
Eo an hini ’goue ket ennan !

————