Kanen gouil Yehan

Eus Wikimammenn
Sauter à la navigation Sauter à la recherche
Revue de Bretagne et de Vendée, 1897
◄   Er marhadour iouank Kan̄en gouil Yehan En oèd de ziméein   ►



KAN̄EN GOUIL YEHAN


————


Les partitions musicales sont temporairement désactivées.


« Me merh, mar det te sant Yehan, (ter)
« Ne hret ket goab ag er ré klan,

« Ne hret ket goab, hret ket déjan
« Ag’ré gouéh é droug sant Yehan.

— É Sant Yehan pe arriùas,
Ar varlen er groéz é choukas,

Ar varlen er groéz é choukas,
Ha d’hobér goab e n’hum lakas ;

Ha d’hobér goab, d’hobér déjan
Ag ’ré gouéh é droug sant Yehan,

Ag ’ré gouéh é droug sant Yehan,
Ben er fin oé hi er hoèhan.

Trihuèh serviet koarh[1] ar goarh
Hi dès bet ruget get hé nerh.


Trihuèh pautr iouank hi dès chuéhet
D’hi hass d’en Ilis beniget.

Hoah oé ret kavet hé dantér
Eit hi hass bedig en autér.

— « Eutru person, mar em haret,
« Difréet hou s’overen bred,
 
« Difréet hou s’overen bred,
« Ke me halon ne harzou ket,

« Ke me halon ne harzou ket :
« Droug sant Yehan zou’n droug kalet,

« Droug sant Yehan zou’n droug kalet,
« Doué revirou n’er gouiehèt.

— « O sant Yehan, me sant Patron,
« Lamet en droug a me halon,

« Lamet en droug a me halon,
« Ha me hrei d’oh un donézon,

« Ha me hrei d’oh un donézon,
« Er gèran vou én hou pardon :

« Ur groéz argand, ur baniél,
« Ur halice eur hag ur ciboér
 
« Ur halice eur hag ur ciboér,
« Ur guskemant de bep autér ;

« Hag ur hrouiz koér eit en lliz
« E hrei open tair zro fornis.

— É Sant Yehan hès ur boket,
N’en dé na ru na violet,

N’en dé na ru na violet,
Meit ag el liw get er hlinved.

É Sant Yehan hès ur fetan,
En hi é huellér d’er ré klan.

  1. Prononcez : Koerh ar goerh.